Hebrǔ 4:14 - Kawyaw New Testament

¹⁴ Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Kawyaw RC

¹⁴ Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 4:14 Iomraidhean Croise

Matěo 4:3

Bǎnuakha hǎkhû̌tana hè dǒ a ô̌ dě a hî̌ lû̌û kû̌, “Kè̌ na mî̌ Cǒmara aphû̌khû tôpwa̤ hî̌dě, hî̌lò̤ lǒ̤ nutokhlǒ dě nohtûhtò̌ a kû̌ mû̌nu.”

Mǎ̤riko 1:1

Hǒomî̌ ta̤sǎlě̤we̤kè akòshî̌ dǒ a shôbǐǐlṳ̌ bǎ Cǒmara aphû̌khû Yeshǔ Khrǐ awe̤akè.

Mǎ̤riko 16:19

Běcǎ Yeshǔ hî̌bǎhto kû̌ akhôphijǎ tokhlǒ dě Cǒmara kaǎ gehtò̌kè yǎ dǒ mǒkhû̌ dě a htò̌hǎnòò̌ dǒ Cǒmara cǔtômû tôkhô.

Lǔka 24:51

Bǎ a ǐshowî̤ pepwǎ asî akhanu, kòyò jokahtò̌ taphekè lû̌û dǒ mǒkhû̌ dě a bè̌ô̌kè akhôphijǎ tokhlǒ.

Pwa̤nophû̌ 1:11

Dě a hî̌ asî kû̌, “Galilè̤̌phû̌ sî, sî cû̌ ihtǒ kè̌htò̌ lô̌khô dǒ mǒlǎ̤ ma̤titè? Yeshǔ dǒ sî kè̌shǐ kû̌ Cǒmara kaǎ gehtò̌kè yǎ dǒ mǒkhû̌ tôpwa̤nu a gǔ hèlò̤ sô̌ ma̤pô̤̌ sî kè̌shǐ a gehtò̌ khònò̤̌nu pě.”

Pwa̤nophû̌ 3:21

Pô̤̌ Cǒmara ǐ sî̌ya nǎ hto kû̌ piwi̤pèshè aplò̌shǐ dǒwǐkha tokhlǒ kû̌ Yeshǔnu a tôbǎ ô̌ dǒ mǒkhû̌ tǒ̤dǒ Běcǎ Cǒmara ma̤sa bò sô̌ ta̤pṳ̂̌꤮ tocǒ akhanu pě.

Rṳ̂̌me̤ 8:34

Pô̤̌nudě, mò̌pè glè̌ cî̌htò̌ asî ya? Kòyò cî̌htò̌ jò asî tôpwǎ̤꤮ tô̤̌. Ma̤titèhî̌dě, Yeshǔ Khrǐ mî̌ pwa̤ dǒ a si bǎ pa ta̤sǔ aya tôpwa̤, htokhôtô̤̌ Cǒmara ma̤htûpwa̤ getîkhî lû̌û dǒ ta̤si tôpwa̤. Dě Cǒmara ǐ lû̌û gûlǎ̤ dǒ acǔtômû tôkhô. Pô̤̌khô Cǒmara gǔ ma̤jè̌ panu, Yeshǔ nṳ̌ kwisǎyṳ bǎ pa gûlǎ̤ hǒ.

Kôritu ginǐ̤bǎ tôbǎ 12:2

Dǒ awǐkha shilǐ̤ně akhanu, kòyò kaǎ gehtò̌ kòyòpha dǒ a yṳ̌ǎ Khrǐ tôpwa̤ dǒ mǒkhû̌ sutô̤̌ tôtô̤̌ nutôkû. (anǎ̤glǒ ô̌ paya, mî̌ a ô̌pa tô̤̌ ya nu, he sî̌ganǎ̤ tô̤̌. Sî̌ganǎ̤ pwǎtǒ̤ Cǒmara tôpwa̤ nô̤̌ pwǎ.)

Kôritu ginǐ̤bǎ tôbǎ 9:13

Sî ta̤ma̤jè̌nu a khòlṳ̌ kû̌ sî yṳ̌ǎ mè̤̌mî̌ca Běcǎ Yeshǔ hǒ. Dǒ sî yṳ̌ǎ ma̤gû̌ pô̤̌ Khrǐ a ta̤sǎlě̤we̤kè hî̌nu akhû̌akhî kòyò gǔ htû̌sò̌htò̌ dû̌wî̤ Cǒmara pě. Ma̤titèhî̌dě dǒ sî sǎphlǒshû̌ ma̤jè̌ bǎ asî kû̌ kòyò pṳ̂̌tôpwa̤ akhû̌akhî, kòyò saprṳ̂ gǔ htû̌sò̌htò̌ lô̌khô Cǒmara pô̤̌nu pě.

Ěphěsu 4:10

Kòyò dǒ a hèlò̤ hto dǒ hǎkhû̌ tôpwa̤nu, dě a gehtò̌ dǒ gûlǎ̤htò̌yô̤̌ lǒkhlo kû̌ mǒkhû̌ tokhlǒ nutôpwa̤ mî̌ a tôpwa̤ nô̤̌ pwǎ. Dǒ mǒkhû̌ bǎbǎ, dǒ mǒlǎ̤ bǎbǎ, dǒ hǎkhû̌ gûlǎ̤ bǎtè tûkû̌꤮ bǎbǎ, pô̤̌khô a gǔ ô̌bò gûlǎ̤ pṳ̂̌꤮ tûkûnu dě, a gehtò̌ dǒ mǒkhû̌ pwǎ.

