Hebrǔ 6:2 - Kawyaw New Testament

² Ta̤jushi awe̤akè, bè̌htò̌ cǔde dǒ kò lô̤ sî, ta̤si ihtǒhtûpwa̤sô̌, ta̤cî̌htò̌ tûjû̌pwa̤ awe̤akè sînu, pa lǎ̤lṳ̂ sû̌ǐ sî̌ganǎ̤ gutṳ̌pe panǎ̤ tô̤̌.

Kawyaw RC

² Ta̤ploshi awi̤akè̌, bè̌htò̌ cǔde dě kòlo̤ toǒ, ta̤si htûpwa̤ge, ta̤cèrò tûjûpwa̤ awi̤akè̌ htǒotoǒnu, pa lo̤bǎ sû̌ǐsî̌ya sělěpe pana̤ tò̤.

Hebrǔ 6:2 Iomraidhean Croise

Matěo 28:19

Ma̤pô̤̌nudě, he hî̌ sî꤮, cû̌ lô̌khô dǒ kòyò tokhlǒ a ô̌ dě cû̌ma̤ htûhtò̌ asî kû̌ he khôphijǎ nî̌꤮. Cû̌ ju bǎ lô̌khô asî shi kû̌ pha ami̤, phû̌khû ami̤ kû̌ Yôla Plò̌shǐ Běcǎ ami̤ nî̌꤮.

Matěo 3:14

Bǎbǎkǎlè Khûyṳ̂ha sǎyṳ ju bǎ lû̌û tô̤̌. Dě a hî̌ lû̌û kû̌, “He tô ju tèpè̤̌꤮ henǎ̤ dǒ na ô̌ hò̌꤮ dě na cû̌hè ju nanǎ̤ dǒ heô̌ hî̌tè?”

Mǎ̤riko 16:16

Kòyò dǒ a yṳ̌ǎ ta̤sǎlě̤we̤kè nudě a ju anǎ̤ kû̌ shi tôpwa̤pwa̤ nî̌ a gǔ nǐ̤bǎ ta̤ma̤hǎplǎge pě. Bǎbǎkǎlè kòyò dǒ a yṳ̌ǎ tô̤̌ tokhlǒnu a gǔ khòbǎ ta̤cî̌htò̌ pě.

Mǎ̤riko 7:4

Asî kè̌ ô̌ dǒ klǎ ge dě a kè̌ shǔbòmò̌ acǔde tô̤̌ hî̌nu, asî ǎô tocǒ꤮ tô̤̌. Htokhôtô̤̌ asî pṳ̂̌měǐ pe lǎ̤klô dǒ ashǔshawa̤ tokhlǒ nî̌ a ô̌ dû̌ pe. Kwè̌꤮ mî̌titè nu dě, asî cǔbò wô̌ shiba tokhlǒ, gopo̤ tokhlǒ, kû̌ batṳ̌balě tilibò sîtokhlǒ).

Mǎ̤riko 7:8

Sî dò̌tephe khô̌kè Cǒmara a ta̤mǎlò̤ tokhlǒ dě sî pṳ̂̌mě ǐtûû̌ lô̌khô kòyòhǎkhû̌phû̌ a lǎ̤bû̌lǎ̤klô tokhlǒ.”

Lǔka 11:38

Yeshǔ glè̌ ǎshǎǎ akhanu, a shǔbò gû̌kòyò acǔde tô̤̌ dě Pharishè̌phû̌ dǒ a kè̌cô lû̌û nutôpwa̤ nî̌, a ǒò̌ kiti̤kaa kè, ma̤titè̌hî̌dě Yṳdaphû̌ alǎ̤klô ô̌ kû̌ bǎ kòyò ǎ shǎǎ khôtô̤̌nu kòyò tôbǎ cǔbòwǐ cǔde.

