Hebrǔ 9:10 - Kawyaw New Testament

¹⁰ Ta̤lṳta̤tòhtò̌ hǒtokhlǒnu, a nǎla̤ǐ pwǎ ta̤cubucaba a lǎ̤bû̌lǎ̤klô tokhlǒ dǒ a hî̌ kû̌ hǒomî̌ ǎnǐ̤, hǒnumî̌ ô anǐ̤ tô̤̌, tôbǎ shǔbò nǎ̤ pô̤̌onu, a hî̌ nutokhlǒ hǒ. Ta̤sû̌ta̤tòwò numî̌ gû̌ ma̤ta̤ dǒ akhlo tôkhô pwǎ, a ma̤ tèplè̌jò sǎphlǒ tô̤̌. Nǎ̤glǒ phěyî̌ tôkhô, kòyòhǎkhû̌phû̌ bǎ gû̌ma̤ tǒ̤dǒ Cǒmara ma̤tèplè̌ bǎ asî klè̌ asa tôbô.

Kawyaw RC

¹⁰ Ta̤lṳta̤tò̌ htǒotoǒnu, a gètè̤ nǎla̤htò̌ǐ pwǎ ta̤subusaba a la̤klola̤bò̌ toǒ dě a hî̌ ta htǒomî̌ ǎyǎanî̤, htǒomî̌ oyǎanî̤ tò̤, tobǎ shǔbò na̤ pwǐhè̌o hǐnu, a hî̌ htǒonu toǒ hǒ. Ta̤sû̌ta̤tòwò htǒonumî̌ gûma̤ta̤ dě akhlo tokho pwǎ, a ma̤ tèlè̌jò sò̌phlǒ tò̤. Na̤klû phěyî̌ tokho, kòyòhǎkhû̌phû̌ bǎ gûma̤ to̤htû̌ Cǒmara ma̤tèplè̌ bǎ asî klè̌ asa tabo.

Hebrǔ 9:10 Iomraidhean Croise

Mǎ̤riko 7:4

Asî kè̌ ô̌ dǒ klǎ ge dě a kè̌ shǔbòmò̌ acǔde tô̤̌ hî̌nu, asî ǎô tocǒ꤮ tô̤̌. Htokhôtô̤̌ asî pṳ̂̌měǐ pe lǎ̤klô dǒ ashǔshawa̤ tokhlǒ nî̌ a ô̌ dû̌ pe. Kwè̌꤮ mî̌titè nu dě, asî cǔbò wô̌ shiba tokhlǒ, gopo̤ tokhlǒ, kû̌ batṳ̌balě tilibò sîtokhlǒ).

Galatǐ 4:9

Bǎbǎkǎlè khònò̤̌ sî sî̌yahto Cǒmara hǒ. He gǔ hî̌ shapwǎ̤ sî kû̌ Cǒmara sî̌yahto sî hǒ. Ma̤titèdě sî sǎyṳ khlǐtikhîge pe dǒ hǎkhû̌běkhû̌ a ta̤mǎlò̤ tokhlǒ kû̌ alǎ̤bû̌lǎ̤klô tokhlǒ dǒ a khû̌shiǎjǎ dě abwǐsîrî ô̌tô̤̌ nutokhlǒ alǎ̤nu ma̤titè? Mî̌ sî sǎyṳ htûhtò̌ sô̌ asî ajû̌ ya?

Ěphěsu 1:10

Htû̌꤮ shěkhǎ hètôhèbǎ pěnu, Cǒmara gǔ ma̤lǒhtò̌ ma̤behtò̌ a ta̤tîwî̌tòwò nǎ nutokhlǒ pě. Lǒ̤bò ta̤dǒ a ô̌ dǒ mǒkhû̌ nutokhlǒ bǎbǎ, lǒ̤bò a ô̌ dǒ hǎkhû̌ nutokhlǒ bǎbǎ, a gǔ ma̤plǒma̤cu bò lû̌û dǒ a ikǒlǒkòdû̌lǒ Khrǐ nutôpwa̤ alǎ̤ pě.

Ěphěsu 2:15

Yǔdaphû̌ tokhlǒ a ta̤sû̌ta̤tòwò aklanumî̌, a ta̤sû̌ta̤tòwò aphû̌aphò tokhlǒ a ô̌ dû̌wî̤ bǎbǎkǎlè dǒ Khrǐ si akhû̌akhî, a ma̤ gutṳ̌ htokè phlǔbò asî ta̤ nutokhlǒ hǒ. A ta̤yè̤lò̤nǎ mî̌ amè̤̌kû̌, pô̤̌khô kòyònu ginǐ̤mṳ̌ gǔ htûhtò̌ kòyò asa tômṳ̌ dǒ Khrǐ akû dě, a ma̤ tèplè̌ tûû̌ kû̌ anǎ̤ hǒ. Pô̤̌nudě a ma̤pè̤̌ma̤dû getîkhî sô̌ asî hǒ.