Hebrǔ 1:8

Bǎbǎkǎlè, bǎ a hî̌tè̌ aphû̌khû awe̤akè akhanu, “Ǒ꤮ Cǒmara, nashinagǎnu, a ô̌yî̤ tûjû̌pwa̤ talakhǎ pě꤮. Na pǒǐtû̌ na kòyò tokhlǒ kû̌ ta̤tě̤ta̤mè̤̌ pě.

Hebrǔ 10:12

Bǎbǎkǎlè Khrǐ lṳhtò̌ bǎ pa ta̤sǔ aya tokhlǒnu, a lṳhtò̌ tôplǎnô̤̌pwǎ dě a hto phlǔbò tûjû̌pwa̤ hǒ. Dě a ge hǎnòò̌ô̌ dǒ Cǒmara a cǔtômû tôkhô hǒ.

Hebrǔ 10:23

Pa gǔ pṳ̂̌mě wô̌bǎ pa ta̤kè̌shuǐ dǒ pa hî̌ bǎ hto kòyò nutokhlǒ tǎ, ma̤titèhî̌dě pa sî̌ganǎ̤ kû̌ Cǒmaranu acǒ kû̌ a ta̤olò̤ dě a ma̤pô̤̌ a hî̌nu pṳ̂̌taplǎ.

Hebrǔ 10:29

Pô̤̌nudě sî gènè̤ kè̌mò̌ kòyò dǒ a hî̌ takǎ Cǒmara aphû̌khû hǒtokhlǒ, dě a wîkè lû̌û tokhlǒnu, Cǒmara gǔ cî̌htò̌ jî̌khlo asî pě. Htodě Khrǐ khòlṳ̌ asǎphlǒ dě a dǐ htûhtò̌ Cǒmara a ta̤olò̤ asa nuhǒ dě Khrǐ cǔbò pa kû̌ asǐ hǒ. Pô̤̌nudě kòyò dǒ a bè̌ lě̤dû̌pwî̤htû Khrǐ asǐ tô̤̌ tokhlǒnu, Cǒmara gǔ cî̌htò̌ jî̌khlo asî pě. Htokhôtô̤̌ kòyò hǒtokhlǒnu a hî̌ phû̌mò̤̌ Yôla Plò̌shǐ Běcǎ dǒ a ǐ asî ta̤bwǐta̤sîrî nutôpwa̤ akhû̌akhî, Cǒmara gǔ cî̌htò̌jî̌ khlo asî kû̌ kòyò dǒ a ma̤si Khûmṳ̂shě a ta̤sû̌ta̤tòwò nutokhlǒ pě.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 2:1

Dǒ pa sî̌yahto kû̌ Cǒmara aphû̌khû mî̌ adû̌ayô̤̌ pô̤̌nu akhû̌akhî, pô̤̌khô pa gǔ cû̌tephekè ta̤tě̤ta̤mè̤̌ dǒ pa ganǎ̤de hto nutô̤̌ ayanu, pa bǎ bè̌dubè̌nǎ̤khlo yǎ.

Hebrǔ 2:17

Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Hebrǔ 6:20

Yeshǔ cû̌nṳ̌wǐ hto pagûlǎ̤ dǒ alô̤mô̤̌ hǒ. A htû hto pa pwa̤shû̌gǎ ikǒdû̌lǒ dǒ a ô̌ khòyî̤ tûjû̌pwa̤ nuhǒ. A mî̌ a sô̌sô̌ kû̌ pwa̤shû̌gǎ Malakhǐsedè̌ dǒ awǐkha tôpwa̤hǒ.

Hebrǔ 6:6

Asî kè̌ kè̌shǐhè bǎhto ta̤nutokhlǒ dě a kè̌ htû̌ti̤wǐ̤ cû̌khô̌kè kû̌ Cǒmara hî̌nu, a yò̤lǎ̤plǎdî̌ gesô̌jòpe asǎphlǒ tôkhò̌꤮ tô̤̌. Hǒnumî̌ a sô̌sô̌ kû̌ asî ma̤sihtò̌ sô̌ Cǒmara aphû̌khû dǒ nò̌dò̌htǔlô̤ dě a ma̤ sòwò̤̌kè Běcǎ Yeshǔ dǒ kòyò tôprṳ̂tôphǎ alô̤mô̤̌ hǒ.

Hebrǔ 7:3

Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.

Hebrǔ 8:1

Khònò̤̌, ta̤ dǒ a lṳ̂dû̌lǒ tôcǒ dǒ he sǎyṳ nosî̌yaphlô sî numî̌ amè̤̌kû̌ pa pwa̤shû̌gǎ ikǒdû̌lǒ nutôpwa̤ hǒ. A mî̌ Yeshǔ hǒ. Khònò̤̌ a hǎnòò̌ô̌ dǒ mǒkhû̌ dě a hǎnòò̌ô̌ dǒ Cǒmara dǒ alîata̤kakha, apô̤aphǎ nutôpwa̤ lǎ̤nòò̌ acǔde cǔtômû nutôkhô hǒ.

Hebrǔ 9:12

Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.

Petru awǐlǒ tabǎ 3:22

Yeshǔ Khrǐ ge ihtǒ dǒ mǒkhû̌ dě a ge hǎnòò̌ô̌ dǒ Cǒmara acǔde cǔtômû tôkhô hǒ. Dě a pǒǐ lǒ̤bò tanaphû̌ tokhlǒ kû̌ ta̤shû̌ta̤sho tokhlǒ, kû̌ ta̤pô̤ta̤phǎ tokhlǒ hǒ.