Hebrǔ 6:1 - Kawyaw New Testament

¹ Pô̤̌nudě pa bè̌kèbò pa ta̤sû̌ǐtòwòǐ bǎ kòyò Khrǐ awe̤akè dǒ a kòshî̌ nutokhlǒ dě pa cû̌ hènè gû̌ pô̤̌ kòyò dǒ alô̤mô̤̌ dě sû̌ǐ sî̌ganǎ̤ gû̌ pô̤̌ kòyò dǒ kòyò dû̌to̤yobǎ sî̌ya alô̤mô̤̌ a ta̤sû̌ǐ nutokhlǒ tǎ꤮. Getîkhî hèyî̤yî̤ kòyò sû̌ǐ bǎ pa ta̤sû̌ǐtòwòǐ a kòshî̌ dǒ a hî̌ kû̌, sî bǎ wîkè ta̤ma̤ dǒ abwǐsîrî ô̌tô̤̌ nutokhlǒ, dě sî bǎ yṳ̌ǎ Cǒmara, ta̤sû̌ǐ pô̤̌o tokhlǒnu, pa gǔ kè̌lǎ sî̌ya getîkhîsô̌ petô̤̌, pa gǔ cû̌ sělě pô̤̌ kû̌ kòyò dǒ alô̤mô̤̌ tǎ꤮.

Kawyaw RC

¹ Hǐnudě pa bè̌ǒkèbò pa ta̤sû̌ǐtòwòǐ bǎ kò Khrî̌stu awi̤akè̌ a kòshî̌kòtṳnu toǒ dě pa cû̌ hè kû̌po̤ kò alo̤mo̤ dě sû̌ǐsî̌ya kû̌po̤ kò ta kòyò dû̌pwa̤aya a ta̤sû̌ǐ htǒotoǒ hò̌꤮. Kò sû̌ǐhèhè sû̌ǐgege bǎ pa ta ta̤sû̌ǐtòwòǐ a kòshî̌kòtṳ dě a hî̌, sî bǎ wîkè ta̤ma̤ htě abwǐ ǒtò̤nu toǒ, dě sî bǎ yṳǎ Cǒmara, ta̤sû̌ǐ pwǐhè̌o toǒnu, pa glè sî̌ya hèyî̤pesǒ alo̤mo̤ tò̤, pa cû̌ hè kû̌po̤ kò dě alo̤mo̤ hò̌꤮.

Hebrǔ 6:1 Iomraidhean Croise

Matěo 21:29

“Dě a hî̌shěshu apha kû̌, ‘he hè tô̤̌,’ a hî̌ bǎbǎkǎlè dǒ nô̌kònu a sǎphlǒ htû̌lè̌ tèplè̌ sô̌ dě a hè sô̌.

Matěo 21:32

Ma̤titèhî̌dě Khûyṳ̂ha hè dǔlè̌lṳ̌ sî kû̌ ta̤tě̤ta̤mè̤̌ aklè̌ bǎbǎkǎlè sî yṳ̌ǎ yǎ tô̤̌. Bǎbǎkǎlè pwa̤kwita̤kûta̤mṳ̂̌ kû̌ pwa̤mǒ̤pǔlǔpǐli tokhlǒ yṳ̌ǎ yǎ. Sî kè̌shǐ kòyò tokhlǒ asǎphlǒ htû̌lè̌ ge bǎbǎkǎlè sî sǎphlǒ htû̌tèlè̌kè gû̌ kòyò tô̤̌ htokhôtô̤̌ sî yṳ̌nǐ̤nǎ̤nǐ̤ gû̌ kòyò tîkî̌ tô̤̌.

Matěo 3:2

Dě a hî̌ kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.”

Matěo 4:17

Hènè bǎnudě Yeshǔ sahtò̌ shôbǐǐlṳ̌ bǎ kòyò kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.”

Matěo 5:48

Ma̤pô̤̌nudě, pô̤̌khô sîpha dǒ mǒkhû̌ nutôpwa̤ alǒabenu, lǒbewô̌ sô̌sô̌kû̌ anu nî̌꤮.”

