Biblia Todo Logo
Bìoball air-loidhne

- Sanasan -




Hebrǔ 7:19 - Kawyaw New Testament

19 Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Faic an caibideil Dèan lethbhreac

Kawyaw RC

19 Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Faic an caibideil Dèan lethbhreac




Hebrǔ 7:19
29 Iomraidhean Croise  

Dǒ he dě he ô̌phǔ kû̌ Cǒmaradû̌ dě a nǐ̤bwǐsîrî mî̌ca dǒ heya. Běcǎ tûjû̌pwa̤ mî̌ amè̤̌kû̌ he lǎ̤ô̌tûdû. He glè̌ shôbǐǐlṳ̌ bǎ bò kòyò kû̌ na ma̤ ta̤cô̌klǐcô̌sè nupě.


Cǒmara ǐlò̤ ta̤sû̌ta̤tòwò kû̌ Khûmṳ̂shě dě Khûmṳ̂shě ǐlò̤ tutṳ̌ kû̌ pa, bǎbǎkǎlè Yeshǔ Khrǐ mî̌ kòyò dǒ a ǐlò̤ pa ta̤bwǐta̤sîrî kû̌ ta̤tě̤ta̤mè̤̌.


Dě Běcǎ Yeshǔ hî̌shěshu lû̌û kû̌, “He mî̌ klè̌ kû̌ ta̤tě̤ta̤mè̤̌ kû̌mî̌ ta̤htûpwa̤ hǒ. Ta̤ sûcû̌ kòyò dǒ pha aô̌mî̌ he nô̤̌pwǎ, a kè̌ cû̌ tutṳ̌ kû̌ he tô̤̌ nu, a cû̌tǒ̤ jò dǒ pha a ô̌ tôpwǎ̤꤮ tô̤̌.


Dǒ Yeshǔ ma̤htohǒ akhû̌akhî, kòyò dǒ a yṳ̌ǎ Yeshǔ pṳ̂̌꤮ tôpwa̤ nu Cǒmara plûkèbò a ta̤sǔ hǒ dě a bè̌cǒbè̌tè̤ lû̌û hǒ. Dǒ sî gû̌ ma̤ Khûmṳ̂shě a ta̤sû̌ta̤tòwò akhû̌akhî, Cǒmara plûkèjò sî ta̤sǔ nutokhlǒ tîkî̌꤮ tô̤̌.


Dǒ pa yṳ̌ǎ Běcǎ Yeshǔ Khrǐ akhû̌akhîdě, a no ô̌htûpwa̤ pa dǒ Cǒmara abwǐsîrî akû hǒ. Khònò̤̌ pa ô̌htûpwa̤ dǒ abwǐsîrî akû hǒ. Dě pa sǎlě̤ kè̌shumò̤̌mô̤ǐ Cǒmara a ta̤bwǐdû̌sîrîhtûnu hǒ.


Ma̤pô̤̌nudě pa gǔ hî̌ hî̌tè? Ta̤sû̌ta̤tòwò mî̌ asǔ pwǎ pa gǔ hî̌ pô̤̌nu ya? Pa hî̌ pô̤̌numî̌ a tôtô̤̌. Na ma̤ pô̤̌numî̌ asǔ ta̤sû̌ta̤tòwò kè̌ nè̌lṳ̌ tô̤̌ hî̌nu, ta̤ dǒ he ma̤sǔ hto kwè̌꤮ titènu he sî̌ganǎ̤ getîkhî tûû̌ nô̌tô̤̌. Hî̌kûmṳ̂̌, “Sǎyṳsǎbǎ tǎ̤ kòyò ta tǎ̤mǎ̤ nî̌,” kè̌ ta̤sû̌ta̤tòwò wě̤lṳ̌ pô̤̌o tô̤̌ hî̌dě, sǎyṳsǎbǎ kòyòta numî̌ a htû ta̤sǔnu, he sî̌ganǎ̤ tô̤̌.