Lǔka 12:50

Bǎbǎkǎlè ta̤jushi dǒ he lṳ̂ ju nu a ô̌pe tocǒ. Ta̤ma̤ hǒtocǒ kè̌ htokhôtô̤̌ hî̌dě he sǎphlǒ bǎgû̌bǎgè̌ pě.

Lǔka 14:14

Dě na kè̌ kaǎ ǎ kòyò pô̤̌o tokhlǒ hî̌nu, na glè̌ nǐ̤bǎ ta̤ǐshowî̤ pě, ma̤titè̌hî̌dě asî kaǎ ǎ gebò̌sô̌ na tocǒ꤮ tô̤̌. Bǎ kòyòcǒtè̤ tokhlǒ ihtǒhtûpwa̤ gesô̌ dǒ ta̤si akha pěnu, Cǒmara gǔ ǐsô̌ na ta̤bwǐta̤sîrî pě.”

Lǔka 3:16

Pô̤̌nu akhû̌akhî Khûyṳ̂ha hî̌ asî pṳ̂̌꤮ tôpwa̤ kû̌, “He ju sî kû̌ shi, bǎbǎkǎlè kòyò dǒ a ta̤pô̤ta̤phǎ shû̌sho khlo he tôpwa̤nu a gǔ hè pě. He bôphlǔ bǎpwǎ a khò̌phěpli̤ pwǎnu he gwǎkû̌ a tô̤̌. A gǔ hè ju sî kû̌ Yôla Plò̌shǐ Běcǎ kû̌ mî̌ pě.

Jowǎ̤ni̤ 1:33

Dǒ awǐkha numî̌ he sî̌ganǎ̤ kû̌ a mî̌ a htû Me̤shǐya khôtô̤̌ bǎbǎkǎlè, Cǒmara dǒ a no he dǒ he gǔ ju bǎ kòyò kû̌ shi tôpwa̤nu a hî̌ he kû̌, ‘htû̌ nô̌kòpěnu, kè̌ na kè̌shǐ Yôla Plò̌shǐ Běcǎ hèlò̤ ô̌ dǒ kòyò tôpwa̤ alô̤ pě hî̌nu a mî̌ kòyò dǒ a gǔ ju bǎ kòyò kû̌ Yôla Plò̌shǐ Běcǎ pě nutôpwa̤ hǒ.’

Jowǎ̤ni̤ 5:29

Bǎnuakha pě, kòyò ô̌ dǒ lṳ̌khû̌ tokhlǒ gǔ ihtǒhǎhtò̌ge lô̌khô pě. Kòyò dǒ a ma̤wô̌ ta̤ tokhlǒnu a glè̌ si ihtǒhtûpwa̤sô̌ pě dě a htûpwa̤ tûjû̌pwa̤ talakhǎ pě. Kòyò dǒ a ma̤ ta̤phû̌mò̤̌ tokhlǒnu, a gǔ si ihtǒhtûpwa̤sô̌ htopě dě kòyò gǔ cî̌htò̌ asî pě.”

Pwa̤nophû̌ 10:47

“Kòyò hǒtokhlǒ nǐ̤bǎ Yôla Plò̌shǐ Běcǎ pô̤̌ pa nǐ̤bǎ nuhǒ. Ma̤pô̤̌nudě asî gǔ ju anǎ̤ kû̌ shi ayanu mò̌pè tôpwa̤ gǔ ma̤tě̤tṳ jò asî ya.”

Pwa̤nophû̌ 13:3

Asî dǔǎ shǎǎshǎô dě a kwicaba, htodě asî dò̌htò̌ acǔde dǒ Khûsò̌lǔ kû̌ Khûbanabǎ alô̤ dě a nohǎhtò̌cû̌ asî.