Matěo 7:25

Gǎjudû̌hè shidû̌htò̌, gili̤sǎ dû̌ hèbǎ hǐnu bǎbǎkǎlè a lòkhǔpo̤tô̤̌, ma̤titè̌hî̌dě kòyò ma̤htò̌ a dǒ lǒ̤khû̌.

Mǎ̤riko 1:1

Hǒomî̌ ta̤sǎlě̤we̤kè akòshî̌ dǒ a shôbǐǐlṳ̌ bǎ Cǒmara aphû̌khû Yeshǔ Khrǐ awe̤akè.

Mǎ̤riko 6:12

A khôphijǎ tokhlǒ hǎhtò̌ cû̌lè shôbǐǐlṳ̌ bǎ kòyò tokhlǒ kû̌ a tô kû̌ yò̤lǎ̤plǎdî̌ lô̌khô anǎ̤, a cû̌lè shôbǐǐ bǎ kòyò pô̤̌nu.

Lǔka 6:48

A sô̌sô̌kû̌ kòyò dǒ a bô̌htò̌ hǐ dě, a pholò̤yô̤̌꤮ hǎkû dě a bô̌ hǐkòkho kû̌ lǒ̤nu tôpwa̤ hǒ. Shidû̌htò̌, shidû̌hè bǎ hǐnu tômè bǎbǎkǎlè kòyò ma̤htò̌ měglewô̌ hǐ dǒ lǒ̤alô̤ akhû̌akhî, a guyṳ̌ pè̤̌petô̤̌.

Jowǎ̤ni̤ 12:44

Hǒtaplǎdě Běcǎ Yeshǔ yî̤̌kǒhtò̌ kû̌, “Bǎ kòyò tôpwa̤pwa̤ yṳ̌ǎ he akhanu, a yṳ̌ǎ he mè̤̌tô̤̌, a yṳ̌ǎ kòyò dǒ a nohèlò̤ he tôpwa̤ hǒ.

Jowǎ̤ni̤ 14:1

Běcǎ Yeshǔ hî̌ asî kû̌, “Sǎphlǒgû̌gè̌ lô̌khô tǎ̤mǎ̤ nî̌꤮. Yṳ̌ǎ lô̌khô Cǒmara dě yṳ̌ǎ dô̌ lô̌khô he nî̌꤮.

Jowǎ̤ni̤ 5:24

“He hî̌cǒcǒ sî, kòyò dǒ a ganǎ̤de he lě̤yô̤̌ dě a yṳ̌nǐ̤nǎ̤nǐ̤ kòyò dǒ a nohèlò̤ he nutôpwa̤ tokhlǒnu, a nǐ̤bǎ yôla htûpwa̤ tûjû̌pwa̤ hǒ. Dě a kè̌shǐ penô̌ ta̤cî̌htò̌ tô̤̌. A cû̌ tûlû̌bò̌ kè ta̤si dě a cû̌nṳ̌ dǒ ta̤htûpwa̤ akû hǒ.

Pwa̤nophû̌ 11:18

Bǎ asî ganǎ̤de ta̤we̤ta̤kè hǒo akhanu, asî pî̤jî̌ǐsho pe Khûpetarǔ tô̤̌. Dě a htû̌sò̌htò̌ lô̌khô Cǒmara kû̌, “Kè̌ a mè̤̌mî̌ca pô̤̌nu hî̌dě Cǒmara ǐbǎtû̌ Yǔdaphû̌ mè̤̌tô̤̌ tokhlǒ ta̤shěkhǎ wô̌ dǒ a gǔ yò̤lǎ̤plǎdî̌ lô̌khô asǎphlǒ dě a gǔ nǐ̤bǎ lô̌khô ta̤htûpwa̤ pě.”

Pwa̤nophû̌ 17:30

Bǎ kòyò sî̌ganǎ̤ Cǒmara khôtô̤̌ akhanu, a gènè̤bǎpe kòyòhǎkhû̌phû̌ a ta̤sǔ pô̤̌nu tocǒ pwǎ. Bǎbǎkǎlè khònò̤̌nu, a hî̌lò̤ ayô̤̌ kû̌ kòyò pṳ̂̌꤮ tôpwa̤ dǒ a ô̌ bǎ gûlǎ̤ bǎtè tûkûbǎbǎ a tôbǎ yò̤̌lǎ̤plǎdî̌ lôkhô asǎphlǒ dě a tôbǎ htû̌tiwǐ getîkhîtô sô̌ dǒ Cǒmara a ô̌ pṳ̂̌꤮ tôpwa̤ a hî̌hto pô̤̌nu hǒ.

