Hebrǔ 5:9 - Kawyaw New Testament

⁹ Bǎ Khrǐ ganǎ̤de htobò Cǒmara ayô̤̌ pṳ̂̌꤮ tocǒ akhanu, a htûhtò̌ bǎbò kòyò dǒ a ganǎ̤de lû̌yô̤̌ nutokhlǒ a ta̤ma̤hǎplǎge ajû̌jû̌ apwa̤pwa̤ a kòshî̌gutṳ̌ hǒ.

Kawyaw RC

⁹ Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Hebrǔ 5:9 Iomraidhean Croise

Htû̌sò̌htò̌ 45:17

He no gènè̤htò̌bǎ kòyò tokhlǒ kû̌ lǒ̤bò na ma̤ hto ta̤ dǒ adû̌ayô̤̌ nutokhlǒ pṳ̂̌tôhtu pě. Pô̤̌nukhû̌khî, kòyò htû̌sò̌htò̌ na tûjû̌pwa̤ talakhǎ pě.

Htû̌sò̌htò̌ 51:6

Hî̌mè̤mè̤̌ mò̌ mî̌ na sǎyṳ pwǎtǒ̤꤮ ta̤cǒta̤tè̤ dǒ he sǎphlǒgî̌kûnu. Ma̤pô̤̌nudě sû̌ǐ bǎ he ta̤sî̌ta̤jò̌ dǒ he sǎphlǒgî̌kûnu.

Htû̌sò̌htò̌ 51:8

Dǐ ganǎ̤de sô̌ he ta̤sǎlě̤sǎlò̤, ta̤sû̌mô̤sò̌mô̤. No sǎlě̤sǎlò̤ sô̌ hekhwǐ dǒ na yǒla̤gǎkè lû̌û nutokhlǒ.

Matěo 17:5

Bǎ a hî̌bǎ pepwǎ akhanu, poǒlṳ̌ kakha tôbě lò̤plû̌ bǐkè asî dě alě̤pwe̤htò̌ tômû dǒ poǒlṳ̌ akû kû̌, “Hǒomî̌ hephû̌ dǒ he mô̤ǐ yǎ dě he sǎphlǒô̌ yǎ tôpwa̤, ganǎ̤de lô̌khô ayô̤̌ nî̌꤮.”

Lǔka 13:32

Dě Yeshǔ hî̌shěshu asî kû̌, “Cû̌shôbǐǐshǔ bǎ htwǐmi̤nu, ‘khò̌tôni̤ kû̌ pe̤wô̤ pěnu, he glè̌ wṳ̂̌htò̌kè khînǎkhîno tokhlǒ pě, htodě he gǔ ma̤hǎmǎ ta̤shǐta̤sha tokhlǒ pě. Suni̤tôni̤ pěnu, he gǔ ma̤htokè he ta̤phǐta̤ma̤ pě.’

Jowǎ̤ni̤ 19:30

Bǎ Běcǎ Yeshǔ lî̌kè̌bǎ akhanu, a hî̌ kû̌, “A htohǒ.” Dě a û̌lò̤kè ikǒ, htodě a ǐlò̤kè ata̤htûpwa̤ dǒ Cǒmara a cǔdekû.

Pwa̤nophû̌ 3:15

Sî ma̤sikèhto kòyò dǒ a ǐ kòyò ta̤htûpwa̤nu tôpwa̤ hǒ, bǎbǎkǎlè Cǒmara ma̤htûpwa̤ getîkhî sô̌ a dǒ ta̤si hǒ. Dě ta̤htûhtò̌ anǎ̤ pô̤̌o numî̌ pa kè̌shǐ hto kû̌ panǎ̤ hǒ.

Pwa̤nophû̌ 4:12

Kòyò dǒ a ma̤hǎplǎge jò pa mî̌ tǒ̤pwǎ Yeshǔ tôpwa̤ nô̤̌ pwǎ. Kòyò ashǔshawa̤ dǒ Cǒmara ǐ asî kû̌ a gǔ ma̤hǎplǎge pa ayanu, dǒ hǎkhû̌ tôbǎbò nu a ô̌ tôpwǎ̤꤮ tô̤̌.”

