Hebrǔ 9:19 - Kawyaw New Testament

¹⁹ Bǎ Khûmṳ̂shě hî̌lṳ̌ bǎ htobò kòyò pṳ̂̌꤮ tôpwa̤ kû̌ lǒ̤bò Cǒmara mǎnǎ a ta̤sû̌ta̤tòwò tokhlǒ akhanu, a phî̌ pṳ̂̌phû̌ sî asǐ kû̌ pè̤̌ sî asǐ dě a toklosada kû̌ shi, htodě a phî̌ sû̌phû̌shǔalî̤ dě a bǒmě kû̌ sǒphò dǒ kòyò kaǎ kû̌ Hǐsû̌phòphû̌ nutôphò akhi dě a tishǐ kû̌ lî̤ dǒ kòyò wě̤ kû̌ Cǒmara a ta̤sû̌ta̤tòwò tôbǎ, htokhôtô̤̌ a tishǐ bò kû̌ kòyò pṳ̂̌꤮ tôpwa̤.

Kawyaw RC

¹⁹ Bǎ Mǒ̤jè pwe̤ǐlṳhtobò bǎ kòyò pṳ̂̌ tapwa̤ ta Cǒmara mǎnǎbò a ta̤sû̌ta̤tòwò toǒ akhanu, a phî̌ pṳ̂phû̌ toǒ asǐ ta pè̤ toǒ asǐ dě a kloshîlo̤dǒ nû̌ûta shi, htodě a phî̌ sophû̌shû̌lî̤ dě a bǒmě nû̌ûta sǒphò htě kò kaǎ yǎta hyssop phòphû̌ htǒotòphò akhi dě a shǐ nû̌ûta lî̤ htě kò khwè̌nǎ yǎta Cǒmara a ta̤sû̌ta̤tòwò htǒo tabǎ, htohǒtò̤ a shǐnṳbò nû̌ûta kòyò pṳ̂̌ tapwa̤.

Hebrǔ 9:19 Iomraidhean Croise

Htû̌sò̌htò̌ 51:7

Phǐtephe bòkè he ta̤sǔ kû̌ Hǐsû̌lǎ dě he ma̤mṳ̂̌plî pě. Cǔbò mò̌ he, dě he bûsǔlǔkhlo shicòglǒ pě.

Matěo 27:28

Htodě asî plû̌htò̌kè Běcǎ Yeshǔ aje dě a sô̌htò̌ bǎ lû̌û jejû alî̤lǒso tôpṳ.

Mǎ̤riko 15:17

Asî ma̤yǒma̤lè pî̤jî̌ lô̌khô Yeshǔ dě sô̌htò̌ bǎ lû̌û jejû alî̤lǒso tôpṳ. Htodě asî hte te̤we̤ ta̤shî̌shô̌mṳ̌ sô̌sô̌kû̌ khû̌glû̌ nudě a glû̌htò̌ bǎ lû̌û.

Mǎ̤riko 15:20

Bǎ kliphû̌ tokhlǒ ma̤yǒma̤lè pî̤jî̌hto lû̌û dě asî plû̌tě̤kè tîkhîsô̌ jejû alî̤lǒso nutôpṳ dě a sô̌htò̌ tèplè̌ bǎ sô̌ lû̌û kû̌ aje nutôpṳ. Htodě asî kaǎhǎhtò̌cû̌kè lû̌û dě a glè̌ cû̌ htǎsihtò̌kè lû̌û dǒ nò̌dò̌htǔlô̤.

Jowǎ̤ni̤ 19:2

Kliphû̌ tokhlǒ hte te̤we̤ ta̤shî̌shô̌mṳ̌ sô̌sô̌kû̌ khû̌glû̌ nudě a glû̌htò̌ bǎ kû̌ Yeshǔ. Dě a sô̌htò̌ bǎ lû̌û jejû alî̤lǒso dǒ asô̌sô̌kû̌ khwǐ lǎ̤sô̌ tôpṳ htodě,

Jowǎ̤ni̤ 19:5

Běcǎ Yeshǔ glû̌htò̌ khû̌glû̌ ta̤shî̌shô̌ dě sô̌htò̌nṳ̌ jejû alî̤lǒsu tôpṳ dě a hǎhtò̌bǎ asî. Dě Khwǐpǐlǎ hî̌ asî kû̌, “Hǒolè, a mî̌ kòyò hǐnu tôpwa̤ hǒ.” A hî̌ asî pô̤̌nu.

