Hebrǔ 7:2 - Kawyaw New Testament

² Dě PhaAbraha ǐ bò yǎ tě̤ta̤ dǒ a nǐ̤bǎ nutokhlǒ pû̌shǐnutôpû̌. Malakhǐsedè̌ ami̤ yô̤̌mûyô̤̌sǎ awǐlǒ tômû mî̌ “Ta̤cǒta̤tè̤ akhwǐ.” htodě Shale̤ yô̤̌mûyô̤̌sǎ mî̌ sǎphlǒ gûjû̌kabǎ akhû̌akhî, ami̤ ô̌pô̤̌ tûû̌ kû̌, “Sǎphlǒ ta̤gûjû̌kabǎ akhwǐ.”

Kawyaw RC

² Dě Abraham ǐbò nû̌û ta̤kî̌ta̤kû̌ htě a nî̤bǎgenu toǒ pû̌shǐtûpû̌. Malakhǐsèdè̌ ami̤ amûasǎ awǐgutṳ̌ tûmû mî̌ “Ta̤cǒta̤tè̤ akhwǐ.” Htodě Shale amûasǎ mî̌ sò̌phlǒ gûjûkabǎ akhû̌akhî, ami̤ ǒpo̤ kû̌ta, “Sò̌phlǒ ta̤gûjûkabǎ akhwǐ.”

Hebrǔ 7:2 Iomraidhean Croise

Mǒhtûlû̌hǎhtûsa 28:22

Htodě lǒ̤ dǒ he dôihtǒô̌ ma̤dòǐ kû̌ ta̤sî̌yahtò̌ nutômènu a gǔ htûtû̌ Cǒmaradû̌ ahǐ pě, dě lǒ̤bò ta̤ dǒ na ǐ he tokhlǒnu, he gǔ ǐ getîkhî sô̌ kû̌ na apû̌shǐ akû tôpû̌ pě.”

Htû̌sò̌htò̌ 72:7

Kòyòsǎphlǒwô̌ tokhlǒ glè̌ behtò̌belò̤ bǎ ahtukhanu nî̌. La kè̌꤮ ô̌ pepe mî̌, ta̤gûjû̌kabǎ glè̌ ô̌měô̌gle pû nî̌.

Matěo 1:23

“Pwa̤mǒ̤phû̌sǎ tôpwa̤ bǎ mǒ̤dohtò̌ dě a phû̌ô̌lò̤ a phû̌pwa̤khû pě, dě kòyò kaǎ ami̤ kû̌ Emanuěla pě,” Emanuěla yô̤̌mûyô̤̌sǎ mî̌, “Cǒmara ô̌cu kû̌ pa.”

Lǔka 2:14

“Cǒmara ô̌ dǒ gûlǎ̤htò̌yô̤̌lǒ dǒ mǒkhû̌ nutôpwa̤, na nǐ̤bǎ pû bwǐdû̌sîrîhtû nî̌꤮. Dǒ hǎkhû̌nu ta̤pè̤̌ta̤dû kû̌ ta̤gûjû̌kabǎ gǔ ô̌ pû kû̌ kòyò lǒ̤bò dǒ Cǒmara sǎphlǒ ô̌ lû̌û nutokhlǒ nî̌꤮.”

Rṳ̂̌me̤ 3:26

Bǎbǎkǎlè khònò̤̌nu a dǔlè̌lṳ̌ kû̌ a ma̤ ta̤nu atô pwǎ ayanu, a nohè Yeshǔ kû̌ a hè khòsi dǒ kòyò pṳ̂̌꤮ tôpwa̤ aya. Pô̤̌nu akhû̌akhî, Cǒmara anǎ̤ běcǎ tûû̌ aǐlò̤ kû̌ a ma̤cǒma̤tè̤ pwǎ, dě a bè̌cǒbè̌tè̤ kòyò dǒ a yṳ̌ǎ Yeshǔ nutokhlǒ kû̌ anǎ̤.

Hebrǔ 7:1

Malakhǐsedè̌ mî̌ Wî̤̌shale̤ akhwǐ tôpwa̤, dě a htû Cǒmara dǒ adû̌gutṳ̌ nutôpwa̤ a pwa̤shû̌gǎ tôpwa̤. Bǎ PhaAbraha cû̌shěpè̤̌ hto khwǐ sò̌lǐ̤ dě a ge dǒ klè̌lô̤ akhanu, Malakhǐsedè̌ cû̌ kè̌shǔǐ lû̌û dě ǐshowî̤ lû̌û.

Hebrǔ 7:3

Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.