Hebrǔ 8:11 - Kawyaw New Testament

¹¹ Bǎnuakha pěnu, asî khlilèphû̌ sô̌sô̌ lû̌ tokhlǒ bǎbǎ, apṳ̌awè̤̌kla tokhlǒ bǎbǎ, a lǎ̤lṳ̂pe kòyò sû̌ǐtòwòǐ asî kû̌, ‘sî̌ganǎ̤ lô̌khô Běcǎ nî̌’ pô̤̌nu petô̤̌. Ma̤titèhî̌dě sahtò̌ dǒ kòyò gènè̤ pî̌tî̌lǒ lû̌û tôpwa̤ tǒ̤dǒ kòyò gènè̤dû̌lǒ lû̌û tôpwa̤nu, a sî̌ganǎ̤ bòkè he pě.

Kawyaw RC

¹¹ Bǎnuakha pěnu, asî akhlilèphû̌ sǒsǒnû̌û toǒ bǎbǎ, apṳawè̤kla toǒ bǎbǎ, a lo̤bǎpe kò sû̌ǐtòwòǐ asî ta, ‘Sî̌ya lǒkho Běcǎ nî̌꤮’ hǐnu petò̤hǒ. Ma̤tè̤hî̌dě sahtò̌ bǎ kò gènè̤pî̌tî̌ nû̌û tapwa̤ to̤htû̌ kò gènè̤dû̌gutṳ̌ nû̌û tapwa̤nu, a sî̌yabò he pě.

Hebrǔ 8:11 Iomraidhean Croise

Jowǎ̤ni̤ 6:45

Piwi̤pèshè tokhlǒ wě̤nǎ kû̌, ‘Cǒmara gǔ sû̌ǐtòwòǐ asî bò̌꤮ bò pě.’ Lǒ̤bò kòyò dǒ a ganǎ̤de pha a ta̤sû̌ǐtòwòǐ dě a hè sû̌ǐtòwòǐ ta̤ dǒ lû̌ô̌ tokhlǒnu, a gǔ hè dǒ heô̌ pě.

Pwa̤nophû̌ 8:10

Pô̤̌nudě lǒ̤bò kòyò dǒ a htûdû̌htûpwǎ̤ dě a ô̌ bǎ wî̤̌kû nutokhlǒ bǎbǎ, kòyò dǒ ǎshǎ wè̤ta̤phû̌ ô̌ bǎ wî̤̌kû nutokhlǒ bǎbǎ, a ganǎ̤de wô̌bǎbò lû̌û yô̤̌. Asî hî̌ lô̌khô kû̌, “Kòyò nutôpwa̤ mî̌ Cǒmara a ta̤pô̤ta̤phǎ dǒ kòyò kaǎ kû̌ ta̤pô̤ta̤phǎ dǒ adû̌ayô̤̌nu.”

Yṳ̂ha awǐlǒ tôbǎ 2:27

Sîya dě, Khrǐ ǐlò̤ htohǒ a Yôla Plò̌shǐ Běcǎ dǒ sîlô̤ hǒ, dě a Yôla Plò̌shǐ ô̌měô̌gle dǒ sîkû akhû̌akhî, kòyò lǎ̤lṳ̂ sû̌ǐ pě sî tôpwa̤ tô̤̌, ma̤titèhî̌dě a Yôla Plò̌shǐ sû̌ǐ hǒ sî ta̤pṳ̂̌tocǒhǒ. Htokhôtô̤̌ a sû̌ǐ sî numî̌ ta̤tě̤ta̤mè̤̌, ta̤lòhô mè̤̌tô̤̌. Pô̤̌nudě ô̌měô̌gle lô̌khô dǒ Khrǐ akû pô̤̌ a Yôla Plò̌shǐ sû̌ǐ htohǒ sî nunî̌.

Yṳ̂ha awǐlǒ tôbǎ 5:20

Pô̤̌khô pa gǔ sî̌ganǎ̤ kû̌ kòyò Cǒmara dǒ atô hǒtôpwa̤nu, pa sî̌yahto kû̌ Cǒmara aphû̌khû hè ǐ sî̌yaphlô bǎ pa hǒ. Pa ô̌ dǒ Cǒmara dǒ atô hǒtôpwa̤ kû̌ aphû̌khû Yeshǔ Khrǐ tôpwa̤ akû hǒ. A mî̌ Cǒmara dǒ atô tôpwa̤, htokhôtô̤̌ Cǒmara dǒ a ǐ kòyò yôla htûpwa̤ tûjû̌pwa̤ tôpwa̤.