Hebrǔ 6:11 - Kawyaw New Testament

¹¹ Pa ta̤sǎyṳ mî̌ pô̤̌o: pô̤̌khô ta̤wô̌ dǒ sî sǎphlǒhtû ô̌pǒ̤kè̌shěshu tokhlǒ gǔ lǒhtò̌behtò̌ bǎ sî ayanu, pa sǎyṳ dǒ sî pṳ̂̌꤮ tôpwa̤ gǔ sǎphlǒshû̌ ma̤ lô̌khô tǒ̤dǒ agutṳ̌ pô̤̌ sî ma̤htonu.

Kawyaw RC

¹¹ Pa ta̤sò̌yṳ mî̌ pwǐhè̌o: ma̤pûhǐ ta̤wǒ htě sî sò̌phlǒhtû ǒpo̤kè̌shuǐ toǒ lǒhtò̌behtò̌ bǎ sî ayanu, pa sò̌yṳ ta sî pṳ̂̌꤮ tapwa̤ glè sò̌phlǒsho ma̤to̤ lǒkho agutṳ pwǐ sî ma̤hto htǒonu.

Hebrǔ 6:11 Iomraidhean Croise

Matěo 24:13

Bǎbǎkǎlè kòyò dǒ a ihtǒ ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara gǔ ma̤hǎplǎge asî pě.

Lǔka 1:1

Kòyò jî̌pwǐ̤ wě̤ mǎnǎ lô̌khô ta̤ dǒ a htûhtò̌ bǎ pakla nutokhlǒ awe̤akè nî̌ pwa̤wě̤ ô̌jûgrû.

Rṳ̂̌me̤ 12:8

Kè̌ Cǒmara ǐ kòyò tôpwa̤pwa̤ a ta̤sî̌ta̤jò̌ dǒ a bǎ tûsû shò̌gû̌ kòyòkò kè̌hî̌dě a tôbǎ tûsû shò̌gû̌ kòyò. Kè̌ kòyò tôpwa̤ a sǎphlǒshû̌ ma̤lṳma̤tò kòyò shèphǔshèwè̤phû̌ tokhlǒ kû̌ a timî̌titè tokhlǒ kè̌hî̌dě a tôbǎ sǎphlǒshû̌ ma̤lṳma̤tò bǎ kòyò. Cǒmara kè̌ ǐ kòyò tôpwa̤pwa̤ a ta̤sî̌ta̤jò̌ dǒ a bǎ htû ikǒlǒkòdû̌ hî̌dě a tôbǎ ma̤ shapwǎ̤shèpwè̤ tûû̌. Kòyò tôpwa̤pwa̤ kè̌ a sǎyṳgwèbǎǐ ma̤jè̌ kòyò kè̌hî̌dě, a tôbǎ ma̤ dǒ ta̤sǎlě̤sǎlò̤ akû.

Rṳ̂̌me̤ 15:13

Bǎ sî yṳ̌ǎnṳ̌ Cǒmara dǒ a ma̤jè̌ sî akhanu, a mî̌ Cǒmara tôpwa̤ dǒ pa lǎ̤kè̌shuǐ a kòshî̌gutṳ̌ akhû̌akhî, a gǔ ma̤lǒbe bǎtûû̌ sî sǎlě̤sǎlò̤ kû̌ sî sǎphlǒ a ta̤gûjû̌kabǎ nî̌꤮. Htokhôtô̤̌ pô̤̌khô sî ta̤kè̌shuǐ gǔ shû̌htò̌shohtò̌ sělě pô̤̌ dǒ alô̤mô̤̌ kû̌ Yôla Plò̌shǐ Běcǎ a ta̤pô̤ta̤phǎ akhû̌akhî, pwǎ nudě he kwicaba bǎ sîya hǒ.

Kôritu awǐlǒ tôbǎ 13:13

Bǎbǎkǎlè khònò̤̌nu, ta̤yṳ̌nǐ̤nǎ̤nǐ̤, ta̤kè̌shuǐ kû̌ ta̤mô̤ǐ ô̌ pe sucǒ. Hǒo sucǒ aklanu adû̌lǒ mî̌ ta̤mô̤ǐ hǒ.