Pwa̤nophû̌ 5:32

Pa mî̌ pwa̤ dǒ a khòlṳ̌ bǎ kòyò kû̌ ta̤hǒo tokhlǒ awe̤akè hǒ. Pô̤̌nudě Yôla Plò̌shǐ Běcǎ bǎbǎ khòlṳ̌ sô̌sô̌kû̌ asî pô̤̌nu hǒ. Yôla Plò̌shǐ Běcǎnu Cǒmara ǐlò̤ pwǎ kû̌ kòyò dǒ a ganǎ̤de lû̌ûyô̤̌ nutokhlǒ aya pwǎ.”

Rṳ̂̌me̤ 1:5

Dǒ Khrǐ akhû̌akhî, dě Cǒmara ǐlò̤ pa a ta̤bwǐta̤sîrî kû̌ ta̤shěkhǎ wô̌ dǒ pa gǔ htûhtò̌ pwa̤nophû̌ dǒ Khrǐ aya. Pô̤̌khô lǒ̤bò Yǔdaphû̌ mè̤̌tô̤̌ tokhlǒ gǔ yṳ̌nǐ̤nǎ̤nǐ̤ gû̌ kòyò Yeshǔ dě, asî gǔ ganǎ̤de Cǒmara ayô̤̌ ayanudě, a nohtûhtò̌ pa pwǎ.

Rṳ̂̌me̤ 10:16

Bǎbǎkǎlè Isôrělaphû̌ tokhlǒnu a phî̌shěshubò ta̤sǎlě̤we̤kè pṳ̂̌tôpwa̤ tô̤̌. Ma̤titèhî̌dě, piwi̤pèshè Khûyashǎya hî̌ kû̌, “Ǒ꤮ Běcǎ, mò̌pè glè̌ gû̌ yṳ̌ǎ pa ta̤we̤ta̤kè nu ya?”

Rṳ̂̌me̤ 15:18

Ta̤ ashǔshawa̤ sî tokhlǒnu he hî̌bǎdû̌pwǎ̤ bǔ nô̌ kòyò tô̤̌. He hî̌bǎdû̌pwǎ̤ bǔ pwǎtǒ̤ Khrǐ ata̤ma̤ dǒ a ma̤jè̌ he awe̤akè pwǎ. Dǒ he hî̌bǎ a awe̤akè akhû̌akhî, htodě dǒ asî kè̌shǐ he ta̤ma̤ tokhlǒ, htokhôtô̤̌ dǒ Cǒmara a Yôla Plò̌shǐ ǐ he ata̤pô̤ta̤phǎ nudě, he ma̤lṳ̌bǎ asî ta̤cô̌klǐcô̌sè nutokhlǒ kû̌ ǒò̌ kitikaa nutokhlǒ akhû̌akhî, he nè̌klè̌nè̌klò bò̌pe Yǔdaphû̌ mè̤̌tô̤̌ tokhlǒ dǒ a gǔ ganǎ̤de jûlě̤phî̌yô̤̌ Cǒmara hǒ. Bǎ he cû̌ shôbǐǐlṳ̌bǎ bò kòyò kû̌ Khrǐ a ta̤sǎlě̤we̤kè akhanu, he cû̌nṳ̌ shôbǐǐlṳ̌bǎ bò kòyò pṳ̂̌꤮ tôpwa̤, pṳ̂̌꤮ todo dǒ doô̌ bǎ Wî̤̌yarǔshôlenu tǒ̤dǒ Ilǔrǐkhagǎ nutokhlǒ hǒ.

Rṳ̂̌me̤ 2:8

Bǎbǎkǎlè kòyò dǒ a mô̤ǐlò̤ tûû̌ anǎ̤ nutokhlǒ kû̌ a wîkè ta̤tě̤ta̤mè̤̌, dě a gû̌ma̤ ta̤phû̌mò̤̌shǐhtô tokhlǒnu, Cǒmara sǎphlǒdû̌ asî pě dě a cî̌htò̌ asî pě.

