Hebrǔ 6:10 - Kawyaw New Testament

¹⁰ Cǒmara mî̌ a ma̤ ta̤cǒ pwǎ. Ta̤ma̤wô̌ dǒ sî ma̤hto tokhlǒnu a shôpě̤ tô̤̌. Ta̤mô̤ dǒ sî dǔlè̌lṳ̌ hto dǒ aya kû̌ sî ma̤jè̌ a kòyò tokhlǒ dě sî ma̤jè̌ hè sělě asînu a shôpe̤ bǎtô̤̌.

Kawyaw RC

¹⁰ Cǒmara mî̌ a ma̤pwǎ ta̤cǒta̤tè̤. Ta̤ma̤wǒ htě sî ma̤hto toǒnu a shope̤ tò̤. Ta̤mo̤ǐ htě sî dǔlṳhto yǎya ta sî ma̤jè akòyò toǒ dě sî ma̤jè sělěpe asî htǒonu a shope̤pe tò̤.

Hebrǔ 6:10 Iomraidhean Croise

Htû̌sò̌htò̌ 20:3

A gǔ sî̌yahtò̌ pû nata̤lṳta̤tò̌ nutokhlǒ nî̌. A gǔ phî̌shǔ bò pû na shû̌u lṳhtò̌ ta̤mi̤ta̤mò̤̌ nutokhlǒ nî̌.

Matěo 10:42

He hî̌cǒcǒ sî, kòyò tôpwa̤pwa̤ htû he khôphijǎ dǒ a pî̌tî̌lǒ tôpwa̤ akhû̌akhî, mò̌pèpè̌ bǎbǎ dǒ a dǐô kòyò nutôpwa̤ kû̌ shigûjû̌ tôbè pwǎnu, Cǒmara ǐ mè̤̌mî̌ca lû̌û ta̤ma̤nǐ̤khû̌kǎ pě.”

Matěo 20:7

“Dě asî hî̌shěshu lû̌û kû̌, ‘pwa̤dakǎ hè dǒ pa ô̌ tôpwǎ̤꤮ tô̤̌.’ “Dě a hî̌ asî kû̌, ‘hèma̤ lô̌khô dǒ he sîpî̌phǎ hǔklakhû̌nu.’

Matěo 25:17

Pô̤̌nudě a nǐ̤bǎ hta tôkô̌ tôpwa̤ nî̌, a cû̌ ma̤kuhtò̌ dû̌khlo pô̤̌ ginǐ̤jwè̌.

Mǎ̤riko 9:41

He hî̌mè̤mè̤̌ sî, dǒ sî gû̌ hekò akhû̌akhîdě, kòyò tôpwa̤pwa̤ kè̌ dǐôshěshu sî shi tôba numî̌ a gǔ nǐ̤bǎ mè̤̌mî̌ca ta̤ma̤khû̌kǎ pě.

Jowǎ̤ni̤ 13:20

He hî̌cǒcǒ sî, kòyò tôpwa̤pwa̤ dǒ a kaǎmô̤shǔ kòyò dǒ he nohè a tôpwa̤ numî̌, a kaǎmô̤shǔ he hǒ. Kòyò tôpwa̤pwa̤ dǒ a kaǎmô̤shǔ he numî̌ a kaǎmô̤shǔ kòyò dǒ a nohè he nutôpwa̤ hǒ.”

Pwa̤nophû̌ 10:31

Dě a hî̌ he kû̌, ‘Phakò̌ne̤lǐ Cǒmara ganǎ̤dehto na ta̤kwicaba hǒ. A gènè̤htò̌bǎ tǒ̤ naǐnayṳ̂̌ǎ bǎ kòyò pwa̤shèwè̤phû̌ nutokhlǒ hǒ.

