Hebrǔ 5:7 - Kawyaw New Testament

⁷ Bǎ Yeshǔ ô̌htûpwa̤ bǎ hǎkhû̌ akhanu, a kwicaba lǒ̤sû̌lǒ̤sò̌ htò̌ Cǒmara dǒ a ma̤hǎplǎjò lû̌û dǒ ta̤sinu tôpwa̤, dě a yî̤̌kǒhtò̌ mǐ̤sǎshilò̤ kè. A shò̌lò̤ asǎphlǒ dě a sǎphlǒshû̌ ganǎ̤de Cǒmara ayô̤̌ akhû̌akhî, Cǒmara ganǎ̤de a ta̤kwicaba.

Kawyaw RC

⁷ Ye̤shǔ ǒhtûpwa̤ hǎkhû̌bǎo akhanu, a kwisaba lǒ̤sû̌lǒ̤sò̌htò̌ Cǒmara htě a ma̤lû̌htò̌jò nû̌û ta ta̤sihtǒo tapwa̤, dě a yi̤kǒhtò̌ mi̤sǎshi lò̤. A shò̌lò̤ asò̌phlǒ dě a sò̌phlǒsho gana̤de Cǒmara yo̤ akhû̌akhî, Cǒmara gana̤de nû̌û ta̤kwisaba.

Hebrǔ 5:7 Iomraidhean Croise

Htû̌sò̌htò̌ 22:24

A sǎkhwè̌ kè̌tûlû̌kè bǎ pwa̤bǎpò̤̌bǎsha ata̤shuphû̌shèwè tô̤̌. A kè̌tûklû̌ kè asî tô̤̌tô̤̌. Bǎ asî kwihtò̌ lû̌û ta̤ma̤jè̌ akhanu, a ganǎ̤de dě a hî̌shǔ asî.

Htû̌sò̌htò̌ 69:1

Ǒ꤮ Cǒmaradû̌, ma̤hǎplǎge mò̌ he. Shidû̌ htò̌tǒ̤ kè dǒ he gô̌bô hǒ.

Htû̌sò̌htò̌ 88:1

Ǒ꤮ Cǒmara tûjû̌pwa̤, Cǒmara dǒ pwa̤ma̤hǎplǎge he. He hè dǒ na lô̤mô̤̌ dě he kwicabahtò̌ na lṳ̌mṳ̌khǐkhǐ lṳmṳ̌shasha.

Matěo 27:46

Te̤we̤bò bǎ lṳmṳ̌gwî̌lò̤ sunarî akhanu, Yeshǔ jî̌pwǐ̤ yî̤̌kǒhtò̌ kû̌, “Ělě, Ělě, Lamǎ Sabakhǎ tenǐ,” Yô̤̌sǎyô̤̌mû mî̌ “He Cǒmara, he Cǒmara, na wîkè he ma̤titè?”

Matěo 27:50

Bǎ Běcǎ yî̤̌kǒhtò̌ tîkhîsô̌ tôplǎ htonu ata̤htûpwa̤ hǎhtò̌cû̌kè.

Mǎ̤riko 15:34

Bǎ lṳmṳ̌gwî̌lò̤ sunarî behto akhanu, Yeshǔ jî̌pwǐ̤ yî̤̌gǔhtò̌ kû̌, “Ělě, Ělě, Lamǎ Sabakhǎ tenǐ,” amûasǎ mî̌ “He Cǒmara, he Cǒmara, na wîkè he ma̤titè?”

Mǎ̤riko 15:37

Dě Yeshǔ yî̤̌gǔhtò̌shû̌ htodě asǎlò̤tě̤kè.

Lǔka 23:46

Yeshǔ jî̌pwî̤̌ kaǎgǔhtò̌ dě a hî̌ kû̌, “Ǒ꤮ pha꤮, he ilò̤kè he ta̤htûpwa̤ dǒ na cǔdekû hǒ,” A hî̌ pô̤̌nu htodě asǎlò̤tě̤kè.

Jowǎ̤ni̤ 1:14

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Jowǎ̤ni̤ 11:35

Dě Yeshǔ hǎ.

Jowǎ̤ni̤ 11:42

He sî̌ganǎ̤ kû̌ na ganǎ̤de he ta̤kwicaba pṳ̂̌꤮ plǎ. Bǎbǎkǎlè he kè̌ dǒ a gǔ htûbwǐ htûsîrî bǎ kòyò dǒ a ihtǒ bǒo tokhlǒ aya, dě pô̤̌khô asî gǔ yṳ̌ǎ kû̌ na nohè he ayanudě, he hî̌ pô̤̌o pwǎ.”

