Hebrǔ 9:7 - Kawyaw New Testament

⁷ Bǎbǎkǎlè dǒ ta̤plò̌shǐlǒnu tôtô̤̌ akûnu, a genṳ̌nǐ̤ pwǎtǒ̤ pwa̤shû̌gǎ ikǒdû̌lǒ nutôpwa̤ nô̤̌pwǎ. Tôněnu a nṳ̌pwǎ tôplǎ dě a bǎ phǐnǐ̤ sǐ dǒ a gǔ lṳhtò̌ kû̌ ta̤sǔ ayanu, kû̌ kòyò dǒ a gènè̤ tǒ̤tô̤̌ dě a ma̤sǔ tò̤̌ tokhlǒ ata̤sǔ aya.

Kawyaw RC

⁷ Pwǎ̤tadě ta̤cahtǐgutṳ̌ htǒo to̤to̤ akûnu, a nṳjò pwǎpǒ̤ pwa̤lṳhtò̌ta̤ hǐkǒdû̌gutṳ̌nu tapwǎ̤pa. Taněnu a nṳpwǎ taplǎpa dě a bǎ phî̌nṳ sǐ htě a glè lṳhtò̌ǐtû̌ ata̤sǔ aya htǒonu, ta kòyò htě a gènè̤ to̤tò̤ dě a ma̤sǔ te̤tò̤ toǒ ata̤sǔ aya.

Hebrǔ 9:7 Iomraidhean Croise

Htû̌sò̌htò̌ 19:12

Kòyò sî̌yajò bò tûû̌ ata̤sǔ tôpwǎ̤ tô̤̌. Ǒ Cǒmara tûjû̌pwa̤ ma̤hǎplǎ he kû̌ ta̤sǔ dǒ he sî̌ya tô̤̌ dě he ma̤sǔ nutokhlǒ.

Htû̌sò̌htò̌ 95:10

“Pô̤̌nudě hema̤yǒ̤ asî aně lǐ̤shi. “He hî̌ kû̌, ‘asî mî̌ kòyò dǒ acǒ kû̌ he tô̤̌. “‘Kòyò dǒ a ganǎ̤de heta̤mǎlò̤ tô̤̌nu,’ he hî̌nǎ pô̤̌nu.

Ěphěsu 4:18

Asî nutokhlǒ mî̌ a sî̌yaphlô bò̌ gû̌ kòyò ta̤tě̤ta̤mè̤̌ tô̤̌. Dǒ asî ikǒpwǐ̤ akhû̌akhî, a sî̌ganǎ̤ gû̌ lô̌khô kòyò Cǒmara aklè̌aklò tô̤̌, dǒ asî sî̌ya lô̌khô Cǒmara aklè̌aklò tô̤̌ akhû̌akhîdě, asî nǐ̤bǎ gû̌ kòyò ta̤htûpwa̤ asa dǒ Cǒmara ǐ nutô̤̌.

Hebrǔ 10:3

Bǎbǎkǎlè asî ata̤lṳtòhtò̌ tokhlǒnu, pṳ̂̌něně꤮ a dǐ gènè̤htò̌bǎsô̌ asî kû̌ a ta̤sǔô̌ pô̤̌nu pwǎ.

Hebrǔ 6:19

Pa ta̤kè̌shuǐnu asô̌sô̌kû̌ lǒ̤dû̌ dǒ a cî̌ ô̌kǔmě sǒkhlidû̌ dǒ pa ta̤htûpwa̤ aya tômè nuhǒ. Pô̤̌ pwa̤shû̌gǎ ikǒdû̌lǒ nutôpwa̤ nṳ̌cû̌ tûlû̌bò̌ kû̌ gò̌pwǐ pṳdû̌ dǒ kòyò jǒlò̤tě̤bǐ a dǒ ta̤lṳhtò̌ hôkû nutôpṳ, dě pô̤̌ a nṳ̌ tǒ̤ dǒ ta̤lǎ̤ aplò̌shǐ akûnu, pa ta̤kè̌shuǐ nî̌ a měgle, a tě̤tě̤mè̤̌mè̤̌, dě a sûnṳ̌ padô̌ tûû̌ pa dǒ Cǒmara alô̤mô̤̌ pô̤̌nudě.

Hebrǔ 7:27

A mî̌ asô̌sô̌kû̌ pwa̤shû̌gǎ ikǒdû̌lǒ dǒ ashǔshawa̤ nutokhlǒ mè̤̌tô̤̌. Pṳ̂̌ni̤ni̤ a lǎ̤lṳ̂ lṳhtò̌ wǐ tûû̌ ata̤sǔ tokhlǒ, htodě a lṳhtò̌ nô̌ bǎ kòyò dǒ ashǔshawa̤ tokhlǒ ata̤sǔ tokhlǒ pô̤̌nu mè̤̌tô̤̌. Bǎ a lṳhtò̌ anǎ̤ dǒ nò̌dò̌htǔlô̤ akhanu, a lṳhtò̌ pwǎ tôplǎ dě a htophlǔkè tûjû̌pwa̤ hǒ.

Hebrǔ 9:3

Hǐphû̌dû̌ a takhade lǎ̤nṳ̌nu kòyò cotě̤tṳbǐ kû̌ hugò̌pwǐ tôpṳ. Hugò̌pwǐ ô̌pe tôpṳ dǒ kòyò cobǐ tě̤tṳ̌kè dǒ alô̤mô̤̌ tôtô̤̌ dǒ kòyò kaǎ kû̌ gûlǎ̤plò̌shǐlǒnu tôtô̤̌.