Hebrǔ 4:9 - Kawyaw New Testament

⁹ Pô̤̌nudě, asô̌sô̌kû̌ Cǒmara ma̤hto ata̤ma̤ ni̤susô̌ dě a ô̌kǔ dǒ lṳmṳ̌ni̤ susô̌tôni̤ nutôni̤ nuhǒ, Cǒmara a kòyò tokhlǒ genṳ̌ ô̌kǔ kû̌ Cǒmara pě.

Kawyaw RC

⁹ Hǐnudě, alò̤ta Cǒmara ma̤hto ata̤ma̤ ni̤susǒ dě a ǒkǔ mṳni̤ susǒti̤ni̤nu ti̤ni̤nu hǒ, Cǒmara akòyò toǒ genṳǒkǔ kû̌ta Cǒmara pě.

Hebrǔ 4:9 Iomraidhean Croise

Htû̌sò̌htò̌ 47:9

Khlilèphû̌ aikǒlǒkò tokhlǒ hè ô̌plǒô̌htu bò kû̌ PhaAbraha a Cǒmara akòyò. Hǎkhû̌běkhû̌ aikǒlǒkò tokhlǒnu, aô̌pwǎ dǒ Cǒmaradû̌ ata̤pǒ alǎ̤. Cǒmara mî̌ kòyò bè̌dû̌bè̌htò̌yô̤̌ lû̌û.

Matěo 1:21

A phû̌ô̌lò̤ phû̌pwa̤khû pě dě na bǎ kaǎ ami̤ kû̌ Yeshǔ nî̌. Ma̤titèhî̌dě a ma̤hǎplǎgekè a kòyò tokhlǒ dǒ a ta̤sǔta̤plě akû pě.”

Tǐtǔ 2:14

Pô̤̌khô a gǔ ma̤hǎplǎge pa dǒ ta̤phû̌mò̤̌shǐhtô lǒ̤꤮ bò tokhlǒ akû, htokhôtô̤̌ pô̤̌khô a gǔ ma̤ mṳ̂̌plî ge sô̌ pa dě pa gǔ htûhtò̌ a kòyò, kǎtô̤̌ pa gǔ sǎphlǒshû̌ ma̤ta̤ dǒ awô̌ tokhlǒ ayanu, a tṳ̌sikhòsi bǎ anǎ̤ dǒ paya hǒ.

Hebrǔ 11:25

Khûmṳ̂shě bè̌lò̤ asǎphlǒ kû̌, a glè̌ lṳ̂ ta̤mô̤ tòshò̌phû̌ dǒ a gǔ dǐ htûhtò̌ ta̤sǔnu, a gǔ khòdô̌kû̌ ta̤jî̌ta̤jû̌ kû̌ Cǒmara a kòyò tokhlǒnumî̌, a mô̤ǐkhlo pě a sǎyṳ pô̤̌nu.

Hebrǔ 3:11

Pô̤̌nudě he sǎphlǒdû̌ asî dě he hî̌lò̤ asî ayô̤̌ tômû kû̌, ‘shigǎ dǒ he olò̤ kû̌ he gǔ ǐ kû̌ asî lǎ̤ô̌kǔ nutôkûnu, asî nṳ̌bǎ petô̤̌ hǒ,’ he ǐsho lò̤kè asî pô̤̌nu.”

Hebrǔ 4:1

Cǒmara olò̤ pe pa tǒ̤lò̤khònò̤̌ kû̌ pa nṳ̌bǎ dǒ lǎ̤ô̌kǔ agûlǎ̤nu pě. Pô̤̌khô sî pṳ̂̌꤮ tôpwa̤ gǔ nṳ̌bǎ dǒ lǎ̤ô̌kǔ dǒ Cǒmara olò̤ ayanu, pa bè̌sè̌rè̌ lô̌khô panǎ̤.