Rṳ̂̌me̤ 6:17

He hî̌bwǐhî̌sîrî Cǒmara, ma̤titèhî̌dě, dǒ awǐkha sî htûbǎ hto ta̤sǔ ajû̌ tôplǎ, bǎbǎkǎlè khònò̤̌ sî ganǎ̤de lǒ̤sû̌lǒ̤sò̌ Cǒmara a ta̤sû̌ǐ asa dǒ sî nǐ̤bǎ nu tokhlǒ hǒ.

Kôritu ginǐ̤bǎ tôbǎ 10:5

Pa ma̤lò̤tě̤pro̤kè lǒ̤꤮ bò ta̤phî̌dû̌ phî̌htò̌yô̤̌ nǎ̤ dǒ a ma̤dǐdò tě̤tṳ ta̤sî̌ya Cǒmara nutokhlǒ. Lǒ̤꤮ bò kòyò a ta̤gènè̤ tokhlǒnu pa pṳ̂̌ dǒô̌ bò a dě pa no jûlě̤phî̌yô̤̌ ganǎ̤de a kû̌ Khrǐ ayô̤̌.

Phǐlǐpǐ 2:12

Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Tîsalònǐ ginǐ̤bǎ tôbǎ 1:8

A gǔ cî̌htò̌ kòyò dǒ a sî̌ganǎ̤ kû̌ kòyò Cǒmara tô̤̌ nutokhlǒ kû̌ kòyò dǒ a jûǎ kû̌ pa Běcǎ Yeshǔ a ta̤sǎlě̤we̤kè tô̤̌ nutokhlǒ pě.

Tîsalònǐ ginǐ̤bǎ tôbǎ 2:16

Papha Cǒmara abwǐsîrî akhû̌akhî dě a ǐlò̤ pa a ta̤ǐkhû̌ǐǎ tûjû̌pwa̤ kû̌ ta̤kè̌shuǐ dǒ acǒatè̤ tokhlǒnu hǒ. Pa Běcǎ Yeshǔ Khrǐ kû̌ papha Cǒmara dǒ a mô̤ǐ pa nutôpwa̤ ǐkhû̌ǐǎ pû sî nî̌꤮. Kǎtô̤̌ pô̤̌khô lǒ̤꤮ bò sî ta̤phǐta̤ma̤ nutokhlǒ kû̌ lǒ̤꤮ bò sî ta̤hî̌bǎ tokhlǒ gǔ wô̌ ayanu, a gǔ ǐshû̌ǐshohtò̌ pû sî sǎphlǒ nî̌꤮.

Tîmôte ginǐ̤bǎ tôbǎ 2:10

Pô̤̌nudě pô̤̌khô kòyò dǒ Cǒmara rû̌htò̌ lû̌û tokhlǒ gǔ nǐ̤bǎ ta̤phǔgekhò̌ge kû̌ ta̤bwǐdû̌sîrîhtû tûjû̌pwa̤ dǒ Yeshǔ Khrǐ akûnu dě, he sǎphlǒhtû bǎ asî pwǎ.

Hebrǔ 1:14

Kè̌hî̌pô̤̌nudě, mǒkhû̌ tanaphû̌ tokhlǒ mî̌ mò̌pè? Asî mî̌ yôla htûpwa̤ dǒ a ma̤ bǎ Cǒmara ata̤ma̤ tokhlǒ. Cǒmara noma̤jè̌ bǎ asî kû̌ kòyò dǒ a nǐ̤bǎ ta̤ma̤hǎplǎge pě tokhlǒ aya pwǎ.

Hebrǔ 11:40

Ma̤titèhî̌dě ta̤ dǒ awô̌khlo kû̌ hǒtokhlǒ nî̌ Cǒmara ta̤yè̤lò̤nǎ bǎ hto dǒ paya dě a ǐ kû̌ pa pě. Cǒmara bè̌lò̤ hto asǎphlǒ kû̌ pa tôbǎnṳ̌ ô̌pe tǒ̤ kû̌ kòyò dǒnukha tokhlǒ. A ta̤yè̤lò̤nǎ numî̌ pa gǔ ma̤lǒma̤be plǒkû̌ asî nuhǒ.

