Hebrǔ 7:25 - Kawyaw New Testament

²⁵ Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.

Kawyaw RC

²⁵ Hǐnudě kòyò htě a hè Cǒmara a ǒ dě a hènṳ tṳtṳ Ye̤shǔ a ǒ toǒnu, Ye̤shǔ ma̤lû̌htò̌gebò̌ asî khònò̤htǒo tǒ̤hè ta tûjûpwa̤ talakhǎ pě, ma̤tè̤hî̌dě ma̤pûhǐ a nṳ kwigwèbǎǐbò̌ bǎ kòyò hǐnu toǒ aya dě Cǒmara a ǒnu, a bǎ htûpwa̤ tûjûpwa̤.

Hebrǔ 7:25 Iomraidhean Croise

Jowǎ̤ni̤ 14:13

Pô̤̌khô hepha a ta̤bwǐdû̌sîrîhtû gǔ ô̌lṳ̌htò̌ ayanu, sî kwi caba titètè̌꤮ bǎbǎ, sî kè̌ kwi kû̌ hemi̤ numî̌, he gǔ ǐ sî pě.

Jowǎ̤ni̤ 14:16

He gǔ kwihtò̌ pha dǒ a gǔ sûlò̤ bǎ sî pwa̤ma̤jè̌ sî tôpwa̤ dǒ he gûlǎ̤nu pě. Dě a gǔ ô̌cu kû̌ sî tûjû̌pwa̤ pě.

Jowǎ̤ni̤ 14:6

Dě Běcǎ Yeshǔ hî̌shěshu lû̌û kû̌, “He mî̌ klè̌ kû̌ ta̤tě̤ta̤mè̤̌ kû̌mî̌ ta̤htûpwa̤ hǒ. Ta̤ sûcû̌ kòyò dǒ pha aô̌mî̌ he nô̤̌pwǎ, a kè̌ cû̌ tutṳ̌ kû̌ he tô̤̌ nu, a cû̌tǒ̤ jò dǒ pha a ô̌ tôpwǎ̤꤮ tô̤̌.

Rṳ̂̌me̤ 5:10

Dǒ awǐkha numî̌, pa htû kòyò dǒ a sǎkhě Cǒmara tokhlǒ. Dǒ aphû̌khû tṳ̌sikhòsi anǎ̤ dǒ paya akhû̌akhî, a ma̤klaǐ tîkhî sô̌ kû̌ pa hǒ. Khònò̤̌ pa htû akhô hǒ. Pa sî̌ganǎ̤ tě̤tě̤mè̤̌mè̤̌ hto kû̌ pa hǎplǎbò̌ pwǎ kû̌ aphû̌khû a ta̤ô̌htûpwa̤ akhû̌khî nô̤̌ pwǎ.

Rṳ̂̌me̤ 5:2

Dǒ pa yṳ̌ǎ Běcǎ Yeshǔ Khrǐ akhû̌akhîdě, a no ô̌htûpwa̤ pa dǒ Cǒmara abwǐsîrî akû hǒ. Khònò̤̌ pa ô̌htûpwa̤ dǒ abwǐsîrî akû hǒ. Dě pa sǎlě̤ kè̌shumò̤̌mô̤ǐ Cǒmara a ta̤bwǐdû̌sîrîhtûnu hǒ.

Rṳ̂̌me̤ 8:34

Pô̤̌nudě, mò̌pè glè̌ cî̌htò̌ asî ya? Kòyò cî̌htò̌ jò asî tôpwǎ̤꤮ tô̤̌. Ma̤titèhî̌dě, Yeshǔ Khrǐ mî̌ pwa̤ dǒ a si bǎ pa ta̤sǔ aya tôpwa̤, htokhôtô̤̌ Cǒmara ma̤htûpwa̤ getîkhî lû̌û dǒ ta̤si tôpwa̤. Dě Cǒmara ǐ lû̌û gûlǎ̤ dǒ acǔtômû tôkhô. Pô̤̌khô Cǒmara gǔ ma̤jè̌ panu, Yeshǔ nṳ̌ kwisǎyṳ bǎ pa gûlǎ̤ hǒ.

