Hebrǔ 5:13 - Kawyaw New Testament

¹³ Kòyò tôpwa̤pwa̤ dǒ a ôpepwǎ nṳ̌shi numî̌ a sô̌sô̌pwǎ kû̌ phijǎ dǒ a ûnû̌pe nupwǎ. Ta̤cǒta̤tè̤ awe̤akènu, a sî̌ganǎ̤ dû̌wî̤ kû̌ kòyò tô̤̌.

Kawyaw RC

¹³ Kòyò tapwa̤pwa̤ dě a ope tû̌pwǎ nṳ̂shi numî̌ a lò̤pwǎta phijaû̌ htě a onû̌penu pwǎ. Ta̤cǒta̤tè̤ awi̤akè̌nu, a sî̌yaplṳ̂kû̌ kò hǒtò̤.

Hebrǔ 5:13 Iomraidhean Croise

Htû̌sò̌htò̌ 119:123

He ô̌pǒ̤kè̌shuǐ mî̌ca na ta̤ma̤hǎplǎge, na ta̤olò̤ cǒtè̤ nudě a gayǎ̤bò he gô̌bô.

Matěo 11:25

Bǎnuakha Běcǎ Yeshǔ hî̌ Cǒmara kû̌, “Ǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤ dǒ na bè̌hǔbè̌sè̌ bǎ pwa̤sî̌jò̌phû̌ tokhlǒ kû̌ pwa̤sî̌yata̤sî̌jò̌ tokhlǒnu, na dǔlè̌lṳ̌ bǎ kû̌ kòyò dǒ agènè̤pî̌tî̌ anǎ̤ sô̌sô̌kû̌ phijǎphû̌ nutokhlǒ akhû̌akhî, he hî̌bwǐhî̌sîrîhtò̌ na.

Mǎ̤riko 10:15

He hî̌cǒcǒ sî, sî kè̌ nopǒ sînǎ̤ kû̌ Cǒmara, pô̤̌ phijǎphû̌ tokhlǒ nopǒǐ anǎ̤ tô̤̌nu, sî genṳ̌jò dǒ Cǒmara shilǎ̤gǎkû tôkhò̌꤮ tô̤̌.”

Rṳ̂̌me̤ 2:20

Na gènè̤ nanǎ̤ kû̌ na nè̌bò̌ kòyò a ǒò̌phuhtò tokhlǒ aklè̌ dě na sû̌ǐtòwòǐjò bǎ kòyò dǒ asô̌sô̌kû̌ phijǎ dǒ a ônû̌ pe nutokhlǒ, ma̤titèhî̌dě ta̤sû̌ta̤tòwò nè̌klè̌nè̌klò bǎ bò sî kû̌ sî gǔ sî̌ganǎ̤ Cǒmara awe̤akè kû̌ ta̤tě̤ta̤mè̤̌ tokhlǒ hǒ.

Kôritu awǐlǒ tôbǎ 13:11

Bǎ he phijǎ pe akhanu, he ta̤hî̌bǎ bǎbǎ, he ta̤bè̌ he sǎphlǒ tokhlǒnu bǎbǎ, he ta̤gènè̤ tokhlǒnu bǎbǎ, asô̌sô̌kû̌ phijǎ tôpwa̤nu pwǎ. Bǎbǎkǎlè bǎ he dû̌to̤yobǎ sî̌ya hè akhanu, he wîkèbò phijǎ alǎ̤klô tokhlǒ.

Kôritu awǐlǒ tôbǎ 14:20

He khô sî, gènè̤ lô̌khô tǎ̤ pô̤̌ phijǎphû̌ tokhlǒ gènè̤nu tǎ̤mǎ̤. Bǎbǎkǎlè tǒ̤ ta̤phû̌mò̤̌shǐhtô tôcǒnu htûhtò̌ sô̌sô̌ pô̤̌ phijǎphû̌ ô̌sa dǒ asî̌ganǎ̤ ta̤phû̌mò̤̌shǐhtô tô̤̌ nutokhlǒnî̌. Bǎbǎkǎlè ta̤ dǒ he wě̤ bǎ sî tokhlǒnu, gènè̤ lô̌khô pô̤̌ kòyò dû̌to̤yobǎ tôpwa̤ a ta̤gènè̤nu.

