Hebrǔ 6:4 - Kawyaw New Testament

⁴ Kòyò dǒ a wîkè ata̤yṳ̌ tokhlǒnu asî yò̤lǎ̤plǎdî̌ gejòpe asǎphlǒ tôkhò̌꤮ tô̤̌. Dǒ awǐkha, asî sî̌ganǎ̤ hto Cǒmara a ta̤tě̤ta̤mè̤̌ tokhlǒ hǒ. Asî kè̌shǐ sî̌yahèbǎ hto Cǒmara asû dě a nǐ̤bǎdû̌ hto Yôla Plò̌shǐ Běcǎ kû̌ kòyò dǒ ashǔshawa̤ tokhlǒ hǒ.

Kawyaw RC

⁴ Kòyò htě a wîkè ata̤yṳ toǒnu, asî shò̌lò̤gejòpe asò̌ dǐkhò̌꤮ tò̤. Dě nukha, asî sî̌yahto Cǒmara a ta̤te̤ta̤mǎ toǒ hǒ. Asî kè̌shǐ sî̌yahèbǎhto Cǒmara asû dě a nî̤bǎplǒkû̌hto Běcǎ sǎcahtǐ ta kòyò ahǔwa̤ hǒ.

Hebrǔ 6:4 Iomraidhean Croise

Matěo 12:45

Dě a hǎhtò̌cû̌ kaǎwô̤̌ pô̤̌ akhô dǒ a jî̌khlo kû̌ anu susô̌tôdo dě asî genṳ̌ ô̌ lô̌khô bǎnu. Dě kòyò nutôpwa̤ gǔ jî̌jû̌ khlo a gûlǎ̤li̤nu pě.”

Matěo 5:13

“Sî tokhlǒ mî̌ asô̌sô̌kû̌ hǎkhû̌ îsǎ. Bǎbǎkǎlè îsǎ kè̌ shukaha petô̤̌ hî̌dě cû̌ma̤ shukaha getîkhî jòpe a hî̌tè? Kòyò noǎ jòpetô̤̌. Kòyò wîkè a dǒ klè̌dakû dě kòyò yî̤̌pwî̌ khabô̌ bò pwǎ a pě.

Jowǎ̤ni̤ 15:6

Kòyò tôpwa̤pwa̤ dǒ a ô̌měô̌gle kû̌ he tôcǒnô̤̌ tô̤̌nu, asô̌sô̌kû̌ sǒphò dǒ kòyò wîhǎhtò̌kè a dǒ akhlo, dě a nôkèkhwekè tokhlǒ nupwǎ. Sǒphò pô̤̌nu tokhlǒnu, kòyò htǔplǒ a dě kòyò wînṳ̌kè lû̌û dǒ mî̌kû dě kòyò shû̌ukè a pwǎ.

Jowǎ̤ni̤ 3:27

Dě Khûyṳ̂ha hî̌shěshu lû̌û kû̌, “Mò̌pè bǎbǎ Cǒmara kè̌ ǐlò̤ lû̌û tô̤̌nu, a nǐ̤bǎ jò ta̤ tocǒ꤮ tô̤̌.

Jowǎ̤ni̤ 4:10

Yeshǔ hî̌shěshu lû̌û kû̌, “Na kè̌ sî̌ganǎ̤ Cǒmara a ta̤ǐkwe sû htodě pwa̤ dǒ a kwiô nashi nutôpwa̤ mî̌ mò̌pènu na kè̌ sî̌ganǎ̤ phlô hî̌mî̌, na gǔ kwiô he shi pě dě he gǔ dǐô̌ na shi dǒ a ǐ kòyò yôla htûpwa̤ nupě.”

Jowǎ̤ni̤ 6:32

Běcǎ Yeshǔ hî̌shěshu asî kû̌, “He hî̌cǒcǒ sî, shǎǎ ô̌dǒ mǒkhû̌ hèlò̤ numî̌, Khûmṳ̂shě dǐǎ asî mè̤̌tô̤̌. Hepha dǐǎ asî pwǎ. Khònò̤̌dě a dǐǎ sî shǎǎ mè̤̌caca dǒ a ô̌ dǒ mǒkhû̌ hèlò̤ nuhǒ.

