Hebrǔ 5:12 - Kawyaw New Testament

¹² Khònò̤̌dě sî tô htû lô̌khô sara tokhlǒhǒ. Bǎbǎkǎlè sî cû̌ lǎ̤lṳ̂pe lô̌khô pwǎ kòyò bǎ sû̌ǐ getîkhî sî kû̌ Cǒmara alě̤ayô̤̌ dǒ akòshî̌ pwǎ. Sî tô ǎ kû̌ kòyò shǎǎpwǐ̤ hǒ bǎbǎkǎlè sî cû̌ ôpe pwǎ lô̌khô nṳ̌shi pwǎ.

Kawyaw RC

¹² Khònò̤dě sî to htûkû̌ lǒkho sara toǒhǒ. Pwǎ̤ta sî cû̌ lo̤bǎpe tû̌ lǒkho pwǎ kò bǎ sû̌ǐ gesǒ sî ta Cǒmara ale̤ayo̤ akòshî̌ pwǎlè. Sî to ǎkû̌ kò shǎǎshò̌ pwǎ̤tadě sî cû̌ ope tû̌pwǎ lǒkho nṳ̂shi.

Hebrǔ 5:12 Iomraidhean Croise

Htû̌sò̌htò̌ 34:11

Hèmò̌ lô̌khô hephû̌mǒ̤phû̌khû sî, ganǎ̤de lô̌khô heyô̤̌. Tô bǎ ǐsha bè̌dubè̌nǎ̤ǐ Cǒmara tûjû̌pwa̤ hětènu, he sû̌ǐtòwòǐ bǎ sî.

Matěo 17:17

Běcǎ Yeshǔ hî̌ asî kû̌, “Kòyò shôdô ta̤yṳ̌ta̤nǎ̤ sî꤮, kû̌ kòyò cû̌sǔklè̌ sî꤮, he bǎ ô̌yî̤ pô̤̌ pe kû̌ sî pwǐtè? He tôbǎ khòsǎdô ô̌yî̤pekû̌ sî pwǐtè?” A hî̌hto pô̤̌nudě a hî̌ kòyòpha nutôpwa̤ kû̌, “Kaǎhè na phû̌khû bǒo.”

Mǎ̤riko 9:19

Dě Běcǎ Yeshǔ hî̌ asî kû̌, “Kòyò shôdô ta̤yṳ̌ta̤nǎ̤ sî mî̌ he bǎ ô̌yî̤ gû̌pe kû̌ sî pwǐtè pě? He tôbǎ khòsǎdô ô̌yî̤pekû̌ sî pwǐtè? Kaǎ hè a dǒ he ô̌.”

Pwa̤nophû̌ 7:38

Khûmṳ̂shě mî̌ kòyò tôpwa̤ dǒ a ô̌cuô̌plǒ wô̤̌wô̤̌ bò kû̌ paphi paphu dǒ lǒ̤mî̌shô̌kla nutôpwa̤ hǒ. A ô̌plǒ kû̌ pa mǒ̤pha phiphu dǒ awǐnu tokhlǒ kû̌ mǒkhû̌ tanaphû̌ dǒ a hî̌bǎ tûû̌ lû̌û dǒ Tǐnǎ khôlô nutôpwa̤ hǒ. Htodě a mî̌ kòyò tôpwa̤ dǒ a nǐ̤bǎ Cǒmara alě̤ayô̤̌ dǒ a htûpwa̤ tokhlǒ dě a ǐlò̤ tutṳ̌ bǎ pa tokhlǒnu hǒ.

Rṳ̂̌me̤ 3:2

Htû Yṳ̌daphû̌ tôpwa̤ numî̌ abwǐsîrî ô̌dû̌wî̤ mî̌ca hǒ. Ta̤dǒ abwǐsîrî ô̌lǒ tôcǒnumî̌ amè̤̌kû̌ Cǒmara yṳ̌nǐ̤ pa Yṳ̌daphû̌ tokhlǒ akhû̌akhî, a shôbǐǐlṳ̌ bǎ payô̤̌ dǒ a sǎyṳ̌ pwe̤ǐlṳ̌ bǎ kòyò nutokhlǒ hǒ.

