Hebrǔ 8:1 - Kawyaw New Testament

¹ Khònò̤̌, ta̤ dǒ a lṳ̂dû̌lǒ tôcǒ dǒ he sǎyṳ nosî̌yaphlô sî numî̌ amè̤̌kû̌ pa pwa̤shû̌gǎ ikǒdû̌lǒ nutôpwa̤ hǒ. A mî̌ Yeshǔ hǒ. Khònò̤̌ a hǎnòò̌ô̌ dǒ mǒkhû̌ dě a hǎnòò̌ô̌ dǒ Cǒmara dǒ alîata̤kakha, apô̤aphǎ nutôpwa̤ lǎ̤nòò̌ acǔde cǔtômû nutôkhô hǒ.

Kawyaw RC

¹ Khònò̤htǒo, ta̤ htě a lo̤bǎdû̌shǐ tacǎ dě he sò̌yṳ nosî̌yaphlo sî numî̌ pa pwa̤lṳhtò̌ hǐkǒdû̌gutṳ̌ htǒotapwa̤ hǒ. A mî̌ Ye̤shǔ hǒ. Khònò̤htǒo a hǎnòò̌ mǒkhû̌ dě a hǎnòò̌ bǎ Cǒmara alîarakha, apo̤aphǎ htǒotapwa̤ la̤hǎnòò̌ acǔdemûnu tokho hǒ.

Hebrǔ 8:1 Iomraidhean Croise

Htû̌sò̌htò̌ 104:1

He htû̌sò̌htò̌ Cǒmara tûjû̌pwa̤ kû̌ he sǎphlǒ tômèbò. Ǒ Cǒmara tûjû̌pwa̤, he Cǒmaradû̌, na mî̌ adû̌ahtû. Na kûsô̌htò̌ǐ ta̤bwǐdû̌sîrîhtû, ta̤lîta̤kakha.

Htû̌sò̌htò̌ 110:1

Cǒmara tûjû̌pwa̤ hî̌lṳ̌lò̤ he Běcǎdû̌ kû̌, “Bǎ he ma̤pè̤̌ bòmǔtegle pwa̤sǎkhě na nutokhlǒ dě he bè̌bò asî dǒ na khǎlǎ khôtô̤̌nu, hǎnòò̌ dǒ he cǔtûmû nutôkhô.”

Htû̌sò̌htò̌ 21:5

Na ǐ yǎ ta̤ma̤pè̤̌ akhû̌akhî, kò bè̌dû̌bè̌htû ǐ mî̌ca lû̌û. Na ǐ yǎ ta̤siwi̤sòwò̤ dǒ alîakakha.

Mǎ̤riko 16:19

Běcǎ Yeshǔ hî̌bǎhto kû̌ akhôphijǎ tokhlǒ dě Cǒmara kaǎ gehtò̌kè yǎ dǒ mǒkhû̌ dě a htò̌hǎnòò̌ dǒ Cǒmara cǔtômû tôkhô.

Ěphěsu 6:20

Dǒ Khrǐ rû̌htò̌ he kû̌ a pwa̤shôbǐǐ ta̤we̤ta̤kè tôpwa̤ dǒ he gǔ shôbǐǐlṳ̌ bǎ kòyò kû̌ ta̤sǎlě̤we̤kènu akhû̌akhî, khònò̤̌ he lò̤tě̤ dǒ apô̤kû hǒ. Ta̤ dǒ he tôbǎ shôbǐǐ bǎ kòyò tokhlǒnu, pô̤̌khô he gǔ shôbǐǐ khukhu bǎ kòyò ayanudě, kwicaba pû bǎ heya nî̌꤮.

Kòlòtè̌ 3:1

Pô̤̌ Cǒmara ma̤ ihtǒhtûpwa̤ getîkhî Khrǐ dǒ ta̤sinu, Cǒmara ma̤ ihtǒhtûpwa̤ getîkhî sî dǒ ta̤si hǒ dě a ǐ sî ta̤htûpwa̤ asanu kû̌ Khrǐ hǒ. Pô̤̌nudě lǒ̤bò sî sǎphlǒ a ta̤sǎyṳ tokhlǒnu, bè̌ô̌ lô̌khô dǒ mǒkhû̌ bǎ Khrǐ lǎ̤hǎnòò̌ ǐtûû̌ agûlǎ̤ dǒ Cǒmara acǔtômû nutôkhô nî̌꤮.

Hebrǔ 1:13

“Hǎnòò̌ô̌ dǒ he cǔde cǔtômû nutôkhô, dě hǎnòò̌ tǒ̤dǒ he nopǒ na kû̌ pwa̤dǔdǎ na nutokhlǒ hè cabahtò̌ na dǒ na khò̌lôpô̤̌ kòshî̌ pě,” Cǒmara hî̌bǎnǒ amǒkhû̌ tanaphû̌ tokhlǒ pô̤̌onu tômṳ̂̌꤮ tô̤̌.

Hebrǔ 1:3

Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 10:12

Bǎbǎkǎlè Khrǐ lṳhtò̌ bǎ pa ta̤sǔ aya tokhlǒnu, a lṳhtò̌ tôplǎnô̤̌pwǎ dě a hto phlǔbò tûjû̌pwa̤ hǒ. Dě a ge hǎnòò̌ô̌ dǒ Cǒmara a cǔtômû tôkhô hǒ.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 2:17

Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 4:14

Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Ta̤dǔlè̌nǎ 3:21

“He ma̤pè̤̌ hto dě he hǎnòò̌ kû̌ hepha dǒ tòcòhta akhû̌ hǒ. Pô̤̌nudě kòyò dǒ a ma̤pè̤̌ta̤ tokhlǒnu, he nohǎnòò̌ asî kû̌ he dǒ he tòcòhta akhû̌ nupě.