Hebrǔ 6:19 - Kawyaw New Testament

¹⁹ Pa ta̤kè̌shuǐnu asô̌sô̌kû̌ lǒ̤dû̌ dǒ a cî̌ ô̌kǔmě sǒkhlidû̌ dǒ pa ta̤htûpwa̤ aya tômè nuhǒ. Pô̤̌ pwa̤shû̌gǎ ikǒdû̌lǒ nutôpwa̤ nṳ̌cû̌ tûlû̌bò̌ kû̌ gò̌pwǐ pṳdû̌ dǒ kòyò jǒlò̤tě̤bǐ a dǒ ta̤lṳhtò̌ hôkû nutôpṳ, dě pô̤̌ a nṳ̌ tǒ̤ dǒ ta̤lǎ̤ aplò̌shǐ akûnu, pa ta̤kè̌shuǐ nî̌ a měgle, a tě̤tě̤mè̤̌mè̤̌, dě a sûnṳ̌ padô̌ tûû̌ pa dǒ Cǒmara alô̤mô̤̌ pô̤̌nudě.

Kawyaw RC

¹⁹ Pa ta̤kè̌shuǐ htǒonu alò̤ta lo̤dû̌ htě a cǐmě ǒkǔ sǒkhlidû̌ ta pa ta̤htûpwa̤ aya htǒotamanu hǒ. Pwǐ pwa̤lṳhtò̌ hǐkǒdû̌gutṳ̌nu tapwa̤ nṳcû̌ tûlû̌bò̌ ta hǔgòpwî̌ bědû̌ htě kò codǐdòbǐ yǎta ta̤lṳhtò̌hokûnu tṳpṳ, dě pwǐ a nṳto̤ dě ta̤gûla̤ cahtǐakû htǒonu, pa ta̤kè̌shuǐ htǒo a měgle, a te̤mǎ, dě a sûnṳ to̤kû̌ pa dě Cǒmara alo̤mo̤ hǐnuhǒ.

Hebrǔ 6:19 Iomraidhean Croise

Htû̌sò̌htò̌ 39:7

Pô̤̌nukhû̌khî, ǒ Běcǎdû̌, khònò̤̌ he bǎ kè̌shuǐ pe mî̌titè? He lǎ̤kè̌shu numî̌ a ô̌ pwǎ tǒ̤ na nô̤̌.

Htû̌sò̌htò̌ 42:11

Ǒ he cû̌ sǎplǎ̤nǎbǎ jî̌jî̌ ma̤titè? He cû̌ gû̌gè̌ jî̌jî̌ ma̤titè? Tûlû̌ kè̌shuǐ Cǒmaradû̌ nu, he gǔ htû̌sò̌htò̌ sô̌ Cǒmaradû̌ dǒ a ma̤hǎplǎkè he, a mî̌ he Cǒmaradû̌ nutôpwa̤.

Htû̌sò̌htò̌ 42:5

Ǒ he cû̌ sǎplǎ̤ jî̌jî̌ ma̤titè? He cû̌ gû̌gè̌ ma̤titè? Tûlû̌ kè̌shuǐ Cǒmaradû̌nu, he gǔ htû̌sò̌htò̌ sô̌ Cǒmaradû̌ dǒ amè̤̌ pwa̤ma̤hǎplǎnu.

Htû̌sò̌htò̌ 43:5

Ǒ꤮ he cû̌ sǎplǎ̤ gutṳ̌ ma̤titè? He cû̌ gû̌gè̌ gutṳ̌ ma̤titè? Tûrû̌꤮ kè̌shuǐ Cǒmaradû̌ nu, he gǔ htû̌sò̌htò̌ sô̌ Cǒmaradû̌ dǒ a ma̤hǎplǎkè he, amî̌ he Cǒmaradû̌ nutôpwa̤.

