Hebrǔ 7:16 - Kawyaw New Testament

¹⁶ Ta̤sû̌ta̤tòwò hî̌ kû̌ kòyò dǒ a htûhtò̌ pwa̤shû̌gǎnu, a bǎ khlilè gelò̤ dǒ tômṳ̌tôcǒ akû a hî̌ pô̤̌nu, bǎbǎkǎlè Yeshǔ hè htû pwa̤shû̌gǎ nî̌, atô pô̤̌ ta̤sû̌ta̤tòwò hî̌nǎ mè̤̌tô̤̌. Mè̤mè̤̌tôkhônu, a htûhtò̌ pwa̤shû̌gǎnu kû̌ a ta̤ô̌htûpwa̤ ta̤pô̤ta̤phǎ shû̌sho dǒ a htûpwa̤ tûjû̌pwa̤ talakhǎ nuhǒ.

Kawyaw RC

¹⁶ Ta̤sû̌ta̤tòwò hî̌ ta kòyò htě a htûhtò̌ pwa̤lṳhtò̌ta̤nu, a bǎ khlilè hǎte̤gilò̤ ta tṳgumṳ akû a hî̌ hǐnu, pwǎ̤tadě Ye̤shǔ hè htû pwa̤lṳhtò̌ta̤ htǒonu, ato pwǐ ta̤sû̌ta̤tòwò hî̌nu mè̤tò̤. Mî̌tanu, a htûhtò̌ pwa̤lṳhtò̌ta̤ htǒonu ta a ta̤ǒhtûpwa̤ apo̤aphǎ shû̌sho dě a htûpwa̤ tûjûpwa̤ talakhǎ htǒonuhǒ.

Hebrǔ 7:16 Iomraidhean Croise

Rṳ̂̌me̤ 7:14

Pa sî̌ganǎ̤ kû̌ Cǒmara a Yôla Plò̌shǐ ǐlò̤ pa ta̤sû̌ta̤tòwò nutokhlǒ bǎbǎkǎlè he mî̌ hǎkhû̌phû̌ dǒ a sijò tôpwa̤ pwǎ. He mî̌ asô̌sô̌kû̌ jû̌ dǒ kòyò shaǎ cû̌kè yǎ kû̌ a gǔ cû̌htû bǎ ta̤sǔta̤plě běcǎ nutôpwa̤ ajû̌ pwǎ.

Galatǐ 4:3

Pa hǒtokhlǒ numî̌ asô̌sô̌kû̌ nuhǒ. Bǎ Khrǐ hè tǒ̤khôtô̤̌ akhanu, pa htû hǎkhû̌běkhû̌ a ta̤mǎlò̤ kû̌ a lǎ̤bû̌lǎ̤klô tokhlǒ ajû̌.

Galatǐ 4:9

Bǎbǎkǎlè khònò̤̌ sî sî̌yahto Cǒmara hǒ. He gǔ hî̌ shapwǎ̤ sî kû̌ Cǒmara sî̌yahto sî hǒ. Ma̤titèdě sî sǎyṳ khlǐtikhîge pe dǒ hǎkhû̌běkhû̌ a ta̤mǎlò̤ tokhlǒ kû̌ alǎ̤bû̌lǎ̤klô tokhlǒ dǒ a khû̌shiǎjǎ dě abwǐsîrî ô̌tô̤̌ nutokhlǒ alǎ̤nu ma̤titè? Mî̌ sî sǎyṳ htûhtò̌ sô̌ asî ajû̌ ya?

Kòlòtè̌ 2:14

A htǔpǐ̤kè bò ta̤wě̤mǎnǎ dǒ a glè̌ cî̌htò̌ pa nutokhlǒ hǒ. Bǎ kòyò ma̤sihtò̌ Khrǐ dǒ nò̌dò̌htǔlô̤ akhanu, Cǒmara ma̤mǔma̤pî̌ htobò ta̤wě̤mǎnǎ nutokhlǒ hǒ.