Hebrǔ 1:1

Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 10:22

Pô̤̌nudě pa hèphǔ lô̌khô dǒ Cǒmara a ô̌ tǎ꤮. Pa gǔ hè kû̌ pa sǎphlǒ dǒ acǒatè̤, kû̌ pa ta̤yṳ̌ dǒ atě̤amè̤̌ nutokhlǒ tǎ꤮. Ma̤titèhî̌dě, pa sǎphlǒ a ta̤gènè̤ phû̌mò̤̌, pô̤̌khô a gǔ ma̤mṳ̂̌plî ayanu, kòyò cǔbò hto pa kû̌ Khrǐ asǐ hǒ. Htokhôtô̤̌ panǎ̤glǒ nî̌ kòyò cǔbò hto kû̌ shiplò̌shǐ hǒ.

Hebrǔ 10:4

Ma̤titèhî̌dě pṳ̂̌phalô asǐ, pè̤̌ asǐ tokhlǒnu a phî̌ tephejòkè ta̤sǔ tîkî̌꤮ tô̤̌.

Hebrǔ 12:24

Sî hètǒ̤ dǒ Yeshǔ a ô̌ hǒ. Ta̤olò̤ asa dǒ kòyòhǎkhû̌phû̌ kû̌ Cǒmara aplǎkûnu a htû bǎ pwa̤ma̤ta̤ dǒ aplǎkû tôpwa̤ hǒ. Htokhôtô̤̌ sî hètǒ̤ dǒ Běcǎ Yeshǔ asǐ lǎ̤sǐlò̤ agûlǎ̤ dǒ awô̌ khlo pe kû̌ Khûabelǎ asǐnu a ô̌ hǒ.

Hebrǔ 9:12

Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:13

Dǒ pa ta̤sû̌ta̤tòwò ali̤ akûnu, pè̤̌ sî kû̌ pṳ̂̌phalo sî asǐnu kû̌ pṳ̂̌phû̌ dǒ kòyò shû̌u htûhtò̌bò lû̌û kû̌ kûphǎ tokhlǒnu, kòyò bǎ plṳ̌ kû̌ kòyò dǒ a phû̌mò̤̌ kû̌ ta̤cubucaba alǎ̤klônu tôpwa̤ alô̤, ma̤titèhî̌dě pô̤̌khô anǎ̤glǒ gǔ mṳ̂̌plî dǒ akhlo tôkhô ayanudě, asî ma̤mṳ̂̌plî lû̌û pô̤̌nu.

Hebrǔ 9:18

Pô̤̌nu akhû̌akhî, pô̤̌khô ta̤olò̤ awǐ nutômû gǔ sahtò̌ ma̤ta̤ ayanu, a lǎ̤lṳ̂ ta̤phû̌ta̤wè̤ dǒ kòyò lṳhtò̌ lû̌nu asǐ.

Petru awǐlǒ tabǎ 1:2

Pha Cǒmara rû̌htò̌ sî pô̤̌ a ta̤yè̤lò̤nǎnu dě Yôla Plò̌shǐ Běcǎ ma̤plò̌shǐhtò̌ sî, pô̤̌khô sî gǔ ganǎ̤de Yeshǔ Khrǐ ayô̤̌ dě dǒ asǐ akhû̌akhî, a gǔ ma̤mṳ̂̌plî bǎ sî. Cǒmara ta̤bwǐta̤sîrî kû̌ sǎphlǒ ta̤gûjû̌kabǎ gǔ ô̌lǒô̌be pû kû̌ sî nî̌꤮.