Hebrǔ 9:1 - Kawyaw New Testament

¹ Khònò̤̌dě ta̤olò̤ awǐ tômû dǒ Cǒmara olò̤kè a kòyò tokhlǒnu, a ô̌ kû̌ a ta̤cubucaba a ta̤sû̌ta̤tòwò lǎ̤bû̌lǎ̤klô tokhlǒ kû̌ lǎ̤caba hǐphû̌dû̌ aplò̌shǐ dǒ kòyò bô̌htò̌ma̤htò̌ yǎnu tômè.

Kawyaw RC

¹ Khònò̤dě ta̤wṳ̂dò awǐ tûmû htě Cǒmara olò̤kè akòyò toǒnu, a ǒ ta a ta̤subusaba a ta̤sû̌ta̤tòwò la̤klola̤bò̌ toǒ ta la̤saba hǐphû̌dû̌ cahtǐ htě kòyò ma̤htò̌ yǎnu tama.

Hebrǔ 9:1 Iomraidhean Croise

Lǔka 1:6

Asî sò̌ginǐ̤ ô̌htûpwa̤ cǒtè̤wô̌ bò dǒ Cǒmara a lômô̤̌ dě pô̤̌ Běcǎ Cǒmara a ta̤mǎlò̤ kû̌ a ta̤sû̌ta̤tòwò tokhlǒ hî̌nǎnu asî jûlě̤phî̌yô̤̌ ma̤lǒma̤be lǒ̤bò.

Rṳ̂̌me̤ 9:4

Asî mî̌ Isôrělaphû̌ tokhlǒ. Cǒmara bǔǐ asî pô̤̌ aphû̌ali̤ sanǎ̤ nuhǒ. Dě a dǔlè̌lṳ̌ bǎ asî kû̌ a ta̤bwǐdû̌sîrîhtû hǒ. Cǒmara ǎměma̤mě hto shǎǎ kû̌ asî hǒ dě a ǐlò̤ hto asî kû̌ a ta̤sû̌ta̤tòwò hǒ. Asî nǐ̤bǎ ta̤caba aklè̌aklò dǒ ta̤lṳhtò̌ hôkû dě a nǐ̤bǎ lô̌khô Cǒmara a ta̤olò̤wǎ̤lò̤ tokhlǒ hǒ.

Kòlòtè̌ 2:8

Ô̌sè̌rè̌ lô̌khô sînǎ̤ nî̌꤮. Nolô̌ǐplò̤ǐ tǎ̤ sînǎ̤ kû̌ kòyò dǒ a sû̌ǐtòwòǐsǔ ta̤nutokhlǒ tôpwa̤ tǎ̤mǎ̤ nî̌꤮. Ta̤nutokhlǒ mî̌ a nòdû̌ pwǎ. Ta̤sû̌ǐtòwòǐ pô̤̌nu tokhlǒmî̌ mè̤̌pwǎ kòyò hǎkhû̌phû̌ alǎ̤klô ǐlò̤ tutṳ̌ kè̌khîlû̌û tôhtu hto tôhtu nutokhlǒ pwǎ. Dě hǒnu tokhlǒ mî̌ a hè dǒ khînǎkhîno phû̌mò̤̌ dǒ a pǒ hǎkhû̌běkhû̌ nutokhlǒ a ô̌ pwǎ. Ta̤sû̌ǐ pô̤̌nu tokhlǒmî̌ a hè dǒ Yeshǔ Khrǐ a ô̌ mè̤̌tô̤̌.

Hebrǔ 8:13

Cǒmara hî̌ kû̌ numî̌ ta̤olò̤ asa tôcǒ akhû̌akhî, a nohtûhtò̌kè ta̤olò̤ ali̤nu kû̌ a lǎ̤lṳ̂ petô̤̌. Ali̤alṳ̂ hǒ, kòyò lǎ̤lṳ̂pe lû̌û tô̤̌, dě yî̤khôtô̤̌ hî̌pě, a gǔ hǎmǎkè hǒ.

Hebrǔ 8:2

Khònò̤̌ a ma̤hto pwa̤shû̌gǎ ikǒlǒkòdû̌lǒnu ata̤ma̤, dě a ma̤ hto dǒ ta̤lǎ̤ aplò̌shǐ tôkû akû hǒ. Hǐphû̌dû̌ aplò̌shǐ mè̤̌mî̌canu kòyò ma̤ kû̌ kòyòhǎkhû̌phû̌ acǔde mè̤̌tô̤̌. Běcǎ ma̤htò̌ kû̌ anǎ̤ sanǎ̤.

Hebrǔ 8:7

Ta̤olò̤ wǐ nutûmû, a kè̌ lǒbe hî̌dě pa lǎ̤lṳ̂ pe ta̤olò̤ nô̌kò nutômû gǔ hènṳ̌ bôtèplè̌ pe lû̌û gûlǎ̤tô̤̌ hǒ.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.