Pwa̤nophû̌ 16:15

A kû̌ a hǐphû̌phòphû̌ kû̌ kòyò ô̌ bǎ Mǒ̤lě̤diya ahǐkû nutokhlǒ ju lôkhô anǎ̤ kû̌ shi. Htodě a akaǎge pa dě a hî̌ kû̌, “Sî kè̌ bè̌ he kû̌ he mî̌ kòyò tôpwa̤ dǒ a yṳ̌ǎnǎ̤ǎ tě̤tě̤ tôpwa̤ hî̌dě sî bǎ geô̌lè dǒ hehǐ,” A hî̌ dě a kaǎ kudǔdǔ pa, dě pa bǎ gekû̌ lû̌û.

Pwa̤nophû̌ 16:33

Bǎ nutôsa pwǎ, pwa̤ô̌pǒ̤ apô̤ ikǒdû̌ tôpwa̤nu a shǔbòkè bǎ asî anǎ̤htò tokhlǒ, htodě taplǎnô̤̌ a kû̌ lǒ̤bò a hǐphû̌phòphû̌ nutokhlǒ ju bò lôkhô anǎ̤ kû̌ shi.

Pwa̤nophû̌ 17:18

Sara dǒ kòyò kaǎ kû̌, Apîkurǔphû̌ kû̌ Shatòiphû̌ tokhlǒ hî̌bǎ htè̌kè̌khî lôkhô kû̌ Khûpò̌lǔ. Asî akla tokhlǒkhlǒ nî̌, a hî̌ lôkhô Khûpò̌lǔ kû̌, “Kòyò ta̤sî̌ya ô̌ kû̌ kò tocǒ꤮ tô̤̌ dě a cû̌jî̌ma̤ anǎ̤ pô̤̌ pwa̤sî̌pwa̤jò tôpwa̤nu a cû̌ hî̌ kwè̌꤮ mî̌titè?” Tokhlǒkhlǒ dě a hî̌ kû̌, “A sô̌sô̌kû̌ a shôbǐǐ shigǎ ashǔshawa̤ a Cǒmara tokhlǒ awe̤akè,” A hî̌ pô̤̌nu. Asî cû̌hî̌tǒ̤ lôkhô pô̤̌o ma̤titè̌mî̌ a tôtǐ bǎ Khûpò̌lǔ shôbǐǐ bǎ kòyò kû̌ Yeshǔ awe̤akè kû̌ ata̤si ihtǒ htûpwa̤ getîkhî awe̤akè akhû̌akhî, a hî̌ lôkhô pô̤̌nu.

Pwa̤nophû̌ 2:38

Khûpetarǔ hî̌ bǎ asî kû̌, “Pô̤̌khô Cǒmara gǔ plûkè sî ta̤sǔ tokhlǒnu, yò̤lǎ̤plǎdî̌ lô̌khô sîsǎphlǒ pṳ̂̌꤮ tôpwa̤ dě ju lô̌khô sînǎ̤ kû̌ shi dǒ Yeshǔ Khrǐ ami̤ akû, sî kè̌ma̤pô̤̌nu hǐdě Cǒmara gǔ ǐ sî sû amè̤̌kû̌ Yôla Plò̌shǐ Běcǎ nupě.

Pwa̤nophû̌ 2:41

Kòyò dǒ a yṳ̌ǎ Khûpetarǔ a ta̤shôbǐǐ tokhlǒnu a ju lô̌khô anǎ̤ kû̌ shi, dě bǎnu tôni̤nu, kòyò yṳ̌nǐ̤nǎ̤nǐ̤ dě a genṳ̌ dû̌htò̌ kû̌ pô̤̌ asî plǒcukûnu, a phǔ꤮ ô̌ pwa̤ surǐ hǒ.

Pwa̤nophû̌ 23:6

Khûpò̌lǔ kè̌shǐ kû̌ kòyò ô̌bǎnu tokhlǒ mî̌ tokhlǒkhlǒ dě Sadukè̌phû̌, tokhlǒkhlǒ dě Pharishè̌phû̌ akhû̌akhî, a kaǎgǔcû̌lṳ̌ bǎ Yǔdaphû̌ dǒ a htû ikǒdû̌ tokhlǒ kû̌, “He pṳ̌wè̤̌ sî, he mî̌ Pharishè̌phû̌ tôpwa̤. He mî̌ Pharishè̌phû̌ tokhlǒ a phû̌pwa̤khû mî̌ amè̤̌mè̤̌. He kè̌shuǐ kû̌ kòyò dǒ a si tokhlǒnu, a gǔ ihtǒ htûpwa̤ getîkhî sô̌ pě akhû̌akhîdě sî gwè̌kè̌kè̌ he pwǎ.”