Jowǎ̤ni̤ 17:1

Běcǎ Yeshǔ hî̌hto pô̤̌o dě a kè̌htò̌ dǒ mǒkhû̌ dě a kwicaba dě a kwi pô̤̌o, “Pha꤮, shěkhǎ hètǒ̤hǒ. Pô̤̌khô he dǔlè̌lṳ̌htò̌ na ta̤bwǐdû̌sîrîhtûnu, dǔlè̌lṳ̌ mò̌ na phû̌khû ata̤bwǐdû̌sîrîhtû.

Rṳ̂̌me̤ 8:3

Dǒ ama̤hî̌tè akhû̌akhî hî̌dě, pô̤̌khô pa gǔ ô̌kǔbǎ dǒ pa ma̤ ta̤sǔ ayanu, pa ganǎ̤de gû̌ma̤ kû̌ ta̤sû̌ta̤tòwò akò dě, a ta̤siwi̤sòwò̤ dǒ a gǔ ma̤jè̌ bǎ panu aô̌tô̤̌, ma̤titèhî̌dě a ta̤shû̌ta̤shǒ ma̤pî̌kè phěyî̌ a ta̤sǎyṳsǎbǎnu akhû̌aǎ ô̌ tô̤̌. Pô̤̌nudě Cǒmara ma̤ kû̌ anǎ̤, a nohèlò̤ a phû̌pwa̤khû dě a hèlò̤ sûlû anǎ̤ pô̤̌ hǎkhû̌phû̌ sô̌sô̌kû̌ pa dǒ a lǎ̤klôma̤ ta̤sǔ tokhlǒ. Bǎbǎkǎlè ta̤sǔ lǎ̤klô pǒjò lû̌û tô̤̌. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒ pa nutokhlǒ hǒ.

Galatǐ 4:4

Bǎbǎkǎlè bǎ shěkǎtô shěkhǎbǎ hètǒ̤hǒ akhanu, Cǒmara nohèlò̤ aphû̌khû dě a hè ô̌phijǎlò̤ dǒ pwa̤mǒ̤ tôpwa̤ a ô̌, dě a hè ô̌phijǎlò̤ dǒ Yǔda a ta̤sû̌ta̤tòwò alǎ̤.

Tîmôte awǐlǒ tôbǎ 3:16

Pa ta̤cubucaba adû̌ayô̤̌ pwǐtènu kòyò ma̤bǐjòǐ a tôpwǎ̤꤮ tô̤̌. Khrǐ ô̌lṳ̌htò̌ pô̤̌ kòyòhǎkhû̌phû̌ tôpwa̤, dě Yôla Plò̌shǐ Běcǎ khòlṳ̌ kû̌ Khrǐ nî̌ a ma̤tô Cǒmara asǎphlǒ, dě mǒkhû̌ tanaphû̌ tokhlǒ kè̌shǐbǎ a hǒ. Htodě awe̤akè nî̌, kòyò shôbǐǐlṳ̌ a dǒ kòyò ashǔshawa̤ tokhlǒ aklahǒ. Kòyò ô̌ dǒ hǎkhû̌ tokhlǒkhlǒ nî̌ a yṳ̌nǐ̤nǎ̤nǐ̤ lû̌û hǒ. Cǒmara johtò̌ a dǒ mǒkhû̌ bǎ ta̤bwǐdû̌sîrîhtû akûhǒ.

Hebrǔ 10:10

Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:5

Pô̤̌nu akhû̌akhî, bǎ Khrǐ hèlò̤ dǒ hǎkhû̌ akhanu, a hî̌ Cǒmara kû̌, “Kòyò lṳhtò̌ bǎ na ta̤phû̌ta̤wè̤ sîtokhlǒ kû̌ ta̤lṳta̤tòhtò̌ sî tokhlǒnu, na sǎyṳ tô̤̌. Bǎbǎkǎlè na tîwî̌tòwò nǎhto he nǎ̤glǒ dǒ he glè̌ bǎ lṳhtò̌ ayahǒ.

Hebrǔ 11:7

Dǒ Phanṳ̂̌a ata̤yṳ̌ akhû̌akhî, Cǒmara dǐô̌ sè̌rè̌nǎ lû̌ ta̤dǒ a kè̌shǐ sî̌ganǎ̤ khôtô̤̌ dǒ a gǔ htûhtò̌ htû̌ nô̌kòpě nutokhlǒ. A bè̌dubè̌nǎ̤ Cǒmara, a ganǎ̤de lû̌yô̤̌ dě a bô̌htò̌ sǒkhlidû̌ dǒ a gǔ ma̤hǎplǎge kû̌ a hǐphû̌phòphû̌ aya tôbǎ. Dǒ Phanṳ̂̌a ta̤yṳ̌ akhû̌akhî, a dǔlè̌lṳ̌ kû̌ Cǒmara cî̌htò̌ kòyò hǎkhû̌phû̌ tokhlǒ pě. Dě dǒ ata̤yṳ̌ akhû̌khî, Cǒmara bè̌hto a pô̤̌ kòyòcǒkòyòtè̤ tôpwa̤ hǒ.

