Hebrǔ 9:15 - Kawyaw New Testament

¹⁵ Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Kawyaw RC

¹⁵ Dě ta̤wi̤ta̤kè̌ htǒo akhû̌akhî, ta̤howi̤ tûjûpwa̤ htě Cǒmara olò̤htokè bǎ kòyò htě a kaǎ nû̌û toǒ nî̤bǎpě ayanu, Khrî̌stu phî̌hènṳ bǎ Cǒmara akòyò toǒ ta̤wṳ̂dò asa htǒotacǎ dě Cǒmara a ǒ hǒ. Ma̤pûhǐ Khrî̌stu htè̌ge ta plûhǎhtò̌ pelecû̌kè kòyò ǒ bǎ ta̤wṳ̂dò ali̤kla toǒ ayanu, a bǎ khòsikè asò̌. Dě a khòsi asò̌ akhû̌akhî, asî nî̤bǎbò̌kû̌ û̌cata̤ya, a ta̤howi̤homò̤ tûjûpwa̤ htě Cǒmara olò̤hto htǒotoǒnu hǒ.

Hebrǔ 9:15 Iomraidhean Croise

Htû̌sò̌htò̌ 37:18

Cǒmara tûjû̌pwa̤ sî̌ganǎ̤ kòyò dǒ ata̤sǔ ô̌tô̤̌ nutokhlǒ alṳmṳ̌ni̤. Asî û̌tě̤û̌ca ô̌měô̌gle wô̌ tûjû̌pwa̤ pě.

Matěo 19:29

Htokhôtô̤̌ mò̌pèpè̌ bǎbǎ, dǒ he akhû̌akhîdě a bè̌kè ahǐaphò bǎbǎ, apṳ̌awè̤̌ tokhlǒ bǎbǎ, amǒ̤apha bǎbǎ, aphû̌ali̤ tokhlǒ bǎbǎ, a gǔ nǐ̤bǎ dû̌wî̤khlo pe kû̌ a bè̌kè nutokhlǒ aplǎ dǒ ya̤kû pě, htodě a gǔ nǐ̤bǎ yôla htûpwa̤ tûjû̌pwa̤ pě.

Matěo 22:3

A nocû̌ kaǎhè ajû̌ nutokhlǒ kû̌mî̌ kòyò dǒ a mǎhèǎô lû̌û tokhlǒnu bǎbǎkǎlè asî hî̌shěshu lô̌khô kû̌, ‘tô̤̌, pa gû̌ hè kû̌ na tô̤̌.’

Matěo 25:34

“Bǎnuakha pěnu, khwǐ nutôpwa̤ gǔ hî̌ kòyò dǒ a cǔtômû tokhlǒ pě kû̌, ‘hèmò̌ lô̌khô, sî mî̌ kòyò dǒ a nǐ̤bǎ hepha a ta̤ǐshowî̤ tokhlǒ, hènṳ̌ phî̌wô̌ lô̌khô mǒkhû̌ shilǎ̤gǎkû dǒ amè̤̌kû̌ na û̌tě̤û̌ca dǒ kòyò tîwî̌tòwò nǎ bǎ sî dǒ mǒhtûlû̌ hǎhtûsa pě akhanu.

Matěo 25:36

Bǎ he ô̌koyo lǎ̤kûlǎ̤sô̌ akha, sî dǐkûdǐsô̌ he, bǎ heshǐhesha akha, sîkè̌ ǐ he. Bǎ kòyò dǒtě̤ he dǒ apô̤kû akhanu, sî hè ô̌lè he.’

Mǎ̤riko 10:17

Bǎ Yeshǔ sahtò̌ hǎhtò̌cû̌hto akhanu, kòyò tôpwa̤ khlè̌hè dǒ aô̌ dě a hè dô̌gînilò̤ dǒ alô̤mô̤̌ dě a gwè̌ Yeshǔ kû̌, “Ǒ꤮ sarawô̌, pô̤̌khô he gǔ nǐ̤bǎ yôla htûpwa̤ tûjû̌pwa̤ talakhǎ nudě, he tôbǎ ma̤kwè̌꤮ mî̌titè?”

