Hebrǔ 9:12 - Kawyaw New Testament

¹² Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Kawyaw RC

¹² Bǎ a cû̌nṳ lṳhtò̌ta̤ dě ta̤gûla̤ cahtǐgutṳ̌ htǒoto̤to̤ akhanu, a phî̌nṳ pè̤ toǒ asǐ, pṳ̂pha toǒ asǐnu mè̤tò̤. A nṳ lṳhtò̌ta̤ ayanu, a phî̌nṳtû̌ asǐ akhû̌akhî, a hènṳ pwǎ taplǎpa dě ahtoaphlǔkè hǒ, dě a ma̤lû̌htò̌ge pa tûjûpwa̤ hǒ.

Hebrǔ 9:12 Iomraidhean Croise

Mǎ̤riko 3:29

Bǎbǎkǎlè kòyò dǒ a pîjî̌ǐsho Yôla Plò̌shǐ Běcǎ nu Cǒmara plûkè bǎ ata̤sǔ tîkî̌꤮ tô̤̌. A ta̤sǔ nu a gǔ ô̌mějò tûjû̌pwa̤ talakhǎ pě.”

Lǔka 1:68

“Pa htû̌sò̌htò̌ wô̤̌wô̤̌ lû̌û Isôrěla a Běcǎ Cǒmara tǎ꤮. Ma̤titèhî̌dě a hè dǒ a kòyò tokhlǒ a ô̌ dě a hè ma̤hǎplǎge a kòyò hǒ.

Pwa̤nophû̌ 20:28

Kè̌ǐ kè̌khî tûû̌ lôkhô sînǎ̤ dě kè̌ǐ kè̌khî bò lô̌khô sû̌phû̌ dǒ Yôla Plò̌shǐ Běca ǐlò̤hto sî dǒ sî bǎ kè̌ǐ nutokhlǒ nî̌꤮. Htû lôkhô pwa̤ dǒ a kè̌ǐ asû̌phû̌sî nutokhlǒ nî̌꤮. Kè̌ǐ lôkhô Cǒmara a ta̤dòkû dǒ aphû̌khû pwî̤ge hto kû̌ asǐ sanǎ̤ nunî̌.

Ěphěsu 1:7

Dǒ Khrǐ tṳ̌sikhòsi anǎ̤ dě asǐ sǐlò̤ akhû̌akhî, Cǒmara htè̌ge hto pa hǒ, dě a plûkè bò pa ta̤sǔ hǒ. Cǒmara abwǐsîrî nî̌ adû̌ayô̤̌ jî̌jî̌ dǒ paya hǒ.

Kòlòtè̌ 1:14

Dǒ phû̌khûnu akhû̌akhîdě, Cǒmara ma̤hǎplǎge pa, htokhôtô̤̌ a plûkèbò pa ta̤sǔ tokhlǒ.

Tîsalònǐ awǐlǒ tôbǎ 1:10

Htodě Cǒmara aphû̌khû Yeshǔ dǒ apha ma̤ ihtǒ htûpwa̤ getîkhî sô̌ lû̌û dǒ ta̤si tôpwa̤ gǔ hèlò̤ sô̌, hǒtôpwa̤ a ô̌ dǒ mǒkhû̌ hèlò̤ pěnu sî ô̌pǒ̤kè̌shuǐ lô̌khô hî̌tènu asî hî̌ lǒ̤bò bǎ pa. Yeshǔ mî̌ pwa̤ ma̤hǎplǎge pa kû̌ Cǒmara a ta̤sǎphlǒdû̌ dǒ a gǔ cî̌htò̌ kòyò pěnu tôpwa̤ a cǔdekû hǒ.

Tǐtǔ 2:14

Pô̤̌khô a gǔ ma̤hǎplǎge pa dǒ ta̤phû̌mò̤̌shǐhtô lǒ̤꤮ bò tokhlǒ akû, htokhôtô̤̌ pô̤̌khô a gǔ ma̤ mṳ̂̌plî ge sô̌ pa dě pa gǔ htûhtò̌ a kòyò, kǎtô̤̌ pa gǔ sǎphlǒshû̌ ma̤ta̤ dǒ awô̌ tokhlǒ ayanu, a tṳ̌sikhòsi bǎ anǎ̤ dǒ paya hǒ.

Hebrǔ 1:3

Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 10:19

Pô̤̌nudě, he pṳ̌wè̤̌ sî꤮. Dǒ Yeshǔ asǐ akhû̌akhî, pa hènṳ̌ kû̌ ta̤sǎphlǒ khuhe dǒ ta̤lǎ̤ plò̌shǐ gutṳ̌ hǒtôplǎ mî̌ anǐ̤ hǒ.

Hebrǔ 10:4

Ma̤titèhî̌dě pṳ̂̌phalô asǐ, pè̤̌ asǐ tokhlǒnu a phî̌ tephejòkè ta̤sǔ tîkî̌꤮ tô̤̌.

Hebrǔ 13:12

Pô̤̌nudě pô̤̌khô Yeshǔ gǔ ma̤ plò̌shǐ kòyò hǎkhû̌phû̌ tokhlǒ kû̌ sǐ ayanu a bǎcû̌ tṳ̌sikhòsi anǎ̤ dǒ wî̤̌khlo tôkû.

Hebrǔ 5:9

Bǎ Khrǐ ganǎ̤de htobò Cǒmara ayô̤̌ pṳ̂̌꤮ tocǒ akhanu, a htûhtò̌ bǎbò kòyò dǒ a ganǎ̤de lû̌yô̤̌ nutokhlǒ a ta̤ma̤hǎplǎge ajû̌jû̌ apwa̤pwa̤ a kòshî̌gutṳ̌ hǒ.