Hebrǔ 11:8

Bǎ Cǒmara kaǎ PhaAbraha dě a nohǎhtò̌cû̌ lû̌û dǒ gǎtôgǎ dǒ a gǔ ǐ kû̌ lû̌û pě akhanu, a tô hǎhtò̌cû̌ tô bǎtè tôkûnṳ̌ a sî̌ganǎ̤ tô̤̌ bǎbǎkǎlè dǒ ata̤yṳ̌ akhû̌akhî, a ganǎ̤de dě a hǎhtò̌cû̌.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 2:10

Lǒ̤꤮ bò ta̤nutokhlǒ mî̌ Cǒmara aya lǒ̤꤮ bò pwǎ dě a bô̌lò̤ ǐ bò ta̤ pṳ̂̌꤮ tôcǒ hǒ. Pô̤̌khô Cǒmara gǔ ǐ padô̌ kòyò saprṳ̂ kû̌ a ta̤bwǐdû̌sîrîhtû tokhlǒ ayanudě, a ma̤lǒhtò̌behtò̌ Běcǎ Yeshǔ kû̌ a no khòjî̌khòjû̌ lû̌û nuhǒ. Cǒmara ma̤ ta̤ pô̤̌o numî̌ atô pwǎ. Dě Běcǎ Yeshǔ htû bǎ pa pwa̤sû klè̌ dǒ a ma̤hǎplǎge pa tôpwa̤ pě.

Hebrǔ 2:3

Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Hebrǔ 9:12

Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:15

Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Hebrǔ 9:28

Pô̤̌nudě pô̤̌khô Khrǐ phî̌cû̌ tephekè bò kòyò saprṳ̂ ata̤sǔ tokhlǒnu dě a khòlṳ̌ pwǎ tôplǎ pwǎ. A hè sô̌ pě bǎbǎkǎlè a hè phî̌cû̌ tephekè bǎ pa ta̤sǔ pěnu mè̤̌tô̤̌. A hè ma̤hǎplǎge kòyò dǒ a ô̌pǒ̤kè̌shǔ lû̌û nutokhlǒ pě pwǎ.

Petru awǐlǒ tabǎ 1:22

Khònò̤̌dě dǒ sî jûlě̤phî̌ Cǒmara a ta̤sû̌ǐ a ta̤tě̤ta̤mè̤̌ tokhlǒ akhû̌akhî, sî ma̤mṳ̂̌plî sî sǎphlǒ dě sî htû kòyò dǒ a mô̤nǐ̤ mè̤̌mî̌ca pṳ̌wè̤̌ Khrǐphû̌ nutokhlǒ hǒ. Ma̤pô̤̌nudě mô̤ lǒ̤sû̌lǒ̤sò̌ kè̌khî lû̌û tôpwa̤ kû̌ tôpwa̤ nî̌꤮.

Yṳ̂ha awǐlǒ tôbǎ 5:20

Pô̤̌khô pa gǔ sî̌ganǎ̤ kû̌ kòyò Cǒmara dǒ atô hǒtôpwa̤nu, pa sî̌yahto kû̌ Cǒmara aphû̌khû hè ǐ sî̌yaphlô bǎ pa hǒ. Pa ô̌ dǒ Cǒmara dǒ atô hǒtôpwa̤ kû̌ aphû̌khû Yeshǔ Khrǐ tôpwa̤ akû hǒ. A mî̌ Cǒmara dǒ atô tôpwa̤, htokhôtô̤̌ Cǒmara dǒ a ǐ kòyò yôla htûpwa̤ tûjû̌pwa̤ tôpwa̤.

Yṳ̌da 1:21

Bǎ sî ô̌pǒ̤kè̌shuǐ Běcǎ Yeshǔ Khrǐ a ta̤gwèbǎǐ dǒ a gǔ ǐ pa yôla htûpwa̤ tûjû̌pwa̤ hǒtôpwa̤ hè akhapěnu, ô̌htûpwa̤ sělě lô̌khô dǒ Cǒmara ata̤mô̤ akû nî̌.