Kôritu awǐlǒ tôbǎ 1:21

Cǒmara a ta̤sî̌ta̤jò̌ mî̌ adû̌ayô̤̌ mè̤̌mî̌ca. Pô̤̌nudě kòyòhǎkhû̌phû̌ tokhlǒ gǔ kè̌lǎsî̌yabò̌ Cǒmara kû̌ asî ta̤sî̌ta̤jò̌ tokhlǒnu, a bò̌ tôkhò̌ tô̤̌. Ma̤titèhî̌dě, Cǒmara sǎphlǒô̌ dǒ a gǔ ma̤hǎplǎge kòyò dǒ a yṳ̌ǎ Khrǐ a ta̤sǎlě̤we̤kè dǒ pa shôbǐǐlṳ̌ bǎ kòyònu tokhlǒ pě. Bǎbǎkǎlè kòyò dǒ a yṳ̌ǎ ta̤sǎlě̤we̤kè tô̤̌ tokhlǒnu, a gènè̤sǔ lô̌khô kû̌ ta̤shôbǐǐlṳ̌ hǒtokhlǒ numî̌ a ô̌lǒô̌khlo pwǎ, a gènè̤ lô̌khô pô̤̌nu.

Ěphěsu 2:18

Dǒ Khrǐ ma̤ bǎ hto dǒ paya dě Yôla Plò̌shǐ Běcǎ tôpwa̤꤮ nô̤̌ ma̤jè̌ bǎ tutṳ̌ pa akhû̌akhî, lǒ̤bò pa Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, pa hènṳ̌ dǒ Cǒmara alô̤mô̤̌ hǒ.

Ěphěsu 3:12

Dǒ pa yṳ̌ǎ Khrǐ, htodě dǒ pa htûhtò̌kè ta̤tôcǒ꤮ nô̤̌ kû̌ Khrǐ akhû̌akhî, khònò̤̌ pa gǔ hènṳ̌ dǒ Cǒmara a ô̌ kû̌ ta̤yṳ̌ǎ tûû̌ anǎ̤ kû̌ ta̤khuta̤he numî̌ anǐ̤ hǒ.

Ěphěsu 3:20

Htû̌sò̌htò̌ lô̌khô Cǒmara. Dǒ a ta̤pô̤ta̤phǎ adû̌ayô̤̌nu ma̤ta̤ dǒ pakû akhû̌akhî, a gǔ ma̤bò̌ khlo bǎ pa kû̌ pa kwihtò̌ a nutokhlǒ pě. Tô̤̌mî̌, a ma̤bò̌ khlo bǎ pa kû̌ pa gènè̤ nǎpe pwǎ nutokhlǒ pě.

Phǐlǐpǐ 3:21

Yeshǔkhrǐ gǔ htû̌lè̌tèplè̌ panǎ̤glǒ dǒ a khû̌shiǎjǎ dě a sijònu kû̌ a ta̤pô̤ta̤phǎ pě, dě a ma̤htûhtò̌sô̌ panǎ̤glǒnu pô̤̌ anǎ̤glǒ dǒ a ô̌ kû̌ a ta̤bwǐdû̌sîrîhtû nupě. A pô̤phǎshû̌sho dǒ a ma̤jè̌ lû̌û dǒ a gǔ pǒbò̌bò ta̤lǒ̤bònu, a htû̌lè̌ tèplè̌kèbò panǎ̤glǒ nutokhlǒ pě.

Tîmôte awǐlǒ tôbǎ 2:5

Ma̤titèhî̌dě Cǒmara ô̌pwǎ tôpwa̤ pwǎ̤꤮ nô̤̌. Htodě kòyò dǒ a ma̤pè̤̌ma̤dû bǎ sô̌ Cǒmara kû̌ kòyòhǎkhû̌phû̌nu a ô̌ tôpwa̤. A mî̌ Kòyòphû̌khû Yeshǔ Khrǐ pwǎ.

Tîmôte ginǐ̤bǎ tôbǎ 1:12

Ma̤pô̤̌nudě dǒ ta̤hǒo tokhlǒ akhû̌akhî, he khòbǎhto ta̤hǒo tokhlǒ hǒ. Bǎbǎkǎlè he sòwò̤̌ tô̤̌, ma̤titèhî̌dě, he sî̌yahto pwa̤ dǒ he yṳ̌nǐ̤nǎ̤nǐ̤ a tôpwa̤ hǒ, htodě he yṳ̌ǎhto kû̌ ta̤ dǒ a ǐlò̤ dǒ he cǔdekû tokhlǒnu, a gǔ ô̌pǒ̤ǐ tǒ̤dǒ lṳmṳ̌ni̤ gutṳ̌ nutôni̤ pě.

Hebrǔ 11:6

Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Hebrǔ 13:15

Pô̤̌nudě, dǒ pa Běcǎ Yeshǔ Khrǐ a ta̤ma̤jè̌ pa akhû̌akhî, pa gǔ lṳhtò̌ pa ta̤htû̌sò̌htò̌ a ta̤lṳhtò̌ dǒ Cǒmara a ô̌ pṳ̂̌꤮ tôplǎ dǒ a amè̤̌kû̌ Yeshǔ mî̌ pa Běcǎ, pa olò̤ pô̤̌onu tǎ꤮.

