Hebrǔ 9:11 - Kawyaw New Testament

¹¹ Bǎbǎkǎlè khònò̤̌ Khrǐ hè htûhto pô̤̌ pwa̤shû̌gǎ ikǒdû̌ dǒ adû̌lǒkhlo kòyò tôpwa̤ nuhǒ. A phî̌hènṳ̌ bǎ pa ta̤wî̤ta̤wô̌ dǒ a ô̌ kû̌ pa khònò̤̌ tokhlǒ hǒ. A cû̌nṳ̌ hto dǒ hǐphû̌dû̌ dǒ adû̌khlo, a lǒbebò kû̌ kòyò ma̤nu tômè akûhǒ. Hǐphû̌dû̌ plò̌shǐnu, kòyò ma̤htò̌ǐ kû̌ acǔde tôpwǎ̤꤮ tô̤̌, kòyò bô̌lò̤ lû̌û mè̤̌tô̤̌tô̤̌, a ô̌ dǒ hǎkhû̌nu mè̤̌tô̤̌tô̤̌.

Kawyaw RC

¹¹ Pwǎ̤ta khònò̤htǒo Khrî̌stu hè htû pwǐ pwa̤lṳhtò̌ta̤ hǐkǒdû̌ htě adû̌khlo kò tapwa̤nu hǒ. A phî̌hènṳ bǎ pa ta̤wî̤ta̤wǒ htě a ǒ ta pa khònò̤htǒo toǒ hǒ. A cû̌nṳhto dě hǐphû̌dû̌ cahtǐ adû̌khlo, a lǒbekhlo ta kòyò ma̤nu tama akûhǒ. Hǐphû̌dû̌ cahtǐ htǒonu, kòyò ma̤ yǎta acǔde dǐpwǎ̤꤮ tò̤, kò bǒlò̤ nû̌û mè̤tò̤tò̤, a ǒ dě hǎkhû̌ bǎonu mè̤tò̤tò̤.

Hebrǔ 9:11 Iomraidhean Croise

Mǒhtûlû̌hǎhtûsa 49:10

Kò glè̌ phǐtephekè jò Khûyǔda ata̤shû̌ta̤sho tôpwa̤ tô̤̌, Htokhôtô̤̌ khwǐnò̌htô̌nu a glè̌ ô̌měô̌gle dǒ akhlialè tokhlǒ acǔdekû pě. Khûyǔda glè̌ pǒ tǒ̤dǒ khlilèphû̌ tokhlǒ phǐhè mò̌ lû̌û sû pě. Dě khlilèphû̌ tokhlǒ glè̌ bè̌dubè̌nǎ̤ bò lû̌û pě.

Htû̌sò̌htò̌ 40:7

He hî̌ kû̌, “Pô̤̌ kòyò wě̤nṳ̌ hewe̤hekè dǒ lî̤plò̌shǐ akû nu, ǒ he Cǒmaradû̌, hǒo he hè hǒ.

Matěo 11:3

“Na mî̌ Me̤shǐya dǒ piwi̤pèshè tokhlǒ hî̌nǎ kû̌ a gǔ hè pě nutôpwa̤ hǒ ya? Mè̤̌tô̤̌dě pa tôbǎ ô̌pǒ̤kè̌shuǐ pe dǒ ashǔshawa̤ hè pě ya?”

Matěo 2:6

Běcǎ hî̌ kû̌, ‘Ǒ꤮ Wî̤̌bè̌telehe, wî̤̌ ô̌ dǒ Gǎyǔda akû nutokhlǒ aklanu, na mî̌ wî̤̌ pî̌tî̌lǒ dǒ ami̤ lṳ̌hǔsǎ kû̌ kòyò tô̤̌ pô̤̌khônu mè̤̌tô̤̌. Ma̤titèhî̌dě pwa̤pǒta̤ tôpwa̤ dǒ a tagaǐ dě a gǔ nè̌klè̌nè̌klò he Isôrělaphû̌ nutôprṳ̂ ô̌htò̌ dǒ nakû pě.’”

Mǎ̤riko 14:58

“Pa ganǎ̤de a hî̌ kû̌, ‘he ma̤ lò̤tě̤pro̤kè ta̤lṳhtò̌hô dǒ kòyòhǎkhû̌phû̌ ma̤htò̌ nutômè dě suni̤ akûnu he gǔ bô̌htò̌ khô̌ dǒ ashǔshawa̤ tômè, dǒ kòyòhǎkhû̌phû̌ bô̌htò̌ kû̌ acǔde tô̤̌nu tômè pě,’ a hî̌ pô̤̌nu.”

Jowǎ̤ni̤ 1:14

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Jowǎ̤ni̤ 4:25

A hî̌shěshu Yeshǔ kû̌, “He sî̌ganǎ̤ kû̌ Me̤shǐya (dǒ kòyò kaǎ ami̤ kû̌ khrǐnu) gǔ hè pě, dě bǎ a hètǒ̤ pě akhanu, a gǔ hè shôbǐǐ bǎ pa ta̤lǒ̤bò pě, a hî̌ pô̤̌nu.”

