Hebrǔ 6:12 - Kawyaw New Testament

¹² Pa sǎyṳ nohtû sî kòyò cè̌klè tô̤̌. Mè̤mè̤̌tôkhô pa sǎyṳ no sô̌sô̌ sî pô̤̌ kòyò dǒ a yṳ̌ǎ dě a khòsǎdô ta̤ khònò̤̌ nutokhlǒ pwǎ. Dě dǒ kòyò nutokhlǒ ma̤pô̤̌nu akhû̌akhî, asî nǐ̤bǎ lô̌khô Cǒmara a ta̤olò̤ nutokhlǒ pě.

Kawyaw RC

¹² Pa sò̌yṳ nohtû sî kòyò cè̌klè tò̤. Mî̌tanu pa sò̌yṳ nosǒsǒkû̌ sî pwǐ kòyò htě a yṳǎ dě a khòsò̌do ta̤ khònò̤ htǒo toǒnu pwǎ. Dě kòyò htǒotoǒ ma̤hǐnu akhû̌akhî, asî nî̤bǎ lǒkho Cǒmara a ta̤olò̤nu toǒ pě.

Hebrǔ 6:12 Iomraidhean Croise

Matěo 25:26

“Dě aběcǎ hî̌shěshǔ lû̌û kû̌, ‘jû̌khujû̌jî̌, jû̌cè̌klèlôbô̌, na sî̌ganǎ̤ kû̌ bǔ dǒ he shǒǐ yǎtô̤̌ tokhlǒnu, he cû̌ kǎge, bǔ dǒ he shǒǐ tô̤̌ tokhlǒnu he cû̌ pô̤̌geplǒ tû̌û yǎ mè̤̌bǎtô̤̌ya?

Lǔka 16:22

“Bǎ kòyò hǎwǐ̤shèwè̤phû̌ nutôpwa̤ si akhanu, mǒkhû̌ tanaphû̌ tokhlǒ johtò̌ a dǒ PhaAbraha akòshǐ. Kòyò dû̌yò̤̌htò̌sa nutôpwa̤ mî̌mî̌ a si dě kòyò cû̌ lǔkè yǎ.

Lǔka 8:15

Ta̤khli lò̤tě̤tô dǒ hǎplǒhǎyî̌khû̌ amûasǎ mî̌ kòyò dǒ a ganǎ̤de Cǒmara alě̤ayô̤̌ dě a yṳ̌ǎ cǒtè̤ dě a to̤ǐphî̌mě dǒ a sǎphlǒkû, htodě a ganǎ̤de wô̌ Cǒmara ayô̤̌ dě a sǎphlǒhtû tǒ̤dǒ asǎhtò̌phôhtò̌ nu.

Rṳ̂̌me̤ 12:11

Gû̌ma̤ lô̌khô Běcǎ ata̤ma̤ nî̌꤮. Cè̌klè lô̌khô tǎ̤mǎ̤ nî̌꤮. Kè̌ ma̤ Běcǎ ata̤ma̤ hǒnumî̌ bè̌shû̌sho lô̌khô sî sǎphlǒ nî̌꤮.

Rṳ̂̌me̤ 2:7

Kòyò dǒ ama̤ hènè ta̤wô̌ dě a kè̌lǎ Cǒmara ǐ ta̤bwǐdû̌sîrîhtû, ta̤bè̌dubè̌nǎ̤ kû̌ ta̤htûpwa̤ dǒ asijò tô̤̌ tokhlǒnu Cǒmara ǐ yôla htûpwa̤ tûjû̌pwa̤ pě.

Rṳ̂̌me̤ 4:12

Htokhôtô̤̌, pa Yǔdaphû̌ tokhlǒnu, pa dǔtṳ̌bě bǎbǎkǎlè pa kè̌ sǎmǒla̤ǐ ta̤dǔtṳ̌bě nutô̤̌ tokhlǒnu, PhaAbraha mî̌ a htû paphapha. Bǎ papha PhaAbraha dǔtṳ̌bě khôtô̤̌ kha a ta̤yṳ̌ta̤nǎ̤nu, pa gǔ kè̌lû̌ yǎ.