Hebrǔ 12:28

Pô̤̌nudě, pa hî̌bwǐhî̌sîrî wô̤̌wô̤̌ lû̌û Cǒmara tǎ꤮, ma̤titèhî̌dě pa nǐ̤bǎ shigǎ dǒ a guyṳ̌ jòtô̤̌ nutôgǎ. Pa gǔ cabahtò̌ Cǒmara kû̌ ta̤caba dǒ atô kû̌ asǎphlǒ kû̌ ta̤ǐsha bè̌dubè̌nǎ̤ lû̌û akûnu tǎ꤮.

Hebrǔ 13:20

Pô̤̌khô sî gǔ ma̤tôma̤bǎ ta̤pè̤̌ta̤dû a Cǒmara nutôpwa̤ asǎphlǒ nudě, ta̤wô̌ lǒ̤bò dǒ sî lṳ̂bǎ tokhlǒnu, a gǔ ǐ bòmǔtegle pû sî nî̌꤮. Dǒ Yeshǔ Khrǐ akhû̌akhî, Cǒmara gǔ ma̤ta̤ dǒ pakû pô̤̌ atô kû̌ asǎphlǒ nutokhlǒ nî̌. Cǒmara ma̤htûpwa̤ getîkhî hto pa Běcǎ Yeshǔ dǒ ta̤si hǒ. Dě dǒ Běcǎ Yeshǔ tṳ̌sikhòsi asǎphlǒ dě asǐ bǎ sǐlò̤ akhû̌akhî, a ma̤měma̤glekè hto Cǒmara a ta̤olò̤ asa dǒ a ô̌ tûjû̌pwa̤ nutômûhǒ. Dǒ a ma̤hto pô̤̌nu akhû̌akhî, Yeshǔ htû pa pwa̤kè̌sû̌phû̌ dǒ adû̌lǒ tôpwa̤ hǒ. Pa mî̌ asû̌phû̌ tokhlǒ hǒ. Kòyò gǔ ma̤bwǐdû̌ma̤sîrîhtû pû Yeshǔ Khrǐ tûjû̌pwa̤ talakhǎ nî̌꤮.

Hebrǔ 2:14

Phû̌mǒ̤phû̌khû a kaǎ lû̌û tokhlǒnu, a ô̌ kû̌ anǎ̤glǒ sǐshi dǒ a sijònu akhû̌akhî, Běcǎ Yeshǔ hèlò̤ phî̌nṳ̌ kû̌ kòyò hǎkhû̌phû̌ anǎ̤glǒ dǒ a sô̌sô̌kû̌ kû̌ asînu. A htûhtò̌ sô̌sô̌kû̌ kòyòhǎkhû̌phû̌ akhû̌akhî, a si jò. Pô̤̌khô Yeshǔ gǔ ma̤pî̌kè hǎkhû̌tana dǒ kòyò kaǎ kû̌ Sehtô dǒ a ô̌ kû̌ a ta̤pô̤ta̤phǎ shû̌sho dǒ a pǒǐ ta̤si nutôdo ayanu, a tṳ̌sikhòsikè anǎ̤ hǒ.

Yṳ̂ha awǐlǒ tôbǎ 4:3

Bǎbǎkǎlè, kòyò dǒ a hî̌ kû̌ Yeshǔ numî̌ a hèlò̤ pô̤̌ kòyò hǎkhû̌phû̌ tôpwa̤nu mè̤̌tô̤̌ tokhlǒnu, a nǐ̤bǎ sǎphlǒ ô̌ dǒ Cǒmara a ô̌ hènu mè̤̌tô̤̌. Sǎphlǒ pô̤̌nu mî̌ a ô̌ dǒ pwa̤sǎkhě Khrǐ nutôpwa̤ a ô̌ hè pwǎ. Sî ganǎ̤de htohǒ kû̌ a hè pě, dě khònò̤̌ a hè ô̌htò̌ hǒ dǒ hǎkhû̌nu hǒ.

Yṳ̂ha ginǐ̤bǎ tôbǎ 1:7

Pwa̤tili̤tôlô̌ kòyò ô̌lṳ̌htò̌ dû̌wî̤ dǒ hǎkhû̌nu hǒ. Yeshǔ Khrǐ hèlò̤ dǒ hǎkhû̌nu, a hè kû̌ kòyòhǎkhû̌phû̌ a sǐshiphěyî̌nu, asî nutokhlǒ mî̌ a olò̤ gû̌ kòyò tô̤̌. Kòyò dǒ a olò̤ kû̌ kòyò pô̤̌nu tô̤̌ tôpwa̤pwa̤ numî̌ a tili̤tôlô̌ kòyò hǒ, dě a mî̌ kòyò dǒ a sǎkhě Khrǐ nutôpwa̤ hǒ.