Hebrǔ 7:18 - Kawyaw New Testament

¹⁸ Pô̤̌nu akhû̌akhî, ta̤sû̌ta̤tòwò ali̤nu, kòyò bè̌tephekè a ma̤titèhî̌dě a khû̌shiǎjǎ dě a ma̤jè̌bò̌ pa tô̤̌.

Kawyaw RC

¹⁸ Hǐnu akhû̌akhî, ta̤mǎlò̤ ali̤ htǒonu, kò bè̌tephekè yǎ ma̤tè̤hî̌dě a khû̌jaǎja dě a ma̤jèbò̌ pa tò̤.

Hebrǔ 7:18 Iomraidhean Croise

Pwa̤nophû̌ 13:39

Dǒ Yeshǔ ma̤htohǒ akhû̌akhî, kòyò dǒ a yṳ̌ǎ Yeshǔ pṳ̂̌꤮ tôpwa̤ nu Cǒmara plûkèbò a ta̤sǔ hǒ dě a bè̌cǒbè̌tè̤ lû̌û hǒ. Dǒ sî gû̌ ma̤ Khûmṳ̂shě a ta̤sû̌ta̤tòwò akhû̌akhî, Cǒmara plûkèjò sî ta̤sǔ nutokhlǒ tîkî̌꤮ tô̤̌.

Rṳ̂̌me̤ 3:31

Cǒmara kè̌ bè̌cǒbè̌tè̤ pa kû̌ pa ta̤yṳ̌ta̤nǎ̤ khû̌khî pwǎ kè̌hî̌dě ta̤sû̌ta̤tòwò tokhlǒ numî̌ a phèkè bòpě hò̌? A phèkè bǎtô̤̌. Sî hî̌ tǎ̤ kû̌ a phèkè pě tǎ̤mǎ, a ma̤ shû̌htò̌shohtò̌ khlo pe pě, ma̤titè̤̌hî̌dě kè̌ pa yṳ̌nǐ̤ Yeshǔ hî̌nu pa ganǎ̤de hèwô̌ khlopô̤̌pô̤̌ ta̤sû̌ta̤tòwò.

Rṳ̂̌me̤ 8:3

Dǒ ama̤hî̌tè akhû̌akhî hî̌dě, pô̤̌khô pa gǔ ô̌kǔbǎ dǒ pa ma̤ ta̤sǔ ayanu, pa ganǎ̤de gû̌ma̤ kû̌ ta̤sû̌ta̤tòwò akò dě, a ta̤siwi̤sòwò̤ dǒ a gǔ ma̤jè̌ bǎ panu aô̌tô̤̌, ma̤titèhî̌dě a ta̤shû̌ta̤shǒ ma̤pî̌kè phěyî̌ a ta̤sǎyṳsǎbǎnu akhû̌aǎ ô̌ tô̤̌. Pô̤̌nudě Cǒmara ma̤ kû̌ anǎ̤, a nohèlò̤ a phû̌pwa̤khû dě a hèlò̤ sûlû anǎ̤ pô̤̌ hǎkhû̌phû̌ sô̌sô̌kû̌ pa dǒ a lǎ̤klôma̤ ta̤sǔ tokhlǒ. Bǎbǎkǎlè ta̤sǔ lǎ̤klô pǒjò lû̌û tô̤̌. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒ pa nutokhlǒ hǒ.

Galatǐ 3:15

Pṳ̌wè̤̌ sî꤮, he gǔ shôbǐǐlṳ̌ bǎ sî kû̌ ta̤ dǒ kòyò lǎ̤klô ma̤ ǐtûû̌ a lṳmṳ̌khilṳmṳ̌lî tôcǒ. Bǎ kòyò sò̌ginǐ̤ ǎmě hto lû̌shǎ akhanu, mòpèpè̌ bǎbǎ, a kè̌ hè ma̤pî̌kè tô̤̌mî̌ a kè̌ hè ma̤khô̌kè hî̌nu, anǐ̤ pe tô̤̌ hǒ.

