Hebrǔ 7:22 - Kawyaw New Testament

²² Ta̤olò̤yô̤̌ asa dǒ Cǒmara ma̤htûhtò̌ hto pa dǒ pa gǔ nǐ̤bǎ ta̤pi̤li̤ aya tômûnu, awô̌ khlope kû̌ ta̤olò̤yô̤̌ dǒ ali̤ nutômû, ma̤titèhî̌dě Cǒmara wṳ̂̌dòlò̤ hto ayô̤ pô̤̌nu akhû̌akhî, Yeshǔ mî̌ pwa̤ dǒ a gǔ ma̤lǒbe tě̤tě̤mè̤̌mè̤̌ bǎ pa ta̤olò̤ asanu tômû tôpwa̤ hǒ.

Kawyaw RC

²² Ta̤wṳ̂dòyo̤ asa htě Cǒmara ma̤htûhtò̌ bǎ pa dě pa glè nî̤bǎ ta̤pelesesǎ aya htǒotûmûnu, awǒkhlope ta ta̤wṳ̂dòyo̤ ali̤nu tûmû. Ma̤tè̤hî̌dě, Cǒmara bèlò̤hto ayo̤ hǐnu akhû̌akhî, Ye̤shǔ mî̌ pwa̤ htě a ma̤lǒbe te̤mǎ bǎ pa ta̤wṳ̂dò asahtǒo tûmû tapwa̤ hǒ.

Hebrǔ 7:22 Iomraidhean Croise

Mǒhtûlû̌hǎhtûsa 43:9

He wṳ̂̌dòtû̌ kû̌ ta̤pò̤̌ta̤sha bǎ a tôcǒ꤮ tô̤̌. Dě dǒ ayanu, tûlû̌꤮ yṳ̌ǎnǎla̤ǐ he dě bè̌lò̤bò ta̤pṳ̂̌tocǒ dǒ hekhû̌nu. He kè̌ kaǎge sô̌ a dǒ naô̌ tô̤̌ hî̌dě, na bè̌ he ta̤sǔ tûjû̌pwa̤ mî̌ anǐ̤.

Mǒhtûlû̌hǎhtûsa 44:32

He wṳ̂̌dò htohǒ hepha kû̌ he gǔ kè̌khwè̌ takaǐwô̌ tûû̌ a pe hǒnu, dě he hî̌ lû̌û kû̌, he kè̌ kaǎge sô̌ a dǒ naô̌ tô̤̌ hî̌dě, na bè̌ ta̤sǔ tû̌ he tûjû̌pwa̤ mî̌ anǐ̤ pwǎ, he hî̌ lû̌û pô̤̌nu.

Htû̌sò̌htò̌ 119:122

Olò̤mò̌ he mî̌ na pwa̤ma̤ta̤phû̌nu kû̌ na glè̌ tugǔtaka ma̤jè̌ǐ he. No ma̤jî̌ma̤jû̌ tǎ̤ he kû̌ kòyò bè̌dû̌bè̌htò̌lǒ anǎ̤ nutokhlǒ tǎ̤mǎ̤ nî̌.

Matěo 26:28

Shishǐbè mî̌ ta̤wṳ̂̌dò asa dǒ amè̤̌ hesǐ dǒ a gǔ sǐlò̤ dě a gǔ plûkè kòyò saprṳ̂ ata̤sǔ pě.

Mǎ̤riko 14:24

Dě Yeshǔ hî̌ asî kû̌, “Hǒomî̌ hesǐ dǒ a gǔ sǐlò̤ bǎ kòyò saprṳ̂ aya pě. Hǒomî̌ ta̤ma̤dòǐ tocǒ dǒ a ma̤měma̤gle bǎ ta̤wṳ̂̌dò asa aya hǒ.

Lǔka 22:20

Bǎ a ǎhtohǒ lṳmṳ̌hǎshǎǎ akhanu, a phî̌htò̌pô̤̌ bahǒo dě a ma̤ sô̌sô̌kû̌ pô̤̌ a ma̤ mû̌nu dě a hî̌ kû̌, “Hǒomî̌ hesǐ dǒ a ma̤glema̤mě ta̤olò̤ asa dě sǐlò̤ dǒ sîyanu hǒ.