Pwa̤nophû̌ 2:38

Khûpetarǔ hî̌ bǎ asî kû̌, “Pô̤̌khô Cǒmara gǔ plûkè sî ta̤sǔ tokhlǒnu, yò̤lǎ̤plǎdî̌ lô̌khô sîsǎphlǒ pṳ̂̌꤮ tôpwa̤ dě ju lô̌khô sînǎ̤ kû̌ shi dǒ Yeshǔ Khrǐ ami̤ akû, sî kè̌ma̤pô̤̌nu hǐdě Cǒmara gǔ ǐ sî sû amè̤̌kû̌ Yôla Plò̌shǐ Běcǎ nupě.

Pwa̤nophû̌ 20:21

Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, he hî̌lò̤shû̌ shû̌lě asî ginǐ̤prṳ̂ kû̌, yò̤lǎ̤plǎdî̌ lôkhô sî sǎphlǒ dě yṳ̌ǎnǎ̤ǎ lôkhô Běcǎ Yeshǔ, he hî̌ bǎ asî pô̤̌nu nu.

Pwa̤nophû̌ 26:20

He cû̌lè shôbǐǐ sakhûlû̌ bǎ kòyò dǒ Wî̤̌damase htodě dǒ Wî̤̌yarǔshôle akû, dǒnô̌kòdě he cû̌ dǒ Yǔdagǎ pṳ̂̌꤮ tûkû, htokhôtô̤̌ he cû̌ dǒ Yǔdaphû̌ mè̤̌tô̤̌ tokhlǒ aklakla. Dě pô̤̌khô asî gǔ yò̤lǎ̤plǎdî̌ lôkhô a ta̤sǔta̤plě tokhlǒ, htodě pô̤̌khô asî gǔ htû̌tiwǐ getîkhîtô sô̌ anǎ̤ dǒ Cǒmara a ô̌, htokhôtô̤̌ pô̤̌khô a gǔ dǔlè̌lṳ̌htò̌ lôkhô ata̤ma̤ dǒ awô̌ tokhlǒ kû̌ a yò̤lǎ̤plǎdî̌ hto asǎphlǒ ayanu, he shôbǐǐ bǎhto asî hǒ.

Pwa̤nophû̌ 3:19

Pô̤̌khô Cǒmara gǔ plûkè sî ta̤sǔnu dě, yò̤lǎ̤plǎdî̌ lô̌khô sîsǎphlǒ dě htû̌lè̌ getîkhî sô̌ lô̌khô dǒ Cǒmara a ô̌. Sî kè̌ ma̤pô̤̌nu hî̌dě htǔ꤮ shěkhǎtô shěkhǎbǎ pěnu, Běcǎ Cǒmara gǔ ǐ sî ta̤khû̌ǎ pě.

Kôritu awǐlǒ tôbǎ 13:10

Bǎbǎkǎlè dô̌ nô̌kòpě bǎ Cǒmara ǐ pa ta̤sî̌khû̌sî̌ya dǒ alǒabe akhapěnu, ta̤ dǒ alǒabe tô̤̌ tokhlǒnu a gǔ hǎmǎkèbò pě.

Kôritu awǐlǒ tôbǎ 2:6

Kòyò dǒ a ta̤yṳ̌sho tokhlǒnu, he sû̌ǐ bǎ asî kû̌ ta̤sî̌ta̤jò̌ awe̤akè tokhlǒ. Ta̤sî̌ta̤jò̌ hǒtokhlǒ nî̌, a ô̌ dǒ kòyòhǎkhû̌phû̌ a hè mè̤̌tô̤̌. A ô̌ dǒ kòyòhǎkhû̌phû̌ a hè dǒ a ô̌ kû̌ a ta̤siwi̤sòwò̤ nutokhlǒ a ô̌ mè̤̌tô̤̌tô̤̌. Ma̤titèhî̌dě ta̤hǒtokhlǒnu a gǔ pî̌kèbò pě.