Pwa̤nophû̌ 10:4

A kè̌꤮ cû̌ mǒkhû̌ tanaphû̌ dě a ǐsha jî̌ lû̌û dě “Běcǎ, na sǎyṳ hî̌ he mî̌titè?” A gwè̌ mǒkhû̌ tanaphû̌ pô̤̌nu. Dě mǒkhû̌ tanaphû̌ hî̌shěshu a kû̌, “Cǒmara sǎphlǒ ô̌ nahǒ, ma̤titè̌hî̌dě na ta̤kwicaba tokhlǒ kû̌ na ta̤ma̤jè̌ kòyò pwa̤shèwè̤phû̌ tokhlǒnu, a htò̌tǒ̤ dǒ Cǒmara a ô̌ sô̌sô̌kû̌ na lṳhtò̌ a nuhǒ.

Pwa̤nophû̌ 11:29

Pwa̤yṳ̌ǎta̤phû̌ pṳ̂̌꤮ tôpwa̤ bè̌lò̤ lô̌khô asǎphlǒ kû̌ pwǐ asî ǐbò̌ nu asî gǔ sûcû̌ ta̤ma̤jè̌ bǎ Yǔdagǎkû nutokhlǒ.

Rṳ̂̌me̤ 12:13

Cǒmara a kòyò tokhlǒ kè̌ hǎwě̤shèwè̤ hî̌dě, phǐjè̌ma̤jè̌ asî nî̌꤮. Kè̌ dǐǎdǐô lô̌khô shǐpwǎ̤shǐmè̤ nî̌꤮. Kaǎ hǎmôô̌ lô̌khô asî dǒ sî hǐdǒkû nî̌꤮.

Kôritu ginǐ̤bǎ tôbǎ 9:1

Sî tô ma̤jè̌ Cǒmara a kòyò dǒ a hǎwě̤shèwè̤ dǒ a ô̌ bǎ Wî̤̌yarǔshôle akû nutokhlǒ awe̤akènu, he lǎ̤lṳ̂ wě̤ sělě bǎ pô̤̌ pe nô̌ sî tô̤̌.

Galatǐ 5:13

He pṳ̌wè̤̌ sî, pô̤̌khô sî gǔ nǐ̤bǎ ta̤pi̤li̤ ayanudě, Cǒmara kaǎhto sî hǒ. Bǎbǎkǎlè dǒ sî nǐ̤bǎ ta̤pilinu akhû̌akhîdě, nopǒ tǎ̤ sînǎ̤ kû̌ sî sǐshiphěyî̌ a ta̤sǎyṳsǎbǎ nutokhlǒ tǎ̤mǎ̤ nî̌. Mè̤mè̤̌tôkhônu, sî tô mô̤ǐ kè̌khî lû̌û tôpwa̤ kû̌ tôpwa̤, sî tô ma̤jè kè̌khî bò lû̌û tôpwa̤ kû̌ tôpwa̤.

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Galatǐ 6:10

Pô̤̌nu akhû̌akhî bǎkhò̌tè꤮ bǎbǎ, bǎ pa nǐ̤bǎ ta̤shěta̤khǎ wô̌ akhanu, pa bǎ ma̤wô̌ bǎ kòyò pṳ̂̌꤮ tôpwa̤. Bǎbǎkǎlè sî ma̤ta̤ awô̌nu kè̌dû̌shǐ pû ta̤dòkûphû̌ nutokhlǒ nî̌.

Kòlòtè̌ 3:17

Sî hî̌bǎ bǎbǎ, sî ma̤ta̤ titètè̌꤮ bǎbǎ, kè̌ Běcǎ Yeshǔ Khrǐ amǐ̤sǎ dě ma̤ lô̌khô nî̌꤮. Dǒ Běcǎ Yeshǔ Khrǐ akhû̌akhî, dě hî̌bwǐhî̌sîrî htû̌sò̌htò̌ lô̌khô Cǒmara nî̌꤮.

