Hebrǔ 5:2 - Kawyaw New Testament

² Asî htûpwǎ kòyòhǎkhû̌phû̌ akhû̌akhî, a ma̤sǔma̤plě lô̌khô pwǎ. Pô̤̌nudě kòyò dǒ a sî̌ganǎ̤ tě̤mè̤̌ gû̌ kòyò ta̤tě̤ta̤mè̤̌ tô̤̌ dě a ma̤sǔma̤plě ta̤ tokhlǒ ayanu, asî gènè̤ gwèbǎǐjò kû̌ kò tô̤̌.

Kawyaw RC

² Asî htûpwǎ kòyòhǎkhû̌phû̌ akhû̌akhî, a ma̤sǔma̤plě lǒkho pwǎ. Hǐnudě kòyò htě a sî̌ya te̤mǎ kû̌kò ta̤te̤ta̤mǎ tò̤ dě a ma̤sǔma̤plě ta̤ toǒ ayanu, asî gènè̤ gwèbǎǐjò kû̌kò tò̤.

Hebrǔ 5:2 Iomraidhean Croise

Lǔka 22:32

Bǎbǎkǎlè, Khshǐmṳ̂, pô̤̌khô na ta̤yṳ̌ta̤nǎ̤ glè̌ hǎpò̌kè tǎ̤mǎ̤nu, he kwicaba pa dǒ naya. Htodě bǎ na sî̌ya getîkhî gesô̌ hǒ nanǎ̤ pěnu, na tôbǎ ikhû̌ǐǎ na pṳ̌wè̤̌ tokhlǒ pě nî̌꤮.”

Kôritu ginǐ̤bǎ tôbǎ 11:30

Kè̌ he lǎ̤lṳ̂ shôbǐ htû̌sò̌ǐ hî̌dě he gǔ shôbǐ htû̌sò̌ǐ pwǎtǒ̤ ta̤ dǒ a dǔlè̌lṳ̌ he ta̤khû̌shiǎjǎ tokhlǒ awe̤akè pwǎ.

Kôritu ginǐ̤bǎ tôbǎ 12:5

He gǔ shôbǐǐhtû̌sò̌ ta̤ma̤htûhtò̌ anǎ̤ nutokhlǒ. Bǎbǎkǎlè he shôbǐǐhtû̌sò̌ ǐ bǎ henǎ̤ tô̤̌. He gǔ hî̌bǎ htû̌sò̌htò̌ǐ pwǎtǒ̤ he ta̤khû̌shiǎjǎ nutokhlǒ nô̤̌ pwǎ.

Galatǐ 4:13

Bǎ he ô̌plǒ kû̌ sî dě he shôbǐǐlṳ̌ bǎ sî kû̌ ta̤sǎlě̤we̤kè awǐlǒ tôplǎnukha he shǐsha numî̌ sî sî̌ganǎ̤ bò hǒ.

Ěphěsu 4:18

Asî nutokhlǒ mî̌ a sî̌yaphlô bò̌ gû̌ kòyò ta̤tě̤ta̤mè̤̌ tô̤̌. Dǒ asî ikǒpwǐ̤ akhû̌akhî, a sî̌ganǎ̤ gû̌ lô̌khô kòyò Cǒmara aklè̌aklò tô̤̌, dǒ asî sî̌ya lô̌khô Cǒmara aklè̌aklò tô̤̌ akhû̌akhîdě, asî nǐ̤bǎ gû̌ kòyò ta̤htûpwa̤ asa dǒ Cǒmara ǐ nutô̤̌.

Tîmôte awǐlǒ tôbǎ 1:13

Dǒ awǐkha numî̌, he hî̌ phû̌mò̤̌ Yeshǔ Khrǐ, he ma̤jî̌ma̤jû̌ yǎ, he pîjî̌ǐsho yǎ bǎbǎkǎlè Běcǎ gwèbǎǐ he, ma̤titèhî̌dě he yṳ̌nǐ̤nǎ̤nǐ̤ yǎ nò̌khôtô̤̌ dě he ma̤ta̤ tokhlǒnu, he sî̌ganǎ̤ khôtô̤̌ akhû̌akhî, a gwèbǎǐ he pwǎ.