Kôritu awǐlǒ tôbǎ 14:19

Bǎbǎkǎlè dǒ ta̤dòkû akûnu, he hî̌bǎ kû̌ yô̤̌sǎkhěkhô̌ tokhlǒ tô̤̌. Ma̤titèhî̌dě, he hî̌bǎ kòyò kû̌ yô̤̌sǎkhěkhô̌ amû tôsò̌nu, tònò̤̌ he sû̌ǐ pwǎ kòyò kû̌ ayô̤̌ dǒ kòyò sî̌ganǎ̤jònu yè̤̌mû pwǎnu awô̌khlo pe dǒ heya.

Kôritu awǐlǒ tôbǎ 14:20

He khô sî, gènè̤ lô̌khô tǎ̤ pô̤̌ phijǎphû̌ tokhlǒ gènè̤nu tǎ̤mǎ̤. Bǎbǎkǎlè tǒ̤ ta̤phû̌mò̤̌shǐhtô tôcǒnu htûhtò̌ sô̌sô̌ pô̤̌ phijǎphû̌ ô̌sa dǒ asî̌ganǎ̤ ta̤phû̌mò̤̌shǐhtô tô̤̌ nutokhlǒnî̌. Bǎbǎkǎlè ta̤ dǒ he wě̤ bǎ sî tokhlǒnu, gènè̤ lô̌khô pô̤̌ kòyò dû̌to̤yobǎ tôpwa̤ a ta̤gènè̤nu.

Galatǐ 4:3

Pa hǒtokhlǒ numî̌ asô̌sô̌kû̌ nuhǒ. Bǎ Khrǐ hè tǒ̤khôtô̤̌ akhanu, pa htû hǎkhû̌běkhû̌ a ta̤mǎlò̤ kû̌ a lǎ̤bû̌lǎ̤klô tokhlǒ ajû̌.

Phǐlǐpǐ 3:1

He pṳ̌wè̤̌ sî, dǒnô̌kòlǒnu, he sǎyṳ hî̌ sî kû̌, dǒ sî htûhtò̌ ta̤tôcǒ꤮ nô̤̌ kû̌ Běcǎ Khrǐnu, sǎlě̤sǎlò̤ lô̌khô nî̌꤮. He wě̤cû̌ bǎ sô̌ sî lî̤ dǒ asô̌sô̌kû̌ awǐkha tokhlǒnu pwǎ bǎbǎkǎlè a dǐkhû̌dǐdò nô̌ he tôcǒ꤮ tô̤̌. He wě̤ tokhlǒ numî̌ pô̤̌khô a takabǐ sîyapwǎ.

Kòlòtè̌ 3:16

No ô̌měô̌gle lǒbe Khrǐ alě̤ayô̤̌ dǒ sî sǎphlǒkû nî̌꤮. Sî gǔ sû̌ǐtòwòǐ kè̌khî lû̌û tôpwa̤ kû̌ tôpwa̤, dě sî gǔ dǐsè̌rè̌ kè̌khî lû̌û tôpwa̤ kû̌ tôpwa̤ bǎ ta̤sî̌jò̌ ô̌ kû̌ sî nunî̌꤮. Sǎwǐhtûsò̌htò̌ lô̌khô Cǒmara kû̌ sî ta̤hî̌bwǐhî̌sîrî lû̌û dǒ sî sǎphlǒkû nî̌꤮. Sǎwǐsǎshô̌ lô̌khô Cǒmara kû̌ alî̤ sǎwǐ nutokhlǒ lǒ̤bò nî̌꤮.

Hebrǔ 10:32

Gènè̤htò̌ to̤ǐbǎ sô̌ lô̌khô dǒnukha bǎ sî nǐ̤bǎ hto samô̤̌pe pwǎ Cǒmara ata̤lî akhanu, sî kè̌shǐbǎ dû̌ ta̤jî̌ta̤jû̌ bǎbǎkǎlè sî khòsǎphlǒhtûbò̌ lô̌khô pwǎ.