Lǔka 18:18

Kòyò htû ikǒdû̌ tôpwa̤ gwè̌ Yeshǔ kû̌, “Ǒ꤮ sarawô̌꤮ pô̤̌khô he glè̌ nǐ̤bǎ gû̌kòyò yôla htûpwa̤ tûjû̌pwa̤ talakhǎ nudě, he tôbǎ ma̤kwè̌꤮ mî̌titè?”

Lǔka 22:20

Bǎ a ǎhtohǒ lṳmṳ̌hǎshǎǎ akhanu, a phî̌htò̌pô̤̌ bahǒo dě a ma̤ sô̌sô̌kû̌ pô̤̌ a ma̤ mû̌nu dě a hî̌ kû̌, “Hǒomî̌ hesǐ dǒ a ma̤glema̤mě ta̤olò̤ asa dě sǐlò̤ dǒ sîyanu hǒ.

Jowǎ̤ni̤ 10:28

He ǐ asî yôla htûpwa̤ tûjû̌pwa̤. A gǔ si pe tôkhò̌꤮ tô̤̌. Kòyò hè cî̌hǎhtò̌ jò pe asî dǒ he takhakû tôpwǎ̤꤮ tô̤̌.

Pwa̤nophû̌ 20:32

“Khònò̤̌nu, he ǐlò̤hto sî dǒ Cǒmara a ta̤kè̌ǐ akû kû̌ abwǐsîrî a ta̤sǎlě̤we̤kè akûnu hǒ. A ta̤sǎlě̤we̤kè nî̌ sǔ sǔ ama̤dû̌htò̌ jò sî dě a gǔ ǐ sî û̌tě̤û̌ca dǒ a bè̌dû̌ nǎ bǎ kû̌ a kòyò plò̌shǐ lǒ̤bò nutokhlǒ aya nupě.

Rṳ̂̌me̤ 5:10

Dǒ awǐkha numî̌, pa htû kòyò dǒ a sǎkhě Cǒmara tokhlǒ. Dǒ aphû̌khû tṳ̌sikhòsi anǎ̤ dǒ paya akhû̌akhî, a ma̤klaǐ tîkhî sô̌ kû̌ pa hǒ. Khònò̤̌ pa htû akhô hǒ. Pa sî̌ganǎ̤ tě̤tě̤mè̤̌mè̤̌ hto kû̌ pa hǎplǎbò̌ pwǎ kû̌ aphû̌khû a ta̤ô̌htûpwa̤ akhû̌khî nô̤̌ pwǎ.

Rṳ̂̌me̤ 5:6

Ma̤titèhî̌dě, bǎ pa ma̤jè̌ lò̤ jò pe panǎ̤ tô̤̌ akhanu, Yeshǔ Khrǐ hètṳ̌sikhòsi tôshětôkhǎ bǎ kòyòkhu kòyòhe tokhlǒ aya.

Rṳ̂̌me̤ 5:8

Bǎbǎkǎlè Cǒmara mô̤ǐ pa pwǐtè hî̌dě, bǎ pa htûpe pwa̤ma̤sǔphû̌ akha pe nudě, Khrǐ hètṳ̌sikhòsi anǎ̤ dǒ paya. Hǒomî̌ Cǒmara dǔlè̌lṳ̌hto pa kû̌ ata̤mô̤ panu hǒ.

Rṳ̂̌me̤ 6:23

Ma̤titèhî̌dě, ta̤sǔ akhû̌akǎ mî̌ ta̤si. Bǎbǎkǎlè ta̤bwǐta̤sîrî asû dǒ Cǒmara ǐlò̤ kwe pa numî̌ yôla htûpwa̤ tûjû̌pwa̤ dǒ pa Běcǎ Yeshǔ Khrǐ akû nuhǒ.

Rṳ̂̌me̤ 8:28

Kòyò dǒ a mô̤ǐ Cǒmara, dě Cǒmara kaǎ yǎ kû̌ ta̤yè̤lò̤nǎ aya tokhlǒnu, ta̤ma̤htûhtò̌ anǎ̤ kû̌ asî pwî̌tètè̌ bǎbǎnu, Cǒmara ma̤ bǎ ta̤wô̌ dǒ asî ayapwǎ numî̌, pa sî̌ganǎ̤ pwǎ.