Matěo 27:51

Bǎnuakha hugò̌pwǐpṳdû̌ dǒ kòyò jǒlò̤tě̤bǐ dǒ ta̤lṳhtò̌hôkû nutôpṳ hǎyè̌ gehtò̌gelò̤ bòkè ginǐ̤khô. Tanahtû̌de htodě lǒ̤ tokhlǒ lû phò̌bòkè.

Pwa̤nophû̌ 23:6

Khûpò̌lǔ kè̌shǐ kû̌ kòyò ô̌bǎnu tokhlǒ mî̌ tokhlǒkhlǒ dě Sadukè̌phû̌, tokhlǒkhlǒ dě Pharishè̌phû̌ akhû̌akhî, a kaǎgǔcû̌lṳ̌ bǎ Yǔdaphû̌ dǒ a htû ikǒdû̌ tokhlǒ kû̌, “He pṳ̌wè̤̌ sî, he mî̌ Pharishè̌phû̌ tôpwa̤. He mî̌ Pharishè̌phû̌ tokhlǒ a phû̌pwa̤khû mî̌ amè̤̌mè̤̌. He kè̌shuǐ kû̌ kòyò dǒ a si tokhlǒnu, a gǔ ihtǒ htûpwa̤ getîkhî sô̌ pě akhû̌akhîdě sî gwè̌kè̌kè̌ he pwǎ.”

Pwa̤nophû̌ 27:29

Asî gû̌gè̌ kû̌mî̌ a ǐsha kû̌ sǒkhlidû̌ cû̌tô̤̌bǎ kû̌ lǒ̤ dě a jolò̤tě̤ lǒ̤ lǎ̤ma̤ô̌kǔ sǒkhlidû̌ lǐ̤mè dǒ shikû dě asî kwicaba lôkhô kû̌ lṳmṳ̌ gǔ lî phwè bǎ asî.

Pwa̤nophû̌ 27:40

Pô̤̌nu akhû̌akhî asî pě̤tṳ̌kè sǒpli̤ dǒ kòyò comě kû̌ lǒ̤ lǎ̤ma̤ô̌kǔ sǒkhlidû̌ nutokhlǒ htodě a plû lò̤yṳ̂ kè bò lǒ̤ tokhlǒ dǒ shidû̌shite̤we̤kû. Taplǎnô̤̌ asî bôphlǔ sǒpli̤ dǒ kòyò comě kû̌ lǎ̤plû sǒkhlidû̌ nutokhlǒ. Htodě asî cî̌tadǎhtò̌ gò̌pwǐpṳdû̌ dǒ sǒkhlidû̌ lô̤mô̤̌ tôkhô dě asî plûhtò̌cû̌ kû̌ gili̤sǎ dǒ shihtu tôkhô.

Rṳ̂̌me̤ 4:16

Pô̤̌nudě, pa nǐ̤bǎjò Cǒmara a ta̤olò̤ kû̌ pa ta̤yṳ̌ tôcǒ꤮ nô̤̌ pwǎ. Ma̤titèhî̌dě pô̤̌khô pa nǐ̤bǎ ta̤nu kû̌ abwǐsîrî akhû̌khî nô̤̌pwǎ ayanu, pa bǎ ô̌ kû̌ ta̤yṳ̌ta̤nǎ̤. Htokhôtô̤̌, lǒ̤bò PhaAbraha akhlialè tokhlǒnu a nǐ̤bǎbò ta̤olò̤ nupě. Kòyò dǒ a gû̌ma̤kû̌ Yǔdaphû̌ a ta̤sû̌ta̤tòwò nutokhlǒ gǔ nǐ̤bǎ tûû̌ mè̤̌tô̤̌, kòyò dǒ a yṳ̌nǐ̤nǎ̤nǐ̤ sô̌sô̌kû̌ PhaAbraha nutokhlǒ nǐ̤bǎ khlo pě. PhaAbraha mî̌ pa lǒ̤bò apha.

