Hebrǔ 7:6 - Kawyaw New Testament

⁶ Malakhǐsedè̌ mî̌ akhlialè gelò̤ dǒ KhûLe̤wǐ mè̤̌tô̤̌ bǎbǎkǎlè a phî̌ pû̌shǐnutôpû̌ dǒ PhaAbraha a ô̌. Dě a ǐshowî̤ PhaAbraha. PhaAbraha mî̌ pwa̤ dǒ a nǐ̤bǎ Cǒmara a ta̤olò̤ tôpwa̤ hǒ.

Kawyaw RC

⁶ Malakhǐsèdè̌ mî̌ akhlialè hǎte̤ ta Lě̤wǐ mè̤tò̤ pwǎ̤tadě a phî̌ pû̌shǐtûpû̌ dě Abraham a ǒ. Dě a howi̤ Abraham. Abraham mî̌ pwa̤ htě a nî̤bǎ Cǒmara a ta̤olò̤ tapwa̤ hǒ.

Hebrǔ 7:6 Iomraidhean Croise

Mǒhtûlû̌hǎhtûsa 12:13

Khòsǎdô hî̌ ǐ nanǎ̤ kû̌ na mî̌ hepṳ̌pwa̤mǒ nî̌, na kè̌ hî̌ pô̤̌nu mî̌ asî ma̤mô̤ma̤wô̌shǔ he pě, dǒ nakhû̌nakhî dě asî gǔ dǐ ô̌htûpwa̤ he pěpě.”

Mǒhtûlû̌hǎhtûsa 12:2

He gǔ no htûhtò̌ na kû̌ khlilè dû̌ tôcǒ pě dě he ǐshowî̤ na pě, he no lṳ̌shilṳ̌gǎ nami̤ pě dě na htû bǎ ta̤ǐshowî̤ tôcǒ dǒ kòyòya pě.

Pwa̤nophû̌ 3:25

Cǒmara a ta̤olò̤wǎ̤lò̤ dǒ a no dǔlè̌lṳ̌lò̤ tutṳ̌ piwi̤pèshè sî tokhlǒ numî̌ sîya hǒ. Htokhôtô̤̌ Cǒmara olò̤ hto kû̌ sî mǒ̤phaphiphu dǒ awǐnu tokhlǒ nu mî̌ sîya hǒhǒ. Pô̤̌ Cǒmara shôbǐǐlṳ̌ nǎ hto PhaAbraha kû̌, ‘he gǔ ǐshowî̤ tutṳ̌ bò hǎkhû̌phû̌ nutokhlǒ lǒ̤bò kû̌ na khlilè gelò̤ nutôpwa̤ akhû̌khî pě.’

Rṳ̂̌me̤ 4:13

Cǒmara olò̤ PhaAbraha kû̌ akhlialè tokhlǒ dǒ awǐkha kû̌mî̌ hǎkhû̌ tôběbònu, a htûhtò̌ asîta pě. Bǎbǎkǎlè dǒ asî jûǎ gû̌ma̤ ta̤sû̌ta̤tòwò akhû̌khî dě a htûhtò̌ asîta pě, a olò̤ lû̌û pô̤̌nu mè̤̌tô̤̌. Cǒmara bè̌cǒbè̌tè̤ asî kû̌ a ta̤yṳ̌ta̤nǎ̤ akhû̌akhî, a olò̤ kû̌ a ǐ asî pě pwǎ.

Rṳ̂̌me̤ 9:4

Asî mî̌ Isôrělaphû̌ tokhlǒ. Cǒmara bǔǐ asî pô̤̌ aphû̌ali̤ sanǎ̤ nuhǒ. Dě a dǔlè̌lṳ̌ bǎ asî kû̌ a ta̤bwǐdû̌sîrîhtû hǒ. Cǒmara ǎměma̤mě hto shǎǎ kû̌ asî hǒ dě a ǐlò̤ hto asî kû̌ a ta̤sû̌ta̤tòwò hǒ. Asî nǐ̤bǎ ta̤caba aklè̌aklò dǒ ta̤lṳhtò̌ hôkû dě a nǐ̤bǎ lô̌khô Cǒmara a ta̤olò̤wǎ̤lò̤ tokhlǒ hǒ.

Galatǐ 3:16

Pô̤̌nudě Cǒmara ǐlò̤ a ta̤olò̤ kû̌ PhaAbraha kû̌ akhlialè akla tôpwa̤ pwǎ. “Dǒ akhlialè tokhlǒ,” Cǒmara hî̌ pô̤̌nu mè̤̌tô̤̌. Yô̤̌mûyô̤̌sǎ mî̌ kòyò ô̌wô̤̌ mè̤̌tô̤̌. Mè̤̌mè̤̌tôkhônu, a hî̌ kû̌, “dǒ nakhlinalè aklatôpwa̤,” a hî̌ pô̤̌nu akhû̌khî, yô̤̌mûyô̤̌sǎ mî̌ a hî̌lṳ̌ pwǎ tǒ̤ tôpwa̤ nô̤̌ pwǎ. A sǎyṳ hî̌ numî̌ Khrǐ pwǎ.

Hebrǔ 11:13

Kòyò lǒ̤bò dǒ Cǒmara olò̤ dǒ a gǔ ǐ lû̌û hǒtokhlǒ nî̌ a yṳ̌ǎ gutṳ̌ Cǒmara tǒ̤dǒ a si lô̌khô nutôni̤. Ta̤ dǒ Cǒmara olò̤kè lû̌û dǒ a gǔ ǐ asî hǒtokhlǒ nî̌ a nǐ̤bǎ khôtô̤̌, bǎbǎkǎlè asî kè̌shǐnǎ wǐ yî̤̌ kèhǒ dě a sǎlě̤ phî̌shěshu nǎ wǐ ta̤olò̤ nutokhlǒ hǒ. Asî olò̤ lô̌khô kû̌ asî mî̌ a cû̌ htû shǐtè̤mè̤ dǒ kòshikògǎ pwǎ, dě asî hè ô̌kǔlǎ bǎ hǎkhû̌nu tòshò̌phû̌ pwǎ, a hî̌ lô̌khô pô̤̌nu.

Hebrǔ 11:17

Bǎ Cǒmara ma̤kè̌kè̌ PhaAbraha akhanu, dǒ ata̤yṳ̌ akhû̌akhî, a lṳhtò̌ aphû̌khû KhûIsè̌. A nǐ̤bǎ Cǒmara a ta̤olò̤ bǎbǎ a ô̌ tîwî̌tòwònǎ dǒ a gǔ lṳhtò̌ aphû̌khû dǒ a ô̌pwǎ tôpwa̤ nô̤̌nu tôpwa̤.

Hebrǔ 7:1

Malakhǐsedè̌ mî̌ Wî̤̌shale̤ akhwǐ tôpwa̤, dě a htû Cǒmara dǒ adû̌gutṳ̌ nutôpwa̤ a pwa̤shû̌gǎ tôpwa̤. Bǎ PhaAbraha cû̌shěpè̤̌ hto khwǐ sò̌lǐ̤ dě a ge dǒ klè̌lô̤ akhanu, Malakhǐsedè̌ cû̌ kè̌shǔǐ lû̌û dě ǐshowî̤ lû̌û.

Hebrǔ 7:7

Kòyò dǒ a ǐshowî̤ ta̤ tôpwa̤nu adû̌khlo kû̌ kòyò dǒ a nǐ̤bǎ ta̤ǐshowî̤ tôpwa̤ numî̌ sǎphlǒ wò̌wè̌ agûlǎ̤ ô̌ tôcǒtô̤̌.