Hebrǔ 9:8 - Kawyaw New Testament

⁸ Dǒ ta̤nu akhû̌akhî, Yôla Plò̌shǐ Běcǎ dǔlè̌lṳ̌ bǎ pa kû̌, kè̌ kòyò noǎ ǐtûû̌ hǐphû̌dû̌ plò̌shǐ ali̤ hǒtômè hî̌dě klè̌lǎ̤nṳ̌ dǒ hǐphû̌ mè̤̌mî̌ca nutômè akûnu, a lûmô khôtô̤̌.

Kawyaw RC

⁸ Dě ta̤htǒo akhû̌akhî, Běcǎ sǎcahtǐ dǔlṳ bǎ pa ta, kò dè noǎǐ sadape hǐphû̌dû̌ cahtǐ ali̤ htǒotama hî̌mò̌nu klè̌la̤nṳ mè̤mè̤̌ dě hǐphû̌ cahtǐ htǒotama akûnu, a lṳ̂mo hǒtò̤.

Hebrǔ 9:8 Iomraidhean Croise

Lǔka 1:80

Bǎ Khûyṳ̂ha dû̌htò̌ akhanu, Yôla Plò̌shǐ Běcǎ ǐ yǎ ta̤shû̌ta̤sho. Bǎ a sahtò̌ ma̤lṳ̌ ata̤ma̤ dǒ Isôrělaphû̌ tokhlǒ a lômô̤̌ khôtô̤̌ akhanu, a cû̌ô̌ pwǎ dǒ lǒ̤mî̌shô̌kla akû pwǎ.

Jowǎ̤ni̤ 10:7

Pô̤̌nu akhû̌akhî, Yeshǔ hî̌ sô̌ kû̌, “He hî̌cǒcǒ sî, he mî̌ sû̌phû̌pô̤ a takhadekû hǒ.

Jowǎ̤ni̤ 10:9

He mî̌ takhakû hǒ. Kòyò lǒ̤bò dǒ a hènṳ̌ tutṳ̌ kû̌ he dǒ a mî̌ takhakû tokhlǒnu, a gǔ nǐ̤bǎ ta̤ma̤hǎplǎge pě. A gǔ hènṳ̌ hǎhtò̌ dě a gǔ kè̌shǐ a lǎ̤ǎshǎ agûlǎ̤ pě.

Jowǎ̤ni̤ 14:6

Dě Běcǎ Yeshǔ hî̌shěshu lû̌û kû̌, “He mî̌ klè̌ kû̌ ta̤tě̤ta̤mè̤̌ kû̌mî̌ ta̤htûpwa̤ hǒ. Ta̤ sûcû̌ kòyò dǒ pha aô̌mî̌ he nô̤̌pwǎ, a kè̌ cû̌ tutṳ̌ kû̌ he tô̤̌ nu, a cû̌tǒ̤ jò dǒ pha a ô̌ tôpwǎ̤꤮ tô̤̌.

Pwa̤nophû̌ 28:25

Bǎ asî sǎphlǒ lûkhô̌ kè lû̌û dě asî hǎhtò̌cû̌kè akhanu, Khûpò̌lǔ hî̌bǎ ayô̤̌ dǒnô̌kòlǒ tômû kû̌, “Yôla Plò̌shǐ Běcǎ hî̌bǎ tutṳ̌ kû̌ piwi̤pèshè Khûyashǎya dě a shôbǐǐ pa mǒ̤phaphiphu dǒ꤮ awǐnu tokhlǒ numî̌ a tôtǐ pwǎ.

Galatǐ 3:8

Lî̤plò̌shǐ hî̌nǎ hto dǒ něhǎněnô̤̌ kû̌, Cǒmara gǔ bè̌cǒbè̌tè̤ Yǔdaphû̌ mè̤̌tô̤̌ tokhlǒnu, kû̌ asî ata̤yṳ̌ta̤nǎ̤ akhû̌khî pě, a hî̌nǎ pô̤̌nu. Cǒmara alě̤ayô̤̌ dǐsî̌ganǎ̤wǐ ta̤sǎlě̤we̤kè dǒ PhaAbraha a ô̌ dě a hî̌ kû̌, “Dǒ nakhû̌nakhî dě, he gǔ ǐshowî̤lò̤ tutṳ̌ lǒ̤꤮ bò khlilèphû̌ tokhlǒ kû̌ na pě,” A hî̌ lû̌û pô̤̌nu.

Ěphěsu 2:18

Dǒ Khrǐ ma̤ bǎ hto dǒ paya dě Yôla Plò̌shǐ Běcǎ tôpwa̤꤮ nô̤̌ ma̤jè̌ bǎ tutṳ̌ pa akhû̌akhî, lǒ̤bò pa Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, pa hènṳ̌ dǒ Cǒmara alô̤mô̤̌ hǒ.

Hebrǔ 10:15

Pa sî̌ganǎ̤ kû̌ ta̤hî̌bǎ ayô̤̌ hǒtômû atô pwǎ. Ma̤titèhî̌dě, dǒ lî̤plò̌shǐ akûnu, Yôla Plò̌shǐ Běcǎ hî̌ sô̌sô̌ pô̤̌nu, dě a hî̌ kû̌,

Hebrǔ 3:7

Pô̤̌nudě Yôla Plò̌shǐ Běcǎ hî̌ kû̌, “Khò̌tini̤, sî kè̌ ganǎ̤de Cǒmara alě̤pwe̤htò̌ hî̌dě,

Hebrǔ 9:3

Hǐphû̌dû̌ a takhade lǎ̤nṳ̌nu kòyò cotě̤tṳbǐ kû̌ hugò̌pwǐ tôpṳ. Hugò̌pwǐ ô̌pe tôpṳ dǒ kòyò cobǐ tě̤tṳ̌kè dǒ alô̤mô̤̌ tôtô̤̌ dǒ kòyò kaǎ kû̌ gûlǎ̤plò̌shǐlǒnu tôtô̤̌.

Petru ginǐ̤bǎ tabǎ 1:21

Ma̤titèhî̌dě, piwi̤pèshè a ta̤shôbǐǐlṳ̌ tokhlǒ numî̌, a hè pô̤̌ kòyò sǎyṳ nohî̌nu mè̤̌tô̤̌. Asî shôbǐǐlṳ̌ bǎ kòyò ta̤we̤ta̤kè numî̌ a shôbǐǐlṳ̌ bǎ kòyò pô̤̌ Yôla Plò̌shǐ Běcǎ shôbǐǐ bǎ asî nupwǎ, dě ta̤we̤ta̤kè numî̌ a ô̌ dǒ Cǒmara a ô̌ hè.