Hebrǔ 9:13 - Kawyaw New Testament

¹³ Dǒ pa ta̤sû̌ta̤tòwò ali̤ akûnu, pè̤̌ sî kû̌ pṳ̂̌phalo sî asǐnu kû̌ pṳ̂̌phû̌ dǒ kòyò shû̌u htûhtò̌bò lû̌û kû̌ kûphǎ tokhlǒnu, kòyò bǎ plṳ̌ kû̌ kòyò dǒ a phû̌mò̤̌ kû̌ ta̤cubucaba alǎ̤klônu tôpwa̤ alô̤, ma̤titèhî̌dě pô̤̌khô anǎ̤glǒ gǔ mṳ̂̌plî dǒ akhlo tôkhô ayanudě, asî ma̤mṳ̂̌plî lû̌û pô̤̌nu.

Kawyaw RC

¹³ Dě pa ta̤sû̌ta̤tòwò ali̤htǒo akûnu, pè̤ toǒ ta pṳ̂phatolo toǒ asǐ htǒo ta pṳ̂phû̌ htě kò shû̌gèhtûhtò̌bò nû̌û ta phǎ htǒotoǒnu, kò bǎ plṳ yǎta kòyò htě a hî̌bǎphû̌mò̤ ta ta̤subusaba ala̤klo htǒonu tapwa̤ alo̤, ma̤tè̤hî̌dě ma̤pûhǐ ana̤klû mṳ̂plî dě akhlo tokho ayanudě, asî ma̤mṳ̂plî nû̌û hǐnu.

Hebrǔ 9:13 Iomraidhean Croise

Htû̌sò̌htò̌ 51:7

Phǐtephe bòkè he ta̤sǔ kû̌ Hǐsû̌lǎ dě he ma̤mṳ̂̌plî pě. Cǔbò mò̌ he, dě he bûsǔlǔkhlo shicòglǒ pě.

Pwa̤nophû̌ 15:9

Cǒmara a ta̤kè̌shǐ numî̌ pô̤̌hî̌tè hî̌dě, Yǔdaphû̌ tokhlǒ kû̌ Yǔdaphû̌ mè̤̌tô̤̌ tokhlǒ numî̌ akhô̌ nô̌ lû̌û tocǒ꤮ tô̤̌. Dǒ asî yṳ̌nǐ̤nǎ̤nǐ̤ Cǒmara akhû̌akhî, a plûkè asî ta̤sǔ dě a ma̤mṳ̂̌plî gesô̌ asî sǎphlǒ.

Hebrǔ 10:29

Pô̤̌nudě sî gènè̤ kè̌mò̌ kòyò dǒ a hî̌ takǎ Cǒmara aphû̌khû hǒtokhlǒ, dě a wîkè lû̌û tokhlǒnu, Cǒmara gǔ cî̌htò̌ jî̌khlo asî pě. Htodě Khrǐ khòlṳ̌ asǎphlǒ dě a dǐ htûhtò̌ Cǒmara a ta̤olò̤ asa nuhǒ dě Khrǐ cǔbò pa kû̌ asǐ hǒ. Pô̤̌nudě kòyò dǒ a bè̌ lě̤dû̌pwî̤htû Khrǐ asǐ tô̤̌ tokhlǒnu, Cǒmara gǔ cî̌htò̌ jî̌khlo asî pě. Htokhôtô̤̌ kòyò hǒtokhlǒnu a hî̌ phû̌mò̤̌ Yôla Plò̌shǐ Běcǎ dǒ a ǐ asî ta̤bwǐta̤sîrî nutôpwa̤ akhû̌akhî, Cǒmara gǔ cî̌htò̌jî̌ khlo asî kû̌ kòyò dǒ a ma̤si Khûmṳ̂shě a ta̤sû̌ta̤tòwò nutokhlǒ pě.

Hebrǔ 10:4

Ma̤titèhî̌dě pṳ̂̌phalô asǐ, pè̤̌ asǐ tokhlǒnu a phî̌ tephejòkè ta̤sǔ tîkî̌꤮ tô̤̌.

Hebrǔ 9:19

Bǎ Khûmṳ̂shě hî̌lṳ̌ bǎ htobò kòyò pṳ̂̌꤮ tôpwa̤ kû̌ lǒ̤bò Cǒmara mǎnǎ a ta̤sû̌ta̤tòwò tokhlǒ akhanu, a phî̌ pṳ̂̌phû̌ sî asǐ kû̌ pè̤̌ sî asǐ dě a toklosada kû̌ shi, htodě a phî̌ sû̌phû̌shǔalî̤ dě a bǒmě kû̌ sǒphò dǒ kòyò kaǎ kû̌ Hǐsû̌phòphû̌ nutôphò akhi dě a tishǐ kû̌ lî̤ dǒ kòyò wě̤ kû̌ Cǒmara a ta̤sû̌ta̤tòwò tôbǎ, htokhôtô̤̌ a tishǐ bò kû̌ kòyò pṳ̂̌꤮ tôpwa̤.

Petru awǐlǒ tabǎ 1:22

Khònò̤̌dě dǒ sî jûlě̤phî̌ Cǒmara a ta̤sû̌ǐ a ta̤tě̤ta̤mè̤̌ tokhlǒ akhû̌akhî, sî ma̤mṳ̂̌plî sî sǎphlǒ dě sî htû kòyò dǒ a mô̤nǐ̤ mè̤̌mî̌ca pṳ̌wè̤̌ Khrǐphû̌ nutokhlǒ hǒ. Ma̤pô̤̌nudě mô̤ lǒ̤sû̌lǒ̤sò̌ kè̌khî lû̌û tôpwa̤ kû̌ tôpwa̤ nî̌꤮.