Pwa̤nophû̌ 24:15

He ta̤kè̌shuǐ dǒ Cǒmara akû numî̌ asô̌sô̌ asî nupwǎ. He yṳ̌ǎ kè̌shuǐ kû̌ kòyò cǒtè̤, kòyò cǒtè̤tô̤̌ bǎbǎ, a gǔ ihtǒ htûpwa̤ getîkhî bòsô̌ pě.

Pwa̤nophû̌ 24:21

Ta̤sǔ kè̌ ô̌ numî̌ a ô̌pwǎtǒ̤ he ihtǒô̌ dǒ asîlô̤mô̤ dě he yî̤̌kǒhtò̌ kû̌, ‘sî cî̌htò̌ he hǒtôni̤ numî̌ dǒ he yṳ̌ǎ kû̌ kòyò dǒ a si tokhlǒ ihtǒ htûpwa̤ getîkhî pě, hǒtômû akhû̌akhî pwǎ,’” Khûpò̌lǔ hî̌ bǎ lû̌û pô̤̌nu.

Pwa̤nophû̌ 24:25

Dě bǎ Khûpò̌lǔ hî̌bǎ pô̤̌ lû̌û kû̌ ta̤cǒtè̤, ta̤khòǐ anǎ̤ kû̌ ta̤cî̌htò̌ alṳmṳ̌ni̤ dǒ a gǔ hè pě awe̤akè akhanu, khwǐdû̌ Běli̤ ǐsha dě a hî̌ lû̌û kû̌, “Hǒtôplǎ dě na ge anǐ̤ hǒ. He ta̤shěta̤khǎ kè̌ ô̌ pě hî̌dě, he gǔ kaǎhèpô̤̌ sô̌ na pě.”

Pwa̤nophû̌ 26:8

Cǒmara ma̤htûpwa̤ getîkhîjò kòyòsi tokhlǒnu, sî bǒo tokhlǒ cû̌ gènè̤ tǒ̤ lôkhô kû̌ a ma̤jò tô̤̌nu ma̤titè?

Pwa̤nophû̌ 4:2

Pwa̤nophû̌ nusò̌ginǐ̤ sû̌ǐtòwòǐ bǎ kòyò kû̌ Yeshǔ htûpwa̤ getîkhî sô̌ dǒ ta̤si dě a yṳ̂̌lṳ̌nè̌lṳ̌ bǎ bò kòyò kû̌ kòyòsi tokhlǒ gǔ htûpwa̤ getîkhî sô̌sô̌ pô̤̌nupě akhû̌akhî, asî nutokhlǒ sǎphlǒdû̌ kòyò nusò̌ginǐ̤.

Pwa̤nophû̌ 6:6

Asî saprṳ̂saphǎ nohè kòyònu susô̌tôpwa̤ dǒ pwa̤nophû̌ tokhlǒ a lô̤mô̤̌. Dě a kwicaba hto bǎ asî dě a dò̌htò̌ lô̌khô acǔde dǒ asî tokhlǒ alô̤.

Rṳ̂̌me̤ 2:16

Bǎ Cǒmara ǐlò̤ a ta̤pô̤ta̤phǎ shû̌sho dǒ Yeshǔ Khrǐ gǔ cî̌htò̌ kòyò lǒ̤꤮ bò pě tôni̤nu, a gǔ sô̌sô̌kû̌ pô̤̌nu pě. Bǎnu akhapě, lǒ̤꤮ bò kòyò a ta̤gènè̤ ta̤sûû̌ tokhlǒnu, Cǒmara gǔ cî̌htò̌ bò asî ata̤bè̌hǔbè̌shò̌ nutokhlǒ pě. Hǒnumî̌ ta̤sǎlě̤we̤kè dǒ he hî̌ǐ bǎ kòyò nuhǒ.