Kôritu ginǐ̤bǎ tôbǎ 7:1

Khôbǒsû̌ sî lǒ̤bò Cǒmara olò̤ tokhlǒ numî̌ paya lǒ̤bò hǒ. Pô̤̌nudě, pa gǔ cû̌ tephekè kû̌ panǎ̤glǒ a ta̤sǎyṳ phû̌mò̤̌ tokhlǒ kû̌ pa sǎphlǒ a ta̤gènè̤ phû̌mò̤̌nu tokhlǒ tǎ. Dě dǒ pa ǐsha bè̌dubè̌nǎ̤ Cǒmaranu akhû̌akhîdě pa gǔ htûhtò̌ lô̌khô kòyò dǒ a aplò̌shǐ tokhlǒ tǎ.

Kôritu ginǐ̤bǎ tôbǎ 7:10

Ma̤titèhî̌dě, ta̤sǎplǎ̤ dǒ Cǒmara dǐhtûhtò̌ numî̌, a no htû̌lè̌ tèplè̌kè pa sǎphlǒ dǒ pa gǔ nǐ̤bǎ ta̤phǔgekhò̌ge aya pwǎ akhû̌akhî, pa lǎ̤lṳ̂ gènè̤kû̌ ta̤sǎplǎ̤ dǒ Cǒmara dǐhtûhtò̌ nutokhlǒ tô̤̌. Bǎbǎkǎlè kòyòhǎkhû̌phû̌ alǎ̤klô sǎplǎ̤ tokhlǒnu, a dǐô̌htò̌ pwǎ ta̤si pwǎ.

Ěphěsu 2:1

Dǒ awǐkha numî̌, sî ganǎ̤de jûlě̤phî̌yô̤̌ kû̌ kòyò Cǒmara ayô̤̌ tô̤̌, sî ma̤ ta̤sǔ akhû̌akhî, dǒsû̌dǒsò̌ tôkhônu, sî sô̌sô̌kû̌ kòyò si nutokhlǒ hǒ.

Ěphěsu 2:5

Bǎnukha pa jûǎ ayô̤̌ tô̤̌, pa asô̌sô̌kû̌ kòyòsinu bǎbǎkǎlè a ǐ pa ta̤ô̌htûpwa̤ asa kû̌ Khrǐ hǒ. Cǒmara abwǐdû̌asîrîhtû akhû̌akhîdě, pa nǐ̤bǎ ta̤hǎplǎge hǒ.

Ěphěsu 4:12

Pô̤̌khô Cǒmara a kòyò tokhlǒ ô̌ tîwî̌tòwò anǎ̤ kû̌ a glè̌ ma̤ bǎ lû̌û ta̤ma̤ aya, htokhôtô̤̌ pô̤̌khô a glè̌ ǐshû̌ǐshò̌htò̌ ta̤dòkû dǒ a mè̤̌kû̌ Khrǐ anǎ̤glǒ ayanudě, a ǐlò̤ pô̤̌nuhǒ.

Kòlòtè̌ 1:28

Pô̤̌khô pa gǔ sûnṳ̌ kòyò pṳ̂̌꤮ tôpwa̤ dǒ Cǒmara lô̤mô̤̌ pô̤̌ kòyò dǒ a htûhtò̌ ta̤tôcǒ꤮ nô̤̌ kû̌ Khrǐ dě a dû̌to̤yobǎ sî̌ya tě̤tě̤mè̤̌mè̤̌ dǒsû̌dǒsò̌ tôkhô tokhlǒ ayanu, pa shôbǐǐlṳ̌ bǎ kòyò pṳ̂̌꤮ tôpwa̤ kû̌ Khrǐ awe̤akè hǒ. Htokhôtô̤̌ pa dǐsè̌rè̌ hǒ, kòyò pṳ̂̌tôpwa̤, dě pa sû̌ǐtòwòǐ bǎ kòyò pṳ̂̌꤮ tôpwa̤ kû̌ lǒ̤bò ta̤sî̌ta̤jò̌ nutokhlǒ hǒ.