Rṳ̂̌me̤ 8:30

Htokhôtô̤̌, kòyò dǒ Cǒmara bè̌lò̤nǎ hto asǎphlǒ kû̌ asî dǒwǐkha tokhlǒnu, a kaǎ asî dǒ a gǔ htûhtò̌kè a kòyò hǒ. Htodě kòyò dǒ a kaǎ tokhlǒnu, a bè̌cǒbè̌tè̤ hto asî hǒ. Htokhôtô̤̌ kòyò dǒ a bè̌cǒbè̌tè̤ hto tokhlǒnu, a ǐhto asî kû̌ a ta̤bwǐdû̌sîrîhtû tokhlǒ hǒ.

Rṳ̂̌me̤ 9:24

Pa mî̌ kòyò dǒ Cǒmara kaǎ pa tokhlǒ hǒ. A kaǎ tǒ̤ Yǔdaphû̌ tokhlǒ aklanu mè̤̌tô̤̌, dǒ Yǔdaphû̌ mè̤̌tô̤̌ tokhlǒ aklanumî̌, a kaǎǐ pwǎ.

Kôritu ginǐ̤bǎ tôbǎ 3:6

Pô̤̌khô pa gǔ sû̌ǐ shôbǐǐphlôbò̌ bǎ kòyò ta̤olò̤ asa ayanu, pwa̤ dǒ a ǐlò̤ pa ta̤sî̌ta̤jò̌ numî̌ Cǒmara hǒtôpwa̤ hǒ. Ta̤olò̤ asa dǒ a ǐlò̤ numî̌ asô̌sô̌kû̌ kòyò wě̤ ô̌ Khûmṳ̂shě a ta̤sû̌ta̤tòwònu mè̤̌tô̤̌. Ta̤sû̌ta̤tòwò asa numî̌ a gètè̤̌ nǎla̤ǐ Yôla Plò̌shǐ Běcǎ ma̤ta̤ dǒ pa sǎphlǒkûnu pwǎ. Pa kè̌ nǎla̤ǐ ta̤sû̌ta̤tòwò dǒ kòyò wě̤ô̌ numî̌ pa gǔ nǐ̤bǎ ta̤si pě, bǎbǎkǎlè Yôla Plò̌shǐ Běcǎnu a phǐhènǐ̤ bǎ pa sǎphlǒhtûpwa̤ tûjû̌pwa̤ hǒ.

Galatǐ 3:20

Pwa̤ma̤ta̤ dǒ aklǎmakû tôpwa̤mî̌ a ô̌ icu bò ginǐ̤khôginǐ̤gî̌. Cǒmara ǐlò̤ a ta̤olò̤ dǒ PhaAbraha a ô̌nu, a lǎ̤lṳ̂ kû̌ pwa̤ma̤ta̤ dǒ aklǎmakû tôpwǎ̤꤮ tô̤̌. Cǒmara olò̤ tû̌ tôpwa̤ nô̤̌ pwǎ.

Ěphěsu 1:7

Dǒ Khrǐ tṳ̌sikhòsi anǎ̤ dě asǐ sǐlò̤ akhû̌akhî, Cǒmara htè̌ge hto pa hǒ, dě a plûkè bò pa ta̤sǔ hǒ. Cǒmara abwǐsîrî nî̌ adû̌ayô̤̌ jî̌jî̌ dǒ paya hǒ.

Tîsalònǐ ginǐ̤bǎ tôbǎ 2:14

Dǒ pa shôbǐǐ bǎ sî ta̤sǎlě̤we̤kènu khû̌khîdě Cǒmara kaǎ hǒ sî pô̤̌nu hǒ. Ma̤titèhî̌dě pô̤̌khô sî gǔ nǐ̤bǎ Běcǎ Yeshǔ Khrǐ a ta̤bwǐdû̌sîrîhtû dě a kaǎ sî hǒ.

Tîmôte awǐlǒ tôbǎ 2:5

Ma̤titèhî̌dě Cǒmara ô̌pwǎ tôpwa̤ pwǎ̤꤮ nô̤̌. Htodě kòyò dǒ a ma̤pè̤̌ma̤dû bǎ sô̌ Cǒmara kû̌ kòyòhǎkhû̌phû̌nu a ô̌ tôpwa̤. A mî̌ Kòyòphû̌khû Yeshǔ Khrǐ pwǎ.

