Hebrǔ 8:4 - Kawyaw New Testament

⁴ Bǎbǎkǎlè Yeshǔ dǒ a htû pwa̤shû̌gǎ ikǒdû̌lǒ tôpwa̤nu, bǎ a ô̌pe bǎ hǎkhû̌ akha, pwa̤shû̌gǎ dǒ a bǎlṳbǎtòhtò̌ pô̤̌ ta̤sû̌ta̤tòwò ô̌nu, a ô̌tû̌ akhû̌akhî, a htû kû̌ kòyò pwa̤shû̌gǎ tô̤̌.

Kawyaw RC

⁴ Pwǎ̤tadě Ye̤shǔ htě a htû pwa̤lṳhtò̌ta̤ hǐkǒdû̌gutṳ̌ htǒotapwa̤nu, bǎ a ǒpe bǎ hǎkhû̌bǎo akha, pwa̤lṳhtò̌ta̤ htě a bǎlṳbǎtòhtò̌ǐ pwǐ ta̤sû̌ta̤tòwò ǒnu, a ǒtû̌hǒ akhû̌akhî, a htûnṳ kû̌kò pwa̤lṳhtò̌ta̤ tò̤.

Hebrǔ 8:4 Iomraidhean Croise

Hebrǔ 10:11

Pwa̤shû̌gǎ pṳ̂̌꤮ tôpwa̤nu, a bǎ ihtǒ ma̤ ta̤cubucaba a lǎ̤bû̌lǎ̤klô tokhlǒ pṳ̂̌ni̤ni̤꤮. Gûlǎ̤lǎ̤꤮ asî bǎ lṳhtò̌ tôplǎ hto tôplǎ. Ta̤lṳta̤tòhtò̌ tokhlǒnu a phî̌ tephekè jò kòyò ta̤sǔ tôcǒ꤮ tô̤̌.

Hebrǔ 11:4

Dǒ ta̤yṳ̌ akhû̌akhî, KhûAbelǎ lṳhtò̌ Cǒmaranu awô̌khlo kû̌ Khûkayi̤ ata̤lṳ. Cǒmara phî̌shěshu KhûAbelǎ a ta̤lṳtòhtò̌. Pô̤̌nudě, dǒ KhûAbelǎ ata̤yṳ̌ akhû̌akhî, dě Cǒmara bè̌hto lû̌û pô̤̌ kòyòcǒkòyòtè̤ tôpwa̤ nuhǒ. Dǒ KhûAbelǎ ata̤yṳ̌ akhû̌khî, a si htohǒ bǎbǎkǎlè a hî̌bǎpe pa kû̌ ata̤yṳ̌ awe̤akè.

Hebrǔ 5:1

Pwa̤shû̌gǎ ikǒdû̌lǒ pṳ̂̌꤮ pwa̤pwa̤nu, kòyò rû̌htò̌ a dǒ kòyòhǎkhû̌phû̌ tokhlǒ akla pwǎ, dě kòyò bè̌htò̌ yǎ dǒ a gǔ ma̤ bǎ Cǒmara ata̤ma̤ dǒ kòyò lǒ̤꤮ bò agûlǎ̤. A gǔ lṳhtò̌tòhtò̌ bǎ kòyò ta̤tokhlǒ, htokhôtô̤̌ pô̤̌khô kòyò tokhlǒ ta̤sǔ gǔ plûkè ayanu, a lṳhtò̌ bǎ kòyò ta̤phû̌ta̤wè̤ tokhlǒ dǒ Cǒmara a ô̌ pě.

Hebrǔ 7:27

A mî̌ asô̌sô̌kû̌ pwa̤shû̌gǎ ikǒdû̌lǒ dǒ ashǔshawa̤ nutokhlǒ mè̤̌tô̤̌. Pṳ̂̌ni̤ni̤ a lǎ̤lṳ̂ lṳhtò̌ wǐ tûû̌ ata̤sǔ tokhlǒ, htodě a lṳhtò̌ nô̌ bǎ kòyò dǒ ashǔshawa̤ tokhlǒ ata̤sǔ tokhlǒ pô̤̌nu mè̤̌tô̤̌. Bǎ a lṳhtò̌ anǎ̤ dǒ nò̌dò̌htǔlô̤ akhanu, a lṳhtò̌ pwǎ tôplǎ dě a htophlǔkè tûjû̌pwa̤ hǒ.

Hebrǔ 8:3

Pwa̤shû̌gǎ ikǒdû̌lǒ pṳ̂̌꤮ tôpwa̤nu, kòyò bè̌htò̌ a kû̌ a bǎ lṳhtò̌ta̤ htodě a bǎ lṳhtò̌ kû̌ ta̤phû̌ta̤wè̤ tokhlǒ dǒ Cǒmara a ô̌. Pô̤̌nudě, pa pwa̤shû̌gǎ dǒ adû̌lǒkhlo tôpwa̤nu, a bǎ lṳhtò̌ ta̤ tôcǒcǒ.

Hebrǔ 9:9

Ta̤nutokhlǒ mî̌ a sǎyṳ dǔlè̌lṳ̌khô̌ pa ta̤ma̤mǎnǎ dǒ pa htukha khònò̤̌kha tokhlǒ hǒ. A sǎyṳ nè̌lṳ̌hto pa kû̌ ta̤lṳta̤tòhtò̌ nutokhlǒ kû̌ ta̤phû̌ta̤wè̤ dǒ kòyò lṳhtò̌ a tokhlǒnu, a ma̤ mṳ̂̌plîphǔjò bǎ pwa̤ hè cubucabahtò̌ ta̤nutokhlǒ asǎphlǒ tô̤̌.