Hebrǔ 6:8 - Kawyaw New Testament

⁸ Bǎbǎkǎlè hǎkhû̌nu a kè̌ no dô̌htò̌ pwǎ ta̤shî̌shô̌mṳ̌ kû̌ jôjǔjôpò̤mṳ̌ tokhlǒpwǎ numî̌, abwǐsîrî ô̌ tôcǒ꤮ tô̤̌. Yî̤khôtô̤̌nu Cǒmara gǔ cî̌htò̌ asî dě a gǔ shû̌ǔkè asî kû̌ mî̌ pě.

Kawyaw RC

⁸ Pwǎ̤tadě hǎkhû̌htǒo a dè nodǒhtò̌ pwǎ ta̤shî̌shǒmṳ ta jojijopò̤mṳ toǒpwǎ hî̌numî̌, abwǐ ǒ dǐcǎ꤮ tò̤. Yî̤hǒtò̤nu Cǒmara cèrò asî dě a shû̌gèkè asî ta mî̌ pě.

Hebrǔ 6:8 Iomraidhean Croise

Mǒhtûlû̌hǎhtûsa 4:11

Pô̤̌nukhû̌khî pô̤̌khô hǎkhû̌ dǒ a cǐô napṳ̌ asǐ dǒ na ma̤sisǐlò̤ yǎnu a gǔ sǎhtò̌phôhtò̌ bǎ pe naya tô̤̌nu, he ǐsho na hǒ.

Mǒhtûlû̌hǎhtûsa 5:29

Dě a kaǎ ǐ lû̌mi̤ kû̌ Khûnṳ̂̌a dě a hî̌ ǐtûû̌ yô̤̌sǎyô̤̌mû kû̌, “Hǎkhû̌ dǒ Cǒmara tûjû̌pwa̤ ǐshokè anu nî̌, pa bǎ wè̤ǎ lòdô̌lòde, bǎ wè̤jî̌wè̤jû̌ dě phû̌pwa̤khû nutôpwa̤ gǔ ma̤mô̤ma̤phi ge sô̌ pasǎphlǒ pě,” a hî̌ ǐtûû̌ pô̤̌nu.

Htû̌sò̌htò̌ 107:34

Kòyò dǒ a ô̌ bǎnutokhlǒ ma̤ ta̤phû̌mò̤̌shǐhtô akhû̌akhî, a no htûhtò̌ kèbò hǎkhû̌wî̤hǎkhû̌wô̌khû̌ nukû̌ hǎkhû̌cakwǎ.

Matěo 25:41

“Htodě a gǔ hî̌ kòyò ô̌ dǒ a cǔcôcî̌ tokhlǒ kû̌, ‘hǎhtò̌cû̌ tephekè kû̌ he, sî mî̌ kòyò dǒ a nǐ̤bǎ ta̤ǐsho tokhlǒ, cû̌nṳ̌ lô̌khô dǒ kòyò tîwî̌tòwò nǎ bǎ hǎkhû̌tana nutôdo kû̌ a khînǎkhîno nutokhlǒ aya dǒ asî gǔ cû̌ô̌ bǎ mî̌ dǒ a pǐ̤jò tôkhò̌꤮ tô̤̌ nutôphǎ akûnu.

Matěo 3:10

Kû tôbǎ ô̌ dǒ sǒ kòshî̌ dě kòyò gǔ gû̌gǎ lò̤khǔpo̤ sǒmṳ̌ tokhlǒ pě, dě kòyò gǔ cô̌tṳ̌yǎ tǒ̤dǒ akhò̌wǐ̤ pě. Sǒmṳ̌ tômṳ̌mṳ̌ dǒ asǎaphô wî̤ǎ tô̤̌nu, kòyò gû̌gǎ lò̤khǔpo̤ a pě dě kòyò wînṳ̌kè a dǒ mî̌kû pě.

Matěo 7:19

Lǒ̤bò sǒmṳ̌ dǒ a sǎhtò̌ awô̌tô̤̌ tokhlǒnu, kòyò gǔ pè̤̌tṳ̌kè lû̌û pě dě kòyò gǔ wînṳ̌ bòkè yǎ dǒ mî̌kû pě.

Mǎ̤riko 11:14

Yeshǔ hî̌ dǐshimṳ̌ nutômṳ̌ kû̌, “Tôpwǎ̤ bǎ ǎnṳ̌ pû nasǎ tǎ̤mǎ̤ nî̌꤮” a hî̌ pô̤̌onu akhôphijǎ tokhlǒ ganǎ̤de lô̌khô.

Mǎ̤riko 11:21

Dě Khûpetarǔ gènè̤htò̌nṳ̌sô̌ Yeshǔ ǐshokè sǒmṳ̌nu dě a hî̌ lû̌û kû̌, “Sara꤮ kè̌mò̌ dǒnu, dǐshimṳ̌ dǒ na ǐshokè lû̌û nutôsǒ a khwesikè hǒ.”

Jowǎ̤ni̤ 15:6

Kòyò tôpwa̤pwa̤ dǒ a ô̌měô̌gle kû̌ he tôcǒnô̤̌ tô̤̌nu, asô̌sô̌kû̌ sǒphò dǒ kòyò wîhǎhtò̌kè a dǒ akhlo, dě a nôkèkhwekè tokhlǒ nupwǎ. Sǒphò pô̤̌nu tokhlǒnu, kòyò htǔplǒ a dě kòyò wînṳ̌kè lû̌û dǒ mî̌kû dě kòyò shû̌ukè a pwǎ.

Hebrǔ 10:27

A ô̌kè pwǎ tôcǒ dǒ pa gǔ ô̌pǒ̤pwǎ Cǒmara a ta̤cî̌htò̌ kû̌ mî̌gè̌ plô̤̌dû̌ dǒ a gǔ gè̌sikè bò kòyò dǒ a sǎkhě Cǒmara tokhlǒnu pě.

Hebrǔ 12:17

Pô̤̌ sî sî̌ganǎ̤ hto nuhǒ, dǒ nô̌kò dě bǎ a sǎyṳ hè phǐgû̌ ta̤ǐshowî̤ dǒ apha ô̌ akhanu, apha ǐpe lû̌û tô̤̌. A kè̌shuǐ ta̤ǐshowî̤ kû̌ amǐ̤sǎshi bǎbǎkǎlè, dǒ a shaǎ hto phû̌wè̤̌pwǎ̤ a û̌tě̤û̌ca akhû̌akhî, a htû̌lè̌ tèplè̌ khô̌jò petô̤̌.

Ta̤dǔlè̌nǎ 20:15

Kòyò tôpwa̤pwa̤ ami̤ kè̌ ô̌ dǒ lî̤htûpwa̤ nutôbǎ akû tô̤̌ hî̌nu, kòyò bǎ wîtě̤kè a dǒ mî̌phǎ nutôphǎ akû pě.