Hebrǔ 4:15 - Kawyaw New Testament

¹⁵ Pa pwa̤shû̌gǎ ikǒdû̌lǒ nutôpwa̤ nî̌ a sî̌ganǎ̤ pa ta̤khû̌shiǎjǎ tokhlǒ dě a sǎyṳgwèbǎǐ pa. Ma̤titèhî̌dě a kè̌shǐ tṳ̌bǎ kû̌ ta̤tili̤tôlô̌ pṳ̂̌tocǒ pô̤̌ pa kè̌shǐ tṳ̌bǎnu bǎbǎkǎlè a ma̤sǔkû̌ ta̤ tô̤̌.

Kawyaw RC

¹⁵ Pa pwa̤tòlûhtò̌ hǐkǒdû̌gutṳ̌ htǒotapwa̤nu, a sî̌ya pa ta̤khû̌ǎyû̌lò̤ toǒ dě a gwèbǎǐ pa. Ma̤tè̤hî̌dě a kè̌shǐ shěto̤bǎ ta ta̤lǒǎplò̤ǎ pṳ̂̌꤮ tacǎ pwǐ pa kè̌shǐ shěto̤bǎ htǒonu pwǎ̤tadě a ma̤sǔ ta̤ tò̤.

Hebrǔ 4:15 Iomraidhean Croise

Matěo 12:20

Kòyò dǒ a khû̌shiǎjǎ sô̌sô̌kû̌ gôpô̤̌mṳ̌ yṳ̂̌lò̤ tôpwa̤nu, a pè̤̌tṳ̌kè lû̌û tô̤̌. Kòyò dǒ a ta̤yṳ̌pî̌tî̌ sô̌sô̌kû̌ mî̌tè̌ko dǒ a glè̌ pǐ̤ tôpwa̤nu a uphǔpǐ̤nô̌ lû̌ ta tô̤̌. A gǔ ma̤wô̌ hènè dě a gǔ gwèbǎǐ hènè pô̤̌ ta̤, tǒ̤dǒ a gǔ dǐô̌htûhtò̌ ta̤tě̤ta̤mè̤̌ gǔbǎ ma̤pè̤̌kè ta̤phû̌mò̤̌nu pě.

Matěo 4:1

Pô̤̌khô hǎkhû̌tana gǔ tili̤tôlô̌ Yeshǔ aya dě Yôla Plò̌shǐ Běcǎ sûcû̌ lû̌û dǒ lǒ̤mî̌shô̌kla.

Lǔka 22:28

Bǎ he khòbǎ ta̤pò̤̌ta̤sha akhanu, sî ô̌gû̌ kû̌ he pṳ̂̌꤮ taplǎ.

Lǔka 4:2

Hǎkhû̌tana hè tili̤tôlô̌ lû̌û ani̤lǐ̤shi asalǐ̤shi. Dě ani̤lǐ̤shi asalǐ̤shi akûnu a ǎshǎ tocǒ꤮ tô̤̌ akhû̌akhî, ani̤lǐ̤shi htodě asǎǎsǎô hè.

Jowǎ̤ni̤ 8:46

He ma̤ta̤ numî̌ a sǔpwǎ kè̌hî̌dě a nè̌bò̌ dǒ sîkla numî̌ a ô̌ tôpwa̤pwa̤ ya? He hî̌bǎta̤ mî̌ acǒatè̤ tokhlǒpwǎ kè̌hî̌dě ma̤titè dě sî yṳ̌ǎ he tô̤̌.

Rṳ̂̌me̤ 8:3

Dǒ ama̤hî̌tè akhû̌akhî hî̌dě, pô̤̌khô pa gǔ ô̌kǔbǎ dǒ pa ma̤ ta̤sǔ ayanu, pa ganǎ̤de gû̌ma̤ kû̌ ta̤sû̌ta̤tòwò akò dě, a ta̤siwi̤sòwò̤ dǒ a gǔ ma̤jè̌ bǎ panu aô̌tô̤̌, ma̤titèhî̌dě a ta̤shû̌ta̤shǒ ma̤pî̌kè phěyî̌ a ta̤sǎyṳsǎbǎnu akhû̌aǎ ô̌ tô̤̌. Pô̤̌nudě Cǒmara ma̤ kû̌ anǎ̤, a nohèlò̤ a phû̌pwa̤khû dě a hèlò̤ sûlû anǎ̤ pô̤̌ hǎkhû̌phû̌ sô̌sô̌kû̌ pa dǒ a lǎ̤klôma̤ ta̤sǔ tokhlǒ. Bǎbǎkǎlè ta̤sǔ lǎ̤klô pǒjò lû̌û tô̤̌. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒ pa nutokhlǒ hǒ.