Pwa̤nophû̌ 10:45

Cǒmara cû̌ ǐlò̤ tǒ̤ Yôla Plò̌shǐ Běcǎ dǒ Yǔdaphû̌ mè̤̌tô̤̌ tokhlǒ alô̤ akhû̌akhî, Yǔdaphû̌ dǒ a yṳ̌nǐ̤nǎ̤nǐ̤ ta̤ dě a ô̌ lô̌khô dǒ Wî̤̌yû̌pe akû dě a hè wô̤̌wô̤̌ kû̌ Khûpetarǔ tokhlǒnu a ǒò̌ kiti̤kaa mî̌caca.

Pwa̤nophû̌ 11:17

Ma̤pô̤̌nudě pa yṳ̌ǎ Běcǎ Yeshǔ Khrǐ dě Cǒmara ǐ pa sû. Pô̤̌nudě Yǔdaphû̌ mè̤̌tô̤̌ dǒ a yṳ̌ǎ sô̌sô̌kû̌ pa tokhlǒ nu, Cǒmara kè̌ ǐ sô̌sô̌kû̌ asî sû pô̤̌ a ǐ panu kè̌hî̌dě he mî̌ kòyò tôpwa̤ dǒ a ma̤tě̤tṳ Cǒmara aklè̌aklò tôpwa̤ ya?” Khûpetarǔ hî̌ bǎ asî pô̤̌nu.

Pwa̤nophû̌ 15:8

Cǒmara mî̌ a kè̌shǐ sî̌ganǎ̤bò kòyò pṳ̂̌꤮ tôpwa̤ asǎphlǒ. Dǒ a ǐ pè̤̌ Yǔdaphû̌ mè̤̌tô̤̌ tokhlǒ Yôla Plò̌shǐ Běcǎ akhû̌akhî, a dǔlè̌lṳ̌ hto kû̌ a sǎphlǒ ô̌hto asî pô̤̌ a ǐ hto pa Yôla Plò̌shǐ Běcǎnu hǒ.

Pwa̤nophû̌ 8:20

Dě Khûpetarǔ hî̌shěshu lû̌û kû̌, “Cǒmara ata̤ǐ sûnu, pwî̤ a kû̌ ru mî̌ anǐ̤ pwǎ, na gènè̤ pô̤̌nu akhû̌akhî, na kû̌ naru gǔ lò̤tě̤ wô̤̌wô̤̌ lû̌û dǒ larakû pě nî̌꤮.

Rṳ̂̌me̤ 1:11

Ma̤titèhî̌dě pô̤̌khô he gǔ hè ǐ padô̌ sî Cǒmara a Yôla Plò̌shǐ asû nudě, he sǎyṳ hè ô̌lè kû̌ sî. Cǒmara a Yôla Plò̌shǐ asû ǐshû̌ǐshohtò̌ pû sî sǎphlǒ nî̌꤮.

Kôritu ginǐ̤bǎ tôbǎ 4:4

Hǎkhû̌tana dǒ a pǒnǐ̤ hǎkhû̌ hǒtôdonu, a ma̤khǐ ma̤shôpe̤kè asî mǐ̤sǎ akhû̌akhî, asî kè̌shǐ gû̌ kòyò ta̤sǎlě̤we̤kè ata̤lînu tô̤̌. Pô̤̌khô kòyò hǎkhû̌phû̌ tokhlǒ gǔ sî̌yaphlô tǎ̤ Khrǐ a ta̤sǎlě̤we̤kè dǒ a shôbǐǐlṳ̌ bǎ kòyò kû̌ Khrǐ a ta̤bwǐdû̌sîrîhtû awe̤akè tǎ̤mǎ̤nu, a ma̤kiti̤kaa ǒò̌pè̌kè asî pô̤̌nu hǒ. Pwa̤ dǒ a dǔlè̌lṳ̌ tě̤tě̤mè̤̌mè̤̌ pa kû̌ Cǒmara mî̌ Khrǐ hǒ.

