Hebrǔ 4:2 - Kawyaw New Testament

² Ma̤titèhî̌dě pa ganǎ̤de kû̌ ta̤sǎlě̤we̤kè pô̤̌ paphipaphu tokhlǒ ganǎ̤de hto nuhǒ. Ma̤titèhî̌dě asî ganǎ̤de bǎbǎkǎlè, a phî̌shěshunò lô̌khô ta̤sǎlě̤we̤kènu kû̌ ta̤yṳ̌ tô̤̌ akhû̌akhî, a htûbwǐhtûsîrî dǒ asîya tô̤̌.

Kawyaw RC

² Ma̤tè̤hî̌dě pa gana̤debǎ dǒ ta̤sò̌le̤sò̌lò̤ awi̤akè̌ pwǐ paphipaphu toǒ gana̤dehtonu hǒ. Ma̤tè̤ hî̌nu asî gana̤debǎ pwǎ̤tadě, a phî̌shǔkû̌ lǒkho kò ta̤sò̌le̤sò̌lò̤ awi̤akè̌ htǒo ta ta̤yṳ tò̤ akhû̌akhî, a htûbwǐhtûsîrî ta asîya tò̤.

Hebrǔ 4:2 Iomraidhean Croise

Pwa̤nophû̌ 13:46

Htodě Khûpò̌lǔ kû̌ Khûbanabǎ lî̤̌꤮ hî̌bǎ khuhekhlo pô̤̌pô̤̌ dě a hî̌ kû̌, “Pa tôbǎ shôbǐǐlṳ̌ wǐ bǎ sî kû̌ Cǒmara alě̤ayô̤̌. Bǎbǎkǎlè sî yṳ̌nǐ̤nǎ̤nǐ̤ pa ta̤shôbǐǐ nutô̤̌ akhû̌akhî, sî cî̌htò̌ tûû̌ sînǎ̤ pô̤̌ kòyò dǒ a gwǎ nǐ̤bǎ gû̌ kòyò yôla htûpwa̤ tûjû̌pwa̤ tô̤̌ nutokhlǒ hǒ. Pô̤̌nudě pa bè̌kè sî dě pa cû̌ dǒ Yǔdaphû̌ mè̤̌tô̤̌ tokhlǒ a ô̌.

Pwa̤nophû̌ 3:26

Bǎ Cǒmara rû̌htò̌ pwa̤ma̤ta̤phû̌ Yeshǔ akhanu, a nohè wǐ lû̌û dǒ sî ô̌ hǒ. Pô̤̌khô a gǔ ǐshowî̤ sî dě a nohè lû̌û pô̤̌nu. Dǒ Cǒmara no htû̌tiwǐ̤ tèplè̌ sî kû̌ sî pṳ̂̌꤮ tôpwa̤ ata̤phû̌mò̤̌shǐhtô akhû̌akhî, a ǐshowî̤ sî hǒ.”

Rṳ̂̌me̤ 2:25

Kè̌ sî ganǎ̤de ta̤sû̌ta̤tòwò hî̌dě, sî dǔtṳ̌ aphě Nṳmî̌ a lě̤dû̌pwî̤htû lîlè. Bǎbǎkǎlè sî kè̌ ganǎ̤detô̤̌ hî̌dě dǒ Cǒmara a lô̤mô̤̌nu sî sô̌sô̌pwǎ kû̌ kòyò dǒ a dǔtṳ̌aphě tô̤̌ nutokhlǒ pwǎ.

Rṳ̂̌me̤ 3:3

Yṳ̌daphû̌ tokhlǒkhlǒ kè̌ cǒ ayô̤̌ kû̌ Cǒmara tô̤̌ hî̌dě, Cǒmara a ta̤olò̤ tokhlǒ phèkè bò pěya?

