Hebrǔ 6:9 - Kawyaw New Testament

⁹ Bǎbǎkǎlè khôbǒsû̌ sî, pa hî̌cǒ pô̤̌o bǎbǎkǎlè pa yṳ̌ǎnṳ̌ sî pwǎ. Pa yṳ̌ǎnṳ̌ mè̤̌mî̌ca kû̌ sî gǔ ma̤ pwǎ ta̤wô̌ tokhlǒ pě. Ta̤wô̌ tokhlǒnu, a hè dǒ sî nǐ̤bǎ ta̤ma̤hǎplǎge a ô̌ pwǎ.

Kawyaw RC

⁹ Pwǎ̤tadě khobǒsû̌ sî꤮, pa hî̌ pwǐhè̌o pwǎ̤tadě pa yṳǎpwǎ sî. Pa yṳǎ mè̤mè̤̌ ta sî ma̤pwǎ ta̤wǒ toǒ pě. Ta̤wǒ htǒotoǒnu, a hè dě sî nî̤bǎ ta̤ma̤lû̌htò̌ge htǒonu a ǒ pwǎ.

Hebrǔ 6:9 Iomraidhean Croise

Mǎ̤riko 16:16

Kòyò dǒ a yṳ̌ǎ ta̤sǎlě̤we̤kè nudě a ju anǎ̤ kû̌ shi tôpwa̤pwa̤ nî̌ a gǔ nǐ̤bǎ ta̤ma̤hǎplǎge pě. Bǎbǎkǎlè kòyò dǒ a yṳ̌ǎ tô̤̌ tokhlǒnu a gǔ khòbǎ ta̤cî̌htò̌ pě.

Pwa̤nophû̌ 11:18

Bǎ asî ganǎ̤de ta̤we̤ta̤kè hǒo akhanu, asî pî̤jî̌ǐsho pe Khûpetarǔ tô̤̌. Dě a htû̌sò̌htò̌ lô̌khô Cǒmara kû̌, “Kè̌ a mè̤̌mî̌ca pô̤̌nu hî̌dě Cǒmara ǐbǎtû̌ Yǔdaphû̌ mè̤̌tô̤̌ tokhlǒ ta̤shěkhǎ wô̌ dǒ a gǔ yò̤lǎ̤plǎdî̌ lô̌khô asǎphlǒ dě a gǔ nǐ̤bǎ lô̌khô ta̤htûpwa̤ pě.”

Pwa̤nophû̌ 20:21

Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, he hî̌lò̤shû̌ shû̌lě asî ginǐ̤prṳ̂ kû̌, yò̤lǎ̤plǎdî̌ lôkhô sî sǎphlǒ dě yṳ̌ǎnǎ̤ǎ lôkhô Běcǎ Yeshǔ, he hî̌ bǎ asî pô̤̌nu nu.

Kôritu awǐlǒ tôbǎ 10:14

He sû̌khô sî, caba tǎ̤ lô̌khô ta̤yô̤ta̤gî̌ tîkî̌꤮ tǎ̤mǎ̤ nî̌꤮.

Kôritu ginǐ̤bǎ tôbǎ 12:19

Lǒ̤bò pa wě̤ bǎ sî tokhlǒ numî̌, sî gènè̤ lô̌khô kû̌ pa hî̌bǎ tagabǐ ǐ bò panǎ̤ pô̤̌nu kǎlè. Pô̤̌nu mè̤̌tô̤̌, pa hî̌bǎpwǎ pô̤̌ Khrǐ nohî̌bǎ pa pwǎ numî̌ Cǒmara kè̌shǐ sî̌ganǎ̤ tûû̌ hǒ. Khôbǒsû̌ sî, lǒ̤bò pa ma̤ta̤ tokhlǒ numî̌ pa ma̤ dǒ a gǔ htûbwǐhtûsîrî dǒ sîya pwǎ.

Kôritu ginǐ̤bǎ tôbǎ 7:1

Khôbǒsû̌ sî lǒ̤bò Cǒmara olò̤ tokhlǒ numî̌ paya lǒ̤bò hǒ. Pô̤̌nudě, pa gǔ cû̌ tephekè kû̌ panǎ̤glǒ a ta̤sǎyṳ phû̌mò̤̌ tokhlǒ kû̌ pa sǎphlǒ a ta̤gènè̤ phû̌mò̤̌nu tokhlǒ tǎ. Dě dǒ pa ǐsha bè̌dubè̌nǎ̤ Cǒmaranu akhû̌akhîdě pa gǔ htûhtò̌ lô̌khô kòyò dǒ a aplò̌shǐ tokhlǒ tǎ.