Kôritu awǐlǒ tôbǎ 15:58

Pô̤̌nudě, he khô sî, khònò̤̌dě ihtǒ tònòwô̌ lô̌khô dě ô̌měô̌gle lô̌khô dǒ sî ta̤yṳ̌ akûnu nî̌. Ma̤ shû̌shû̌ lô̌khô Cǒmara ata̤ma̤ pṳ̂̌꤮ taplǎ nî̌꤮, ma̤titèhî̌dě sî ma̤ Běcǎ ata̤ma̤nu a tônô̤ nô̌ sîya tô̤̌.

Galatǐ 5:5

Bǎbǎkǎlè dǒ Yôla Plò̌shǐ Běcǎ akhû̌akhîdě, pa yṳ̌ǎ panǎ̤ kû̌ Cǒmara bè̌cǒbè̌tè̤ pa, ma̤titèhî̌dě pa yṳ̌ǎ Yeshǔ Khrǐ. Pa ô̌pǒ̤kè̌shuǐ mè̤̌mî̌ca ta̤nuhǒ.

Galatǐ 6:9

Ma̤ta̤ wô̌nu nî̌ sǎphlǒpî̌ lô̌khô tǎ̤mǎ̤ nî̌꤮. Pa kè̌ sǎphlǒpî̌ tô̤̌ hî̌dě, htû̌꤮ shěkhǎ bǎ pěnu, pa gǔ kǎbǎ sô̌ ta̤sǎta̤phô pě.

Phǐlǐpǐ 3:15

Lǒ̤꤮ bò pa dǒ a dû̌htò̌dû̌to̤yobǎ lô̌khô dǒsû̌dǒsò̌ tôkhô tokhlǒnu, pa tô bè̌ sô̌sô̌ lû̌ pa sǎphlǒ pô̤̌ he hǎbǎ sînu. Bǎbǎkǎlè dǒ sîkla tokhlǒkhlǒnu, a kè̌ bè̌ khô̌ a sǎphlǒsǔshi kè̌hî̌dě, Cǒmara gǔ ǐ sî̌yaphlôwô̌ tû̌ sî ta̤gènè̤ dǒ atô nutokhlǒ pě.

Kòlòtè̌ 1:23

Pô̤̌khô sîmǐ̤sǎ gǔ ô̌ dǒ Cǒmara a lô̤mô̤̌ nudě, tûlû̌ yṳ̌ǎ hèpô̤̌ lô̌khô pô̤̌nu. Yṳ̌ǎshû̌ yṳ̌ǎsho lô̌khô, dě ô̌měô̌gle lô̌khô dǒ sî ta̤yṳ̌ akû nî̌꤮. Bǎ sî ganǎ̤de ta̤sǎlě̤we̤kè akhanu, sî nǐ̤bǎ hto ta̤kè̌shuǐ hǒ. Dě sǎphlǒ lûhtôlûlò̤ tǎ̤ lô̌khô dǒ sî ta̤kè̌shuǐ akûnu tǎ̤mǎ̤ nî̌꤮. Ta̤sǎlě̤we̤kè dǒ Cǒmara ma̤wô̌ getîkhî sô̌ kòyò tokhlǒ kû̌ anǎ̤nu, kòyò shôbǐǐ cû̌ lû̌û dǒ kòyò pṳ̂̌꤮ tôpwa̤ a ô̌, kû̌ dǒ hǎkhû̌ tabǎ a ô̌ hǒ. He mî̌ Khûpò̌lǔ, he shôbǐǐ ta̤sǎlě̤we̤kè nuhǒhǒ.

Kòlòtè̌ 1:5

Bǎ sî ganǎ̤de sakhû̌lû̌ ta̤sǎlě̤awe̤akè dǒ acǒatè̤ akhanu, sî ganǎ̤de hto ta̤kè̌shuǐ dǒ ta̤sǎlě̤we̤kè ǐ sî nuhǒ. Dǒ ta̤kè̌shuǐnu akhû̌akhî, sî yṳ̌ǎ Cǒmara, htodě sî mô̤nṳ̌ kòyò shǔshawa̤. Cǒmara bè̌htubè̌plǒ bǎ sî ta̤kè̌shuǐnu dǒ mǒkhû̌ hǒ.