Dǒ ama̤hî̌tè akhû̌akhî hî̌dě, pô̤̌khô pa gǔ ô̌kǔbǎ dǒ pa ma̤ ta̤sǔ ayanu, pa ganǎ̤de gû̌ma̤ kû̌ ta̤sû̌ta̤tòwò akò dě, a ta̤siwi̤sòwò̤ dǒ a gǔ ma̤jè̌ bǎ panu aô̌tô̤̌, ma̤titèhî̌dě a ta̤shû̌ta̤shǒ ma̤pî̌kè phěyî̌ a ta̤sǎyṳsǎbǎnu akhû̌aǎ ô̌ tô̤̌. Pô̤̌nudě Cǒmara ma̤ kû̌ anǎ̤, a nohèlò̤ a phû̌pwa̤khû dě a hèlò̤ sûlû anǎ̤ pô̤̌ hǎkhû̌phû̌ sô̌sô̌kû̌ pa dǒ a lǎ̤klôma̤ ta̤sǔ tokhlǒ. Bǎbǎkǎlè ta̤sǔ lǎ̤klô pǒjò lû̌û tô̤̌. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒ pa nutokhlǒ hǒ.


Bǎbǎkǎlè pa Yǔdaphû̌ dǒ a yṳ̌ǎ Khrǐ nutokhlǒ numî̌, pa sî̌ganǎ̤ kû̌ Cǒmara bè̌cǒbè̌tè̤ kòyò tôpwa̤numî̌ a bè̌cǒbè̌tè̤ lû̌û kû̌ a gû̌ma̤ ta̤sû̌ta̤tòwò akhanu mè̤̌tô̤̌. Mè̤̌pwǎ tǒ̤ a yṳ̌nǐ̤nǎ̤nǐ̤ Yeshǔ Khrǐnu pwǎ. Pa tokhlǒnu bǎbǎ, pô̤̌khô Cǒmara gǔ bè̌cǒbè̌tè̤ pa kû̌ pa ta̤yṳ̌ta̤nǎ̤ Khrǐ akhû̌khî nudě, pa yṳ̌nǐ̤nǎ̤nǐ̤ Yeshǔ Khrǐ hǒ. Mè̤̌pwǎ dǒ pa gû̌ma̤ ta̤sû̌ta̤tòwò akhanu mè̤̌tô̤̌, ma̤titèhî̌dě dǒ kòyò gû̌ ma̤bò̌ ta̤sû̌ta̤tòwò akò dě kòyò htûhtò̌bò̌ kòyòcǒ kòyòtè̤nu a ô̌ tôpwǎ̤ tô̤̌.


Ma̤pô̤̌nudě ta̤sû̌ta̤tòwònu a ma̤tûkhû̌takǎ shěshu Cǒmara a ta̤olò̤ tokhlǒnu ya? A ma̤tûkhû̌takǎ shěshu tôcǒ꤮ tô̤̌. Ma̤titèhî̌dě ta̤sû̌ta̤tòwò hǒo, a kè̌ dǐô̌htò̌jò pa ta̤ô̌htûpwa̤ asa kè̌hî̌dě Cǒmara bè̌cǒbè̌tè̤ pa kû̌ pa jûlě̤phî̌yô̤̌ kû̌ ta̤sû̌ta̤tòwò tokhlǒ akhû̌khî pwǎ.


Pô̤̌nu akhû̌akhî, ta̤sû̌ta̤tòwònu asô̌sô̌kû̌ pwa̤ ô̌pǒ̤ pa tôpwa̤nu hǒ. Htodě pô̤̌khô Cǒmara gǔ jî̌cǒjî̌tè̤ pa kû̌ pa ta̤yṳ̌ta̤nǎ̤ Khrǐ akhû̌khînu dě ta̤sû̌ta̤tòwònu a sûcû̌hto pa dǒ Khrǐ a ô̌ hǒ.


