Hebrǔ 7:11 - Kawyaw New Testament

¹¹ Bǎ Cǒmara ǐ Yǔdaphû̌ tokhlǒ ta̤sû̌ta̤tòwò akhanu, a bè̌htò̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ nutokhlǒ a ô̌. Asî bǎ lṳhtò̌ bǎ kòyò pô̤̌ ta̤sû̌ta̤tòwò tokhlǒ ô̌nu. Le̤wǐphû̌ pwa̤lṳta̤phû̌ tokhlǒ ma̤ ata̤ma̤ tokhlǒ bǎbǎkǎlè pô̤̌khô kòyò gǔ htûhtò̌ kòyòcǒkòyòtè̤ ayanu, asî ma̤jòtô̤̌. Pô̤̌nudě Cǒmara bǎ no hèkhò tèplè̌ pwa̤shû̌gǎ dǒ ashǔshawa̤ tôpwa̤. Pwa̤shû̌gǎ tôpwa̤nu akhlialè gelò̤ dǒ Le̤wǐphû̌ dǒ akhlialè gelò̤ tutṳ̌ dǒ PhaArû a ô̌nu mè̤̌tô̤̌. Pwa̤shû̌gǎ tôpwa̤nu, asô̌sô̌kû̌ Malakhǐsedè̌ nuhǒ.

Kawyaw RC

¹¹ Bǎ Cǒmara ǐ Yṳ̌daphû̌ toǒ ta̤sû̌ta̤tòwò akhanu, a bè̌htò̌ pwa̤lṳhtò̌ta̤phû̌ htě akhlialè hǎte̤ ta Lě̤wǐphû̌nu toǒ a ǒ. Asî bǎ lṳhtò̌ǐ bǎ kò pwǐ ta̤sû̌ta̤tòwò toǒ ǒnu. Lě̤wǐphû̌ pwa̤lṳhtò̌ta̤phû̌ htǒotoǒ ma̤ ata̤ma̤ htǒotoǒ pwǎ̤tadě ma̤pûhǐ kò htûhtò̌ kòcǒkòtè̤ ayanu, asî ma̤jòtò̤. Hǐnudě Cǒmara bǎ nohèkhǒ tèplè̌tû̌ pwa̤lṳhtò̌ta̤ ahǔwa̤ tapwa̤. Pwa̤lṳhtò̌ta̤ htǒotapwa̤nu akhlialè hǎte̤ ta Lě̤wǐphû̌ dě akhlialè hǎte̤ tṳtṳ ta Aro a ǒ htǒonu mè̤tò̤. Pwa̤lṳhtò̌ta̤ htǒotapwa̤nu, alò̤ta Malakhǐsèdè̌nu hǒ.

Hebrǔ 7:11 Iomraidhean Croise

Galatǐ 2:21

He wîkè Cǒmara abwǐsîrî tô̤̌, ma̤titèhî̌dě kòyò tôpwa̤pwa̤ kè̌ htûhtò̌ bò̌jò kòyòcǒ kòyòtè̤ kû̌ gû̌ma̤ ta̤sû̌ta̤tòwò akò pwǎ kè̌hî̌dě, Khrǐ tṳ̌sikhòsi anǎ̤ numî̌ a tônô̤̌ bòkè hǒ.”

Galatǐ 4:3

Pa hǒtokhlǒ numî̌ asô̌sô̌kû̌ nuhǒ. Bǎ Khrǐ hè tǒ̤khôtô̤̌ akhanu, pa htû hǎkhû̌běkhû̌ a ta̤mǎlò̤ kû̌ a lǎ̤bû̌lǎ̤klô tokhlǒ ajû̌.

Galatǐ 4:9

Bǎbǎkǎlè khònò̤̌ sî sî̌yahto Cǒmara hǒ. He gǔ hî̌ shapwǎ̤ sî kû̌ Cǒmara sî̌yahto sî hǒ. Ma̤titèdě sî sǎyṳ khlǐtikhîge pe dǒ hǎkhû̌běkhû̌ a ta̤mǎlò̤ tokhlǒ kû̌ alǎ̤bû̌lǎ̤klô tokhlǒ dǒ a khû̌shiǎjǎ dě abwǐsîrî ô̌tô̤̌ nutokhlǒ alǎ̤nu ma̤titè? Mî̌ sî sǎyṳ htûhtò̌ sô̌ asî ajû̌ ya?

Hebrǔ 5:10

Dě Cǒmara bè̌htò̌ yǎ kû̌ pwa̤shû̌gǎ ikǒdû̌lǒ dǒ asô̌sô̌kû̌ pwa̤shû̌gǎ Malakhǐsedè̌ ma̤ta̤ dǒ awǐkha tôpwa̤ nuhǒ.