Kôritu awǐlǒ tôbǎ 11:25

Asî ǎhto mû̌ dě, a phî̌htò̌ sîpî̌shishǐbè dě a ma̤sô̌sô̌ pô̤̌khô a ma̤wǐnu, dě a hî̌ kû̌, “Sîpî̌shi numî̌ Cǒmara ta̤olò̤ asa a ta̤ma̤mǎnǎ tôcǒ. Cǒmara ma̤měma̤gle tě̤tě̤mè̤̌mè̤̌ htokè ta̤olò̤nu kû̌ hesǐ dǒ a sǐlò̤ dǒ sîya nuhǒ. Sî ô sîpî̌shinu bǎkhò̌tè̌꤮ bǎbǎnu, pô̤̌khô sî gǔ gènè̤htò̌bǎsô̌ he pṳ̂̌꤮ taplǎ nudě, ma̤ lô̌khô pô̤̌onu nî̌.”

Hebrǔ 12:24

Sî hètǒ̤ dǒ Yeshǔ a ô̌ hǒ. Ta̤olò̤ asa dǒ kòyòhǎkhû̌phû̌ kû̌ Cǒmara aplǎkûnu a htû bǎ pwa̤ma̤ta̤ dǒ aplǎkû tôpwa̤ hǒ. Htokhôtô̤̌ sî hètǒ̤ dǒ Běcǎ Yeshǔ asǐ lǎ̤sǐlò̤ agûlǎ̤ dǒ awô̌ khlo pe kû̌ Khûabelǎ asǐnu a ô̌ hǒ.

Hebrǔ 13:20

Pô̤̌khô sî gǔ ma̤tôma̤bǎ ta̤pè̤̌ta̤dû a Cǒmara nutôpwa̤ asǎphlǒ nudě, ta̤wô̌ lǒ̤bò dǒ sî lṳ̂bǎ tokhlǒnu, a gǔ ǐ bòmǔtegle pû sî nî̌꤮. Dǒ Yeshǔ Khrǐ akhû̌akhî, Cǒmara gǔ ma̤ta̤ dǒ pakû pô̤̌ atô kû̌ asǎphlǒ nutokhlǒ nî̌. Cǒmara ma̤htûpwa̤ getîkhî hto pa Běcǎ Yeshǔ dǒ ta̤si hǒ. Dě dǒ Běcǎ Yeshǔ tṳ̌sikhòsi asǎphlǒ dě asǐ bǎ sǐlò̤ akhû̌akhî, a ma̤měma̤glekè hto Cǒmara a ta̤olò̤ asa dǒ a ô̌ tûjû̌pwa̤ nutômûhǒ. Dǒ a ma̤hto pô̤̌nu akhû̌akhî, Yeshǔ htû pa pwa̤kè̌sû̌phû̌ dǒ adû̌lǒ tôpwa̤ hǒ. Pa mî̌ asû̌phû̌ tokhlǒ hǒ. Kòyò gǔ ma̤bwǐdû̌ma̤sîrîhtû pû Yeshǔ Khrǐ tûjû̌pwa̤ talakhǎ nî̌꤮.

Hebrǔ 7:23

Ta̤ dǒ a khô̌ pe lû̌û dǒ ashǔshawa̤ tôcǒ mî̌ amè̤̌kû̌ pwa̤shû̌gǎ dǒ awǐkha tokhlǒnu, a si lô̌khô akhû̌akhî, kò pwa̤htò̌ tutṳ̌ asî agûlǎ̤nu a ô̌ jûgrû.

Hebrǔ 8:13

Cǒmara hî̌ kû̌ numî̌ ta̤olò̤ asa tôcǒ akhû̌akhî, a nohtûhtò̌kè ta̤olò̤ ali̤nu kû̌ a lǎ̤lṳ̂ petô̤̌. Ali̤alṳ̂ hǒ, kòyò lǎ̤lṳ̂pe lû̌û tô̤̌, dě yî̤khôtô̤̌ hî̌pě, a gǔ hǎmǎkè hǒ.