Kôritu awǐlǒ tôbǎ 3:1

Pṳ̌wè̤̌ sî, he ô̌plǒ kû̌ sî dǒ awǐkha numî̌, he sû̌ǐ bǎ sî pô̤̌ he sû̌ǐ bǎ kòyò dǒ a jûlě̤phî̌yô̤̌ ganǎ̤de Yôla Plò̌shǐ Běcǎ ayô̤̌ tokhlǒ numî̌ anǐ̤ khôtô̤̌. He bǎ sû̌ǐ sî pô̤̌ hǎkhû̌phû̌ asô̌sô̌ dǒ a gû̌ ma̤ pepwǎ a ta̤sǎyṳsǎbǎ tokhlǒ nutokhlǒ pwǎ. Ma̤titèhî̌dě sî ta̤yṳ̌ǎ Khrǐnu ashû̌asho khôtô̤̌ akhû̌akhî, sî sô̌sô̌pepwǎ kû̌ phijǎphû̌ dǒ a ûnû̌pe nutokhlǒ pwǎ.

Kôritu ginǐ̤bǎ tôbǎ 3:9

Ta̤olò̤ ali̤ dǒ a phî̌hè pwǎ ta̤sinu, a gǔ ô̌ kû̌ ta̤bwǐdû̌sîrîhtû shû̌sho kè̌hî̌dě, ta̤olò̤ asa dǒ a ma̤cǒma̤tè̤ hǒ pa dǒ Cǒmara alô̤mô̤̌nu, a ta̤bwǐdû̌sîrîhtû shû̌sho gǔ dû̌lǒkhlo kû̌nu hǒ.

Ěphěsu 4:14

Pô̤̌nudě pa mî̌ asô̌sô̌kû̌ phijǎphû̌ dǒ a ûnû̌pe nutokhlǒ mè̤petô̤̌ hǒ. Kòyòkě dǒ a sû̌ǐ lòhô ta̤ tokhlǒnu, a lô̌ǐplò̤ǐ jò pe pa tô̤̌, dě pa yṳ̌ǎsǔ jò pe asî ata̤sû̌ǐtòwòǐ tô̤̌. Pa sô̌sô̌pe kû̌ sǒkhli dǒ gili̤sǎdû̌ dě a plǎ̤ lûhtôlûlò̤ yǎ tôbǎnu mè̤̌petô̤̌.

Tîmôte ginǐ̤bǎ tôbǎ 3:16

Lî̤plò̌shǐ lǒ̤꤮ bò numî̌ Cǒmara ǐ pa dě a ô̌ kû̌ abwǐsîrî dǒ a sû̌ǐ ta̤tě̤ta̤mè̤̌ tokhlǒ, a sû̌ǐtòwòǐ wô̌tîkhî ta̤yṳ̌nǐ̤nǎ̤nǐ̤sǔ tokhlǒ, a ma̤wô̌ getîkhî sô̌ ta̤ma̤ dǒ asǔ tokhlǒ, kû̌ ta̤sû̌ǐ dǒ a sû kòyò dǒ ta̤ô̌htûpwa̤ acǒatè̤ tokhlǒ aya hǒ,

Petru awǐlǒ tabǎ 2:2

Sî sî̌ya bǎhto Cǒmara abwǐsîrî hǒ. Pô̤̌nudě htûhtò̌ sô̌sô̌ lô̌khô pô̤̌ phijǎphû̌ ô̌sa dǒ a sǎwǐ̤sǎô mè̤̌mî̌ca nṳ̌shi dǒsû̌dǒsò̌ tôkhô nutokhlǒ nî̌꤮. Dǒ sî sǎwǐ̤sǎô nṳ̌shi acè̌ pô̤̌nu akhû̌akhî, sî dû̌htò̌pwǎ̤htò̌ sî̌ya tǒ̤dǒ ta̤ma̤hǎplǎge lǒhtò̌behtò̌ nupě.

Yṳ̂ha ginǐ̤bǎ tôbǎ 1:11

Ma̤titèhî̌dě kòyò tôpwa̤pwa̤ dǒ a kaǎshǔ lû̌ûnu, a htûhtò̌kè pwa̤ma̤ wô̤̌wô̤̌ta̤ kû̌ lû̌û dǒ ama̤ ta̤phû̌mò̤̌shǐhtô akû hǒ.