Tîmôte ginǐ̤bǎ tôbǎ 2:10

Pô̤̌nudě pô̤̌khô kòyò dǒ Cǒmara rû̌htò̌ lû̌û tokhlǒ gǔ nǐ̤bǎ ta̤phǔgekhò̌ge kû̌ ta̤bwǐdû̌sîrîhtû tûjû̌pwa̤ dǒ Yeshǔ Khrǐ akûnu dě, he sǎphlǒhtû bǎ asî pwǎ.

Tǐtǔ 1:2

Ta̤cǒta̤tè̤nu a ǐ asî ta̤kè̌shuǐ dǒ asî gǔ nǐ̤bǎ yôla htûpwa̤ tûjû̌pwa̤ talakhǎ aya hǒ. Bǎ hǎkhû̌ ô̌htûhtò̌ nò̌khôtô̤̌ akhanu, Cǒmara dǒ a lô̌ǐta̤ tôkhò̌꤮ tô̤̌ tôpwa̤nu, a olò̤ nǎ hto kû̌ a gǔ ǐ pa ta̤htûpwa̤nu hǒ.

Tǐtǔ 3:7

Cǒmara bè̌cǒbè̌tè̤ pa kû̌ abwǐdû̌asîrîhtû akhû̌khî hǒ. Pô̤̌nudě khònò̤̌ pa nǐ̤bǎ pa ta̤kè̌shuǐ dǒ a mè̤̌ yôla htûpwa̤ û̌tě̤û̌ca tûjû̌pwa̤ talakhǎnu hǒ.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 10:36

Pô̤̌khô sî gǔ ma̤tô pô̤̌ Cǒmara sǎyṳ noma̤ sînu, htodě pô̤̌khô sî nǐ̤bǎ a ta̤olò̤ dǒ a olò̤ hto sî tokhlǒ ayanu, sî bǎkhòsǎphlǒhtû lô̌khô.

Hebrǔ 11:13

Kòyò lǒ̤bò dǒ Cǒmara olò̤ dǒ a gǔ ǐ lû̌û hǒtokhlǒ nî̌ a yṳ̌ǎ gutṳ̌ Cǒmara tǒ̤dǒ a si lô̌khô nutôni̤. Ta̤ dǒ Cǒmara olò̤kè lû̌û dǒ a gǔ ǐ asî hǒtokhlǒ nî̌ a nǐ̤bǎ khôtô̤̌, bǎbǎkǎlè asî kè̌shǐnǎ wǐ yî̤̌ kèhǒ dě a sǎlě̤ phî̌shěshu nǎ wǐ ta̤olò̤ nutokhlǒ hǒ. Asî olò̤ lô̌khô kû̌ asî mî̌ a cû̌ htû shǐtè̤mè̤ dǒ kòshikògǎ pwǎ, dě asî hè ô̌kǔlǎ bǎ hǎkhû̌nu tòshò̌phû̌ pwǎ, a hî̌ lô̌khô pô̤̌nu.

Hebrǔ 12:24

Sî hètǒ̤ dǒ Yeshǔ a ô̌ hǒ. Ta̤olò̤ asa dǒ kòyòhǎkhû̌phû̌ kû̌ Cǒmara aplǎkûnu a htû bǎ pwa̤ma̤ta̤ dǒ aplǎkû tôpwa̤ hǒ. Htokhôtô̤̌ sî hètǒ̤ dǒ Běcǎ Yeshǔ asǐ lǎ̤sǐlò̤ agûlǎ̤ dǒ awô̌ khlo pe kû̌ Khûabelǎ asǐnu a ô̌ hǒ.

