Hebrǔ 4:13 - Kawyaw New Testament

¹³ Lǒ̤bò ta̤bô̌lò̤ tokhlǒnu, Cǒmara kè̌shǐjòbò ta̤ô̌hǔô̌sè̌nu. Dǒ alô̤mô̤nu, asô̌sô̌kû̌ pa ô̌koyo lǒ̤bò pṳ̂̌꤮ tôpwa̤ pwǎ. Pa ma̤hto ta̤sî kû̌ pa gènè̤ hto ta̤ sîtokhlǒ, a kè̌shǐ sî̌ganǎ̤ bò. Pa bǎ hè shôbǐǐ htò̌lṳ̌ bò a pṳ̂̌꤮ tôcǒ pě.

Kawyaw RC

¹³ Ta̤bǒlò̤ lǒ̤꤮ bò toǒnu, Cǒmara kè̌shǐjòbò a ǒhǔnu toǒ. Dě alo̤mo̤nu, alò̤pwǎta pa ǒkûglebò pṳ̂̌꤮ tapwa̤. Pa ma̤hto ta̤toǒ, ta pa gènè̤hto ta̤toǒnu, a kè̌shǐ sî̌ya lǒ̤꤮ bò. Pa bǎ hè pwe̤ǐhtò̌lṳbò yǎ pṳ̂̌꤮ tacǎ pě.

Hebrǔ 4:13 Iomraidhean Croise

Htû̌sò̌htò̌ 139:4

Ǒ Cǒmara tûjû̌pwa̤, he hî̌bǎhtò̌ hǐ tômṳ̂̌ tô̤̌ bǎbǎkǎlè na sî̌ganǎ̤ ô̌nǎ htobò hǒ.

Htû̌sò̌htò̌ 44:21

Cǒmaradû̌ nî̌ a sî̌ganǎ̤ bò pa ta̤gènè̤hǔ gènè̤sè̌ tokhlǒ akhû̌akhî, ta̤htûhtò̌ tokhlǒ mî̌ a sî̌ganǎ̤ bǎtô̤̌ ya?

Htû̌sò̌htò̌ 7:9

Ǒ Cǒmaradû̌ dǒ acǒatè̤, pwa̤dǒ ama̤kè̌bǎ kòta̤gènè̤, sî̌ganǎ̤bò kòsǎphlǒ ata̤sǎyṳ, khòsǎdô no ô̌kǔbǎ kòyò phû̌mò̤̌ dǒ a ma̤ ta̤phû̌mò̤̌ nutokhlǒ. Kè̌khwè̌takaǐ kòyò dǒ acǒatè̤nu.

Htû̌sò̌htò̌ 90:8

Na kè̌shǐ tǒ̤ ta̤sǔta̤plě dǒ pa cû̌ma̤sǔma̤plě numî̌ mè̤̌tô̤̌. Na kè̌shǐ tû̌ ta̤sǔta̤plě dǒ pa ma̤hǔma̤sè̌ ǐtû̌nu.

Matěo 6:4

Sî kè̌ ma̤pô̤̌nu hî̌dě, sîpha dǒ a kè̌shǐ jò sî ta̤ǐhǔǐsè̌ tôpwa̤nu, a ǐ sî ta̤ma̤nǐ̤khû̌kǎ tokhlǒ pě.”

Jowǎ̤ni̤ 2:24

Bǎbǎkǎlè Yeshǔ yṳ̌ǎnṳ̌ asî tô̤̌, ma̤titèhî̌dě a sî̌ganǎ̤ lṳ̌phlô bò kòyòsǎphlǒ.

Jowǎ̤ni̤ 21:17

Htodě a gwè̌ pô̤̌ lû̌û suplǎtôplǎ kû̌, “Phayṳ̂ha aphû̌khû Khûshǐmû, na mô̤nṳ̌ he ya?” Běcǎ Yeshǔ gwè̌ lû̌û kû̌, “Na mô̤nṳ̌ he ya?” agwè̌ suplǎhǒ akhû̌akhî, a mô̤ lû̌sǎphlǒ tô̤̌. Dě a hî̌shěshu lû̌û kû̌, “Běcǎ, na sî̌ganǎ̤ bò ta̤pṳ̂̌tocǒ hǒ, he mô̤ǐ na numî̌ na sî̌ganǎ̤ hǒ,” A hî̌ lû̌û pô̤̌nu. Dě Běcǎ Yeshǔ hî̌ lû̌û kû̌, “Kè̌ bǔǎbǔô he sû̌phû̌dû̌ nutokhlǒ nî̌.

