Hebrǔ 9:9 - Kawyaw New Testament

⁹ Ta̤nutokhlǒ mî̌ a sǎyṳ dǔlè̌lṳ̌khô̌ pa ta̤ma̤mǎnǎ dǒ pa htukha khònò̤̌kha tokhlǒ hǒ. A sǎyṳ nè̌lṳ̌hto pa kû̌ ta̤lṳta̤tòhtò̌ nutokhlǒ kû̌ ta̤phû̌ta̤wè̤ dǒ kòyò lṳhtò̌ a tokhlǒnu, a ma̤ mṳ̂̌plîphǔjò bǎ pwa̤ hè cubucabahtò̌ ta̤nutokhlǒ asǎphlǒ tô̤̌.

Kawyaw RC

⁹ Ta̤htǒotoǒ mî̌ a sò̌yṳ dǔlṳkhǒ pa ta̤ma̤dòǐ htě pa htukha khònò̤kha htǒotoǒ hǒ. A sò̌yṳ yṳ̂lṳ pa ta ta̤lṳta̤tò̌ htǒotoǒ ta ta̤phû̌ta̤li̤ htě kò lṳhtò̌ yǎ htǒotoǒnu, a ma̤ mṳ̂plîphǔjò bǎ pwa̤ hè subusabahtò̌ ta̤htǒo toǒ asò̌phlǒ tò̤.

Hebrǔ 9:9 Iomraidhean Croise

Rṳ̂̌me̤ 5:14

Sahtò̌ bǎ PhaAda ganǎ̤de Cǒmara ayô̤̌ tô̤̌ ahtukhanu, dě a tǒ̤dǒ Khûmṳ̂shě ahtukha nu, kòyò lǒ̤꤮ bò bǎsibò. Kòyò nutokhlǒ mî̌, a ma̤sǔ pô̤̌ PhaAda ma̤sǔnu mè̤̌tô̤̌ bǎbǎkǎlè asî bǎsi bò pwǎ. PhaAda mî̌ asô̌sô̌kû̌ Khrǐ dǒ a glè̌ hèlò̤pě nutôpwa̤ hǒ.

Galatǐ 3:21

Ma̤pô̤̌nudě ta̤sû̌ta̤tòwònu a ma̤tûkhû̌takǎ shěshu Cǒmara a ta̤olò̤ tokhlǒnu ya? A ma̤tûkhû̌takǎ shěshu tôcǒ꤮ tô̤̌. Ma̤titèhî̌dě ta̤sû̌ta̤tòwò hǒo, a kè̌ dǐô̌htò̌jò pa ta̤ô̌htûpwa̤ asa kè̌hî̌dě Cǒmara bè̌cǒbè̌tè̤ pa kû̌ pa jûlě̤phî̌yô̤̌ kû̌ ta̤sû̌ta̤tòwò tokhlǒ akhû̌khî pwǎ.

Hebrǔ 10:11

Pwa̤shû̌gǎ pṳ̂̌꤮ tôpwa̤nu, a bǎ ihtǒ ma̤ ta̤cubucaba a lǎ̤bû̌lǎ̤klô tokhlǒ pṳ̂̌ni̤ni̤꤮. Gûlǎ̤lǎ̤꤮ asî bǎ lṳhtò̌ tôplǎ hto tôplǎ. Ta̤lṳta̤tòhtò̌ tokhlǒnu a phî̌ tephekè jò kòyò ta̤sǔ tôcǒ꤮ tô̤̌.

Hebrǔ 11:19

PhaAbraha gènè̤ kû̌ Cǒmara gǔ ma̤htûpwa̤ getîkhî bò̌ pwǎ KhûIsè̌ pô̤̌nu. Kè̌ hî̌ mè̤mè̤̌ mî̌ a sô̌sô̌ kû̌ a nǐ̤bǎ getîkhî aphû̌khû dǒ ta̤si akû hǒ, ma̤titèhî̌dě Cǒmara kè̌ hî̌ tě̤tṳ lû̌tô̤̌ hî̌nu, a gǔ ma̤si mè̤mè̤̌ pwǎ aphû̌khû pwǎ.