Hebrǔ 5:11

Lǎ̤lṳ̂ hî̌ bǎ pô̤̌ sî kû̌ ta̤we̤ta̤kènu a ô̌ dû̌ pe. Sî sî̌yaphlô pò̤̌yǎ̤ tûû̌ sîya akhû̌akhî, he shôbǐǐphlô bǎ sî dě apò̤̌yǎ̤.

Hebrǔ 5:13

Kòyò tôpwa̤pwa̤ dǒ a ôpepwǎ nṳ̌shi numî̌ a sô̌sô̌pwǎ kû̌ phijǎ dǒ a ûnû̌pe nupwǎ. Ta̤cǒta̤tè̤ awe̤akènu, a sî̌ganǎ̤ dû̌wî̤ kû̌ kòyò tô̤̌.

Hebrǔ 6:1

Pô̤̌nudě pa bè̌kèbò pa ta̤sû̌ǐtòwòǐ bǎ kòyò Khrǐ awe̤akè dǒ a kòshî̌ nutokhlǒ dě pa cû̌ hènè gû̌ pô̤̌ kòyò dǒ alô̤mô̤̌ dě sû̌ǐ sî̌ganǎ̤ gû̌ pô̤̌ kòyò dǒ kòyò dû̌to̤yobǎ sî̌ya alô̤mô̤̌ a ta̤sû̌ǐ nutokhlǒ tǎ꤮. Getîkhî hèyî̤yî̤ kòyò sû̌ǐ bǎ pa ta̤sû̌ǐtòwòǐ a kòshî̌ dǒ a hî̌ kû̌, sî bǎ wîkè ta̤ma̤ dǒ abwǐsîrî ô̌tô̤̌ nutokhlǒ, dě sî bǎ yṳ̌ǎ Cǒmara, ta̤sû̌ǐ pô̤̌o tokhlǒnu, pa gǔ kè̌lǎ sî̌ya getîkhîsô̌ petô̤̌, pa gǔ cû̌ sělě pô̤̌ kû̌ kòyò dǒ alô̤mô̤̌ tǎ꤮.

Petru awǐlǒ tabǎ 2:2

Sî sî̌ya bǎhto Cǒmara abwǐsîrî hǒ. Pô̤̌nudě htûhtò̌ sô̌sô̌ lô̌khô pô̤̌ phijǎphû̌ ô̌sa dǒ a sǎwǐ̤sǎô mè̤̌mî̌ca nṳ̌shi dǒsû̌dǒsò̌ tôkhô nutokhlǒ nî̌꤮. Dǒ sî sǎwǐ̤sǎô nṳ̌shi acè̌ pô̤̌nu akhû̌akhî, sî dû̌htò̌pwǎ̤htò̌ sî̌ya tǒ̤dǒ ta̤ma̤hǎplǎge lǒhtò̌behtò̌ nupě.

Petru awǐlǒ tabǎ 4:11

Mò̌pèpè̌ bǎbǎ, a kè̌ shôbǐǐlṳ̌ bǎ kòyò hî̌nu, a bǎ shôbǐǐlṳ̌ bǎ kòyò pô̤̌ Cǒmara hî̌bǎ kòyò dě a noshôbǐǐ tutṳ̌ kû̌ nanu. Dě mò̌pèpè̌ bǎbǎ dǒ a kè̌ ma̤jû̌ ta̤ma̤ hî̌nu, a tôbǎ ma̤ kû̌ khû̌ǎ dǒ Cǒmara ǐlò̤ lû̌û nutokhlǒ. Kè̌ ma̤pô̤̌nu hî̌dě, dǒ Yeshǔ Khrǐ akhû̌akhî, kòyò gǔ htû̌sò̌htò̌ Cǒmara kû̌ lǒ̤bò ta̤ dǒ sî ma̤ nutokhlǒ akhû̌akhî pě. Cǒmara nǐ̤bǎ pû ta̤bwǐdû̌sîrîhtû kû̌ ta̤pô̤ta̤phǎ tûjû̌pwa̤ talakhǎ nî̌꤮. Ame̤.