Dǒ pa yṳ̌ǎ Khrǐ, htodě dǒ pa htûhtò̌kè ta̤tôcǒ꤮ nô̤̌ kû̌ Khrǐ akhû̌akhî, khònò̤̌ pa gǔ hènṳ̌ dǒ Cǒmara a ô̌ kû̌ ta̤yṳ̌ǎ tûû̌ anǎ̤ kû̌ ta̤khuta̤he numî̌ anǐ̤ hǒ.


Cǒmara sǎphlǒô̌ dǒ a gǔ bè̌lṳ̌htò̌ bǎ a kòyò tokhlǒ kû̌ a ta̤dǒû̌dǒshò̌ nutôcǒ. A ta̤dǒû̌dǒshò̌ numî̌ Yǔdaphû̌ mè̤̌tô̤̌ tokhlǒ aya numî̌ amè̤̌. Ta̤dǒû̌dǒshò̌ numî̌ a lě̤dû̌pwî̤htû, ata̤bwǐdû̌sîrîhtû mî̌ca. Ta̤dǒû̌dǒshò̌ numî̌ amè̤̌kû̌ Khrǐ dǒ a ô̌ bǎ sîkû nuhǒ, dě yô̤̌mûyô̤̌sǎ mî̌ amè̤̌kû̌ sî gǔ nǐ̤bǎ Cǒmara a ta̤bwǐdû̌sîrîhtû pě, nuhǒ.


He mî̌ Khûpò̌lǔ. He wě̤cû̌ bǎ sî lî̤ tôbǎ. Cǒmara dǒ a ma̤hǎplǎge pa nutôpwa̤ kû̌ Yeshǔ Khrǐ dǒ pa ta̤kè̌shu nǎla̤ǐ a tôpwa̤nu, asî hî̌bǎhtò̌ hto ayô̤̌ kû̌ a nohtûhtò̌hto he kû̌ Yeshǔ Khrǐ a pwa̤nophû̌ tôpwa̤.


Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.


Ma̤titèhî̌dě ta̤ dǒ awô̌khlo kû̌ hǒtokhlǒ nî̌ Cǒmara ta̤yè̤lò̤nǎ bǎ hto dǒ paya dě a ǐ kû̌ pa pě. Cǒmara bè̌lò̤ hto asǎphlǒ kû̌ pa tôbǎnṳ̌ ô̌pe tǒ̤ kû̌ kòyò dǒnukha tokhlǒ. A ta̤yè̤lò̤nǎ numî̌ pa gǔ ma̤lǒma̤be plǒkû̌ asî nuhǒ.


Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.


Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.


Pô̤̌nudě, pa lṳ̂bǎ ta̤ bǎkhò̌tè bǎbǎnu, pa tô hènṳ̌ khukhu dǒ pa Cǒmara dǒ a gwèbǎǐ kòyò nutôpwa̤ a lǎ̤hǎnòò̌ alô̤mô̤̌nu. Dě pa nǐ̤bǎ a ta̤sǎyṳgwèbǎǐ pě, dě pa kè̌shǐbǎ abwǐdû̌asîrîhtû dǒ a ma̤jè̌ pa nupě.


Pô̤̌nudě Cǒmara ǐ bòkè pa a ta̤olò̤ kû̌ a ta̤wṳ̂̌dòlò̤ ayô̤̌ ginǐ̤cǒbò hǒ. Cǒmara lòhôjòtô̤̌ akhû̌akhî, ginǐ̤cǒnu a htû̌lè̌ tèplè̌ khô̌jò tô̤̌tô̤̌. Pa dǒ a khlè̌ tûdûbǐ dǒ Cǒmara a ô̌ tokhlǒnu, dǒ Cǒmara htû̌lè̌ tèplè̌ khô̌jò pe a ta̤olò̤ tô̤̌ akhû̌akhî, pa sǎphlǒmô̤ sǎphlǒshû̌htò̌ mî̌ca. Dǒ pa sǎphlǒmô̤ sǎphlǒshû̌ akhû̌akhî, ta̤kè̌shuǐ dǒ Cǒmara ǐ panu, pa pṳ̂̌mě hènè sělě dǒ agutṳ̌ hǒ.


