Htû̌sò̌htò̌ 101:3 - Kawyaw New Testament

³ Lǎ̤ma̤sǔma̤plě kòyò ayanu, he gènè̤tǒ̤ pe bǎtô̤̌. He sǎkhě kòyò dǒ a cǒ kû̌ ayô̤̌ tô̤̌nu. He sǎphlǒ glè̌ sô̌sô̌kû̌ asînu a ô̌ tôcǒ tô̤̌.

Kawyaw RC

³ La̤lòhǎlòho kò ayanu, he gènè̤to̤pe nòtò̤. He sò̌khě kòyò htě a cǒtè̤kû̌nǒ ayo̤ tò̤. Hesò̌phlǒ glè̌ sǒsǒkû̌ta asînu aǒ dǐcǎ꤮ tò̤.

Htû̌sò̌htò̌ 101:3 Iomraidhean Croise

Htû̌sò̌htò̌ 119:113

He sǎkhě kòyò dǒ asǎphlǒ wò̌wè̌ lûhtôlûlò̤nu. He mô̤nṳ̌ na ta̤sû̌ta̤tòwò.

Htû̌sò̌htò̌ 119:37

No kè̌khô̌kè he kû̌ ta̤ dǒ atṳ̌dè nutokhlǒ. Dǐ ô̌htûpwa̤ tě̤tě̤mè̤̌mè̤̌ he pô̤̌ nalě̤nayô̤̌ ô̌nu.

Htû̌sò̌htò̌ 125:5

Kòyò cû̌ dǒ klè̌sǔklè̌tò̤̌ akû tokhlǒ khû̌dayadě, Cǒmara tûjû̌pwa̤ wṳ̂̌hǎhtò̌ bò asî kû̌ pwa̤ma̤ ta̤phû̌mò̤̌shǐhtô pě. Sî Isôrě̤laphû̌ nǐ̤bǎ pû ta̤ô̌mô̤ô̌phi nî̌꤮.

Htû̌sò̌htò̌ 139:22

He sǎkhě mè̤̌caca asî, he bè̌ asî pô̤̌ pwa̤sǎkhě henu.

Htû̌sò̌htò̌ 14:3

Bǎbǎkǎlè kòyò pṳ̂̌꤮ tapwa̤ cû̌tephebò kû̌ Cǒmaradû̌. Asî htûkèbò kòyòphû̌mò̤̌. Kòyò dǒ a ma̤ ta̤wô̌nu a ǒpe tôpwǎ̤꤮ tô̤̌, tôkûtôpwa̤ pwǎnu, aô̌ tô̤̌.

Htû̌sò̌htò̌ 36:3

Ata̤hî̌buhî̌bǎnu còcè̌ ta̤phû̌mò̤̌shǐhtô, ta̤lòhô pwǎ. A wîkèbò ta̤sî̌ta̤jò̌, ta̤ma̤wô̌ta̤.

Htû̌sò̌htò̌ 39:1

He hî̌lò̤ ǐtû̌ henǎ̤ kû̌, “He ma̤ ta̤titètè̌ bǎbǎ, pô̤̌khô he ma̤si ta̤ tô̤̌nu, he gǔ sè̌rè̌ǐ he ta̤hî̌bǎ. “Dǒ kòyò sǎphlǒ phû̌mò̤̌shǐhtô tokhlǒ alô̤mô̤̌nu, he glè̌ pubǐǐ he khû̌phě.”

Htû̌sò̌htò̌ 40:4

Kòyò dǒ a sǎmǒhtò̌ǐ Cǒmara tûjû̌pwa̤ nutokhlǒ, kû̌ kòyò dǒ a kè̌shuǐ ta̤ma̤jè̌ dǒ pwa̤phǐdû̌phǐhtò̌yô̤̌ anǎ̤ nutokhlǒ a ô̌ tô̤̌, mè̤̌tô̤̌mî̌ kòyò dǒ a yṳ̌ǎ gû̌ kòyò Cǒmara dǒ asǔ nutokhlǒ tô̤̌ nutokhlǒ mî̌, kòyò dǒ a nǐ̤bǎ ta̤ǐshôwî̤.

Htû̌sò̌htò̌ 41:9

He sû̌khô dǒ he bǒsû̌khǎkhô mô̤nǐ̤ lû̌û kû̌ he yṳ̌ǎnṳ̌ lû̌û nutôpwa̤ bǎbǎ, a ǎcuôcu kû̌ he nutôpwa̤ bǎbǎ, a sǎyṳ shaǎlò̤kè hemi̤.