Hebrǔ 7:27

A mî̌ asô̌sô̌kû̌ pwa̤shû̌gǎ ikǒdû̌lǒ dǒ ashǔshawa̤ nutokhlǒ mè̤̌tô̤̌. Pṳ̂̌ni̤ni̤ a lǎ̤lṳ̂ lṳhtò̌ wǐ tûû̌ ata̤sǔ tokhlǒ, htodě a lṳhtò̌ nô̌ bǎ kòyò dǒ ashǔshawa̤ tokhlǒ ata̤sǔ tokhlǒ pô̤̌nu mè̤̌tô̤̌. Bǎ a lṳhtò̌ anǎ̤ dǒ nò̌dò̌htǔlô̤ akhanu, a lṳhtò̌ pwǎ tôplǎ dě a htophlǔkè tûjû̌pwa̤ hǒ.

Hebrǔ 9:13

Dǒ pa ta̤sû̌ta̤tòwò ali̤ akûnu, pè̤̌ sî kû̌ pṳ̂̌phalo sî asǐnu kû̌ pṳ̂̌phû̌ dǒ kòyò shû̌u htûhtò̌bò lû̌û kû̌ kûphǎ tokhlǒnu, kòyò bǎ plṳ̌ kû̌ kòyò dǒ a phû̌mò̤̌ kû̌ ta̤cubucaba alǎ̤klônu tôpwa̤ alô̤, ma̤titèhî̌dě pô̤̌khô anǎ̤glǒ gǔ mṳ̂̌plî dǒ akhlo tôkhô ayanudě, asî ma̤mṳ̂̌plî lû̌û pô̤̌nu.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Hebrǔ 9:15

Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Hebrǔ 9:19

Bǎ Khûmṳ̂shě hî̌lṳ̌ bǎ htobò kòyò pṳ̂̌꤮ tôpwa̤ kû̌ lǒ̤bò Cǒmara mǎnǎ a ta̤sû̌ta̤tòwò tokhlǒ akhanu, a phî̌ pṳ̂̌phû̌ sî asǐ kû̌ pè̤̌ sî asǐ dě a toklosada kû̌ shi, htodě a phî̌ sû̌phû̌shǔalî̤ dě a bǒmě kû̌ sǒphò dǒ kòyò kaǎ kû̌ Hǐsû̌phòphû̌ nutôphò akhi dě a tishǐ kû̌ lî̤ dǒ kòyò wě̤ kû̌ Cǒmara a ta̤sû̌ta̤tòwò tôbǎ, htokhôtô̤̌ a tishǐ bò kû̌ kòyò pṳ̂̌꤮ tôpwa̤.

Hebrǔ 9:28

Pô̤̌nudě pô̤̌khô Khrǐ phî̌cû̌ tephekè bò kòyò saprṳ̂ ata̤sǔ tokhlǒnu dě a khòlṳ̌ pwǎ tôplǎ pwǎ. A hè sô̌ pě bǎbǎkǎlè a hè phî̌cû̌ tephekè bǎ pa ta̤sǔ pěnu mè̤̌tô̤̌. A hè ma̤hǎplǎge kòyò dǒ a ô̌pǒ̤kè̌shǔ lû̌û nutokhlǒ pě pwǎ.

Hebrǔ 9:7

Bǎbǎkǎlè dǒ ta̤plò̌shǐlǒnu tôtô̤̌ akûnu, a genṳ̌nǐ̤ pwǎtǒ̤ pwa̤shû̌gǎ ikǒdû̌lǒ nutôpwa̤ nô̤̌pwǎ. Tôněnu a nṳ̌pwǎ tôplǎ dě a bǎ phǐnǐ̤ sǐ dǒ a gǔ lṳhtò̌ kû̌ ta̤sǔ ayanu, kû̌ kòyò dǒ a gènè̤ tǒ̤tô̤̌ dě a ma̤sǔ tò̤̌ tokhlǒ ata̤sǔ aya.

Ta̤dǔlè̌nǎ 1:5

Sî nǐ̤bǎ pô̤̌ pû Yeshǔ Khrǐ dǒ a khòlṳ̌ cǒcǒtè̤tè̤ nutôpwa̤ abwǐsîrî kû̌ a ta̤gûjû̌kabǎ nî̌꤮. Kòyòsi dě a htûpwa̤ getîkhî aklanu, a mî̌ pwa̤ dǒ a htûpwa̤ wǐlǒ tôpwa̤ hǒ. A mî̌ pwa̤ dǒ a pǒ hǎkhû̌ akhwǐ tokhlǒ nutôpwa̤. A mî̌ a mô̤ǐ pa kǎtô̤̌ dǒ a si akhû̌akhî a ma̤hǎplǎge pa dǒ ta̤sǔta̤plě akû hǒ.

Ta̤dǔlè̌nǎ 5:9

Asî sǎwǐ lî̤sǎwǐ asa tôshǒ kû̌, “Na gwǎgwè kû̌ na phî̌ lî̤tûlû dě kèè̌kè ta̤ma̤mǎma̤dòǐ tokhlǒnu. Ma̤titèhî̌dě kòyò ma̤si hto na akhû̌akhî, pô̤̌khô kòyò tokhlǒ gǔ htûhtò̌ Cǒmara atanu na ma̤hǎplǎge asî kû̌ nasǐ dě kòyòhǎkhû̌phû̌ tokhlǒkhlǒ dǒ a ô̌ bǎ kòyò plô̤̌ pṳ̂̌tôplô̤̌, yô̤̌ pṳ̂̌tôyô̤̌, kòyò pṳ̂̌tôcǒ kû̌ kòyò pṳ̂̌tôkhli akla tokhlǒnu, na ma̤hǎplǎge bǎ hto kû̌ Cǒmara hǒ.