Hebrǔ 5:1

Pwa̤shû̌gǎ ikǒdû̌lǒ pṳ̂̌꤮ pwa̤pwa̤nu, kòyò rû̌htò̌ a dǒ kòyòhǎkhû̌phû̌ tokhlǒ akla pwǎ, dě kòyò bè̌htò̌ yǎ dǒ a gǔ ma̤ bǎ Cǒmara ata̤ma̤ dǒ kòyò lǒ̤꤮ bò agûlǎ̤. A gǔ lṳhtò̌tòhtò̌ bǎ kòyò ta̤tokhlǒ, htokhôtô̤̌ pô̤̌khô kòyò tokhlǒ ta̤sǔ gǔ plûkè ayanu, a lṳhtò̌ bǎ kòyò ta̤phû̌ta̤wè̤ tokhlǒ dǒ Cǒmara a ô̌ pě.

Hebrǔ 7:11

Bǎ Cǒmara ǐ Yǔdaphû̌ tokhlǒ ta̤sû̌ta̤tòwò akhanu, a bè̌htò̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ nutokhlǒ a ô̌. Asî bǎ lṳhtò̌ bǎ kòyò pô̤̌ ta̤sû̌ta̤tòwò tokhlǒ ô̌nu. Le̤wǐphû̌ pwa̤lṳta̤phû̌ tokhlǒ ma̤ ata̤ma̤ tokhlǒ bǎbǎkǎlè pô̤̌khô kòyò gǔ htûhtò̌ kòyòcǒkòyòtè̤ ayanu, asî ma̤jòtô̤̌. Pô̤̌nudě Cǒmara bǎ no hèkhò tèplè̌ pwa̤shû̌gǎ dǒ ashǔshawa̤ tôpwa̤. Pwa̤shû̌gǎ tôpwa̤nu akhlialè gelò̤ dǒ Le̤wǐphû̌ dǒ akhlialè gelò̤ tutṳ̌ dǒ PhaArû a ô̌nu mè̤̌tô̤̌. Pwa̤shû̌gǎ tôpwa̤nu, asô̌sô̌kû̌ Malakhǐsedè̌ nuhǒ.

Hebrǔ 8:4

Bǎbǎkǎlè Yeshǔ dǒ a htû pwa̤shû̌gǎ ikǒdû̌lǒ tôpwa̤nu, bǎ a ô̌pe bǎ hǎkhû̌ akha, pwa̤shû̌gǎ dǒ a bǎlṳbǎtòhtò̌ pô̤̌ ta̤sû̌ta̤tòwò ô̌nu, a ô̌tû̌ akhû̌akhî, a htû kû̌ kòyò pwa̤shû̌gǎ tô̤̌.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.

Petru awǐlǒ tabǎ 3:21

Sî ju sînǎ̤ kû̌ shi numî̌, a dǔlè̌lṳ̌ kè̌lû̌mò̌mṳ shi dǒ Phanṳ̂̌a htukha nukû̌, Cǒmara ma̤hǎplǎge sî khònò̤̌ nupwǎ. Sî ju sînǎ̤ kû̌ shi numî̌ a cǔbò nǎ̤glǒ akwǐakrû̌nu mè̤̌tô̤̌. Mè̤mè̤̌tôkhônu, ta̤jushi numî̌ amè̤̌ ta̤olò̤ Cǒmara kû̌ sî gǔ ma̤ ata̤ dǒ ta̤sǎphlǒ ma̤mṳ̂̌plî akû pô̤̌nupwǎ. Yeshǔ Khrǐ si dě a htûpwa̤ getîkhî akhû̌akhî, sî ju sînǎ̤ kû̌ shi numî̌ a ma̤hǎplǎge sî pwǎ.