Kòlòtè̌ 2:16

Pô̤̌nudě, kòyò dǒ a bè̌ sî ta̤sǔ kû̌ sî ta̤ǎta̤ô awe̤akè tokhlǒnu, ganǎ̤de tǎ̤ asîyô̤̌ tǎ̤mǎ̤ nî̌꤮. Pṳ̂̌něně sî kè̌ ma̤pwèma̤lû padô̌ asî lṳmṳ̌ni̤ aplò̌shǐtô̤̌, kè̌ labǎ hǒdě sî kè̌ ma̤pwèma̤lû padô̌ asî tô̤̌ hî̌nu, asî sǎyṳ bè̌ sî ta̤sǔ. Bǎbǎkǎlè ganǎ̤de tǎ̤ asî ayô̤̌ tǎ̤mǎ̤ nî̌꤮.

Hebrǔ 10:22

Pô̤̌nudě pa hèphǔ lô̌khô dǒ Cǒmara a ô̌ tǎ꤮. Pa gǔ hè kû̌ pa sǎphlǒ dǒ acǒatè̤, kû̌ pa ta̤yṳ̌ dǒ atě̤amè̤̌ nutokhlǒ tǎ꤮. Ma̤titèhî̌dě, pa sǎphlǒ a ta̤gènè̤ phû̌mò̤̌, pô̤̌khô a gǔ ma̤mṳ̂̌plî ayanu, kòyò cǔbò hto pa kû̌ Khrǐ asǐ hǒ. Htokhôtô̤̌ panǎ̤glǒ nî̌ kòyò cǔbò hto kû̌ shiplò̌shǐ hǒ.

Hebrǔ 13:9

No tili̤tôlô̌ cû̌sǔnṳ̌plěnṳ̌ tǎ̤ sî kû̌ lǒ̤bò ta̤sû̌ǐtòwòǐ dǒ a khô̌ nutokhlǒ tǎ̤mǎ̤ nî̌꤮. Gû̌ cû̌ kû̌ tǎ̤mǎ̤ nî̌꤮. Sî sǎphlǒ nî̌, a tô nǐ̤khû̌nǐ̤ǎ kû̌ Cǒmara abwǐsîrî akhû̌akhî pwǎ. Dǒ sî ganǎ̤de gû̌ma̤ shǎǎshǎô a ta̤sû̌ta̤tòwò tokhlǒ akhû̌khî dě sî sǎphlǒ khû̌ǎhtò̌ tô̤̌ pô̤̌nu mè̤̌tô̤̌. Sî ganǎ̤de gû̌ma̤ kû̌ ta̤sû̌ta̤tòwò akhû̌khînu, a nǐ̤bwǐnǐ̤sîrî dǒ sîya tôcǒ꤮ tô̤̌.

Hebrǔ 2:5

Pa hî̌ bǎ sî kû̌ hǎkhû̌sa ô̌htò̌ dǒ nô̌kòpě awe̤akè numî̌, Cǒmara rû̌htò̌ mǒkhû̌ tanaphû̌ tokhlǒ dǒ a glè̌ bǎ pǒǐ ta̤ayanu mè̤̌bǎtô̤̌.

Hebrǔ 6:2

Ta̤jushi awe̤akè, bè̌htò̌ cǔde dǒ kò lô̤ sî, ta̤si ihtǒhtûpwa̤sô̌, ta̤cî̌htò̌ tûjû̌pwa̤ awe̤akè sînu, pa lǎ̤lṳ̂ sû̌ǐ sî̌ganǎ̤ gutṳ̌pe panǎ̤ tô̤̌.

Hebrǔ 6:5

Cǒmara alě̤ayô̤̌nu, awô̌ mî̌ca numî̌ asî sî̌ganǎ̤hè htohǒ. Asî kè̌shǐhèbǎ hto kû̌ Cǒmara a ta̤pô̤ta̤phǎ shû̌sho dǒ a gǔ ô̌lṳ̌htò̌ bǎ kòyò dǒ nô̌kòpě tôhtu nutokhlǒ hǒ.

Hebrǔ 7:12

Ma̤titèhî̌dě bǎ kòyò htû̌lè̌ tèplè̌ pwa̤shû̌gǎ akhlialè akhanu, kòyò bǎ htû̌lè̌ tèplè̌ kû̌ ta̤sû̌ta̤tòwò tokhlǒ.

Hebrǔ 7:16

Ta̤sû̌ta̤tòwò hî̌ kû̌ kòyò dǒ a htûhtò̌ pwa̤shû̌gǎnu, a bǎ khlilè gelò̤ dǒ tômṳ̌tôcǒ akû a hî̌ pô̤̌nu, bǎbǎkǎlè Yeshǔ hè htû pwa̤shû̌gǎ nî̌, atô pô̤̌ ta̤sû̌ta̤tòwò hî̌nǎ mè̤̌tô̤̌. Mè̤mè̤̌tôkhônu, a htûhtò̌ pwa̤shû̌gǎnu kû̌ a ta̤ô̌htûpwa̤ ta̤pô̤ta̤phǎ shû̌sho dǒ a htûpwa̤ tûjû̌pwa̤ talakhǎ nuhǒ.

Hebrǔ 9:1

Khònò̤̌dě ta̤olò̤ awǐ tômû dǒ Cǒmara olò̤kè a kòyò tokhlǒnu, a ô̌ kû̌ a ta̤cubucaba a ta̤sû̌ta̤tòwò lǎ̤bû̌lǎ̤klô tokhlǒ kû̌ lǎ̤caba hǐphû̌dû̌ aplò̌shǐ dǒ kòyò bô̌htò̌ma̤htò̌ yǎnu tômè.