Hebrǔ 9:25 - Kawyaw New Testament

²⁵ Pwa̤shû̌gǎ ikǒdû̌lǒ tôpwa̤nu, a bǎ phî̌nṳ̌ ta̤phû̌ta̤wè̤ asǐ dě a nṳ̌ dǒ ta̤lǎ̤ plò̌shǐlǒ nutôtô̤̌ pṳ̂̌꤮ ně bǎbǎkǎlè Khrǐ nî̌ a nṳ̌ lṳhtò̌ anǎ̤ tôplǎ hto tôplǎ pô̤̌nu mè̤̌tô̤̌.

Kawyaw RC

²⁵ Pwa̤lṳhtò̌ta̤ hǐkǒdû̌gutṳ̌ htǒotapwa̤nu, a bǎ phî̌nṳ ta̤phû̌ta̤li̤ asǐ dě a nṳ ta̤gûla̤ cahtǐgutṳ̌nu to̤to̤ pṳ̂̌taně pwǎ̤tadě Khrî̌stu htǒonu a nṳ lṳhtò̌ ana̤ taplǎ hto taplǎ hǐnu mè̤tò̤.

Hebrǔ 9:25 Iomraidhean Croise

Hebrǔ 10:10

Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:19

Pô̤̌nudě, he pṳ̌wè̤̌ sî꤮. Dǒ Yeshǔ asǐ akhû̌akhî, pa hènṳ̌ kû̌ ta̤sǎphlǒ khuhe dǒ ta̤lǎ̤ plò̌shǐ gutṳ̌ hǒtôplǎ mî̌ anǐ̤ hǒ.

Hebrǔ 9:12

Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Hebrǔ 9:2

Hǐphû̌dû̌nu a ô̌ ginǐ̤tô̤̌. Awǐ tôtô̤̌nu kòyò bè̌ǐ kû̌ mî̌tè̌kowǎ̤ tôkǔ, gògǒ htò̌yô̤̌ tôbǎ kû̌ mû̌ aplò̌shǐ dǒ kòyò bè̌htò̌ yǎ dǒ gògǒ htò̌yô̤̌ tokhlǒ. Hǒtôtô̤̌ numî̌ kòyò kaǎ kû̌ ta̤plò̌shǐ gûlǎ̤.

Hebrǔ 9:26

Kè̌ Khrǐ lǎ̤lṳ̂nṳ̌ sǎla̤la̤ pô̤̌nu kè̌hî̌dě, a tôbǎ khòlṳ̌ sǎla̤la̤ asǎphlǒ dǒ hǎkhû̌ htûhtò̌lû̌ akha pe a lǎ̤lṳ̂ khòlṳ̌ pô̤̌nutô̤̌. Khònò̤̌ bǎ hǎkhû̌ glè̌ phǔ꤮ gutṳ̌hǒ akhanu, a hè khòlṳ̌ pwǎ tôplǎ dě a htophlǔ bòhǒ. Dǒ a lṳhtò̌ anǎ̤glǒ kû̌ anǎ̤nu akhû̌akhî, a phî̌cû̌ tephekè kòyòhǎkhû̌phû̌ tokhlǒ ata̤sǔ tokhlǒ hǒ.

Hebrǔ 9:7

Bǎbǎkǎlè dǒ ta̤plò̌shǐlǒnu tôtô̤̌ akûnu, a genṳ̌nǐ̤ pwǎtǒ̤ pwa̤shû̌gǎ ikǒdû̌lǒ nutôpwa̤ nô̤̌pwǎ. Tôněnu a nṳ̌pwǎ tôplǎ dě a bǎ phǐnǐ̤ sǐ dǒ a gǔ lṳhtò̌ kû̌ ta̤sǔ ayanu, kû̌ kòyò dǒ a gènè̤ tǒ̤tô̤̌ dě a ma̤sǔ tò̤̌ tokhlǒ ata̤sǔ aya.