Kòlòtè̌ 2:2

Pô̤̌khô he gǔ ǐkhû̌ǐǎ asî dě he ma̤pô̤̌nu pwǎ. Pô̤̌khô asî sǎphlǒ gǔ ijò kè̌khî lû̌û tôpwa̤ kû̌ tôpwa̤ dǒ ta̤mô̤ akû, htokhôtô̤̌ pô̤̌khô asî gǔ nǐ̤bǎ bòmǔtegle tě̤tě̤mè̤̌mè̤̌ ta̤sî̌ya, pô̤̌nudě asî sî̌yaphlôphǎ Cǒmara ata̤bè̌ ô̌hǔô̌sè̌ Khrǐ nudě he jî̌pwǐ̤ ma̤ lǒ̤sû̌lǒ̤sò̌ pô̤̌nu pwǎ.

Tîsalònǐ awǐlǒ tôbǎ 1:5

Ma̤titèhî̌dě pa phî̌hè bǎ sî ta̤sǎlě̤we̤kè numî̌ tǒ̤pwǎ pa khû̌phě a ta̤hî̌bǎnu mè̤̌tô̤̌. Ta̤sǎlě̤we̤kè numî̌, a ô̌ kû̌ a ta̤siwi̤sòwò̤, a ô̌ kû̌ Yôla Plò̌shǐ Běcǎ, a ô̌ kû̌ ta̤yṳ̌ǎ bòmǔtegle ta̤sǎlě̤we̤kè a ta̤tě̤ta̤mè̤̌ tokhlǒ. Dě bǎ pa ô̌cu kû̌ sî akhanu, pa mî̌ kòyò hî̌tè tokhlǒ numî̌, sî sî̌ganǎ̤ hto tûû̌ hǒ. Hǒnumî̌ pa ô̌htûpwa̤ bǎ sî lǎ̤nǐ̤bwǐ nǐ̤sîrî aya pwǎ.

Tîsalònǐ awǐlǒ tôbǎ 4:10

Kè̌hî̌kû̌mî̌ sî mô̤ǐbò sîpṳ̌sîwè̤̌ dǒ a ô̌ dǒ Mèsidûnǐ̤yagǎ tôgǎ nutokhlǒ. Bǎbǎkǎlè pa shò̌gû̌ pô̤̌ sî kû̌ sî gǔ mô̤ǐ dû̌htò̌ lǒkhlo pô̤̌ kû̌ hǒo nunî̌꤮.

Tîsalònǐ ginǐ̤bǎ tôbǎ 3:13

Bǎbǎkǎlè, pṳ̌wè̤̌ Khrǐphû̌ sî, bǎ sî ma̤ ta̤wô̌ akhanu, sǎphlǒpî̌ tǎ̤ lô̌khô tǎ̤mǎ̤ nî̌. Tûlû̌ ma̤ sělě hènè lô̌khô pô̤̌nu nî̌.

Hebrǔ 10:22

Pô̤̌nudě pa hèphǔ lô̌khô dǒ Cǒmara a ô̌ tǎ꤮. Pa gǔ hè kû̌ pa sǎphlǒ dǒ acǒatè̤, kû̌ pa ta̤yṳ̌ dǒ atě̤amè̤̌ nutokhlǒ tǎ꤮. Ma̤titèhî̌dě, pa sǎphlǒ a ta̤gènè̤ phû̌mò̤̌, pô̤̌khô a gǔ ma̤mṳ̂̌plî ayanu, kòyò cǔbò hto pa kû̌ Khrǐ asǐ hǒ. Htokhôtô̤̌ panǎ̤glǒ nî̌ kòyò cǔbò hto kû̌ shiplò̌shǐ hǒ.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Hebrǔ 3:6

Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.