Hebrǔ 13:20

Pô̤̌khô sî gǔ ma̤tôma̤bǎ ta̤pè̤̌ta̤dû a Cǒmara nutôpwa̤ asǎphlǒ nudě, ta̤wô̌ lǒ̤bò dǒ sî lṳ̂bǎ tokhlǒnu, a gǔ ǐ bòmǔtegle pû sî nî̌꤮. Dǒ Yeshǔ Khrǐ akhû̌akhî, Cǒmara gǔ ma̤ta̤ dǒ pakû pô̤̌ atô kû̌ asǎphlǒ nutokhlǒ nî̌. Cǒmara ma̤htûpwa̤ getîkhî hto pa Běcǎ Yeshǔ dǒ ta̤si hǒ. Dě dǒ Běcǎ Yeshǔ tṳ̌sikhòsi asǎphlǒ dě asǐ bǎ sǐlò̤ akhû̌akhî, a ma̤měma̤glekè hto Cǒmara a ta̤olò̤ asa dǒ a ô̌ tûjû̌pwa̤ nutômûhǒ. Dǒ a ma̤hto pô̤̌nu akhû̌akhî, Yeshǔ htû pa pwa̤kè̌sû̌phû̌ dǒ adû̌lǒ tôpwa̤ hǒ. Pa mî̌ asû̌phû̌ tokhlǒ hǒ. Kòyò gǔ ma̤bwǐdû̌ma̤sîrîhtû pû Yeshǔ Khrǐ tûjû̌pwa̤ talakhǎ nî̌꤮.

Hebrǔ 2:14

Phû̌mǒ̤phû̌khû a kaǎ lû̌û tokhlǒnu, a ô̌ kû̌ anǎ̤glǒ sǐshi dǒ a sijònu akhû̌akhî, Běcǎ Yeshǔ hèlò̤ phî̌nṳ̌ kû̌ kòyò hǎkhû̌phû̌ anǎ̤glǒ dǒ a sô̌sô̌kû̌ kû̌ asînu. A htûhtò̌ sô̌sô̌kû̌ kòyòhǎkhû̌phû̌ akhû̌akhî, a si jò. Pô̤̌khô Yeshǔ gǔ ma̤pî̌kè hǎkhû̌tana dǒ kòyò kaǎ kû̌ Sehtô dǒ a ô̌ kû̌ a ta̤pô̤ta̤phǎ shû̌sho dǒ a pǒǐ ta̤si nutôdo ayanu, a tṳ̌sikhòsikè anǎ̤ hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 6:13

Bǎ Cǒmara olò̤ ayô̤̌ tômû kû̌ PhaAbraha akhanu, a wṳ̂̌dòlò̤ hto ayô̤̌ kû̌ a gǔ ma̤ pô̤̌ a olò̤nu. Kòyò dǒ adû̌khlo kû̌ lû̌ûnu a ô̌ tôpwǎ̤꤮ tô̤̌ akhû̌akhî, bǎ a wṳ̂̌dòlò̤ ayô̤̌ akha, a pô̤ ǐtûû̌ ami̤ pwǎ.

Hebrǔ 6:15

PhaAbraha ô̌pǒ̤ khòsǎdôǐ, dě dǒnô̌kònu a nǐ̤bǎ Cǒmara olò̤ lû̌yô̤̌ nutômû.

Hebrǔ 7:22

Ta̤olò̤yô̤̌ asa dǒ Cǒmara ma̤htûhtò̌ hto pa dǒ pa gǔ nǐ̤bǎ ta̤pi̤li̤ aya tômûnu, awô̌ khlope kû̌ ta̤olò̤yô̤̌ dǒ ali̤ nutômû, ma̤titèhî̌dě Cǒmara wṳ̂̌dòlò̤ hto ayô̤ pô̤̌nu akhû̌akhî, Yeshǔ mî̌ pwa̤ dǒ a gǔ ma̤lǒbe tě̤tě̤mè̤̌mè̤̌ bǎ pa ta̤olò̤ asanu tômû tôpwa̤ hǒ.

Hebrǔ 8:13

Cǒmara hî̌ kû̌ numî̌ ta̤olò̤ asa tôcǒ akhû̌akhî, a nohtûhtò̌kè ta̤olò̤ ali̤nu kû̌ a lǎ̤lṳ̂ petô̤̌. Ali̤alṳ̂ hǒ, kòyò lǎ̤lṳ̂pe lû̌û tô̤̌, dě yî̤khôtô̤̌ hî̌pě, a gǔ hǎmǎkè hǒ.

Hebrǔ 9:12

Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:16

Hî̌kûmṳ̂̌ lî̤ tôbǎ dǒ kòyò tôpwa̤pwa̤ kè̌ wě̤nǎ kû̌ kòyò nutôpwa̤ gǔ bè̌ kòyòsi nutôpwa̤ a û̌tě̤û̌ca numî̌, pô̤̌khô a gǔ nǐ̤bǎ û̌tě̤û̌canu, a bǎ dǔlè̌lṳ̌ kû̌ kòyò wě̤nǎ lî̤nu tôpwa̤ mî̌ a bǎ si htohǒ, pô̤̌nu.

