Hebrǔ 9:16 - Kawyaw New Testament

¹⁶ Hî̌kûmṳ̂̌ lî̤ tôbǎ dǒ kòyò tôpwa̤pwa̤ kè̌ wě̤nǎ kû̌ kòyò nutôpwa̤ gǔ bè̌ kòyòsi nutôpwa̤ a û̌tě̤û̌ca numî̌, pô̤̌khô a gǔ nǐ̤bǎ û̌tě̤û̌canu, a bǎ dǔlè̌lṳ̌ kû̌ kòyò wě̤nǎ lî̤nu tôpwa̤ mî̌ a bǎ si htohǒ, pô̤̌nu.

Kawyaw RC

¹⁶ Hî̌kû̌nǎ lî̤ tabǎ htě kòyò tapwa̤pwa̤ dè khwè̌nǎ ta kòyò htǒotapwa̤ glè bè̌nṳ kòyòsinu tapwa̤ a û̌cata̤ya hî̌numî̌, ma̤pûhǐ a nî̤bǎ û̌cata̤ya htǒonu, a bǎ dǔlṳ nû̌ûta kòyò khwè̌ lî̤htǒo tapwa̤ mî̌ a bǎ sihtohǒ, hǐnu.

Hebrǔ 9:16 Iomraidhean Croise

Rṳ̂̌me̤ 5:12

Ma̤pô̤̌nudě, dǒ kòyò tôpwa̤ ganǎ̤de Cǒmara ayô̤̌ tô̤̌ akhû̌akhîdě, kòyò pṳ̂̌꤮ tôpwa̤ ma̤bò ta̤sǔ hǒ. Ta̤sǔta̤plě nunî̌ a dǐhtûhtò̌ ta̤si hǒ. Pô̤̌nudě dǒ ta̤sǔta̤plěnu akhû̌akhîdě, kòyò pṳ̂̌꤮ tôpwa̤ tôbǎ kè̌shǐ bò kû̌ ta̤si hǒ.

Rṳ̂̌me̤ 6:23

Ma̤titèhî̌dě, ta̤sǔ akhû̌akǎ mî̌ ta̤si. Bǎbǎkǎlè ta̤bwǐta̤sîrî asû dǒ Cǒmara ǐlò̤ kwe pa numî̌ yôla htûpwa̤ tûjû̌pwa̤ dǒ pa Běcǎ Yeshǔ Khrǐ akû nuhǒ.

Kôritu awǐlǒ tôbǎ 15:22

Kòyòhǎkhû̌phû̌ pṳ̂̌꤮ tôpwa̤ akhlialè lò̤tě̤ kalò̤ tutṳ̌ dǒ pa PhaAda a ô̌ akhû̌akhî, kòyò pṳ̂̌꤮ tôpwa̤ bǎ si bò pwǎ. Pô̤̌nudě, kòyò dǒ a htû kû̌ Khrǐ tôcǒ꤮ nô̤̌ tokhlǒnu, Khrǐ gǔ ma̤htûpwa̤ getîkhî lû̌û pě.

Hebrǔ 1:3

Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 13:20

Pô̤̌khô sî gǔ ma̤tôma̤bǎ ta̤pè̤̌ta̤dû a Cǒmara nutôpwa̤ asǎphlǒ nudě, ta̤wô̌ lǒ̤bò dǒ sî lṳ̂bǎ tokhlǒnu, a gǔ ǐ bòmǔtegle pû sî nî̌꤮. Dǒ Yeshǔ Khrǐ akhû̌akhî, Cǒmara gǔ ma̤ta̤ dǒ pakû pô̤̌ atô kû̌ asǎphlǒ nutokhlǒ nî̌. Cǒmara ma̤htûpwa̤ getîkhî hto pa Běcǎ Yeshǔ dǒ ta̤si hǒ. Dě dǒ Běcǎ Yeshǔ tṳ̌sikhòsi asǎphlǒ dě asǐ bǎ sǐlò̤ akhû̌akhî, a ma̤měma̤glekè hto Cǒmara a ta̤olò̤ asa dǒ a ô̌ tûjû̌pwa̤ nutômûhǒ. Dǒ a ma̤hto pô̤̌nu akhû̌akhî, Yeshǔ htû pa pwa̤kè̌sû̌phû̌ dǒ adû̌lǒ tôpwa̤ hǒ. Pa mî̌ asû̌phû̌ tokhlǒ hǒ. Kòyò gǔ ma̤bwǐdû̌ma̤sîrîhtû pû Yeshǔ Khrǐ tûjû̌pwa̤ talakhǎ nî̌꤮.

Hebrǔ 9:15

Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Hebrǔ 9:17

Kòyò dǒ a wě̤nǎ lî̤si nutôbǎ tôpwa̤nu, a kè̌ ô̌htûpwa̤ pepwǎ hî̌dě, lî̤nutôbǎ ma̤jò tôcǒ꤮ tô̤̌. Bǎbǎkǎlè htû̌꤮ a si htopědě kòyò nutôpwa̤ phî̌nṳ̌ nô̌ kòyòsi nutôpwa̤ a û̌tě̤û̌ca pwǎ.

Jǎgomo̤ 2:10

Mò̌pèpè̌ bǎbǎ a kè̌ ma̤sǔ ta̤sû̌ta̤tòwò tômû hî̌nu, a ma̤sǔ bòkè ta̤sû̌ta̤tòwò lǒ̤꤮ bò hǒ.