Kôritu ginǐ̤bǎ tôbǎ 5:21

Khrǐnu ata̤sǔ ô̌ tôcǒ꤮ tô̤̌. Bǎbǎkǎlè, pô̤̌khô a gǔ plî̌lîkè bǎ pa ta̤sǔ ashû̌ tokhlǒ ayanu, Cǒmara notṳ̌sikhòsi lû̌û dǒ pa ta̤sǔ aya hǒ. Dǒ Khrǐ ma̤ bǎ pa pô̤̌nu akhû̌akhî, pa gǔ htûhtò̌ kû̌ Khrǐ tôcǒ꤮ nô̤̌ hǒ dě, Cǒmara gǔ bè̌cǒbè̌tè̤ pa dǒ alô̤mô̤̌ pě.

Hebrǔ 4:14

Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Hebrǔ 5:2

Asî htûpwǎ kòyòhǎkhû̌phû̌ akhû̌akhî, a ma̤sǔma̤plě lô̌khô pwǎ. Pô̤̌nudě kòyò dǒ a sî̌ganǎ̤ tě̤mè̤̌ gû̌ kòyò ta̤tě̤ta̤mè̤̌ tô̤̌ dě a ma̤sǔma̤plě ta̤ tokhlǒ ayanu, asî gènè̤ gwèbǎǐjò kû̌ kò tô̤̌.

Hebrǔ 7:26

Pô̤̌nudě, Yeshǔ mî̌ pwa̤shû̌gǎ ikǒdû̌lǒ tôpwa̤ dǒ a ma̤lǒbe bǎbò lǒ̤꤮ bò pa ta̤lṳ̂bǎ tokhlǒ. A mî̌ aplò̌shǐ, ata̤sǔ ô̌tô̤̌, asǎphlǒ mṳ̂̌plî. Cǒmara bè̌yò tephekè khô̌ lû̌û kû̌ pwa̤ma̤sǔphû̌ tokhlǒ, dě a dǐô̌ lû̌û dǒ gûlǎ̤ htò̌yô̤̌lǒkhlo tôkû hǒ.

Hebrǔ 9:28

Pô̤̌nudě pô̤̌khô Khrǐ phî̌cû̌ tephekè bò kòyò saprṳ̂ ata̤sǔ tokhlǒnu dě a khòlṳ̌ pwǎ tôplǎ pwǎ. A hè sô̌ pě bǎbǎkǎlè a hè phî̌cû̌ tephekè bǎ pa ta̤sǔ pěnu mè̤̌tô̤̌. A hè ma̤hǎplǎge kòyò dǒ a ô̌pǒ̤kè̌shǔ lû̌û nutokhlǒ pě pwǎ.

Petru awǐlǒ tabǎ 2:22

“A ma̤ ta̤sǔ tôcǒ꤮ tô̤̌. Kòyò ganǎ̤de kû̌ a hî̌bǎ lòhô tôpwǎ̤꤮ tô̤̌.”

Yṳ̂ha awǐlǒ tôbǎ 3:5

Bǎbǎkǎlè pô̤̌khô Khrǐ gǔ phî̌cû̌kè pa ta̤sǔta̤phû̌mò̤̌ tokhlǒ ayanu, a hèlò̤ htohǒ dǒ hǎkhû̌ numî̌ sî sî̌ganǎ̤ htotû̌ hǒ. Htokhôtô̤̌ sî sî̌yahto kû̌ Yeshǔ Khrǐ numî̌ a ta̤sǔta̤phû̌mò̤̌ ô̌kû̌ kòyò tôcǒ tô̤̌.