Hebrǔ 5:6

Cǒmara hî̌ dǒ ashǔshawa̤ tômû kû̌, “Na htû pwa̤shû̌gǎ tûjû̌pwa̤ dǒ asô̌sô̌kû̌ pwa̤shû̌gǎ Malakhǐsedè̌ dǒ awǐkha tôpwa̤,” a hî̌ pô̤̌ lû̌û pô̤̌nu.

Hebrǔ 6:20

Yeshǔ cû̌nṳ̌wǐ hto pagûlǎ̤ dǒ alô̤mô̤̌ hǒ. A htû hto pa pwa̤shû̌gǎ ikǒdû̌lǒ dǒ a ô̌ khòyî̤ tûjû̌pwa̤ nuhǒ. A mî̌ a sô̌sô̌ kû̌ pwa̤shû̌gǎ Malakhǐsedè̌ dǒ awǐkha tôpwa̤hǒ.

Hebrǔ 7:10

Ma̤titèhî̌dě, bǎ PhaAbraha kè̌shǐshěshu kû̌ Malakhǐsedè̌ akhanu, KhûLe̤wǐ nutôpwa̤ nî̌ a ô̌phijǎlò̤ khôtô̤̌. A ô̌pepwǎ dǒ aphiphu Abraha anǎ̤glǒ phěyî̌ akû pwǎ.

Hebrǔ 7:12

Ma̤titèhî̌dě bǎ kòyò htû̌lè̌ tèplè̌ pwa̤shû̌gǎ akhlialè akhanu, kòyò bǎ htû̌lè̌ tèplè̌ kû̌ ta̤sû̌ta̤tòwò tokhlǒ.

Hebrǔ 7:13

Běcǎ Yeshǔ Khrǐ dǒ pa hî̌ǐ yǎ awe̤akè tôpwa̤ numî̌, a hènṳ̌kè bǎ pwa̤shû̌gǎ dǒ awǐkha nutokhlǒ agûlǎ̤ hǒ. A mî̌ Le̤wǐ akhlialè mè̤̌tô̤̌. Akhlialè gelò̤ khô̌ dǒ ashǔshawa̤ tôcǒ dǒ kòyò kaǎ kû̌ Yǔda akhlialè pô̤̌ pwa̤shû̌gǎta̤ tôpwa̤ ma̤ ta̤ dǒ ta̤lṳhtò̌wǎ̤ akòshî̌nu, akhlialè nî̌ a ma̤bǎ kû̌ kòyò pwa̤shû̌gǎ ta̤ma̤ tôpwǎ̤꤮ tô̤̌.

Hebrǔ 7:15

Bǎ pwa̤shû̌gǎ dǒ ashǔshawa̤ dǒ asô̌sô̌kû̌ Malakhǐsedè̌ dǒ awǐkha tôpwa̤ hètǒ̤ akhanu, kòyò sî̌yaphlô hè khlo kû̌ ta̤ dǒ pa hî̌ nutokhlǒ hǒ.

Hebrǔ 7:21

Bǎbǎkǎlè, Cǒmara hî̌ Yeshǔ kû̌, “Běcǎ wṳ̂̌dòlò̤hto ayô̤̌ dě a hî̌khô̌ tèplè̌ petô̤̌, dě a hî̌ kû̌, ‘na gǔ htûhtò̌ pwa̤shû̌gǎta̤ tûjû̌pwa̤ pě,’” bǎ Yeshǔ htò̌ htû pwa̤shû̌gǎ akha, Cǒmara hî̌ lû̌û pô̤̌nu.

Hebrǔ 8:7

Ta̤olò̤ wǐ nutûmû, a kè̌ lǒbe hî̌dě pa lǎ̤lṳ̂ pe ta̤olò̤ nô̌kò nutômû gǔ hènṳ̌ bôtèplè̌ pe lû̌û gûlǎ̤tô̤̌ hǒ.

Hebrǔ 9:6

Bǎ kòyò tîwî̌tòwò bè̌ tě̤tôtě̤bǎ htobò ta̤nutokhlǒ dǒ agûlǎ̤ kû̌ agûlǎ̤ akhanu, pṳ̂̌꤮ ni̤ni̤ pwa̤shû̌gǎ tokhlǒ nṳ̌ dǒ hǐphû̌dû̌kû awǐlǒ tôtô̤̌ dě a nṳ̌ma̤ lô̌khô a ta̤phǐta̤ma̤.