Jowǎ̤ni̤ 4:16

Yeshǔ hî̌shěshu lû̌û kû̌, “Ge kaǎhè nawṳ̂ bǒo.”

Pwa̤nophû̌ 17:31

Ma̤titè̤̌hî̌dě, a bè̌měbè̌gle hto lṳmṳ̌ni̤lṳmṳ̌sa dǒ a gǔ cî̌htò̌ cǒcǒtě̤tě̤ bò hǎkhû̌tebě pě. Cǒmara rû̌htò̌ hto pwa̤cî̌htò̌ta̤ tôpwa̤ hǒ. Dě a ǐlò̤ hto kòyò pṳ̂̌꤮ tôpwa̤ kû̌ a ta̤khòlṳ̌ hǒ. Dě a ta̤khòlṳ̌nu awe̤akè mî̌ a ma̤ ihtǒ htûpwa̤ getîkhî sô̌ kòyò nutôpwa̤ dǒ ta̤si nuhǒ.”

Rṳ̂̌me̤ 2:16

Bǎ Cǒmara ǐlò̤ a ta̤pô̤ta̤phǎ shû̌sho dǒ Yeshǔ Khrǐ gǔ cî̌htò̌ kòyò lǒ̤꤮ bò pě tôni̤nu, a gǔ sô̌sô̌kû̌ pô̤̌nu pě. Bǎnu akhapě, lǒ̤꤮ bò kòyò a ta̤gènè̤ ta̤sûû̌ tokhlǒnu, Cǒmara gǔ cî̌htò̌ bò asî ata̤bè̌hǔbè̌shò̌ nutokhlǒ pě. Hǒnumî̌ ta̤sǎlě̤we̤kè dǒ he hî̌ǐ bǎ kòyò nuhǒ.

Kôritu awǐlǒ tôbǎ 4:5

Pô̤̌nudě ta̤cî̌htò̌ ashěakhǎ hè tǒ̤ nò̌khôtô̤̌nu, cû̌ cî̌htò̌ tǎ̤ kòyò tôpwǎ̤꤮ tǎ̤mǎ̤. Ô̌pǒ̤ lô̌khô tǒ̤dǒ Běcǎ hè cî̌htò̌ kòyò pě tôplǎnu. Ta̤ô̌hǔô̌sè̌ dǒ ta̤khǐsiwi̤ akû tokhlǒnu, a gǔ dǔlè̌lṳ̌htò̌ pě. Dě kòyòhǎkhû̌phû̌ a ta̤gènè̤ ta̤sûû̌ dǒ a noma̤ lû̌û tokhlǒnu, Cǒmara gǔ dǔlè̌lṳ̌ sî̌ya lû̌û pě. Bǎnukha pě dě, pô̤̌ kòyò tôpwa̤ kû̌ tôpwa̤ ma̤ ta̤nu, Cǒmara gǔ htû̌sò̌htò̌ǐ asî pě.

Kôritu ginǐ̤bǎ tôbǎ 5:10

Ma̤titèhî̌dě, dǒ nô̌kòpěmî̌ pa pṳ̂̌꤮ tôpwa̤ bǎhè ô̌bò dǒ Khrǐ lǎ̤cî̌htò̌ tòcòhta alô̤mô̤̌ pě. Bǎ pa ô̌ dǒ hǎkhû̌ akhanu, lǒ̤bò pa ma̤hto ta̤ dǒ awô̌ tokhlǒnu bǎbǎ, ta̤ dǒ asǔ tokhlǒnu bǎbǎ, pa gǔ nǐ̤bǎ tîkhîsô̌ ta̤ma̤nǐ̤khû̌kǎ pě ya, mî̌ pa nǐ̤bǎ tô̤̌ yanu, a gǔ ma̤kè̌kè̌ bò pa pṳ̂̌꤮ tôpwa̤ pě.

Ta̤dǔlè̌nǎ 2:23

He gǔ ma̤sikè padô̌ akhôphijǎ tokhlǒ pěpě. Pô̤̌nudě ta̤dòkû pṳ̂̌tômṳ̌ gǔ sî̌ganǎ̤ kû̌ he mî̌ pwa̤ dǒ a sî̌ganǎ̤ kòyò pṳ̂̌꤮ tôpwa̤ a ta̤gènè̤ kû̌ a ta̤sǎyṳsǎbǎ tokhlǒ nupě. Sî tôpwa̤ kû̌ tôpwa̤ ma̤hto bò hî̌tènu, he gǔ dǔlṳ̌ geshěshu sî pô̤̌ sî ma̤hto nutokhlǒ pě.