Hebrǔ 4:3 - Kawyaw New Testament

³ Bǎbǎkǎlè pa dǒ a yṳ̌ǎ tokhlǒnu, lǎ̤ô̌kǔ dǒ Cǒmara olò̤nu pa nṳ̌bò̌ hǒ. Kòyò dǒ a yṳ̌ǎ kû̌ kòyò Cǒmara tô̤̌ tokhlǒ ayanu, Cǒmara hî̌ asî kû̌, “He sǎphlǒdû̌ asî dě he hî̌lò̤ phlǔkè asî kû̌, ‘shigǎ dǒ he gǔ ǐ asî lǎ̤ô̌kǔ aya tôgǎnu, asî nṳ̌bǎ petô̤̌ hǒ,’” a hî̌ pô̤̌nu. Bǎbǎkǎlè lǎ̤ô̌kǔ dǒ Cǒmara olò̤ kû̌ a gǔ ǐ kòyò pěnu, a ma̤htopě dě a bô̌lò̤ hǎkhû̌ akha nupe hǒ.

Kawyaw RC

³ Pò̤̌ta pa yṳǎ htǒotoǒnu, la̤ǒkǔ htě Cǒmara olò̤ htǒonu pa nṳbò̌ hǒ. Kòyò htě a yṳǎ kû̌kò Cǒmara tò̤ htǒotoǒ ayanu, Cǒmara hî̌ asî, “He sò̌phlǒdû̌ asî dě he hî̌lò̤ phlǔkè asî, ‘Shiga htě he glè ǐ yǎta asî la̤ǒkǔ htǒotò̤glònu, asî nṳbǎpe tò̤ hǒ,’” a hî̌ hǐnu. Pwǎ̤ta la̤ǒkǔ htě Cǒmara olò̤ ta a ǐ kò pě htǒonu, a ma̤htope dě a bǒlò̤ hǎkhû̌ akhanu pe.

Hebrǔ 4:3 Iomraidhean Croise

Mǒhtûlû̌hǎhtûsa 1:31

Dě Cǒmaradû̌ kè̌shǐ lǒ̤bò a ma̤ ta̤ nutokhlǒ kû̌ awô̌ mî̌ca akhû̌akhî, a sǎphlǒmô̤ mî̌ca. Lṳmṳ̌khǐ htodě lṳ̌mṳ̌lî hè, dě a behtò̌ tini̤, dě hǒo tini̤ mî̌ asa susô̌.

Htû̌sò̌htò̌ 95:11

“Ma̤pô̤̌nudě he sǎphlǒdû̌ asî dě he hî̌lò̤ asî ayô̤̌ tômû kû̌, ‘shigǎ dǒ he olò̤ kû̌ he gǔ ǐ kû̌ asî lǎ̤ô̌kǔ tashò̌phû̌ nutôkû nu, asî nṳ̌nǒ petô̤̌ hǒ.’”

Matěo 13:35

Ma̤pô̤̌nudě hǒnumî̌ a hè tǒ̤ pô̤̌ Cǒmara hî̌nǎ piwi̤pèshè dě a hî̌ kû̌, “He gǔ hî̌bǎ kòyò kû̌ yô̤̌sǎkhěkhô̌ tokhlǒ pě, he shôbǐǐlṳ̌ bǎ asî kû̌ ta̤ dǒ kòyò bè̌sûû̌ a dǒ hǎkhû̌ htûsakhû̌lû̌ nutokhlǒ pě.”

Matěo 25:34

“Bǎnuakha pěnu, khwǐ nutôpwa̤ gǔ hî̌ kòyò dǒ a cǔtômû tokhlǒ pě kû̌, ‘hèmò̌ lô̌khô, sî mî̌ kòyò dǒ a nǐ̤bǎ hepha a ta̤ǐshowî̤ tokhlǒ, hènṳ̌ phî̌wô̌ lô̌khô mǒkhû̌ shilǎ̤gǎkû dǒ amè̤̌kû̌ na û̌tě̤û̌ca dǒ kòyò tîwî̌tòwò nǎ bǎ sî dǒ mǒhtûlû̌ hǎhtûsa pě akhanu.

Ěphěsu 1:4

Ma̤titèhî̌dě, dǒ Cǒmara a lô̤mô̤̌ pěnu, pô̤̌khô pa gǔ plò̌shǐ dě kòyò gǔ bè̌jò pe pa ta̤sǔ tôcǒ꤮ tô̤̌ ayanu, a rû̌htò̌ pa dǒ Khrǐ akû, dǒ a bô̌lò̤ hǎkhû̌ nò̌khôtô̤̌ akhapenu hǒ.

Hebrǔ 3:11

Pô̤̌nudě he sǎphlǒdû̌ asî dě he hî̌lò̤ asî ayô̤̌ tômû kû̌, ‘shigǎ dǒ he olò̤ kû̌ he gǔ ǐ kû̌ asî lǎ̤ô̌kǔ nutôkûnu, asî nṳ̌bǎ petô̤̌ hǒ,’ he ǐsho lò̤kè asî pô̤̌nu.”

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Hebrǔ 9:26

Kè̌ Khrǐ lǎ̤lṳ̂nṳ̌ sǎla̤la̤ pô̤̌nu kè̌hî̌dě, a tôbǎ khòlṳ̌ sǎla̤la̤ asǎphlǒ dǒ hǎkhû̌ htûhtò̌lû̌ akha pe a lǎ̤lṳ̂ khòlṳ̌ pô̤̌nutô̤̌. Khònò̤̌ bǎ hǎkhû̌ glè̌ phǔ꤮ gutṳ̌hǒ akhanu, a hè khòlṳ̌ pwǎ tôplǎ dě a htophlǔ bòhǒ. Dǒ a lṳhtò̌ anǎ̤glǒ kû̌ anǎ̤nu akhû̌akhî, a phî̌cû̌ tephekè kòyòhǎkhû̌phû̌ tokhlǒ ata̤sǔ tokhlǒ hǒ.

Petru awǐlǒ tabǎ 1:20

Bǎ Cǒmara bô̌lò̤tèlò̤ hǎkhû̌ khôtô̤̌ akhanu, a rû̌htò̌ nǎhto Khrǐ nuhǒ. Bǎbǎkǎlè lṳmṳ̌ni̤ lṳmṳ̌sa dǒ nô̌kò gutṳ̌ a amè̤̌kû̌ khònò̤̌kha hǒtokhlǒnu, Cǒmara dǔlè̌lṳ̌ hto sî kû̌ Khrǐ hǒ.