Kòlòtè̌ 2:20

Sî si kû̌ Yeshǔ Khrǐ dě a ma̤hǎplǎge sî kû̌ khînǎkhîno dǒ a pǒǐ hǎkhû̌běkhû̌ nutokhlǒ a cǔdekû hǒ. Sî cû̌ ô̌htûpwa̤ pe lô̌khô pô̤̌ kòyò dǒ a sô̌sô̌pe kû̌ hǎkhû̌phû̌ tokhlǒnu hî̌tè? Dě sî cû̌ ganǎ̤de gû̌ma̤ pe ta̤dǔta̤wî̤ tokhlǒ ma̤titè?

Hebrǔ 10:1

Khònò̤̌ pa sî̌yaphlô kû̌ ta̤sû̌ta̤tòwò dǒ Khûmṳ̂shě bè̌kè numî̌ amè̤̌pwǎ ta̤yǎ̤yô̤ ta̤ma̤mǎnǎ tôcǒpwǎ. Ta̤ amè̤̌mî̌cǎ dǒ ta̤sû̌ta̤tòwò sǎyṳ nè̌lṳ̌ numî̌ amè̤̌kû̌ lǒ̤bò ta̤wî̤ta̤twè̤̌ dǒ a hè tutṳ̌ dǒ Khrǐ a ô̌ tokhlǒnu hǒ. Ta̤sû̌ta̤tòwònu a hî̌ kû̌, pṳ̂̌něně꤮ tôbǎ lṳhtò̌ ta̤phû̌ta̤wè̤nu akhû̌akhî, ma̤lǒhtò̌behtò̌ jò bǎ kòyòhǎkhû̌phû̌ tô̤̌.

Hebrǔ 7:15

Bǎ pwa̤shû̌gǎ dǒ ashǔshawa̤ dǒ asô̌sô̌kû̌ Malakhǐsedè̌ dǒ awǐkha tôpwa̤ hètǒ̤ akhanu, kòyò sî̌yaphlô hè khlo kû̌ ta̤ dǒ pa hî̌ nutokhlǒ hǒ.

Hebrǔ 7:17

Ma̤titèhî̌dě lî̤plò̌shǐkû hî̌ kû̌, “Na htû pwa̤shû̌gǎ tûjû̌pwa̤ dǒ asô̌sô̌kû̌ Malakhǐsedè̌ nupě” a hî̌ pô̤̌nu.

Hebrǔ 7:21

Bǎbǎkǎlè, Cǒmara hî̌ Yeshǔ kû̌, “Běcǎ wṳ̂̌dòlò̤hto ayô̤̌ dě a hî̌khô̌ tèplè̌ petô̤̌, dě a hî̌ kû̌, ‘na gǔ htûhtò̌ pwa̤shû̌gǎta̤ tûjû̌pwa̤ pě,’” bǎ Yeshǔ htò̌ htû pwa̤shû̌gǎ akha, Cǒmara hî̌ lû̌û pô̤̌nu.

Hebrǔ 7:28

Pwa̤shû̌gǎ tokhlǒnu, a ta̤sǔta̤plě ô̌ pwǎ lô̌khô bǎbǎkǎlè ta̤sû̌ta̤tòwò ô̌ akhû̌akhî, kòyò bǎ bè̌htò̌ asî pwǎ. Bǎbǎkǎlè bǎ Cǒmara ǐlò̤hto ta̤sû̌ta̤tòwònu dǒ nô̌kò ayî̤kèhǒnu, a olò̤ khô̌tîkhîpô̤̌ tômû dě a wṳ̂̌dòlò̤ padô̌ ayô̤̌ bǎnu. A wṳ̂̌dòlò̤ ayô̤̌ kû̌ a bè̌htò̌ a phû̌pwa̤khû dǒ ata̤sǔ ô̌tô̤̌, a lǒbe nutôpwa̤ kû̌ a gǔ htûhtò̌ pwa̤shû̌gǎ ikǒdû̌lǒ tûjû̌pwa̤ hǒ.

Hebrǔ 7:3

Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Ta̤dǔlè̌nǎ 1:18

He mî̌ kòyò dǒ a htûpwa̤ tôpwa̤. He si htohǒ bǎbǎkǎlè khònò̤̌ he htûpwa̤ tûjû̌pwa̤ talakhǎ hǒ. He ô̌ kû̌ ta̤siwi̤sòwò̤ kû̌ ta̤pô̤ta̤phǎ dě he pǒbò ta̤si kû̌ lṳ̌gǎnǎdo tokhlǒ.