Kôritu ginǐ̤bǎ tôbǎ 7:10

Ma̤titèhî̌dě, ta̤sǎplǎ̤ dǒ Cǒmara dǐhtûhtò̌ numî̌, a no htû̌lè̌ tèplè̌kè pa sǎphlǒ dǒ pa gǔ nǐ̤bǎ ta̤phǔgekhò̌ge aya pwǎ akhû̌akhî, pa lǎ̤lṳ̂ gènè̤kû̌ ta̤sǎplǎ̤ dǒ Cǒmara dǐhtûhtò̌ nutokhlǒ tô̤̌. Bǎbǎkǎlè kòyòhǎkhû̌phû̌ alǎ̤klô sǎplǎ̤ tokhlǒnu, a dǐô̌htò̌ pwǎ ta̤si pwǎ.

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 10:39

Pa mî̌ kòyò dǒ a cû̌ tephekhô̌kè tokhlǒ, dě a cû̌tǒ̤ dǒ ta̤pî̌ta̤lṳ̂̌ pě nutokhlǒ mè̤̌tô̤̌. Pa mî̌ kòyò dǒ a yṳ̌ǎ ta̤ tokhlǒ dě a nǐ̤bǎ ta̤ma̤hǎplǎge tokhlǒ pě hǒ.

Hebrǔ 2:3

Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Hebrǔ 5:9

Bǎ Khrǐ ganǎ̤de htobò Cǒmara ayô̤̌ pṳ̂̌꤮ tocǒ akhanu, a htûhtò̌ bǎbò kòyò dǒ a ganǎ̤de lû̌yô̤̌ nutokhlǒ a ta̤ma̤hǎplǎge ajû̌jû̌ apwa̤pwa̤ a kòshî̌gutṳ̌ hǒ.

Hebrǔ 6:10

Cǒmara mî̌ a ma̤ ta̤cǒ pwǎ. Ta̤ma̤wô̌ dǒ sî ma̤hto tokhlǒnu a shôpě̤ tô̤̌. Ta̤mô̤ dǒ sî dǔlè̌lṳ̌ hto dǒ aya kû̌ sî ma̤jè̌ a kòyò tokhlǒ dě sî ma̤jè̌ hè sělě asînu a shôpe̤ bǎtô̤̌.

Petru awǐlǒ tabǎ 2:11

He khô sî꤮, dǒ hǎkhû̌nu sî mî̌ asô̌sô̌kû̌ kòyò cû̌htû shilǎ̤gǎkhlophû̌ kû̌ shǐpwǎ̤shǐmè̤ tokhlǒ pwǎ. He kwisǎyṳ sî kû̌ sî gǔ cû̌ tephekè lô̌khô kû̌ sî nǎ̤glǒ a ta̤sǎyṳsǎbǎ phû̌mò̤̌ dǒ ashěapě̤ sǎla̤la̤ ǐ sî sǎphlǒ nutokhlǒ nî̌꤮.

Petru ginǐ̤bǎ tabǎ 3:1

Sû̌khômô̤ sî, he wě̤cû̌ bǎpô̤̌ sî lî̤ ginǐ̤bǎ tôbǎ. Lî̤ ginǐ̤bǎbò dǒ he wě̤cû̌ bǎ sî numî̌, pô̤̌khô sî gǔ gènè̤ mṳ̂̌plî lô̌khô gû̌ kòyò nudě, he jî̌pwǐ̤ htû̌wṳ̂̌ gènè̤bǎ sô̌ sî kû̌ ta̤ dǒ sî sû̌ǐhto nutokhlǒ pwǎ.

Yṳ̂ha awǐlǒ tôbǎ 2:7

He khô sî, ta̤mǎlò̤ dǒ he wě̤ bǎ sî numî̌ asa mè̤̌tô̤̌, mî̌ ta̤mǎlò̤ ali̤ dǒ sî nǐ̤bǎ htohǒ dǒ sî htûsakhû̌lû̌ Khrǐphû̌ akha pěnu tômè pwǎ. Ta̤mǎlò̤ ali̤ hǒtôplô numî̌ amè̤̌kû̌ ta̤we̤ta̤kè dǒ sî ganǎ̤de htohǒ nutokhlǒ hǒ.

Yṳ̌da 1:3

He sû̌khômô̤ sî, ta̤ma̤hǎplǎge dǒ pa lǒ̤bò nǐ̤bǎ wô̤̌wô̤̌ lû̌û awe̤akènu, he sǎyṳ wě̤cû̌ bǎ jî̌ sî bǎbǎkǎlè khònò̤̌ he kè̌shǐ kû̌ he bǎ wě̤cû̌khô̌ tèplè̌ bǎ sî dǒ ashǔshawa̤ tôcǒ. Dě he sǎyṳ ǐkhû̌ǐǎ sî kû̌ ta̤sǎlě̤we̤kè dǒ Cǒmara ǐlò̤ htophlǔ bò tôplǎ nô̤̌ kû̌ kòyò lǒ̤bò dǒ a yṳ̌ǎ tokhlǒnu, sî jî̌pwǐ̤ ô̌ tònòshû̌sho wô̤̌wô̤̌ pû a nî̌꤮.