Hebrǔ 9:23 - Kawyaw New Testament

²³ Hǐphû̌dû̌ plò̌shǐnu kû̌ timǐtitè dǒ kòyò noǎ a kû̌ ta̤cubucaba aya tokhlǒnu, kòyò ma̤ kè̌lû̌mò̌mṳ kû̌ mǒkhû̌nu a timǐtitè tokhlǒ pwǎ. Timǐtitè ô̌dǒ akû pṳ̂̌꤮ tôcǒnu kòyò bǎ ma̤ mṳ̂̌plîbò a kû̌ ta̤phû̌ta̤wè̤ asǐ pô̤̌nu. Bǎbǎkǎlè mǒkhû̌ atimǐtitè mè̤̌mî̌ca tokhlǒnu, kòyò gǔ ma̤ mṳ̂̌plî a kû̌ ta̤lṳhtò̌ dǒ awô̌lǒ khlope kû̌ ta̤phû̌ta̤wè̤ asǐnu.

Kawyaw RC

²³ Hǐphû̌dû̌ cahtǐhtǒo ta ta̤kî̌ta̤kû̌ htě kò noǎ yǎta ta̤subusaba aya toǒnu, kò ma̤ kè̌mò̌mṳkû̌pwǎ mǒkhû̌htǒo a ta̤kî̌ta̤kû̌ toǒ. Ta̤kî̌ta̤kû̌ ǒ akû pṳ̂̌ tacǎnu kò bǎ ma̤ mṳ̂plîbò yǎta ta̤phû̌ta̤li̤ asǐ hǐnu. Pwǎ̤tadě mǒkhû̌ ata̤kî̌ta̤kû̌ mè̤mè̤̌ toǒnu, kò glè ma̤ mṳ̂plî yǎta ta̤lṳhtò̌ htě awǒkhlope ta ta̤phû̌ta̤li̤ asǐhtǒonu.

Hebrǔ 9:23 Iomraidhean Croise

Lǔka 24:26

Khrǐ tôbǎ khò ta̤jî̌ta̤jû̌ htodě a glè̌ cû̌nṳ̌ dǒ a ta̤bwǐdû̌sîrîhtû akû pě mè̤̌tô̤̌ ya?”

Lǔka 24:46

Dě a hî̌ asî kû̌, “Lî̤plò̌shǐ hî̌nǎ, Khrǐ glè̌ khòbǎ ta̤jî̌ta̤jû̌ pě htodě suni̤tôni̤ pěnu, a glè̌ ihtǒhtûpwa̤ gesô̌ dǒ ta̤si pě.

Jowǎ̤ni̤ 14:3

He cû̌ tîwî̌tòwò bǎ hto sî gûlǎ̤ tûkû pě dě he hè sô̌ dǒ sîô̌ pě. Pô̤̌khô sî gǔ ge ô̌plǒ kû̌ he bǎ he lǎ̤geô̌ agûlǎ̤ pěnu dě, he hè kaǎge sô̌ tûû̌ sî pě nî̌꤮.

Pwa̤nophû̌ 23:15

Pô̤̌nu akhû̌akhî, sî kû̌ Yǔdaphû̌ dǒ a htû ikǒlǒkò tokhlǒ wě̤cǒ lî̤ tôbǎ dǒ Rṳ̂̌me̤ kli tôrǐ aikǒdû̌ nutôpwa̤ a ô̌ dě hî̌ lû̌û kû̌, nosûge tîkhî sô̌ Khûpò̌lǔ dǒ sî ô̌nu. Dě nè̤̌ma̤ lôkhô pô̤̌ sî sǎyṳ sî̌ganǎ̤ dû̌htò̌pô̤̌ mè̤̌ca ta̤we̤ta̤kènu. Dě bǎ kòyò sûge tîkhî lû̌û dǒ klè̌lô̤ akha pěnu, pa tîwî̌tòwò nǎ tûû̌ panǎ̤ pě dě pa gǔ ma̤si shěshu a pě.”

Kòlòtè̌ 2:17

Ma̤titèhî̌dě, dǒwǐkhanu, Cǒmara ǐlò̤ ta̤sû̌ta̤tòwò, ta̤ma̤pwèma̤lû tokhlǒ dě lǒ̤bò ta̤ nutokhlǒ numî̌, asô̌sô̌kû̌ ta̤yô̤ǔ dǒ a dǔlṳ̌ kû̌ ta̤ glè̌ htûhtò̌ dǒ alô̤mô̤̌ hî̌tè pě nupwǎ. Anǎ̤běcǎ mè̤̌caca mî̌ Khrǐ pwǎ.

Hebrǔ 10:1

Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.

Hebrǔ 10:4

Ma̤titèhî̌dě pṳ̂̌phalô asǐ, pè̤̌ asǐ tokhlǒnu a phî̌ tephejòkè ta̤sǔ tîkî̌꤮ tô̤̌.

Hebrǔ 8:5

Hǐphû̌dû̌ plò̌shǐ dǒ pwa̤shû̌gǎta̤ tokhlǒ nṳ̌ma̤ ǐ lû̌û dǒ hǎkhû̌ tômè numî̌, a kè̌lû̌mò̌mṳ yǎ̤yô̤yǎ̤gî̌ Cǒmara a ta̤lṳhtò̌hô mè̤̌mî̌ca dǒ mǒkhû̌ nutômè pwǎ. Hǐphû̌dû̌ tômènu a mè̤̌mî̌ca mè̤̌tô̤̌, mè̤̌pwǎ dǒ mǒkhû̌ a mè̤̌mî̌ca nutômè a yômǔyôla pwǎ. Ma̤titèhî̌dě, bǎ Cǒmara noma̤htò̌ Khûmṳ̂shě hǐphû̌dû̌ dǒ hǎkhû̌ akhanu, a hî̌ lû̌û kû̌, “Gû̌ma̤ kè̌lû̌mò̌mṳ tě̤mè̤̌wô̌bǎ sô̌sô̌bò pô̤̌ na kè̌shǐ hto mǒkhû̌ ta̤lṳhtò̌hô ata̤yô̤ dǒ khôlôkhû̌ nunî̌,” Cǒmara hî̌ lû̌û pô̤̌nu.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.

Ta̤dǔlè̌nǎ 5:9

Asî sǎwǐ lî̤sǎwǐ asa tôshǒ kû̌, “Na gwǎgwè kû̌ na phî̌ lî̤tûlû dě kèè̌kè ta̤ma̤mǎma̤dòǐ tokhlǒnu. Ma̤titèhî̌dě kòyò ma̤si hto na akhû̌akhî, pô̤̌khô kòyò tokhlǒ gǔ htûhtò̌ Cǒmara atanu na ma̤hǎplǎge asî kû̌ nasǐ dě kòyòhǎkhû̌phû̌ tokhlǒkhlǒ dǒ a ô̌ bǎ kòyò plô̤̌ pṳ̂̌tôplô̤̌, yô̤̌ pṳ̂̌tôyô̤̌, kòyò pṳ̂̌tôcǒ kû̌ kòyò pṳ̂̌tôkhli akla tokhlǒnu, na ma̤hǎplǎge bǎ hto kû̌ Cǒmara hǒ.