Kôritu ginǐ̤bǎ tôbǎ 4:6

Bǎ Cǒmara bô̌lò̤ ta̤lǒ̤꤮ bò akhanu, a hî̌ kû̌, “Ta̤khǐ gǔ sǒ tephekè cû̌kè dě ta̤lî gǔ ô̌lṳ̌htò̌ pû nî̌,” a hî̌ pô̤̌nu. Cǒmara ma̤hto bǎ pa pô̤̌nu hǒ. Bǎ pa sî̌ganǎ̤ Khrǐ khôtô̤̌ akhanu, pa sǎphlǒ a khǐsiwi̤ pwǎ bǎbǎkǎlè Cǒmara ma̤lîge bǎ pa sǎphlǒ hǒ. Pô̤̌khô pa gǔ sî̌yaphlôwô̌ Cǒmara a ta̤bwǐdû̌sîrîhtû dǒ a dǔlè̌lṳ̌htò̌ tutṳ̌ kû̌ Khrǐ tokhlǒnu, a mî̌ pwa̤ dǒ a dǐshělîhtò̌ bǎ pa sǎphlǒ a ta̤gènè̤ tokhlǒ tôpwa̤ hǒ.

Galatǐ 3:2

Hî̌ kè̌kè̌mò̌ bǎ he tǒ̤ nutôcǒcǒ꤮ nô̤̌ pwǎ. Dǒ sî gû̌ma̤ ta̤sû̌ta̤tòwò akò dě sî nǐ̤bǎ Yôla Plò̌shǐ Běcǎ ya? Kè̌mè̤̌tô̤̌dě dǒ sî ganǎ̤de ta̤sǎlě̤we̤kè dě sî yṳ̌nǐ̤nǎ̤nǐ̤ akhû̌akhîdě, sî nǐ̤bǎ Yôla Plò̌shǐ Běcǎ pô̤̌nu ya?

Galatǐ 3:5

Pô̤̌nudě dǒ sî gû̌ma̤kû̌ ta̤sû̌ta̤tòwò akò dě Cǒmara ǐ sî Yôla Plò̌shǐ Běcǎ dě a ma̤ ta̤cô̌klǐcô̌sè dǒ sîkla pô̤̌nu ya? Pô̤̌nu mè̤̌tô̤̌. Dǒ sî ganǎ̤de ta̤sǎlě̤we̤kè dě sî yṳ̌ǎ akhû̌akhîdě, a ǐ pwǎ sî pwǎ. Dǒ sî gû̌ma̤kû̌ ta̤sû̌ta̤tòwò akhû̌khî mè̤̌tô̤̌.

Ěphěsu 1:18

Pô̤̌khô sî gǔ sî̌yaphlôwô̌ kû̌ kòyò ta̤ma̤ cô̌klǐcô̌sè dǒ a olò̤ bǎhto a kòyò dǒ a kaǎ ǐ lû̌û nutokhlǒ ayanu, he kwicaba dǒ a gǔ dǐsî̌nǎ̤phlô bǎ sî pwǎ. Cǒmara ǐ kwè̌ a kòyò tokhlǒ û̌tě̤û̌ca dǒ alě̤dû̌pwî̤htû, awî̤awô̌ tokhlǒ kwè̌ titènu, he sǎyṳ nosî̌ganǎ̤ tě̤tě̤mè̤̌mè̤̌ sî.

Ěphěsu 2:8

Ma̤titèhî̌dě, dǒ sî yṳ̌ǎ Khrǐ kû̌ Cǒmara ǐbwǐǐsîrî dǒ sîkhû̌ akhû̌akhî, a ma̤hǎplǎge sî hǒ. Dǒ sî nǎ̤běcǎ jî̌pwǐ̤jî̌le akhû̌khî, dě sî nǐ̤bǎ ta̤hǎplǎge mè̤̌tô̤̌. Hǒomî̌ Cǒmara ǐlò̤kwe pwǎ sî pwǎ.

Ěphěsu 3:7

Cǒmara abwǐsîrî a ta̤ǐkwenu kû̌ a ta̤pô̤ta̤phǎ akhû̌akhî, dě a ǐlò̤ he ta̤ma̤nu dǒ he gǔ bǎ shôbǐǐ bǎ kòyò kû̌ ta̤sǎlě̤we̤kè nuhǒ.

Ěphěsu 4:7

Bǎbǎkǎlè Khrǐ ǐlò̤ khô̌ pa ta̤sî̌ta̤jò̌ tôpwa̤ kû̌ tôpwa̤ dǒ pa ma̤khô̌ lû̌û a ta̤phǐta̤ma̤ tokhlǒ. Khrǐ ǐpè̤̌ pa ta̤sî̌ta̤jò̌nu, a sǎleǐ lû̌û tô̤̌.