Tîsalònǐ awǐlǒ tôbǎ 1:3

Dǒ sî ta̤yṳ̌ta̤nǎ̤ akhû̌akhî, sî ma̤ htûhtò̌, dǒ sî ta̤mô̤ǐ kòyò akhû̌akhî, sî gû̌ma̤ ta̤, dě dǒ sî ô̌ kû̌ ta̤kè̌shuǐ dǒ pa Běcǎ Yeshǔ Khrǐ alô̤ akhû̌akhî, sî khòsǎdôbò̌ ta̤ma̤jî̌ma̤jû̌ sî tokhlǒ. Bǎ pa kwicaba dǒ papha Cǒmara ô̌ akhanu, lǒ̤bò sî ma̤ta̤ tokhlǒnu, pa shôpe̤nǎ pè̤̌pe tô̤̌.

Tîsalònǐ ginǐ̤bǎ tôbǎ 1:4

Pô̤̌nu akhû̌akhî, pa sanǎ̤tû̌ pa pwe̤ǐlṳ̌bǎ ta̤dòkûphû̌ dǒ ashǔshawa̤ tokhlǒ kû̌ sîwe̤sîkè. Bǎ sî khòbǎ ta̤ma̤jî̌ma̤jû̌ kû̌ ta̤pò̤̌ta̤sha tokhlǒ akhanu, sî khòsǎdôbò̌ dě sî ô̌měô̌gle dǒ sî ta̤yṳ̌ta̤nǎ̤ akû akhû̌akhî, pa lǎ̤phî̌htò̌yô̤̌ mô̤̌꤮ mî̌ca pa sǎphlǒ.

Hebrǔ 1:14

Kè̌hî̌pô̤̌nudě, mǒkhû̌ tanaphû̌ tokhlǒ mî̌ mò̌pè? Asî mî̌ yôla htûpwa̤ dǒ a ma̤ bǎ Cǒmara ata̤ma̤ tokhlǒ. Cǒmara noma̤jè̌ bǎ asî kû̌ kòyò dǒ a nǐ̤bǎ ta̤ma̤hǎplǎge pě tokhlǒ aya pwǎ.

Hebrǔ 10:36

Pô̤̌khô sî gǔ ma̤tô pô̤̌ Cǒmara sǎyṳ noma̤ sînu, htodě pô̤̌khô sî nǐ̤bǎ a ta̤olò̤ dǒ a olò̤ hto sî tokhlǒ ayanu, sî bǎkhòsǎphlǒhtû lô̌khô.

Hebrǔ 11:33

Dǒ ta̤yṳ̌ akhû̌akhîdě, asî hǒtokhlǒ nî̌ a shěpè̤̌ shigǎ tokhlǒ. Asî pǒta̤ cǒcǒtè̤tè̤ dě a nǐ̤bǎ ta̤ dǒ Cǒmara olò̤ asî nutokhlǒ. A ma̤pè̤̌ lô̌khô khî dě khî tokhlǒ ě asî tô̤̌.

Hebrǔ 12:1

Pô̤̌nudě, kòyò dǒ a dǔlè̌lṳ̌ bǎ pa kû̌ a ta̤yṳ̌ta̤nǎ̤ tokhlǒnu, a ô̌ te̤we̤plṳ̂te̤we̤phǎ kû̌ pa. Pô̤̌nu akhû̌akhî, pa wîkè ta̤pṳ̂̌꤮ tocǒ dǒ a ma̤ dǐdò tě̤tṳ pa tokhlǒ kû̌ ta̤sǔ dǒ a ma̤ topho lòkhǔkè pa hǒtokhlǒ tǎ꤮! Dě pa kè̌wô̤̌wô̤̌ lû̌û kòyò ǐ pa ta̤bò̌htò̌htǔ dǒ palô̤mô̤̌nu dě pa gǔ sǎphlǒhtû khlè̌hètǒ̤ dǒ a ô̌nu tǎ꤮.