Hebrǔ 4:10

Ma̤titèhî̌dě, pô̤̌ Cǒmara ô̌kǔ dǒ ata̤ma̤ akûnu, kòyò dǒ a nṳ̌bǎ dǒ lǎ̤ô̌kǔ dǒ Cǒmara olò̤ tokhlǒnu, a ô̌kǔ lô̌khô dǒ ata̤ma̤ pě.

Hebrǔ 4:3

Bǎbǎkǎlè pa dǒ a yṳ̌ǎ tokhlǒnu, lǎ̤ô̌kǔ dǒ Cǒmara olò̤nu pa nṳ̌bò̌ hǒ. Kòyò dǒ a yṳ̌ǎ kû̌ kòyò Cǒmara tô̤̌ tokhlǒ ayanu, Cǒmara hî̌ asî kû̌, “He sǎphlǒdû̌ asî dě he hî̌lò̤ phlǔkè asî kû̌, ‘shigǎ dǒ he gǔ ǐ asî lǎ̤ô̌kǔ aya tôgǎnu, asî nṳ̌bǎ petô̤̌ hǒ,’” a hî̌ pô̤̌nu. Bǎbǎkǎlè lǎ̤ô̌kǔ dǒ Cǒmara olò̤ kû̌ a gǔ ǐ kòyò pěnu, a ma̤htopě dě a bô̌lò̤ hǎkhû̌ akha nupe hǒ.

Hebrǔ 4:8

Khûyṳ̂shǔ sûnṳ̌ kòyò dǒ Khanagǎ kûnu, a kè̌ mè̤̌mî̌ca gǎ dǒ Cǒmara olò̤kè lǎ̤ô̌kǔ agûlǎ̤nu tôgǎ kè̌hî̌dě, Cǒmara hî̌khô̌ bǎ lṳmṳ̌ni̤ dǒ ashǔshawa̤ tôni̤ tôkhò̌꤮ tô̤̌.

Petru awǐlǒ tabǎ 2:10

Tôplǎkhanu, sî mî̌ Cǒmara a kòyò mè̤̌tô̤̌ bǎbǎkǎlè khònò̤̌ sî htû Cǒmara a kòyò hǒ. Tôplǎkhanu, sî sî̌ganǎ̤ Cǒmara a ta̤sǎyṳgwèbǎǐ tô̤̌ bǎbǎkǎlè khònò̤̌ sî nǐ̤bǎ a ta̤sǎyṳgwèbǎǐ hǒ.

Ta̤dǔlè̌nǎ 14:13

Htodě he ganǎ̤de ta̤lě̤pwe̤htò̌ dǒ mǒkhû̌ dě a hî̌ kû̌, “Wě̤mǎnǎyǎ, sahtò̌ khònò̤̌ hènènu, kòyò dǒ a si dǒ Cǒmara a ta̤phǐta̤ma̤ akû tokhlǒnu, a gǔ nǐ̤bǎ ta̤ǐshowî̤.” Yôla Plò̌shǐ Běcǎ hî̌ kû̌, “A mè̤̌mî̌ca ma̤titèhî̌dě asî gǔ ô̌kǔbǎ lô̌khô dǒ a ta̤phǐta̤ma̤ tokhlǒ akû kû̌ a ta̤jî̌ta̤jû̌ tokhlǒ akû hǒ. Htokhôtô̤̌ asî ata̤phǐta̤ma̤ dǒ abwǐsîrî ô̌ tokhlǒnu, a gǔ gû̌kû̌ asîkò pě.”

Ta̤dǔlè̌nǎ 21:4

Cǒmara gǔ htǔsûkèbò asî amǐ̤sǎshi pě. Ta̤si ô̌ pe tô̤̌. Ta̤sǎplǎ̤ bǎbǎ, ta̤hǎta̤wô bǎbǎ, ta̤shayî̌bò̌plě bǎbǎ a ô̌ pe tô̤̌. Ta̤ dǒ a htûhtò̌bǎ dǒ hǎkhû̌ ali̤ hǒtôbǎ tokhlǒnu, a ô̌ pe tô̤̌.”