Hebrǔ 8:13 - Kawyaw New Testament

¹³ Cǒmara hî̌ kû̌ numî̌ ta̤olò̤ asa tôcǒ akhû̌akhî, a nohtûhtò̌kè ta̤olò̤ ali̤nu kû̌ a lǎ̤lṳ̂ petô̤̌. Ali̤alṳ̂ hǒ, kòyò lǎ̤lṳ̂pe lû̌û tô̤̌, dě yî̤khôtô̤̌ hî̌pě, a gǔ hǎmǎkè hǒ.

Kawyaw RC

¹³ Cǒmara hî̌ ta htǒo mî̌ ta̤wṳ̂dò asa tacǎ akhû̌akhî, a nohtûhtò̌kè ta̤wṳ̂dò ali̤ htǒonu ta a lo̤bǎpe tò̤. Ali̤alṳ̂ hǒ, kò lo̤bǎpe yǎtò̤, dě yî̤hǒtò̤ pěmî̌, a glè hǎmǎkè hǒ.

Hebrǔ 8:13 Iomraidhean Croise

Matěo 24:35

Mǒkhû̌ kû̌ hǎkhû̌ gǔ hǎmǎkè pě bǎbǎkǎlè helě̤heyô̤̌ tokhlǒnu a hǎmǎkè nô̌ tôkhò̌꤮ tô̤̌.

Lǔka 22:20

Bǎ a ǎhtohǒ lṳmṳ̌hǎshǎǎ akhanu, a phî̌htò̌pô̤̌ bahǒo dě a ma̤ sô̌sô̌kû̌ pô̤̌ a ma̤ mû̌nu dě a hî̌ kû̌, “Hǒomî̌ hesǐ dǒ a ma̤glema̤mě ta̤olò̤ asa dě sǐlò̤ dǒ sîyanu hǒ.

Kôritu awǐlǒ tôbǎ 13:8

Ta̤mô̤nṳ̌ agutṳ̌ jòtô̤̌, a ô̌měô̌gle tûjû̌pwa̤. Piwi̤pèshè tokhlǒ a ta̤hî̌bǎ tokhlǒ bǎbǎ, ta̤hî̌bǎ tèplè̌htò̌jò yô̤̌sǎkhěkhô̌ tokhlǒ bǎbǎ, ta̤sî̌yaphlôphǎ tokhlǒ bǎbǎ, a ô̌ měgle tûjû̌pwa̤ tô̤̌, a gǔ hǎmǎkèbò pě.

Kôritu ginǐ̤bǎ tôbǎ 3:6

Pô̤̌khô pa gǔ sû̌ǐ shôbǐǐphlôbò̌ bǎ kòyò ta̤olò̤ asa ayanu, pwa̤ dǒ a ǐlò̤ pa ta̤sî̌ta̤jò̌ numî̌ Cǒmara hǒtôpwa̤ hǒ. Ta̤olò̤ asa dǒ a ǐlò̤ numî̌ asô̌sô̌kû̌ kòyò wě̤ ô̌ Khûmṳ̂shě a ta̤sû̌ta̤tòwònu mè̤̌tô̤̌. Ta̤sû̌ta̤tòwò asa numî̌ a gètè̤̌ nǎla̤ǐ Yôla Plò̌shǐ Běcǎ ma̤ta̤ dǒ pa sǎphlǒkûnu pwǎ. Pa kè̌ nǎla̤ǐ ta̤sû̌ta̤tòwò dǒ kòyò wě̤ô̌ numî̌ pa gǔ nǐ̤bǎ ta̤si pě, bǎbǎkǎlè Yôla Plò̌shǐ Běcǎnu a phǐhènǐ̤ bǎ pa sǎphlǒhtûpwa̤ tûjû̌pwa̤ hǒ.

Kôritu ginǐ̤bǎ tôbǎ 5:17

Kòyò tôpwa̤pwa̤ dǒ a htûhtò̌ kû̌ Khrǐ tôcǒ꤮ nô̤̌nu, a htûhtò̌ kòyò tôpwa̤ dǒ Cǒmara bô̌lò̤ tèplè̌sa lû̌û hǒ. A wîkè a ta̤ô̌htûpwa̤ ali̤ tokhlǒ dě a ô̌htûpwa̤ tèplè̌kè dǒ asa hǒ.

Hebrǔ 1:11

Hǎkhû̌ kû̌ mǒlǎ̤ tokhlǒ gǔ pî̌kèbò pě bǎbǎkǎlè na gǔ ô̌ gutṳ̌ hènè tûjû̌pwa̤ pě. Hǎkhû̌ kû̌ mǒlǎ̤ tokhlǒ gǔ htò̌yè̌htò̌mǔkè pô̤̌ jehǐyò̤̌li̤ jehǐyò̤̌ ayò̤̌ nutokhlǒ pě.

Hebrǔ 12:24

Sî hètǒ̤ dǒ Yeshǔ a ô̌ hǒ. Ta̤olò̤ asa dǒ kòyòhǎkhû̌phû̌ kû̌ Cǒmara aplǎkûnu a htû bǎ pwa̤ma̤ta̤ dǒ aplǎkû tôpwa̤ hǒ. Htokhôtô̤̌ sî hètǒ̤ dǒ Běcǎ Yeshǔ asǐ lǎ̤sǐlò̤ agûlǎ̤ dǒ awô̌ khlo pe kû̌ Khûabelǎ asǐnu a ô̌ hǒ.

Hebrǔ 7:22

Ta̤olò̤yô̤̌ asa dǒ Cǒmara ma̤htûhtò̌ hto pa dǒ pa gǔ nǐ̤bǎ ta̤pi̤li̤ aya tômûnu, awô̌ khlope kû̌ ta̤olò̤yô̤̌ dǒ ali̤ nutômû, ma̤titèhî̌dě Cǒmara wṳ̂̌dòlò̤ hto ayô̤ pô̤̌nu akhû̌akhî, Yeshǔ mî̌ pwa̤ dǒ a gǔ ma̤lǒbe tě̤tě̤mè̤̌mè̤̌ bǎ pa ta̤olò̤ asanu tômû tôpwa̤ hǒ.

Hebrǔ 8:6

Yeshǔ ma̤ta̤ pô̤̌ pwa̤shû̌gǎ tôpwa̤nu, awô̌ khlope kû̌ pwa̤shû̌gǎta̤ dǒ hǎkhû̌ nutokhlǒ ma̤nu. Pô̤̌nudě, Cǒmara a ta̤olò̤ asa dǒ Yeshǔ phî̌hènǐ̤ numî̌ awô̌khlo pe kû̌ ta̤olò̤ ali̤nu. Ta̤olò̤ asanu, a gètè̤ nǎla̤htò̌ǐ ta̤olò̤ dǒ awô̌khlo tokhlǒ alô̤.

Hebrǔ 8:8

Bǎbǎkǎlè Cǒmara pè̤̌wǎ̤ ta̤sǔ dǒ a kòyò tokhlǒ alô̤ dě a hî̌ kû̌, “Shěkhǎ dǒ he gǔ ma̤ ta̤olò̤ asa kû̌ Isôrělaphû̌ tokhlǒ bǎbǎ, Yǔdaphû̌ tokhlǒ bǎbǎ a hètǒ̤pě,” a hî̌ pô̤̌nu.

Hebrǔ 9:15

Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.