Tîmôte awǐlǒ tôbǎ 4:14

Kè̌bò̌lû̌kè tǎ̤ Yôla Plò̌shǐ Běcǎ asû dǒ Cǒmara ǐhto nanu tǎ̤mǎ̤ nî̌꤮. Bǎ ta̤dòkû mǒ̤khumǒ̤pwǎ̤ dǒ a htû ikǒlǒkòdû̌ tokhlǒ bè̌htò̌ acǔde dǒ nalô̤ akha, na nǐ̤bǎ tutṳ̌ sû dǒ kòyò hî̌pô̤nǎ nawe̤nakè nutokhlǒ a ô̌ hǒ.

Tîmôte ginǐ̤bǎ tôbǎ 2:25

Bǎ a sû̌ǐ wô̌ tîkhî sô̌ kòyò dǒ a htè̌shěshu a tokhlǒ akhanu, a tô hî̌bǎ sǎdôhôbî̌ kòyò. Cǒmara gǔ ǐ bǎ asî ashěakhǎ wô̌ dǒ a yò̤lǎ̤plǎdî̌ sô̌ asǎphlǒ pě dě a sî̌ganǎ̤ htò̌gesô̌ ta̤tě̤ta̤mè̤̌ pě.

Tîmôte ginǐ̤bǎ tôbǎ 4:14

Pwa̤de tîlî Khûalè̌sadru nutôpwa̤ mî̌, a ma̤ phû̌mò̤̌ jî̌ he. Lǒ̤bò a ma̤hto he tokhlǒnu Běcǎ cî̌htò̌ tûû̌ lû̌û pô̤̌nu pě.

Hebrǔ 10:32

Gènè̤htò̌ to̤ǐbǎ sô̌ lô̌khô dǒnukha bǎ sî nǐ̤bǎ hto samô̤̌pe pwǎ Cǒmara ata̤lî akhanu, sî kè̌shǐbǎ dû̌ ta̤jî̌ta̤jû̌ bǎbǎkǎlè sî khòsǎphlǒhtûbò̌ lô̌khô pwǎ.

Hebrǔ 2:4

Cǒmara shôbǐǐlṳ̌phlô bǎpô̤̌ kòyò kû̌ dǒ ta̤ma̤hǎplǎge ta̤we̤ta̤kè numî̌ atô mè̤̌mî̌ca. Dǒ ta̤dǔlè̌lṳ̌ ta̤ma̤dòǐ khěkhô̌ sî, ata̤ma̤ cô̌klǐcô̌sè sî kû̌ ata̤ma̤ ǒò̌ kiti̤kaa sî akhû̌akhî, a dǔlè̌lṳ̌phlô hto kòyò kû̌ ta̤ma̤hǎplǎge ta̤we̤ta̤kè numî̌ a tôhǒ. Htokhôtô̤̌, jû̌ tûû̌ atô Cǒmara asǎphlǒ dě a ǐlò̤ kwe bǎ kòyò ta̤sî̌ta̤jò̌ sû tokhlǒ. Dě a ǐlò̤ tutṳ̌ kû̌ Yôla Plò̌shǐ Běcǎ. Dǒ Yôla Plò̌shǐ Běcǎ Yeshǔnu tokhlǒ akhû̌akhî, Cǒmara dǔlè̌lṳ̌phlô bǎ kò kû̌ ta̤we̤ta̤kè numî̌ a tôhǒ.

Yṳ̂ha awǐlǒ tôbǎ 5:16

Kòyò tôpwa̤pwa̤ kè̌ kè̌shǐ apṳ̌wè̤̌ Khrǐphû̌ tôpwa̤pwa̤ ma̤ta̤sǔ dǒ a gǔ ǐ htûhtò̌lû̌ ta̤si mè̤̌tô̤̌ hî̌nu, a gǔ kwita̤ dǒ Cǒmara a ô̌ dě Cǒmara ǐ kòyò dǒ a ma̤ta̤sǔnu tôpwa̤ sǎphlǒhtûpwa̤ pě. Bǎbǎkǎlè ta̤sǔ dǒ a gǔ ǐ htûhtò̌ lû̌û kû̌ ta̤si numî̌, he sǎyṳ hî̌ sî kû̌ ta̤sǔ pô̤̌nu tokhlǒnu sî tô kwicabahtò̌ bǎ lû̌ya dǒ Cǒmara a ô̌ tô̤̌.