Kôritu awǐlǒ tôbǎ 13:3

Ta̤ lǒ̤bò dǒ a ô̌ kû̌ he tokhlǒnu, he kè̌ ǐbòkè kû̌ kòyò hǎwě̤shèwè̤ tokhlǒ bǎbǎ, htokhôtô̤̌ he kè̌ lṳhtò̌kè henǎ̤ dǒ kòyò gǔ shû̌ukè he kû̌ mî̌ bǎbǎ, he kè̌ mô̤nṳ̌ kòyò tô̤̌ hî̌nu, a nǐ̤bwǐsîrî dǒ heya tôcǒ꤮ tô̤̌.

Galatǐ 3:2

Hî̌ kè̌kè̌mò̌ bǎ he tǒ̤ nutôcǒcǒ꤮ nô̤̌ pwǎ. Dǒ sî gû̌ma̤ ta̤sû̌ta̤tòwò akò dě sî nǐ̤bǎ Yôla Plò̌shǐ Běcǎ ya? Kè̌mè̤̌tô̤̌dě dǒ sî ganǎ̤de ta̤sǎlě̤we̤kè dě sî yṳ̌nǐ̤nǎ̤nǐ̤ akhû̌akhîdě, sî nǐ̤bǎ Yôla Plò̌shǐ Běcǎ pô̤̌nu ya?

Galatǐ 3:8

Lî̤plò̌shǐ hî̌nǎ hto dǒ něhǎněnô̤̌ kû̌, Cǒmara gǔ bè̌cǒbè̌tè̤ Yǔdaphû̌ mè̤̌tô̤̌ tokhlǒnu, kû̌ asî ata̤yṳ̌ta̤nǎ̤ akhû̌khî pě, a hî̌nǎ pô̤̌nu. Cǒmara alě̤ayô̤̌ dǐsî̌ganǎ̤wǐ ta̤sǎlě̤we̤kè dǒ PhaAbraha a ô̌ dě a hî̌ kû̌, “Dǒ nakhû̌nakhî dě, he gǔ ǐshowî̤lò̤ tutṳ̌ lǒ̤꤮ bò khlilèphû̌ tokhlǒ kû̌ na pě,” A hî̌ lû̌û pô̤̌nu.

Galatǐ 4:13

Bǎ he ô̌plǒ kû̌ sî dě he shôbǐǐlṳ̌ bǎ sî kû̌ ta̤sǎlě̤we̤kè awǐlǒ tôplǎnukha he shǐsha numî̌ sî sî̌ganǎ̤ bò hǒ.

Tîsalònǐ awǐlǒ tôbǎ 1:5

Ma̤titèhî̌dě pa phî̌hè bǎ sî ta̤sǎlě̤we̤kè numî̌ tǒ̤pwǎ pa khû̌phě a ta̤hî̌bǎnu mè̤̌tô̤̌. Ta̤sǎlě̤we̤kè numî̌, a ô̌ kû̌ a ta̤siwi̤sòwò̤, a ô̌ kû̌ Yôla Plò̌shǐ Běcǎ, a ô̌ kû̌ ta̤yṳ̌ǎ bòmǔtegle ta̤sǎlě̤we̤kè a ta̤tě̤ta̤mè̤̌ tokhlǒ. Dě bǎ pa ô̌cu kû̌ sî akhanu, pa mî̌ kòyò hî̌tè tokhlǒ numî̌, sî sî̌ganǎ̤ hto tûû̌ hǒ. Hǒnumî̌ pa ô̌htûpwa̤ bǎ sî lǎ̤nǐ̤bwǐ nǐ̤sîrî aya pwǎ.