Kòlòtè̌ 3:14

Dǒ ta̤lǒ̤꤮ bò tokhlǒ aklanu, ta̤ dǒ a lûdû̌lǒ tôcǒmî̌, mô̤ǐ kè̌khî lû̌û tôpwa̤ kû̌ tôpwa̤ nuhǒ. Sî kè̌ ma̤pô̤̌nu mî̌, sî ô̌cuô̌plǒ wô̤̌wô̤̌ lû̌û dǒ ta̤tôcǒ꤮ nô̤̌ akû hǒ.

Kòlòtè̌ 4:12

Khûepapra mî̌ sî dokûphû̌ tôpwa̤pwa̤. A mî̌ a htû Khrǐ ajû̌ tôpwa̤. A hî̌mô̤hî̌bǎwô̌ hèǐ sî. A sǎphlǒshû̌ dě a kwicaba taga bǎ dǒ sîya pô̤̌khô sî gǔ ô̌měô̌gle dǒ sî ta̤yṳ̌ta̤nǎ̤ akû dě sî gǔ dû̌htò̌bò̌pû lô̌khô dǒsû̌dǒsò̌ tôkhô, htokhôtô̤̌ pô̤̌khô sî gǔ yṳ̌ǎ sî̌ganǎ̤hè tě̤tě̤mè̤̌mè̤̌ pô̤̌ Cǒmara a ta̤sǎyṳ pṳ̂̌꤮ tôcǒ ayanudě, a kwicaba bǎ dǒ sîya.

Tîmôte awǐlǒ tôbǎ 3:16

Pa ta̤cubucaba adû̌ayô̤̌ pwǐtènu kòyò ma̤bǐjòǐ a tôpwǎ̤꤮ tô̤̌. Khrǐ ô̌lṳ̌htò̌ pô̤̌ kòyòhǎkhû̌phû̌ tôpwa̤, dě Yôla Plò̌shǐ Běcǎ khòlṳ̌ kû̌ Khrǐ nî̌ a ma̤tô Cǒmara asǎphlǒ, dě mǒkhû̌ tanaphû̌ tokhlǒ kè̌shǐbǎ a hǒ. Htodě awe̤akè nî̌, kòyò shôbǐǐlṳ̌ a dǒ kòyò ashǔshawa̤ tokhlǒ aklahǒ. Kòyò ô̌ dǒ hǎkhû̌ tokhlǒkhlǒ nî̌ a yṳ̌nǐ̤nǎ̤nǐ̤ lû̌û hǒ. Cǒmara johtò̌ a dǒ mǒkhû̌ bǎ ta̤bwǐdû̌sîrîhtû akûhǒ.

Tîmôte awǐlǒ tôbǎ 6:19

Kè̌ asî ma̤pô̤̌nu hî̌dě, a sô̌sô̌ kû̌ asî bè̌plǒǐ a ta̤dû̌yò̤̌htò̌sa dǒ a bô̌pwǐ̤bô̌wô̌ akòshî̌ htû̌꤮ nô̌kòpě tôhtu ayanu hǒ. Htodě asî gǔ pṳ̂̌mě ta̤htûpwa̤ dǒ a mè̤̌mî̌ca nupě hǒ.

Tîmôte ginǐ̤bǎ tôbǎ 2:19

Bǎbǎkǎlè kòyò ma̤ guyṳ̌jò Cǒmara a ta̤kòshî̌gutṳ̌ měgle nutô̤̌. Dǒ ta̤kòshî̌gutṳ̌ alô̤nu kòyò wě̤nǎ kû̌, “Běcǎ sî̌ganǎ̤ tûû̌ a kòyò” dě “Kòyò pṳ̂̌꤮ tôpwa̤ dǒ a hî̌ kû̌ he mî̌ Běcǎ a kòyò tokhlǒnumî̌, a tôbǎ ti̤wǐ̤ cû̌khô̌kè anǎ̤ kû̌ ta̤sǔnu.”

