Hebrǔ 8:10 - Kawyaw New Testament

¹⁰ Pô̤̌nudě, Běcǎ hî̌ kû̌ ta̤olò̤ asa dǒ he gle olò̤ kû̌ Isôrělaphû̌ sî tokhlǒnu, he hî̌ asî pô̤̌o pě, he gǔ shû̌nṳ̌ he ta̤sû̌ta̤tòwò tokhlǒ dǒ asî asǎphlǒ ta̤gènè̤ akû pě. He wě̤mǎwě̤dò he ta̤sû̌ta̤tòwò tokhlǒ dǒ asî sǎphlǒkû pě. He htû asî Cǒmara pě dě asî htû hekòyò pě.

Kawyaw RC

¹⁰ Hǐnudě, Běcǎ hî̌ ta ta̤wṳ̂dò asa htě he glè wṳ̂dò yǎta Israelphû̌ sî toǒnu, he hî̌ asî pwǐhè̌o pě, he shû̌nṳ he ta̤sû̌ta̤tòwò toǒ dě asî sò̌phlǒ ta̤gènè̤ akû pě. He khwè̌mǎnǎ he ta̤sû̌ta̤tòwò toǒ dě asî sò̌phlǒkû pě. He htû asî Cǒmara pě dě asî htû hekòyò pě.

Hebrǔ 8:10 Iomraidhean Croise

Rṳ̂̌me̤ 11:27

Bǎ he phî̌ tephekè htobò asî ta̤sǔ tokhlǒ akhapěnu, he ma̤ lǒbehtò̌ he ta̤olò̤ kû̌ asî dǒ awǐkha nutûmû hǒ.”

Kôritu awǐlǒ tôbǎ 6:16

Kòyò tôpwa̤pwa̤ dǒ a hǎmôô̌ kû̌ pwa̤mǒ̤patǎnu, a htûhtò̌ kû̌ pwa̤mǒ̤patǎ sǐtôsǐ yî̌tôyî̌nô̤̌ numî̌ sî sî̌ganǎ̤ tô̤̌ ya? “Asî hǒnu sò̌ginǐ̤ numî̌ a htûhtò̌ sǐtôsǐ kû̌ yî̌tôyî̌ nô̤̌ hǒ” Lî̤plò̌shǐkû hî̌ pô̤̌nu.

Kôritu ginǐ̤bǎ tôbǎ 3:3

Sî hǒtokhlǒ numî̌, a sô̌sô̌hǒkû̌ lî̤ dǒ Khrǐ wě̤ dě a sûhè tutṳ̌ kû̌ pa hǒtokhlǒnu hǒ. Bǎbǎkǎlè a wě̤ kû̌ lî̤bô kû̌ cubôli̤shinu mè̤̌tô̤̌, htokhôtô̤̌ a wě̤ ô̌ dǒ lǒ̤bělô̤ pô̤̌ Khûmṳ̂shě lî̤phlǒnu mè̤̌tô̤̌tô̤̌. Khrǐ nowě̤ tutṳ̌ hǒ lî̤phlǒ dǒ sî sǎphlǒ tokhlǒ alô̤ kû̌ a Yôla Plò̌shǐ Běcǎ hǒ. Cǒmara dǒ a htûpwa̤ hǒtôpwa̤ nohè Yôla Plò̌shǐ Běcǎ gǔ hè ô̌htûpwa̤ dǒ sîkû hǒ.

Tǐtǔ 2:14

Pô̤̌khô a gǔ ma̤hǎplǎge pa dǒ ta̤phû̌mò̤̌shǐhtô lǒ̤꤮ bò tokhlǒ akû, htokhôtô̤̌ pô̤̌khô a gǔ ma̤ mṳ̂̌plî ge sô̌ pa dě pa gǔ htûhtò̌ a kòyò, kǎtô̤̌ pa gǔ sǎphlǒshû̌ ma̤ta̤ dǒ awô̌ tokhlǒ ayanu, a tṳ̌sikhòsi bǎ anǎ̤ dǒ paya hǒ.

Hebrǔ 11:16

Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Jǎgomo̤ 1:18

Dǒ pa ganǎ̤de ta̤sǎlě̤we̤kè ta̤tě̤ta̤mè̤̌ akhû̌akhî, dě Cǒmara dǐhtûhtò̌ pa kû̌ aphû̌ pô̤̌ asǎphlǒ nuhǒ. Pô̤̌khô pa gǔ htûhtò̌ sǒsǎ dǒ asǎwǐ tokhlǒ dǒ ta̤bô̌lò̤ lǒ̤꤮ bò nutokhlǒ akla nudě, a dǐhtûhtò̌ pa kû̌ aphû̌ pwǎ.

Jǎgomo̤ 1:21

Pô̤̌nudě wîkè bò ta̤sǎyṳsǎbǎ dǒ sî ma̤ sǎla̤la̤ a nutokhlǒ kû̌ lǒ̤꤮ bò sî lǎ̤klô ma̤ a phû̌mò̤̌ nutokhlǒ. Dě shò̌lò̤ lô̌khô sî sǎphlǒ dě ganǎ̤de yṳ̌ǎ lô̌khô Cǒmara alě̤ayô̤̌ dǒ a shǒlò̤ dǒ sî sǎphlǒkû nutokhlǒ. Alě̤ayô̤̌ numî̌ a ma̤hǎplǎge bò̌jò sî.

Petru awǐlǒ tabǎ 1:23

Ma̤titèhî̌dě Cǒmara alě̤ayô̤̌nu, a htûpwa̤ dě a ô̌gleô̌mě tûjû̌pwa̤ talakhǎ akhû̌akhî, sî ô̌phijǎlò̤ gesô̌ tôplǎ hǒ. Sî ta̤ô̌htûpwa̤ asa numî̌, a hè dǒ sîmǒ̤sîpha dǒ a sijò tokhlǒ a ô̌nu mè̤̌tô̤̌. Mè̤̌mè̤̌tôkhô, sî ta̤ô̌htûpwa̤ asa numî̌, a hè dǒ Cǒmara dǒ a sijò tôkhò̌ tô̤̌ hǒtôpwa̤ a ô̌.

Petru awǐlǒ tabǎ 2:9

Bǎbǎkǎlè sî mî̌ khlilèphû̌ tôcǒ dǒ Cǒmara rû̌htò̌ yǎ, pwa̤shû̌gǎ dǒ asô̌sô̌kû̌ khwǐ tokhlǒ, kòyò khlilèphû̌ dǒ aplò̌shǐ, kǎtô̤̌ Cǒmara a kòyò tokhlǒ hǒ. Pô̤̌khô sî gǔ shôbǐǐlṳ̌ Cǒmara a ta̤ma̤wô̌ khô̌tû̌ tokhlǒ ayanu, Cǒmara rû̌htò̌ sî hǒ. Cǒmara kaǎhtò̌ge sî dǒ ta̤khǐsiwi̤ alǎ̤ dě a sûnṳ̌ sî dǒ a ta̤lîta̤kakha mô̤ akû hǒ.