Hebrǔ 7:15 - Kawyaw New Testament

¹⁵ Bǎ pwa̤shû̌gǎ dǒ ashǔshawa̤ dǒ asô̌sô̌kû̌ Malakhǐsedè̌ dǒ awǐkha tôpwa̤ hètǒ̤ akhanu, kòyò sî̌yaphlô hè khlo kû̌ ta̤ dǒ pa hî̌ nutokhlǒ hǒ.

Kawyaw RC

¹⁵ Bǎ pwa̤lṳhtò̌ ahǔwa̤ tapwa̤ htě alò̤ta Malakhǐsèdè̌ dě nukha tapwa̤ hèto̤ akhanu, kò sî̌yaphlo hèto̤khlo ta̤ htě pa hî̌ htǒonu toǒ hǒ.

Hebrǔ 7:15 Iomraidhean Croise

Htû̌sò̌htò̌ 110:4

Cǒmara tûjû̌pwa̤ wṳ̂̌dò ayô̤̌ dě a hî̌khô̌ petô̤̌. A hî̌ kû̌, “Na htû pwa̤shû̌gǎ tûjû̌pwa̤ dǒ asô̌sô̌kû̌ pwa̤shû̌gǎ Malakhǐsedè̌ nupě.”

Matěo 13:21

Bǎbǎkǎlè a yṳ̌ǎ lô̌khô tòshò̌phû̌ nô̤̌pwǎ, ma̤titè̌hî̌dě Cǒmara alě̤ayô̤̌nu, a nṳ̌ ô̌měô̌gle dǒ asî sǎphlǒkû tô̤̌. Dǒ asî yṳ̌ǎ Cǒmara alě̤ayô̤̌nu akhû̌akhî, a khòbǎ ta̤pò̤̌ta̤sha, ta̤ma̤jî̌ma̤jû̌ dě a wîkèsô̌ a ta̤yṳ̌ta̤nǎ̤.

Hebrǔ 5:6

Cǒmara hî̌ dǒ ashǔshawa̤ tômû kû̌, “Na htû pwa̤shû̌gǎ tûjû̌pwa̤ dǒ asô̌sô̌kû̌ pwa̤shû̌gǎ Malakhǐsedè̌ dǒ awǐkha tôpwa̤,” a hî̌ pô̤̌ lû̌û pô̤̌nu.

Hebrǔ 7:11

Bǎ Cǒmara ǐ Yǔdaphû̌ tokhlǒ ta̤sû̌ta̤tòwò akhanu, a bè̌htò̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ nutokhlǒ a ô̌. Asî bǎ lṳhtò̌ bǎ kòyò pô̤̌ ta̤sû̌ta̤tòwò tokhlǒ ô̌nu. Le̤wǐphû̌ pwa̤lṳta̤phû̌ tokhlǒ ma̤ ata̤ma̤ tokhlǒ bǎbǎkǎlè pô̤̌khô kòyò gǔ htûhtò̌ kòyòcǒkòyòtè̤ ayanu, asî ma̤jòtô̤̌. Pô̤̌nudě Cǒmara bǎ no hèkhò tèplè̌ pwa̤shû̌gǎ dǒ ashǔshawa̤ tôpwa̤. Pwa̤shû̌gǎ tôpwa̤nu akhlialè gelò̤ dǒ Le̤wǐphû̌ dǒ akhlialè gelò̤ tutṳ̌ dǒ PhaArû a ô̌nu mè̤̌tô̤̌. Pwa̤shû̌gǎ tôpwa̤nu, asô̌sô̌kû̌ Malakhǐsedè̌ nuhǒ.

Hebrǔ 7:14

Kòyò sî̌ganǎ̤ mè̤̌mî̌ca kû̌ pa Běcǎ Yeshǔ Khrǐnu, akhlilè gelò̤ dǒ Yǔda tômṳ̌tôcǒ a ô̌. Dǒ awǐkha mî̌, Yǔda akhlialè gǔ htûhtò̌ pwa̤shû̌gǎta̤ tokhlǒ pěnu, Khûmṳ̂shě hî̌bǎ tôkhò̌꤮ tô̤̌.

Hebrǔ 7:16

Ta̤sû̌ta̤tòwò hî̌ kû̌ kòyò dǒ a htûhtò̌ pwa̤shû̌gǎnu, a bǎ khlilè gelò̤ dǒ tômṳ̌tôcǒ akû a hî̌ pô̤̌nu, bǎbǎkǎlè Yeshǔ hè htû pwa̤shû̌gǎ nî̌, atô pô̤̌ ta̤sû̌ta̤tòwò hî̌nǎ mè̤̌tô̤̌. Mè̤mè̤̌tôkhônu, a htûhtò̌ pwa̤shû̌gǎnu kû̌ a ta̤ô̌htûpwa̤ ta̤pô̤ta̤phǎ shû̌sho dǒ a htûpwa̤ tûjû̌pwa̤ talakhǎ nuhǒ.

Hebrǔ 7:3

Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.