Htû̌sò̌htò̌ 78:41

Asî ma̤kè̌kè̌ lô̌khô Cǒmaradû̌ tôplǎ hto tôplǎ. Asî ma̤sǎphlǒdû̌ Îsôrěla a Cǒmaradû̌ dǒ aplò̌ashî̌ nutôpwa̤ tôhu hto tôhu.

Htû̌sò̌htò̌ 78:57

Asî sǎphlǒ lûkhô̌ kè, a gû̌ kû̌ ayô̤̌ tô̤̌, a sô̌sô̌kû̌ asîphiphu. Asô̌sô̌kû̌ plǎ̤ tegwe dǒ kòyò khǎ dě a lûcǒ tô̤̌.

Htû̌sò̌htò̌ 97:10

Ǒ kòyò dǒ a mô̤nṳ̌ Cǒmara tûjû̌pwa̤ sî, sǎkhě lô̌khô ta̤phû̌mò̤̌shǐhtô. Cǒmara tûjû̌pwa̤ kè̌pǒ̤ kòyò dǒ acǒ kû̌ ayô̤̌ tokhlǒ ata̤htûpwa̤. A ma̤hǎplǎge asî dǒ kòyòkhu phû̌mò̤̌ acǔdekû.

Matěo 5:28

Bǎbǎkǎlè he hî̌ sî, kòyò tôpwa̤pwa̤ dǒ a kè̌ pwa̤mǒ̤ dě a gènè̤ patǎnu, a cû̌ma̤sǔkèhto kû̌ pwa̤mǒ̤ nutôpwa̤ dǒ a sǎphlǒkû hǒ.

Rṳ̂̌me̤ 12:9

Mô̤khěmô̤khô̌ tǎ̤ kòyò tǎ̤mǎ̤ nî̌꤮. Sǎyṳ mô̤kla tǎ̤ ta̤phû̌mò̤̌shǐhtô tǎ̤mǎ̤ nî̌꤮. Dî̌klǎ měwô̌ lô̌khô ta̤wô̌ nî̌꤮.

Galatǐ 4:9

Bǎbǎkǎlè khònò̤̌ sî sî̌yahto Cǒmara hǒ. He gǔ hî̌ shapwǎ̤ sî kû̌ Cǒmara sî̌yahto sî hǒ. Ma̤titèdě sî sǎyṳ khlǐtikhîge pe dǒ hǎkhû̌běkhû̌ a ta̤mǎlò̤ tokhlǒ kû̌ alǎ̤bû̌lǎ̤klô tokhlǒ dǒ a khû̌shiǎjǎ dě abwǐsîrî ô̌tô̤̌ nutokhlǒ alǎ̤nu ma̤titè? Mî̌ sî sǎyṳ htûhtò̌ sô̌ asî ajû̌ ya?

Hebrǔ 10:39

Pa mî̌ kòyò dǒ a cû̌ tephekhô̌kè tokhlǒ, dě a cû̌tǒ̤ dǒ ta̤pî̌ta̤lṳ̂̌ pě nutokhlǒ mè̤̌tô̤̌. Pa mî̌ kòyò dǒ a yṳ̌ǎ ta̤ tokhlǒ dě a nǐ̤bǎ ta̤ma̤hǎplǎge tokhlǒ pě hǒ.

Petru ginǐ̤bǎ tabǎ 2:21

Dǒ asî ayanu, kè̌ a sî̌ganǎ̤bǎnô̌ ta̤tě̤ta̤mè̤̌ aklè̌ tôkhò̌꤮ tô̤̌ numî̌, awô̌khlo pě kû̌ a sî̌ganǎ̤ htodě a cû̌ wîkè ǐtûû̌ kò ta̤mǎlò̤ aplò̌shǐ dǒ kòyò ǐlò̤ htohǒ asî nutokhlǒ.

Yṳ̂ha awǐlǒ tôbǎ 2:19

Asî hǎhtò̌cû̌kè dǒ pakla hǒ. Asî hǒtokhlǒ numî̌ a ô̌plǒ mè̤̌mî̌ca kû̌ pa ta̤bǒsû̌khǎkhô lû̌nu mè̤̌tô̤̌. Asî kè̌ ô̌pagû̌ mè̤̌mî̌ca kû̌ pa hǒnumî̌ asî klè̌ ô̌plǒ nô̌ kû̌ pa pwǎ. Bǎbǎkǎlè asî hǎhtò̌cû̌kè dǒ pakla dě asî ata̤hǎhtò̌cû̌kènu, a dǔlè̌lṳ̌ lîtîklî̌kè hǒ kû̌ asî ô̌plǒ mè̤̌mî̌ca pe kû̌ pa tôpwa̤ tô̤̌ hǒ.