Tîsalònǐ awǐlǒ tôbǎ 2:13

Bǎ sî ganǎ̤de Cǒmara alě̤ayô̤̌ dǒ pa shôbǐǐ bǎ sî akhanu, sî phî̌shěshu yǎ pô̤̌ a ô̌ dǒ kòyò a ô̌ dě a hènṳ̌ mè̤̌tô̤̌, sî phî̌shěshu yǎ pô̤̌ a ô̌ dǒ Cǒmara a ô̌ dě a hènu. Pô̤̌nu akhû̌akhî, pa hî̌bwǐhî̌sîrî Cǒmara pṳ̂̌꤮ taplǎ. Dě ta̤we̤ta̤kè numî̌ Cǒmara a ta̤we̤ta̤kè mè̤̌mî̌ca. Dě dǒ ta̤we̤ta̤kènu akhû̌akhî, Cǒmara nohtûpwa̤ sî pô̤̌ atô lû̌sǎphlǒ nuhǒ.

Tîmôte awǐlǒ tôbǎ 4:8

Sahtò̌ sû̌ǐ nanǎ̤ dǒ nǎ̤glǒphěyî̌ tôkhô numî̌, abwǐsîrî ô̌ tokhlǒ. Bǎbǎkǎlè sahtò̌ sû̌ǐ nanǎ̤ pô̤̌ Cǒmara sǎyṳ no ô̌htûpwa̤ na numî̌ abwǐasîrî ô̌bò pa cû̌sû̌ǐ htò̌jò panǎ̤ pô̤̌ Cǒmara a ta̤sǎyṳnu ma̤titèhî̌dě, ta̤numî̌ a gǔ htûbwǐhtûsîrî mè̤̌mî̌ca hǒ tôhtu ayanu mè̤̌tô̤̌, htû̌꤮ nô̌kòpě tôhtu aya bǎbǎ, a htûbwǐhtûsîrî mè̤̌mî̌ca pě.

Hebrǔ 11:6

Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Hebrǔ 3:12

He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Hebrǔ 4:6

Kòyò dǒ a nṳ̌bǎpe dǒ Cǒmara a lǎ̤ô̌kǔnu, a ô̌kèpe tokhlǒkhlǒ. Bǎbǎkǎlè kòyò dǒnukha tokhlǒ dǒ a ganǎ̤de hto ta̤sǎlě̤we̤kè tokhlǒnu, a ganǎ̤de lô̌khô Cǒmara ayô̤̌ tô̤̌ akhû̌akhî, a nǐ̤bǎ gû̌pe kòyò lǎ̤ô̌kǔnu tô̤̌ hǒ.

Jǎgomo̤ 1:21

Pô̤̌nudě wîkè bò ta̤sǎyṳsǎbǎ dǒ sî ma̤ sǎla̤la̤ a nutokhlǒ kû̌ lǒ̤꤮ bò sî lǎ̤klô ma̤ a phû̌mò̤̌ nutokhlǒ. Dě shò̌lò̤ lô̌khô sî sǎphlǒ dě ganǎ̤de yṳ̌ǎ lô̌khô Cǒmara alě̤ayô̤̌ dǒ a shǒlò̤ dǒ sî sǎphlǒkû nutokhlǒ. Alě̤ayô̤̌ numî̌ a ma̤hǎplǎge bò̌jò sî.

Petru awǐlǒ tabǎ 1:12

Dě Cǒmara dǔlè̌lṳ̌ bǎ piwi̤pèshè nutokhlǒ kû̌ asî ma̤ta̤ tokhlǒ numî̌ asîya tûû̌ mè̤̌tô̤̌. Hî̌mè̤̌mè̤mî̌ sîya pwǎ. Khònò̤̌ ta̤ hǒtokhlǒnu a hî̌ bǎ sî dě sî ganǎ̤de hǒ. Dǒ Cǒmara nohè Yôla Plò̌shǐ Běcǎ a ta̤pô̤ta̤phǎ dǒ a ô̌ dǒ mǒkhû̌ hèdě, a hè ma̤ta̤nu akhû̌akhî, asî hè shôbǐǐ bǎ sî kû̌ ta̤sǎlě̤we̤kènu hǒ. Mǒkhû̌tanaphû̌ tokhlǒnu a sǎyṳ kè̌shǐsî̌ya tě̤mè̤̌ mî̌ca ta̤we̤ta̤kè hǒtokhlǒ.