Hebrǔ 9:28

Pô̤̌nudě pô̤̌khô Khrǐ phî̌cû̌ tephekè bò kòyò saprṳ̂ ata̤sǔ tokhlǒnu dě a khòlṳ̌ pwǎ tôplǎ pwǎ. A hè sô̌ pě bǎbǎkǎlè a hè phî̌cû̌ tephekè bǎ pa ta̤sǔ pěnu mè̤̌tô̤̌. A hè ma̤hǎplǎge kòyò dǒ a ô̌pǒ̤kè̌shǔ lû̌û nutokhlǒ pě pwǎ.

Jǎgomo̤ 1:12

Kòyò dǒ a khòsǎdô tokhlǒnu, htû̌꤮ a kè̌shǐ tṳ̌bǎ kû̌ ta̤pò̤̌ta̤sha ta̤tili̤tôlô̌ akhapěnu, a nǐ̤bǎ ta̤ǐshowî̤ pě. Ma̤titèhî̌dě bǎ asî ma̤pè̤̌kè hto ta̤pò̤̌ta̤sha ta̤tili̤tôlô̌ pô̤̌o akhanu, Cǒmara ǐ asî ta̤htûpwa̤ tûjû̌pwa̤ asû dǒ a olò̤ kû̌ a ǐ kòyò dǒ a mô̤ǐ lû̌û nutokhlǒ pě.

Petru awǐlǒ tabǎ 3:18

Ma̤titèhî̌dě Khrǐ tṳ̌sikhòsi bǎ pwǎ anǎ̤ dǒ kòyò ta̤sǔ aya tôplǎnô̤̌pwǎ dě ahtoaphlǔ bò hǒ, a lǎ̤lṳ̂ tṳ̌sikhòsi petô̤̌. Pô̤̌khô a gǔ sûcû̌ sî dǒ Cǒmara a ô̌ dě kòyò cǒtè̤ hǒtôpwa̤nu a hè tṳ̌sikhòsi hto kòyò ta̤sǔphû̌ tokhlǒ agûlǎ̤ hǒ. Kòyò ma̤si anǎ̤glǒ bǎbǎkǎlè Cǒmara ma̤htûpwa̤ getîkhîsô̌ a dǒ Yôla Plò̌shǐ Běcǎ akû.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ dě a kaǎ sî dǒ a ǐ sî kû̌ a ta̤sîrîdû̌sîrîhtû tûjû̌pwa̤ dǒ Yeshǔ Khrǐ akûnu pě. Bǎ sî khòbǎ ta̤jî̌ta̤jû̌ tòshò̌phû̌nu gǔ tûlû̌ htopěnu, Cǒmara anǎ̤běcǎ tû̌ a gǔ ma̤měma̤gle tònò gesô̌ sî pě, htodě a ǐshoǐshû̌htò̌ sîkhû̌sîǎ pě.

Yṳ̂ha awǐlǒ tôbǎ 2:25

Htodě Khrǐ anǎ̤běcǎ tûû̌ a olò̤ kû̌ a ǐ pa pě numî̌ yôla htûpwa̤ tûjû̌pwa̤ talakhǎ nuhǒ.

Ta̤dǔlè̌nǎ 5:9

Asî sǎwǐ lî̤sǎwǐ asa tôshǒ kû̌, “Na gwǎgwè kû̌ na phî̌ lî̤tûlû dě kèè̌kè ta̤ma̤mǎma̤dòǐ tokhlǒnu. Ma̤titèhî̌dě kòyò ma̤si hto na akhû̌akhî, pô̤̌khô kòyò tokhlǒ gǔ htûhtò̌ Cǒmara atanu na ma̤hǎplǎge asî kû̌ nasǐ dě kòyòhǎkhû̌phû̌ tokhlǒkhlǒ dǒ a ô̌ bǎ kòyò plô̤̌ pṳ̂̌tôplô̤̌, yô̤̌ pṳ̂̌tôyô̤̌, kòyò pṳ̂̌tôcǒ kû̌ kòyò pṳ̂̌tôkhli akla tokhlǒnu, na ma̤hǎplǎge bǎ hto kû̌ Cǒmara hǒ.