Hebrǔ 2:18

Dě khònò̤̌, anǎ̤ Běcǎ tûû̌ kè̌shǐsanǎ̤ hè bǎ hto ta̤khòjî̌jû̌ tokhlǒ, ta̤tili̤tôlô̌ tokhlǒ akhû̌akhî, kòyò dǒ a kè̌shǐtṳ̌bǎ ta̤jî̌jû̌ kû̌ ta̤tili̤tôlô̌ tokhlǒnu a ma̤jè̌bò̌ kòyò pwǎ.

Hebrǔ 2:9

Bǎbǎkǎlè, ta̤we̤ta̤kè dǒ pa sî̌ganǎ̤ mè̤̌mî̌ca numî̌ amè̤̌ Yeshǔ nuhǒ. Bǎ a hèlò̤ dǒ hǎkhû̌ akhanu, a nǐ̤bǎ ta̤siwi̤sòwò̤ dǒ ajǎkhlo kû̌ mǒkhû̌ tanaphû̌ tokhlǒ tashò̌phû̌nô̤̌, ma̤titèhî̌dě, dǒ Cǒmara abwǐsîrî akhû̌akhî, Yeshǔ bǎ tṳ̌sikhòsi bǎ pa lǒ̤꤮ bò aya. Dǒ Yeshǔ tṳ̌sikhòsi akhû̌akhî, khònò̤̌ pa sî̌ganǎ̤ kû̌ Cǒmara no ta̤bwǐdû̌sîrîhtû, bè̌dû̌bè̌htû kòyò kû̌ Yeshǔ hǒ.

Hebrǔ 5:7

Bǎ Yeshǔ ô̌htûpwa̤ bǎ hǎkhû̌ akhanu, a kwicaba lǒ̤sû̌lǒ̤sò̌ htò̌ Cǒmara dǒ a ma̤hǎplǎjò lû̌û dǒ ta̤sinu tôpwa̤, dě a yî̤̌kǒhtò̌ mǐ̤sǎshilò̤ kè. A shò̌lò̤ asǎphlǒ dě a sǎphlǒshû̌ ganǎ̤de Cǒmara ayô̤̌ akhû̌akhî, Cǒmara ganǎ̤de a ta̤kwicaba.

Hebrǔ 7:16

Ta̤sû̌ta̤tòwò hî̌ kû̌ kòyò dǒ a htûhtò̌ pwa̤shû̌gǎnu, a bǎ khlilè gelò̤ dǒ tômṳ̌tôcǒ akû a hî̌ pô̤̌nu, bǎbǎkǎlè Yeshǔ hè htû pwa̤shû̌gǎ nî̌, atô pô̤̌ ta̤sû̌ta̤tòwò hî̌nǎ mè̤̌tô̤̌. Mè̤mè̤̌tôkhônu, a htûhtò̌ pwa̤shû̌gǎnu kû̌ a ta̤ô̌htûpwa̤ ta̤pô̤ta̤phǎ shû̌sho dǒ a htûpwa̤ tûjû̌pwa̤ talakhǎ nuhǒ.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Hebrǔ 7:24

Bǎbǎkǎlè Yeshǔnu, a ô̌htûpwa̤ tûjû̌pwa̤ akhû̌akhî, a ǐlò̤ tutṳ̌ bǎ pwa̤shû̌gǎ ata̤ma̤nu dǒ kòyò cǔdekû tôpwǎ̤꤮ tô̤̌.

Hebrǔ 7:8

Yǔdaphû̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ ô̌ tokhlǒnu, a phî̌shǐshu pû̌shǐnutôpû̌ dǒ kòyò gǔ si pě nutokhlǒ a ô̌ pwǎ. Bǎbǎkǎlè Malakhǐsedè̌nu, pa sî̌ganǎ̤tû̌ Cǒmara alě̤ayô̤̌ hî̌ kû̌ a ô̌htûpwa̤ pwǎ.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.

Yṳ̌da 1:24

Pa htû̌sò̌htò̌ wô̤̌wô̤̌ lû̌û Cǒmara tǎ! Pô̤̌khô sî gǔ lò̤khǔpo̤ tǎ̤mǎ̤ ayanu, Cǒmara gǔ kè̌khwè̌ǐ ma̤jè̌ tûû̌ sî nî̌. Htokhôtô̤̌ a gǔ kaǎge bò̌ tûû̌ sî dǒ a lô̤mô̤̌ pě dě sî ta̤sǔ gǔ ô̌ pe tô̤̌, dě sî sǎlě̤sǎlò̤ mè̤̌mî̌ca tûû̌ pû nî̌.