Rṳ̂̌me̤ 4:18

Cǒmara hî̌ PhaAbraha kû̌, “Na htû khlilèphû̌ tôprṳ̂tôphǎ apha pě. Nakhlinalè ô̌wô̤̌ô̌dû̌ asô̌sô̌kû̌ shǎ dǒ mǒlǎ̤ nutokhlǒ pě.” Cǒmara hî̌ ta̤nu alǎ̤ htûhtò̌ bǎ PhaAbraha gǔ phû̌ ô̌wô̤̌ô̌dû̌htò̌ ayanu ayû petô̤̌ bǎbǎkǎlè a yṳ̌ǎ ô̌pǒ̤ kè̌shuǐ dǒ a gǔ htûhtò̌nu.

Rṳ̂̌me̤ 5:4

Ta̤khòbò̌ ta̤jî̌ta̤jû̌ nî̌ a dǐ ô̌dû̌htò̌ ta̤ma̤tô Cǒmara asǎphlǒ, ta̤ma̤tô Cǒmara asǎphlǒnu, a dǐô̌htûhtò̌ dû̌wî̤ ta̤kè̌shuǐ.

Kôritu awǐlǒ tôbǎ 13:13

Bǎbǎkǎlè khònò̤̌nu, ta̤yṳ̌nǐ̤nǎ̤nǐ̤, ta̤kè̌shuǐ kû̌ ta̤mô̤ǐ ô̌ pe sucǒ. Hǒo sucǒ aklanu adû̌lǒ mî̌ ta̤mô̤ǐ hǒ.

Kôritu awǐlǒ tôbǎ 15:58

Pô̤̌nudě, he khô sî, khònò̤̌dě ihtǒ tònòwô̌ lô̌khô dě ô̌měô̌gle lô̌khô dǒ sî ta̤yṳ̌ akûnu nî̌. Ma̤ shû̌shû̌ lô̌khô Cǒmara ata̤ma̤ pṳ̂̌꤮ taplǎ nî̌꤮, ma̤titèhî̌dě sî ma̤ Běcǎ ata̤ma̤nu a tônô̤ nô̌ sîya tô̤̌.

Ěphěsu 2:6

Pa htûhto ta̤tôcǒ꤮ nô̤̌ kû̌ Khrǐ hǒ akhû̌akhî, Cǒmara ma̤htûpwa̤ getîkhî pa kû̌ Khrǐ hǒ. Pa kû̌ Khrǐ htûhtò̌kè lû̌û ta̤tôcǒ nô̤̌ akhû̌akhî, a dǐ pǒǐ pa kû̌ Khrǐ dǒ mǒkhû̌ ashiagǎkû hǒ.

Kòlòtè̌ 1:27

Cǒmara sǎphlǒô̌ dǒ a gǔ bè̌lṳ̌htò̌ bǎ a kòyò tokhlǒ kû̌ a ta̤dǒû̌dǒshò̌ nutôcǒ. A ta̤dǒû̌dǒshò̌ numî̌ Yǔdaphû̌ mè̤̌tô̤̌ tokhlǒ aya numî̌ amè̤̌. Ta̤dǒû̌dǒshò̌ numî̌ a lě̤dû̌pwî̤htû, ata̤bwǐdû̌sîrîhtû mî̌ca. Ta̤dǒû̌dǒshò̌ numî̌ amè̤̌kû̌ Khrǐ dǒ a ô̌ bǎ sîkû nuhǒ, dě yô̤̌mûyô̤̌sǎ mî̌ amè̤̌kû̌ sî gǔ nǐ̤bǎ Cǒmara a ta̤bwǐdû̌sîrîhtû pě, nuhǒ.