Bǎ Cǒmara ǐ Yǔdaphû̌ tokhlǒ ta̤sû̌ta̤tòwò akhanu, a bè̌htò̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ nutokhlǒ a ô̌. Asî bǎ lṳhtò̌ bǎ kòyò pô̤̌ ta̤sû̌ta̤tòwò tokhlǒ ô̌nu. Le̤wǐphû̌ pwa̤lṳta̤phû̌ tokhlǒ ma̤ ata̤ma̤ tokhlǒ bǎbǎkǎlè pô̤̌khô kòyò gǔ htûhtò̌ kòyòcǒkòyòtè̤ ayanu, asî ma̤jòtô̤̌. Pô̤̌nudě Cǒmara bǎ no hèkhò tèplè̌ pwa̤shû̌gǎ dǒ ashǔshawa̤ tôpwa̤. Pwa̤shû̌gǎ tôpwa̤nu akhlialè gelò̤ dǒ Le̤wǐphû̌ dǒ akhlialè gelò̤ tutṳ̌ dǒ PhaArû a ô̌nu mè̤̌tô̤̌. Pwa̤shû̌gǎ tôpwa̤nu, asô̌sô̌kû̌ Malakhǐsedè̌ nuhǒ.


Cǒmara wṳ̂̌dòlò̤ hto ayô̤̌ kû̌ Yeshǔ gǔ htû pwa̤shû̌gǎ tûjû̌pwa̤ pě. Bǎbǎkǎlè bǎ Le̤wǐ khlilèphû̌ tokhlǒ htû pwa̤shû̌gǎ akhanu, a wṳ̂̌dò ayô̤̌ kû̌ asî pô̤̌nu tômṳ̂̌꤮ tô̤̌.


Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.


Yeshǔ ma̤ta̤ pô̤̌ pwa̤shû̌gǎ tôpwa̤nu, awô̌ khlope kû̌ pwa̤shû̌gǎta̤ dǒ hǎkhû̌ nutokhlǒ ma̤nu. Pô̤̌nudě, Cǒmara a ta̤olò̤ asa dǒ Yeshǔ phî̌hènǐ̤ numî̌ awô̌khlo pe kû̌ ta̤olò̤ ali̤nu. Ta̤olò̤ asanu, a gètè̤ nǎla̤htò̌ǐ ta̤olò̤ dǒ awô̌khlo tokhlǒ alô̤.


Ta̤nutokhlǒ mî̌ a sǎyṳ dǔlè̌lṳ̌khô̌ pa ta̤ma̤mǎnǎ dǒ pa htukha khònò̤̌kha tokhlǒ hǒ. A sǎyṳ nè̌lṳ̌hto pa kû̌ ta̤lṳta̤tòhtò̌ nutokhlǒ kû̌ ta̤phû̌ta̤wè̤ dǒ kòyò lṳhtò̌ a tokhlǒnu, a ma̤ mṳ̂̌plîphǔjò bǎ pwa̤ hè cubucabahtò̌ ta̤nutokhlǒ asǎphlǒ tô̤̌.


Sǒsǔ hèphǔ lô̌khô sînǎ̤ kû̌ Cǒmara dě a sǒsǔ hèphǔ anǎ̤ kû̌ sî ô̌ pě. Pwa̤ma̤sǔphû̌ sî꤮, cǔbò lô̌khô sî cǔdenu. Kòyò sǎphlǒ ô̌wô̤̌ sî꤮, ma̤mṳ̂̌plî sô̌ lô̌khô sî sǎphlǒnu.


Lean sinn:

Sanasan


Sanasan