Hebrǔ 5:5 - Kawyaw New Testament

⁵ Pô̤̌nudě, pô̤̌khô Khrǐ gǔ htû pwa̤shû̌gǎ ikǒdû̌lǒnu, a bè̌htò̌ tûû̌ anǎ̤ mè̤̌tô̤̌, a ma̤bwǐdû̌sîrîhtû tûû̌ anǎ̤ mè̤̌tô̤̌, Cǒmara bè̌htò̌ yǎ pwǎ. Dě Cǒmara hî̌ lû̌û kû̌, “Na mî̌ hephû̌pwa̤khû, khò̌tôni̤ dě, he htû napha hǒ,” a hî̌ lû̌û pô̤̌nu.

Kawyaw RC

⁵ Hǐnuhǒ, ma̤pûhǐ Khrî̌stu htû pwa̤lṳhtò̌ hǐkǒdû̌gutṳ̌ htǒonu, a bè̌htò̌ tû̌ ana̤ mè̤tò̤, a bè̌ sîrîdû̌sîrîhtû tû̌ ana̤ mè̤tò̤, Cǒmara bè̌htò̌pwǎ nû̌û. Dě Cǒmara hî̌ yǎ, “Na mî̌ hephû̌khû, khò̌ti̤ni̤, he htû napha hǒ,” a hî̌ nû̌û hǐnu.

Hebrǔ 5:5 Iomraidhean Croise

Htû̌sò̌htò̌ 2:7

Khwǐ dǒ Cǒmara tûjû̌pwa̤ rû̌htò̌ lû̌û nutôpwa̤ hî̌ kû̌, “He gǔ shôbǐǐlṳ̌ ta̤ dǒ Cǒmara tûjû̌pwa̤ hî̌lṳ̌bǎ henu pě. “A hî̌ he kû̌, ‘na mî̌ hephû̌pwa̤khû. Khò̌tini̤ dě hehtû napha hǒ. hǒ.

Jowǎ̤ni̤ 3:16

“Cǒmara mô̤nṳ̌bò kòyò hǎkhû̌phû̌ lǒ̤bò. Lǒ̤꤮ bò kòyò dǒ a yṳ̌nǐ̤nǎ̤nǐ̤ aphû̌khû tokhlǒnu, pô̤̌khô a gǔ nǐ̤bǎ yôla htûpwa̤ tûjû̌pwa̤ dě a gǔ tǒ̤ dǒ ta̤pî̌ta̤lṳ̂̌ tô̤̌nu, a ǐlò̤kè aphû̌khû tôpwa̤ nô̤̌nu dǒ kòyò hǎkhû̌phû̌ tokhlǒ ayahǒ.

Jowǎ̤ni̤ 7:18

Kòyò dǒ a hî̌bǎ tû̌ kû̌ a ta̤siwi̤sòwò̤ tôpwa̤pwa̤nu, a sǎyṳ nohtû̌sò̌htò̌ kòyò kû̌ anǎ̤ pwǎ. Bǎbǎkǎlè kòyò dǒ a sǎyṳ nohtû̌sò̌ǐ anǎ̤ kòyò nukû̌ kòyò dǒ a nohè lû̌û tôpwa̤pwa̤nu, a hî̌bǎcǒ pwǎ, a lòhǎlòhô kòyò bǎtô̤̌.

Jowǎ̤ni̤ 8:54

Dě Běcǎ Yeshǔ hî̌shěshǔ asî kû̌, “He kè̌ htû̌sò̌ ǐtûû̌ henǎ̤ kè̌hî̌dě he ta̤htû̌sò̌nu, lǎ̤yṳ̌ǎ nǎla̤ǐ nô̌ tocǒ꤮ tô̤̌. Hepha dǒ sî hî̌ ǐtûû̌ kû̌ sî Cǒmara tôpwa̤nu, a mî̌ kòyò dǒ a bè̌bwǐdû̌sîrîhtû he hǒ.

Pwa̤nophû̌ 13:33

dě khònò̤̌, dǒ Cǒmara ma̤ ihtǒ htûpwa̤ tîkhî sô̌ Yeshǔ dǒ ta̤si akhû̌akhî, a ma̤lǒhtò̌behtò̌ bǎ aphû̌ali̤ hǎtě̤ gelò̤ tutṳ̌ panu tokhlǒ hǒ. Pô̤̌ kòyò wě̤ dǒ lî̤htû̌sò̌htò̌ amèdû̌ ginǐ̤tô̤̌tôtô̤̌ akûnu a hî̌ kû̌, ‘Na mî̌ hephû̌pwa̤khû, khò̌tôni̤ dě, he htû napha hǒ.’

Rṳ̂̌me̤ 8:3

Dǒ ama̤hî̌tè akhû̌akhî hî̌dě, pô̤̌khô pa gǔ ô̌kǔbǎ dǒ pa ma̤ ta̤sǔ ayanu, pa ganǎ̤de gû̌ma̤ kû̌ ta̤sû̌ta̤tòwò akò dě, a ta̤siwi̤sòwò̤ dǒ a gǔ ma̤jè̌ bǎ panu aô̌tô̤̌, ma̤titèhî̌dě a ta̤shû̌ta̤shǒ ma̤pî̌kè phěyî̌ a ta̤sǎyṳsǎbǎnu akhû̌aǎ ô̌ tô̤̌. Pô̤̌nudě Cǒmara ma̤ kû̌ anǎ̤, a nohèlò̤ a phû̌pwa̤khû dě a hèlò̤ sûlû anǎ̤ pô̤̌ hǎkhû̌phû̌ sô̌sô̌kû̌ pa dǒ a lǎ̤klôma̤ ta̤sǔ tokhlǒ. Bǎbǎkǎlè ta̤sǔ lǎ̤klô pǒjò lû̌û tô̤̌. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒ pa nutokhlǒ hǒ.

Hebrǔ 1:1

Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 1:5

Lî̤plò̌shǐkû wě̤ kû̌ Cǒmara hî̌ aphû̌khû pô̤̌o, “Na mî̌ hephû̌pwa̤khû, khò̌tôni̤ dě, he htû napha hǒ,” a hî̌ pô̤̌nu. Bǎbǎkǎlè Cǒmara hî̌bǎ mǒkhû̌ tanaphû̌ pô̤̌nu tôpwǎ̤꤮ tô̤̌. Lî̤plò̌shǐ wě̤ pe dǒ ashǔshawa̤ tômè dě a hî̌ kû̌, “He htû apha pě, dě a htû hephû̌ pě,” ata̤hî̌ pô̤̌o nî̌ a hî̌bǎ mǒkhû̌ tanaphû̌ tôpwǎ̤꤮ tô̤̌tô̤̌.

Hebrǔ 2:17

Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 5:10

Dě Cǒmara bè̌htò̌ yǎ kû̌ pwa̤shû̌gǎ ikǒdû̌lǒ dǒ asô̌sô̌kû̌ pwa̤shû̌gǎ Malakhǐsedè̌ ma̤ta̤ dǒ awǐkha tôpwa̤ nuhǒ.