Kòlòtè̌ 3:1

Pô̤̌ Cǒmara ma̤ ihtǒhtûpwa̤ getîkhî Khrǐ dǒ ta̤sinu, Cǒmara ma̤ ihtǒhtûpwa̤ getîkhî sî dǒ ta̤si hǒ dě a ǐ sî ta̤htûpwa̤ asanu kû̌ Khrǐ hǒ. Pô̤̌nudě lǒ̤bò sî sǎphlǒ a ta̤sǎyṳ tokhlǒnu, bè̌ô̌ lô̌khô dǒ mǒkhû̌ bǎ Khrǐ lǎ̤hǎnòò̌ ǐtûû̌ agûlǎ̤ dǒ Cǒmara acǔtômû nutôkhô nî̌꤮.

Tîmôte ginǐ̤bǎ tôbǎ 2:19

Bǎbǎkǎlè kòyò ma̤ guyṳ̌jò Cǒmara a ta̤kòshî̌gutṳ̌ měgle nutô̤̌. Dǒ ta̤kòshî̌gutṳ̌ alô̤nu kòyò wě̤nǎ kû̌, “Běcǎ sî̌ganǎ̤ tûû̌ a kòyò” dě “Kòyò pṳ̂̌꤮ tôpwa̤ dǒ a hî̌ kû̌ he mî̌ Běcǎ a kòyò tokhlǒnumî̌, a tôbǎ ti̤wǐ̤ cû̌khô̌kè anǎ̤ kû̌ ta̤sǔnu.”

Hebrǔ 4:16

Pô̤̌nudě, pa lṳ̂bǎ ta̤ bǎkhò̌tè bǎbǎnu, pa tô hènṳ̌ khukhu dǒ pa Cǒmara dǒ a gwèbǎǐ kòyò nutôpwa̤ a lǎ̤hǎnòò̌ alô̤mô̤̌nu. Dě pa nǐ̤bǎ a ta̤sǎyṳgwèbǎǐ pě, dě pa kè̌shǐbǎ abwǐdû̌asîrîhtû dǒ a ma̤jè̌ pa nupě.

Hebrǔ 9:3

Hǐphû̌dû̌ a takhade lǎ̤nṳ̌nu kòyò cotě̤tṳbǐ kû̌ hugò̌pwǐ tôpṳ. Hugò̌pwǐ ô̌pe tôpṳ dǒ kòyò cobǐ tě̤tṳ̌kè dǒ alô̤mô̤̌ tôtô̤̌ dǒ kòyò kaǎ kû̌ gûlǎ̤plò̌shǐlǒnu tôtô̤̌.

Hebrǔ 9:7

Bǎbǎkǎlè dǒ ta̤plò̌shǐlǒnu tôtô̤̌ akûnu, a genṳ̌nǐ̤ pwǎtǒ̤ pwa̤shû̌gǎ ikǒdû̌lǒ nutôpwa̤ nô̤̌pwǎ. Tôněnu a nṳ̌pwǎ tôplǎ dě a bǎ phǐnǐ̤ sǐ dǒ a gǔ lṳhtò̌ kû̌ ta̤sǔ ayanu, kû̌ kòyò dǒ a gènè̤ tǒ̤tô̤̌ dě a ma̤sǔ tò̤̌ tokhlǒ ata̤sǔ aya.

Petru awǐlǒ tabǎ 1:3

Pa gǔ hî̌bwǐhî̌sîrîhtò̌ wô̤̌wô̤̌ lû̌û pa Běcǎ Yeshǔ Khrǐ apha Cǒmara tǎ꤮. Amè̤̌kû̌ a ta̤sǎyṳgwèbǎǐ tûlû̌shû̌lě pa akhû̌akhî, kû̌ Yeshǔ Khrǐ ata̤si ihtǒhtûpwa̤sô̌ akhû̌akhî, a ǐlò̤ hto pa ta̤htûpwa̤ asa hǒ. Dǒ hǒo akhû̌akhî, pa nǐ̤bǎ hènè bò pa ta̤kè̌shuǐ dǒ pa ta̤ô̌htûpwa̤ akû hǒ.