Hebrǔ 11:6

Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Hebrǔ 12:13

Tûlû̌ gû̌hè sělě gutṳ̌ ta̤tě̤ta̤mè̤̌ aklè̌nu nî̌꤮. Kòyò dǒ ata̤yṳ̌ pî̌tî̌ tokhlǒnu, asô̌sô̌kû̌ kòyò khò̌lôpô̤̌dě nutokhlǒ hǒ. Pô̤̌khô kòyò dǒ a khò̌lôpô̤̌dě nutokhlǒ gǔ lò̤khǔpo̤ tô̤̌, htodě pô̤̌khô asî khò̌lôpô̤̌ wô̌ tîkhîsô̌ ayanu, tûlû̌ gû̌ sělě hènè gû̌pô̤̌ lô̌khô nî̌꤮.

Hebrǔ 7:11

Bǎ Cǒmara ǐ Yǔdaphû̌ tokhlǒ ta̤sû̌ta̤tòwò akhanu, a bè̌htò̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ nutokhlǒ a ô̌. Asî bǎ lṳhtò̌ bǎ kòyò pô̤̌ ta̤sû̌ta̤tòwò tokhlǒ ô̌nu. Le̤wǐphû̌ pwa̤lṳta̤phû̌ tokhlǒ ma̤ ata̤ma̤ tokhlǒ bǎbǎkǎlè pô̤̌khô kòyò gǔ htûhtò̌ kòyòcǒkòyòtè̤ ayanu, asî ma̤jòtô̤̌. Pô̤̌nudě Cǒmara bǎ no hèkhò tèplè̌ pwa̤shû̌gǎ dǒ ashǔshawa̤ tôpwa̤. Pwa̤shû̌gǎ tôpwa̤nu akhlialè gelò̤ dǒ Le̤wǐphû̌ dǒ akhlialè gelò̤ tutṳ̌ dǒ PhaArû a ô̌nu mè̤̌tô̤̌. Pwa̤shû̌gǎ tôpwa̤nu, asô̌sô̌kû̌ Malakhǐsedè̌ nuhǒ.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Jǎgomo̤ 1:4

Pô̤̌khô sî ta̤ô̌htûpwa̤ tokhlǒ gǔ yû̌gelò̤ tîkî̌ tô̤̌nu, pô̤̌khô a gǔ tôbǎ kû̌ Cǒmara asǎphlǒ dě sî gǔ dû̌htò̌ lǒbe kû̌ ta̤pṳ̂̌꤮ tocǒ ayanu, sî bǎ jî̌pwǐ̤ sǎphlǒhtû lô̌khô tǒ̤dǒ a gutṳ̌ nunî̌꤮.

Petru awǐlǒ tabǎ 1:21

Dǒ Khrǐ akhû̌akhî, sî yṳ̌nǐ̤nǎ̤nǐ̤ Cǒmara dǒ a ma̤ ihtǒhtûpwa̤ getîkhî sô̌ Khrǐ dǒ ta̤si dě a bè̌dû̌bè̌htû gutṳ̌ lû̌û nutôpwa̤ hǒ. Pô̤̌nudě sî ta̤yṳ̌ kû̌ sî ta̤kè̌shuǐnu, a ô̌ dǒ Cǒmara alô̤hǒ.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ dě a kaǎ sî dǒ a ǐ sî kû̌ a ta̤sîrîdû̌sîrîhtû tûjû̌pwa̤ dǒ Yeshǔ Khrǐ akûnu pě. Bǎ sî khòbǎ ta̤jî̌ta̤jû̌ tòshò̌phû̌nu gǔ tûlû̌ htopěnu, Cǒmara anǎ̤běcǎ tû̌ a gǔ ma̤měma̤gle tònò gesô̌ sî pě, htodě a ǐshoǐshû̌htò̌ sîkhû̌sîǎ pě.

Yṳ̂ha awǐlǒ tôbǎ 4:12

Kòyò kè̌shǐbǎnô̌ Cǒmara tôpwa̤ tô̤̌. Pa kè̌ mô̤ǐtû̌ lû̌û tôpwa̤ kû̌ tôpwa̤ hǒnumî̌, Cǒmara ô̌měô̌gle hǒ dǒ pakû dě ata̤mô̤ ô̌lǒô̌be hǒ dǒ pakû hǒ.