Hebrǔ 12:13

Tûlû̌ gû̌hè sělě gutṳ̌ ta̤tě̤ta̤mè̤̌ aklè̌nu nî̌꤮. Kòyò dǒ ata̤yṳ̌ pî̌tî̌ tokhlǒnu, asô̌sô̌kû̌ kòyò khò̌lôpô̤̌dě nutokhlǒ hǒ. Pô̤̌khô kòyò dǒ a khò̌lôpô̤̌dě nutokhlǒ gǔ lò̤khǔpo̤ tô̤̌, htodě pô̤̌khô asî khò̌lôpô̤̌ wô̌ tîkhîsô̌ ayanu, tûlû̌ gû̌ sělě hènè gû̌pô̤̌ lô̌khô nî̌꤮.

Hebrǔ 2:17

Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.

Hebrǔ 2:18

Dě khònò̤̌, anǎ̤ Běcǎ tûû̌ kè̌shǐsanǎ̤ hè bǎ hto ta̤khòjî̌jû̌ tokhlǒ, ta̤tili̤tôlô̌ tokhlǒ akhû̌akhî, kòyò dǒ a kè̌shǐtṳ̌bǎ ta̤jî̌jû̌ kû̌ ta̤tili̤tôlô̌ tokhlǒnu a ma̤jè̌bò̌ kòyò pwǎ.

Hebrǔ 4:15

Pa pwa̤shû̌gǎ ikǒdû̌lǒ nutôpwa̤ nî̌ a sî̌ganǎ̤ pa ta̤khû̌shiǎjǎ tokhlǒ dě a sǎyṳgwèbǎǐ pa. Ma̤titèhî̌dě a kè̌shǐ tṳ̌bǎ kû̌ ta̤tili̤tôlô̌ pṳ̂̌tocǒ pô̤̌ pa kè̌shǐ tṳ̌bǎnu bǎbǎkǎlè a ma̤sǔkû̌ ta̤ tô̤̌.

Hebrǔ 7:28

Pwa̤shû̌gǎ tokhlǒnu, a ta̤sǔta̤plě ô̌ pwǎ lô̌khô bǎbǎkǎlè ta̤sû̌ta̤tòwò ô̌ akhû̌akhî, kòyò bǎ bè̌htò̌ asî pwǎ. Bǎbǎkǎlè bǎ Cǒmara ǐlò̤hto ta̤sû̌ta̤tòwònu dǒ nô̌kò ayî̤kèhǒnu, a olò̤ khô̌tîkhîpô̤̌ tômû dě a wṳ̂̌dòlò̤ padô̌ ayô̤̌ bǎnu. A wṳ̂̌dòlò̤ ayô̤̌ kû̌ a bè̌htò̌ a phû̌pwa̤khû dǒ ata̤sǔ ô̌tô̤̌, a lǒbe nutôpwa̤ kû̌ a gǔ htûhtò̌ pwa̤shû̌gǎ ikǒdû̌lǒ tûjû̌pwa̤ hǒ.

Hebrǔ 9:7

Bǎbǎkǎlè dǒ ta̤plò̌shǐlǒnu tôtô̤̌ akûnu, a genṳ̌nǐ̤ pwǎtǒ̤ pwa̤shû̌gǎ ikǒdû̌lǒ nutôpwa̤ nô̤̌pwǎ. Tôněnu a nṳ̌pwǎ tôplǎ dě a bǎ phǐnǐ̤ sǐ dǒ a gǔ lṳhtò̌ kû̌ ta̤sǔ ayanu, kû̌ kòyò dǒ a gènè̤ tǒ̤tô̤̌ dě a ma̤sǔ tò̤̌ tokhlǒ ata̤sǔ aya.

Jǎgomo̤ 5:19

He pṳ̌wè̤̌ sî꤮, dǒ sîklanu kòyò tôpwa̤pwa̤ a kè̌ cû̌ tò̤̌kè kû̌ ta̤tě̤ta̤mè̤̌ hî̌dě kòyò dǒ ashǔshawa̤ kè̌ cû̌ kaǎge sô̌ lû̌û dǒ klè̌tô hî̌nu,

Petru awǐlǒ tabǎ 2:25

Sînu, asô̌sô̌kû̌ sû̌phû̌ dǒ a cû̌sǔklè̌ tokhlǒ. Bǎbǎkǎlè khònò̤̌ sî getîkhî sô̌ dǒ pwa̤kè̌ sû̌phû̌ dǒ a kè̌pǒ̤ǐ sî ta̤htûpwa̤ nutôpwa̤ a ô̌ hǒ.