Kôritu awǐlǒ tôbǎ 10:2

Lǒ̤bò asî hǒtokhlǒnu a sô̌sô̌ kû̌ asî jubò lô̌khô shi dǒ poǒlṳ̌ nutôbǎ akû kû̌ dǒ shidû̌te̤we̤ akûnu hǒ, dě asî htû bò Khûmṳ̂shě akhôphijǎ dǒ a gû̌ lû̌kò tokhlǒ hǒ.

Kôritu awǐlǒ tôbǎ 12:13

Pô̤̌nudě, dǒ pakla nu, tokhlǒkhlǒ mî̌ Yǔdaphû̌, tokhlǒkhlǒ mî̌ Yǔdaphû̌ mè̤̌tô̤̌, tokhlǒkhlǒ mî̌ jû̌, tokhlǒkhlǒ mî̌ kòyòpili̤phû̌. Bǎbǎkǎlè dǒ Yôla Plò̌shǐ Běcǎ nutôpwa̤ ô̌cupwǎ lû̌û akhû̌akhî, pa ju wô̤̌wô̤̌bò lû̌û shi dǒ Khrǐ anǎ̤glǒ tôpwa̤ nô̤̌ akû pwǎ. Pa nǐ̤bǎ sô̌sô̌bò lû̌û Yôla Plò̌shǐ Běcǎ tôpwa̤pwǎ̤꤮ nô̤̌ pwǎ.

Kôritu ginǐ̤bǎ tôbǎ 5:10

Ma̤titèhî̌dě, dǒ nô̌kòpěmî̌ pa pṳ̂̌꤮ tôpwa̤ bǎhè ô̌bò dǒ Khrǐ lǎ̤cî̌htò̌ tòcòhta alô̤mô̤̌ pě. Bǎ pa ô̌ dǒ hǎkhû̌ akhanu, lǒ̤bò pa ma̤hto ta̤ dǒ awô̌ tokhlǒnu bǎbǎ, ta̤ dǒ asǔ tokhlǒnu bǎbǎ, pa gǔ nǐ̤bǎ tîkhîsô̌ ta̤ma̤nǐ̤khû̌kǎ pě ya, mî̌ pa nǐ̤bǎ tô̤̌ yanu, a gǔ ma̤kè̌kè̌ bò pa pṳ̂̌꤮ tôpwa̤ pě.

Phǐlǐpǐ 3:21

Yeshǔkhrǐ gǔ htû̌lè̌tèplè̌ panǎ̤glǒ dǒ a khû̌shiǎjǎ dě a sijònu kû̌ a ta̤pô̤ta̤phǎ pě, dě a ma̤htûhtò̌sô̌ panǎ̤glǒnu pô̤̌ anǎ̤glǒ dǒ a ô̌ kû̌ a ta̤bwǐdû̌sîrîhtû nupě. A pô̤phǎshû̌sho dǒ a ma̤jè̌ lû̌û dǒ a gǔ pǒbò̌bò ta̤lǒ̤bònu, a htû̌lè̌ tèplè̌kèbò panǎ̤glǒ nutokhlǒ pě.

Kòlòtè̌ 2:12

Bǎ sî ju sînǎ̤ kû̌ shi akha, sî lǎ̤klô phû̌mò̤̌ tokhlǒnu, sî lǔlò̤ hto kû̌ Khrǐ hǒ. Dě sî lǎ̤bû̌lǎ̤klôma̤ tokhlǒnu, Cǒmara ma̤htûpwa̤ getîkhî kû̌ Khrǐ hǒ. Dǒ sî yṳ̌ǎ Cǒmara a ta̤po̤ta̤pwa̤ dǒ a ma̤ ihtǒhtûpwa̤ getîkhî sô̌ Khrǐ dǒ ta̤si akhû̌akhî, a htûhtò̌ htobò pô̤̌nu hǒ.