Petru awǐlǒ tabǎ 1:21

Dǒ Khrǐ akhû̌akhî, sî yṳ̌nǐ̤nǎ̤nǐ̤ Cǒmara dǒ a ma̤ ihtǒhtûpwa̤ getîkhî sô̌ Khrǐ dǒ ta̤si dě a bè̌dû̌bè̌htû gutṳ̌ lû̌û nutôpwa̤ hǒ. Pô̤̌nudě sî ta̤yṳ̌ kû̌ sî ta̤kè̌shuǐnu, a ô̌ dǒ Cǒmara alô̤hǒ.

Petru ginǐ̤bǎ tabǎ 1:10

Pô̤̌nudě pṳ̌wè̤̌ sî꤮, pô̤̌khô Cǒmara ata̤kaǎ sînu kû̌ a ta̤rû̌htò̌ sînu gǔ htûhtò̌ hènè mè̤̌mî̌ca ayanu, jî̌pwǐ̤jî̌li̤ dû̌wî̤pô̤̌ lô̌khô dǒ alô̤mô̤̌ tôkhô nî̌꤮. Sî kè̌ ma̤pô̤̌nu hî̌dě sî htò̌tukhu lò̤khǔpo̤ pe tôkhò̌꤮ tô̤̌ hǒ.

Petru ginǐ̤bǎ tabǎ 3:14

Pô̤̌nudě sû̌khô sî, dǒ sî ô̌pǒ̤kè̌shuǐ ta̤nu akhû̌akhî, pô̤̌khô Cǒmara gǔ kè̌shǐ sî kû̌ kòyò dǒ awǐ kû̌ ta̤sǔ tǎ̤mǎ̤, htodě pô̤̌khô alǎ̤bè̌ ta̤sǔ dǒ sîlô̤ gǔ ô̌ tǎ̤mǎ̤, htokhôtô̤̌ pô̤̌khô sî gǔ ô̌pè̤̌dû tǒ̤ kû̌ a pěnu, jî̌pwǐ̤jî̌li̤ gutṳ̌ lô̌khô nî̌꤮.

Yṳ̂ha awǐlǒ tôbǎ 3:14

Dǒ awǐkha numî̌, pa sô̌sô̌kû̌ kòyòsi nutokhlǒ pwǎ. Bǎbǎkǎlè khònò̤̌ dǒ pa mô̤nǐ̤ hǒ pa pṳ̌wè̤̌ Khrǐphû̌ tokhlǒ akhû̌akhî, pa sî̌ganǎ̤ kû̌ pa htûhtò̌kè kòyò dǒ a htûpwa̤ tokhlǒ hǒ. Kòyò dǒ a mô̤ǐtû̌ apṳ̌wè̤̌ Khrǐphû̌ tô̤̌ tokhlǒ numî̌ a ô̌měô̌gle pepwǎ dǒ ta̤si akû pwǎ.

Yṳ̂ha awǐlǒ tôbǎ 3:19

Pa kè̌ mô̤ ǐtû̌ lû̌û tôpwa̤ kû̌ tôpwa̤ pô̤̌nu hî̌dě pa sî̌ganǎ̤ kû̌ pa ô̌gû̌ dǒ ta̤tě̤ta̤mè̤̌ tôkhô hǒ. Dě pa gǔ sǎphlǒmô̤, sǎphlǒ gûjû̌kabǎ hǒ dǒ Cǒmara a lô̤mô̤̌ hǒ.

Ta̤dǔlè̌nǎ 2:26

“Mòpèpè̌ bǎbǎ dǒ a ma̤pè̤̌ta̤ dě a kè̌ ma̤ sělě tǒ̤dǒ agutṳ̌ pô̤̌ he ta̤sǎyṳ ô̌numî̌, he gǔ ǐ yǎ ta̤siwi̤sòwò̤ dǒ asô̌sô̌kû̌ he nǐ̤bǎ dǒ hepha a ô̌ nutokhlǒ pě. ‘He gǔ ǐ yǎ ta̤siwi̤sòwò̤ dǒ a gǔ pǒ shigǎ tokhlǒ kû̌ khî̌po̤ tě̤htò̌ pě, dě a gǔ demǔ bò asî pô̤̌ kòyò demǔ gopo̤hǎkhû̌ nupě.’