Tîsalònǐ awǐlǒ tôbǎ 1:3

Dǒ sî ta̤yṳ̌ta̤nǎ̤ akhû̌akhî, sî ma̤ htûhtò̌, dǒ sî ta̤mô̤ǐ kòyò akhû̌akhî, sî gû̌ma̤ ta̤, dě dǒ sî ô̌ kû̌ ta̤kè̌shuǐ dǒ pa Běcǎ Yeshǔ Khrǐ alô̤ akhû̌akhî, sî khòsǎdôbò̌ ta̤ma̤jî̌ma̤jû̌ sî tokhlǒ. Bǎ pa kwicaba dǒ papha Cǒmara ô̌ akhanu, lǒ̤bò sî ma̤ta̤ tokhlǒnu, pa shôpe̤nǎ pè̤̌pe tô̤̌.

Tîmôte awǐlǒ tôbǎ 6:18

Mǎnǎ nayô̤̌ kû̌ kòyò dû̌yò̤̌ nutokhlǒ, dě hî̌ asî kû̌ nodû̌yò̤̌ lô̌khô asî dǒ ta̤ma̤wô̌nu tôkhô nî̌꤮. Dě no sǎlě̤sǎlò̤ yṳ̂̌lò̤ padô̌ kòyò, hî̌ asî kû̌ noma̤jè̌ dû̌wî̤ padô̌ kû̌ kòyò ashǔshawa̤ tokhlǒ nî̌꤮.

Tîmôte ginǐ̤bǎ tôbǎ 4:8

Khònò̤̌dě Cǒmara bè̌wô̌ hto he ta̤tě̤ta̤mè̤̌ a khû̌glû̌hta dǒ amè̤̌kû̌ ta̤ma̤nǐ̤ khû̌kǎ tômè nuhǒ. Htodě htû̌꤮ lṳmṳ̌ni̤ gutṳ̌ pěnu, pwa̤cî̌htò̌cǒta̤ a Běcǎ nutôpwa̤ gǔ ǐlò̤ he pě bǎbǎkǎlè hǒo numî̌ heya nô̤̌ mè̤̌bǎtô̤̌. Lǒ̤꤮ bò kòyò dǒ a ô̌pǒ̤kè̌shuǐ Běcǎ gǔ hè ô̌lṳ̌htò̌ sô̌ pě nutokhlǒ ayamî̌ a ô̌padô̌ pěpě.

Hebrǔ 10:32

Gènè̤htò̌ to̤ǐbǎ sô̌ lô̌khô dǒnukha bǎ sî nǐ̤bǎ hto samô̤̌pe pwǎ Cǒmara ata̤lî akhanu, sî kè̌shǐbǎ dû̌ ta̤jî̌ta̤jû̌ bǎbǎkǎlè sî khòsǎphlǒhtûbò̌ lô̌khô pwǎ.

Hebrǔ 13:16

Ma̤wô̌ta̤ tokhlǒ bǎbǎ, ta̤ma̤jè̌ma̤kwe kè̌khîlû̌ tôpwa̤ kû̌ tôpwa̤ tokhlǒnu bǎbǎ shôpe̤ lô̌khô tǎ̤mǎ̤ nî̌꤮, ma̤titèhî̌dě hǒtokhlǒ numî̌ ta̤lṳta̤tòhtò̌ dǒ atô Cǒmara asǎphlǒ.

Yṳ̂ha awǐlǒ tôbǎ 1:9

Bǎbǎkǎlè pa kè̌ shôbǐǐlṳ̌ Cǒmara kû̌ pa ma̤ ta̤sǔta̤phû̌mò̤̌ tokhlǒ numî̌ Cǒmaranu acǒ kû̌ a ta̤olò̤ dě a ma̤tô̤ma̤bǎ ta̤, htokhôtô̤̌ a gǔ plûkè pa ta̤sǔ lǒ̤bò dě a ma̤mṳ̂̌plî getîkhî sô̌ lǒ̤bò pa ma̤ta̤tô tô̤̌ nutokhlǒ pě.