Tîmôte ginǐ̤bǎ tôbǎ 2:18

Asî cû̌ tephekè ta̤tě̤ta̤mè̤̌ aklè̌ dě asî hî̌ lô̌khô kû̌, ta̤si ihtǒ htûpwa̤ getîkhî numî̌ a htûhtò̌ htohǒ a hî̌ lô̌khô pô̤̌nu akhû̌akhî, a ma̤pî̌kèbò kòyò nutokhlǒ a ta̤yṳ̌ta̤nǎ̤.

Hebrǔ 11:35

Dǒ ta̤yṳ̌ akhû̌akhî, pwa̤mǒ̤ tokhlǒkhlǒnu, akhlialè tokhlǒ si htohǒ bǎbǎkǎlè a nǐ̤bǎ getîkhî sô̌ asî dǒ ta̤si akû. Pwa̤yṳ̌ǎta̤phû̌ tokhlǒkhlǒnu, kòyò ma̤jî̌ma̤jû̌ asî. Kòyò hî̌ asî kû̌ asî kè̌ wîkè lô̌khô ata̤yṳ̌ hî̌dě, kòyò gǔ plûhǎhtò̌ pi̤li̤ cû̌kè asî bǎbǎkǎlè a jûshǔ kòyò yô̤̌ tô̤̌. Dǒ asî ma̤pô̤̌nu akhû̌akhî, kòyò ma̤si jî̌jû̌ asî. Bǎbǎkǎlè, htû̌ asî si ihtǒhtûpwa̤sô̌ pě tôni̤nu, pô̤̌khô asî gǔ nǐ̤bǎ lô̌khô ta̤ô̌htûpwa̤ dǒ a mô̤lǒ kû̌ hǒtôhtu ayanudě, asî ma̤ lô̌khô pô̤̌nu pwǎ.

Hebrǔ 9:10

Ta̤lṳta̤tòhtò̌ hǒtokhlǒnu, a nǎla̤ǐ pwǎ ta̤cubucaba a lǎ̤bû̌lǎ̤klô tokhlǒ dǒ a hî̌ kû̌ hǒomî̌ ǎnǐ̤, hǒnumî̌ ô anǐ̤ tô̤̌, tôbǎ shǔbò nǎ̤ pô̤̌onu, a hî̌ nutokhlǒ hǒ. Ta̤sû̌ta̤tòwò numî̌ gû̌ ma̤ta̤ dǒ akhlo tôkhô pwǎ, a ma̤ tèplè̌jò sǎphlǒ tô̤̌. Nǎ̤glǒ phěyî̌ tôkhô, kòyòhǎkhû̌phû̌ bǎ gû̌ma̤ tǒ̤dǒ Cǒmara ma̤tèplè̌ bǎ asî klè̌ asa tôbô.

Petru ginǐ̤bǎ tabǎ 3:7

Bǎbǎkǎlè dǒ Cǒmara hî̌bǎhtò̌ sô̌ ayô̤̌ pô̤̌ a bô̌lò̤ sakhû̌lû̌ mǒlǎ̤ kû̌ hǎkhû̌ akhanu akhû̌akhî, mǒlǎ̤ kû̌ hǎkhû̌ dǒ pa kè̌shǐ a khònò̤̌ tokhlǒnu, Cǒmara pṳ̂̌mě ô̌kǔ asî dě a gǔ ma̤pî̌kè asî kû̌ mî̌ pě. Cǒmara gǔ pṳ̂̌mě ô̌kǔ padô̌ asî dǒ lṳmṳ̌ni̤ bǎ a cî̌htò̌ ma̤pî̌kè kòyò dǒ a bè̌dubè̌nǎ̤kû̌ lû̌û tô̤̌ nutokhlǒ pě.