Galatǐ 3:17

Ta̤dǒ he sǎyṳ hî̌ nî̌ hî̌tè numî̌, Cǒmara olò̤ hto kû̌ PhaAbraha dě dǒ nô̌kò aně lǐ̤ya̤ kû̌ sushinu a ǐlò̤nô̌ pwǎ ta̤sû̌ta̤tòwò dǒ Khûmṳ̂shě a ô̌ pwǎ. Ta̤sû̌ta̤tòwò numî̌, a ma̤pè̤̌kèjò kû̌ Cǒmara a ta̤olò̤ tô̤̌.

Galatǐ 3:21

Ma̤pô̤̌nudě ta̤sû̌ta̤tòwònu a ma̤tûkhû̌takǎ shěshu Cǒmara a ta̤olò̤ tokhlǒnu ya? A ma̤tûkhû̌takǎ shěshu tôcǒ꤮ tô̤̌. Ma̤titèhî̌dě ta̤sû̌ta̤tòwò hǒo, a kè̌ dǐô̌htò̌jò pa ta̤ô̌htûpwa̤ asa kè̌hî̌dě Cǒmara bè̌cǒbè̌tè̤ pa kû̌ pa jûlě̤phî̌yô̤̌ kû̌ ta̤sû̌ta̤tòwò tokhlǒ akhû̌khî pwǎ.

Galatǐ 4:21

Sî dǒ a sǎyṳ nohtûhtò̌ ta̤sû̌ta̤tòwònu kû̌ sîběcǎ tokhlǒ, sî ta̤sû̌ta̤tòwò hî̌ hî̌tènumî̌ sî ganǎ̤de gû̌ kòyò tô̤̌ ya? Shôbǐǐ kè̌mò̌ he.

Galatǐ 4:9

Bǎbǎkǎlè khònò̤̌ sî sî̌yahto Cǒmara hǒ. He gǔ hî̌ shapwǎ̤ sî kû̌ Cǒmara sî̌yahto sî hǒ. Ma̤titèdě sî sǎyṳ khlǐtikhîge pe dǒ hǎkhû̌běkhû̌ a ta̤mǎlò̤ tokhlǒ kû̌ alǎ̤bû̌lǎ̤klô tokhlǒ dǒ a khû̌shiǎjǎ dě abwǐsîrî ô̌tô̤̌ nutokhlǒ alǎ̤nu ma̤titè? Mî̌ sî sǎyṳ htûhtò̌ sô̌ asî ajû̌ ya?

Tîmôte awǐlǒ tôbǎ 4:8

Sahtò̌ sû̌ǐ nanǎ̤ dǒ nǎ̤glǒphěyî̌ tôkhô numî̌, abwǐsîrî ô̌ tokhlǒ. Bǎbǎkǎlè sahtò̌ sû̌ǐ nanǎ̤ pô̤̌ Cǒmara sǎyṳ no ô̌htûpwa̤ na numî̌ abwǐasîrî ô̌bò pa cû̌sû̌ǐ htò̌jò panǎ̤ pô̤̌ Cǒmara a ta̤sǎyṳnu ma̤titèhî̌dě, ta̤numî̌ a gǔ htûbwǐhtûsîrî mè̤̌mî̌ca hǒ tôhtu ayanu mè̤̌tô̤̌, htû̌꤮ nô̌kòpě tôhtu aya bǎbǎ, a htûbwǐhtûsîrî mè̤̌mî̌ca pě.

Hebrǔ 13:9

No tili̤tôlô̌ cû̌sǔnṳ̌plěnṳ̌ tǎ̤ sî kû̌ lǒ̤bò ta̤sû̌ǐtòwòǐ dǒ a khô̌ nutokhlǒ tǎ̤mǎ̤ nî̌꤮. Gû̌ cû̌ kû̌ tǎ̤mǎ̤ nî̌꤮. Sî sǎphlǒ nî̌, a tô nǐ̤khû̌nǐ̤ǎ kû̌ Cǒmara abwǐsîrî akhû̌akhî pwǎ. Dǒ sî ganǎ̤de gû̌ma̤ shǎǎshǎô a ta̤sû̌ta̤tòwò tokhlǒ akhû̌khî dě sî sǎphlǒ khû̌ǎhtò̌ tô̤̌ pô̤̌nu mè̤̌tô̤̌. Sî ganǎ̤de gû̌ma̤ kû̌ ta̤sû̌ta̤tòwò akhû̌khînu, a nǐ̤bwǐnǐ̤sîrî dǒ sîya tôcǒ꤮ tô̤̌.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.