Hebrǔ 13:7

Gènè̤htò̌sô̌ lô̌khô kòyò dǒ a htû sî ikǒlǒkòdû̌ dě a shôbǐǐ bǎ hto sî kû̌ Cǒmara alě̤ayô̤̌ nutokhlǒ nî̌꤮. Gènè̤kè̌kè̌ lô̌khô asî ata̤ô̌htûpwa̤ dǒ awô̌ nutokhlǒ, dě gû̌kè̌lû̌mò̌mṳ lô̌khô asî ta̤yṳ̌nu tokhlǒ nî̌꤮.

Hebrǔ 5:11

Lǎ̤lṳ̂ hî̌ bǎ pô̤̌ sî kû̌ ta̤we̤ta̤kènu a ô̌ dû̌ pe. Sî sî̌yaphlô pò̤̌yǎ̤ tûû̌ sîya akhû̌akhî, he shôbǐǐphlô bǎ sî dě apò̤̌yǎ̤.

Hebrǔ 6:15

PhaAbraha ô̌pǒ̤ khòsǎdôǐ, dě dǒnô̌kònu a nǐ̤bǎ Cǒmara olò̤ lû̌yô̤̌ nutômû.

Jǎgomo̤ 1:3

Ma̤titèhî̌dě, bǎ sî kè̌shǐ tṳ̌bǎ kû̌ ta̤pò̤̌ta̤sha ta̤tili̤tôlô̌ ma̤kè̌kè̌ sî ta̤yṳ̌ta̤nǎ̤ akhanu, a dǐô̌ dû̌htò̌ pô̤̌ sî ta̤sǎphlǒhtû tokhlǒ pwǎnu sî sî̌ganǎ̤ tûû̌ hǒ.

Petru ginǐ̤bǎ tabǎ 1:10

Pô̤̌nudě pṳ̌wè̤̌ sî꤮, pô̤̌khô Cǒmara ata̤kaǎ sînu kû̌ a ta̤rû̌htò̌ sînu gǔ htûhtò̌ hènè mè̤̌mî̌ca ayanu, jî̌pwǐ̤jî̌li̤ dû̌wî̤pô̤̌ lô̌khô dǒ alô̤mô̤̌ tôkhô nî̌꤮. Sî kè̌ ma̤pô̤̌nu hî̌dě sî htò̌tukhu lò̤khǔpo̤ pe tôkhò̌꤮ tô̤̌ hǒ.

Yṳ̂ha awǐlǒ tôbǎ 2:25

Htodě Khrǐ anǎ̤běcǎ tûû̌ a olò̤ kû̌ a ǐ pa pě numî̌ yôla htûpwa̤ tûjû̌pwa̤ talakhǎ nuhǒ.

Ta̤dǔlè̌nǎ 13:10

Kòyò tôpwa̤pwa̤ dǒ kòyò ta̤yè̤lò̤nǎ hto lû̌û dǒ kòyò gǔ pṳ̂̌ dǒlò̤tě̤ a dǒ apô̤kû hî̌nu, kòyò bǎ pṳ̂̌ dǒlò̤tě̤nò a pě. Kòyò tôpwa̤pwa̤ dǒ kòyò ta̤yè̤lò̤nǎ hto lû̌û dǒ kòyò bǎma̤si a kû̌ nò̌she pě dě, kòyò bǎ ma̤sinò a kû̌ nò̌she pě pwǎ. Cǒmara kaǎ a kòyò dǒ a gǔ bǎsǎphlǒhtû ta̤jî̌ta̤jû̌ dě bǎ jûǎyṳ̌ǎ ta̤ ayapwǎ.