Pwa̤nophû̌ 7:48

“Bǎbǎkǎlè Cǒmara dǒ adû̌lǒ nutôpwa̤ ahǐ dǒ kòyò hǎkhû̌phû̌ ma̤ kû̌ acǔde nî̌ a ô̌ lû̌ tô̤̌. Pô̤̌ piwi̤pèshè tôpwa̤ hî̌nǎ kû̌,

Kôritu ginǐ̤bǎ tôbǎ 4:18

Pô̤̌nudě, ta̤pò̤̌ta̤sha dǒ he kè̌shǐbǎ hǒtokhlǒnu, he bè̌dubè̌nǎ̤ nô̌ a tôcǒ꤮ tô̤̌. Ta̤ dǒ a ô̌ icumě dǒ he sǎphlǒkû tôcǒnu amè̤̌hǒ ta̤tôta̤wô̌ dǒ Cǒmara gǔ ǐ he pěnu pwǎ. Ta̤ dǒ pa kè̌shǐjò tokhlǒnu, a gǔ ô̌lṳ̌yî̤ pwǎ tashò̌phû̌nô̤̌ pwǎ, bǎbǎkǎlè ta̤ dǒ pa kè̌shǐjòtô̤̌ tokhlǒnu, a gǔ ô̌yî̤ tûjû̌pwa̤ pě.

Kôritu ginǐ̤bǎ tôbǎ 5:1

Pa nǎ̤glǒ dǒ asô̌sô̌kû̌ hǐ dǒ pa ô̌ ǐ a dǒ hǎkhû̌ hǒtômènu, htû̌꤮ kòyò ma̤pò̌kè a pěnu, a sǎyṳ hî̌ kû̌ htû̌꤮ pa si pěmî̌, pa sî̌ganǎ̤ kû̌ Cǒmara gǔ ma̤bǎ pa hǐsa amè̤̌kû̌ panǎ̤glǒ asa dǒ mǒkhû̌nu hǒ. A gǔ ma̤ kû̌ anǎ̤ dě hǐsa amè̤̌kû̌ panǎ̤glǒ asanu, a sijò pe tô̤̌, a gǔ ô̌měô̌gle̤ tûjû̌pwa̤ pě.

Kòlòtè̌ 2:11

Sî ô̌ dǒ Khrǐ akû akhû̌akhî, a sô̌sô̌ kû̌ sî dǔtṳ̌abě hǒ. Ta̤dǔtṳ̌abě mî̌ kòyò dǔ sî mè̤̌tô̤̌. Bǎ Khrǐ phǐhtò̌kè sî sǎphlǒ a ta̤sǎyṳsǎbǎ phû̌mò̤̌ tokhlǒ akhanu, a dǔtṳ̌ sîbě hǒ.

Hebrǔ 10:1

Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.

Hebrǔ 12:27

A hî̌ kû̌, “Ma̤pô̤̌ sô̌ pě,” yô̤̌mûyô̤̌sǎ mî̌, a shôbǐǐlṳ̌phlô kèhto kû̌ Cǒmara ma̤ guyṳ̌htò̌ bò ta̤bô̌lò̤ nutokhlǒ pě, dě a hǎmǎkè bò pě. A guyṳ̌ jòtô̤̌ tokhlǒ gǔ ô̌kè pwǎ ayanu, Cǒmara ma̤guyṳ̌ pô̤̌nupwǎ.

Hebrǔ 13:14

Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Hebrǔ 2:17

Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 4:15

Pa pwa̤shû̌gǎ ikǒdû̌lǒ nutôpwa̤ nî̌ a sî̌ganǎ̤ pa ta̤khû̌shiǎjǎ tokhlǒ dě a sǎyṳgwèbǎǐ pa. Ma̤titèhî̌dě a kè̌shǐ tṳ̌bǎ kû̌ ta̤tili̤tôlô̌ pṳ̂̌tocǒ pô̤̌ pa kè̌shǐ tṳ̌bǎnu bǎbǎkǎlè a ma̤sǔkû̌ ta̤ tô̤̌.

Hebrǔ 7:1

Malakhǐsedè̌ mî̌ Wî̤̌shale̤ akhwǐ tôpwa̤, dě a htû Cǒmara dǒ adû̌gutṳ̌ nutôpwa̤ a pwa̤shû̌gǎ tôpwa̤. Bǎ PhaAbraha cû̌shěpè̤̌ hto khwǐ sò̌lǐ̤ dě a ge dǒ klè̌lô̤ akhanu, Malakhǐsedè̌ cû̌ kè̌shǔǐ lû̌û dě ǐshowî̤ lû̌û.

Yṳ̂ha awǐlǒ tôbǎ 5:20

Pô̤̌khô pa gǔ sî̌ganǎ̤ kû̌ kòyò Cǒmara dǒ atô hǒtôpwa̤nu, pa sî̌yahto kû̌ Cǒmara aphû̌khû hè ǐ sî̌yaphlô bǎ pa hǒ. Pa ô̌ dǒ Cǒmara dǒ atô hǒtôpwa̤ kû̌ aphû̌khû Yeshǔ Khrǐ tôpwa̤ akû hǒ. A mî̌ Cǒmara dǒ atô tôpwa̤, htokhôtô̤̌ Cǒmara dǒ a ǐ kòyò yôla htûpwa̤ tûjû̌pwa̤ tôpwa̤.

Yṳ̂ha ginǐ̤bǎ tôbǎ 1:7

Pwa̤tili̤tôlô̌ kòyò ô̌lṳ̌htò̌ dû̌wî̤ dǒ hǎkhû̌nu hǒ. Yeshǔ Khrǐ hèlò̤ dǒ hǎkhû̌nu, a hè kû̌ kòyòhǎkhû̌phû̌ a sǐshiphěyî̌nu, asî nutokhlǒ mî̌ a olò̤ gû̌ kòyò tô̤̌. Kòyò dǒ a olò̤ kû̌ kòyò pô̤̌nu tô̤̌ tôpwa̤pwa̤ numî̌ a tili̤tôlô̌ kòyò hǒ, dě a mî̌ kòyò dǒ a sǎkhě Khrǐ nutôpwa̤ hǒ.