Hebrǔ 4:12 - Kawyaw New Testament

¹² Cǒmara alě̤ayô̤̌nu, a htûpwa̤ dě a ma̤jò ta̤. A htò khlope kû̌ nò̌she dǒ a htòbò ginǐ̤khôginǐ̤gî̌ tôbǎ. A nṳ̌ pě̤phò̌ tǒ̤ dǒ yôla htûpwa̤ kû̌ ta̤ô̌htûpwa̤ lǎ̤ô̌cu lû̌û agûlǎ̤nu, htodě a nṳ̌ pě̤phò̌ tǒ̤dǒ awǐ̤ahtû̌ kû̌ ayô̤agî̌ lǎ̤ô̌ gûlǎ̤ nutôkû a dǐhǎhtò̌lṳ̌ bǎ kòyò sǎphlǒ a ta̤gènè̤ tokhlǒ kû̌ a ta̤sǎyṳ dǒ awô̌ kû̌ a phû̌mò̤̌ tokhlǒ.

Kawyaw RC

¹² Cǒmara ale̤ayo̤nu, a htûpwa̤ dě a ma̤jò ta̤. A htòkhlope ta tǒ̤phû̌ htě a htò cî̌htè̌cî̌khobò tabǎ. A nṳ phò̌pa̤ to̤ dě yolahtûpwa̤ ta sò̌phlǒ la̤ǒplǒnû̌û agûla̤nu, htodě a nṳ phò̌pa̤ to̤dě awi̤ahtû̌ ta khwǐgîkû la̤ǒ gûla̤nu tò̤glò. A dǔlṳhtò̌ bǎ kòyò sò̌phlǒ a ta̤gènè̤ toǒ ta a ta̤sò̌yṳ awǒ ta a phû̌mò̤ toǒ.

Hebrǔ 4:12 Iomraidhean Croise

Htû̌sò̌htò̌ 110:2

Cǒmara tûjû̌pwa̤ ma̤dû̌htò̌ lè̤̌htò̌ nashinagǎ dǒ a ta̤siwi̤sòwò̤nu a sahtò̌ bǎ Wî̤̌yarǔshôle nupě. Na pǒǐbò pwa̤sǎkhě dǒ a ô̌ te̤we̤bò kû̌ na nupě.

Htû̌sò̌htò̌ 119:130

Nalě̤nayô̤̌ ata̤sû̌ǐtòwòǐ ǐ kòyò ta̤lî. A ǐphlôǐphǎ kòyò ǒò̌phuhtò tokhlǒ.

Htû̌sò̌htò̌ 139:2

He hǎnòò̌ bǎbǎ, he ihtǒ bǎbǎ, na sî̌ganǎ̤ lǒ̤bò. Na ô̌ dǒ mǒkhû̌ bǎbǎ, na sî̌ganǎ̤ lǒ̤bò heta̤gènè̤.

Htû̌sò̌htò̌ 149:6

No htû̌sò̌htò̌ asî dě no pṳ̂̌měǐ nò̌shî dǒ asî cǔdekû.

Htû̌sò̌htò̌ 45:3

Ǒ kliphû̌ dǒ ashû̌shosî̌jò̌, shenṳ̌ mò̌ na nò̌shî dǒ na wǎ̤tě̤lô̤nu. Dǔṳ̌htò̌ mò̌ na ta̤sîrîdû̌sîrîhtû, na ta̤pô̤ta̤phǎ.

Lǔka 8:11

“Ta̤dô̌nè khěkhô̌ hǒtôtô̤̌nu amṳ̂asǎ hè hî̌tè hî̌dě, ta̤khli amṳ̂asǎ mî̌ Cǒmara alě̤ayô̤̌.

Jowǎ̤ni̤ 12:48

Kòyò dǒ a htè̌shěshu he dě a phî̌shěshu helě̤heyô̤̌ tô̤̌ tokhlǒnu, pwa̤cî̌htò̌ asî a ô̌tôpwa̤. Lṳmṳ̌ni̤ lṳmṳ̌sa dǒnô̌kòlǒ tôni̤nu, yô̤̌ dǒ he hî̌bǎ tokhlǒ gǔ htû asî pwa̤cî̌htò̌ ta̤ pě.

Jowǎ̤ni̤ 6:51

He mî̌ shǎǎ dǒ a ǐ kòyò ta̤htûpwa̤ dě a ô̌ dǒ mǒkhû̌ hèlò̤. Mòpèpè̌꤮ bǎbǎ, a kè̌ ǎ shǎǎnu, a gǔ htûpwa̤ tûjû̌pwa̤ pě. Shǎǎ numî̌ amè̤̌kû̌ heyî̌ nuhǒ. Pô̤̌khô kòyò hǎkhû̌phû̌ gǔ htûpwa̤ ayanu, he ǐlò̤kè he nǎ̤glǒnu dǒ asîya hǒ.”

Pwa̤nophû̌ 2:37

Bǎ kòyò nutokhlǒ ganǎ̤de Khûpetarǔ shôbǐǐ bǎ asî pô̤̌o akhanu, asî sǎphlǒ sha jî̌ dě a hî̌shěshǔ Khûpetarǔ kû̌ pwa̤nophû̌ dǒ ashǔshawa̤ tokhlǒ kû̌, “Pṳ̌wè̤̌ sî, kè̌hî̌ pô̤̌nudě pa tôbǎ ma̤hî̌tè?”

Pwa̤nophû̌ 4:31

Bǎ asî kwicaba hto akhanu, gûlǎ̤ bǎ asî lǎ̤ô̌plǒcu lû̌û nutûkû a guyṳ̌wṳ̌wè̤ dě asî lǒbe bò kû̌ Yôla Plò̌shǐ Běcǎ pṳ̂̌꤮ tôpwa̤ dě asî pṳ̂̌꤮ tôpwa̤ shôbǐǐlṳ̌ khukhuhehe bǎ lô̌khô kòyò kû̌ Cǒmara awe̤akè.

Pwa̤nophû̌ 5:33

Bǎ Yǔdaphû̌ ikǒlǒkòdû̌ kûshû̌dû̌ tokhlǒ kû̌ Yǔdaphû̌ mǒ̤khumǒ̤pwǎ̤ dǒ a htû ikǒlǒkòdû̌ tokhlǒ ganǎ̤de ta̤hî̌bǎ akhanu, a sǎphlǒdû̌ jòjî̌꤮ tô̤̌. Dě a sǎyṳ ma̤si pwa̤nophû̌ tokhlǒ.

Pwa̤nophû̌ 7:38

Khûmṳ̂shě mî̌ kòyò tôpwa̤ dǒ a ô̌cuô̌plǒ wô̤̌wô̤̌ bò kû̌ paphi paphu dǒ lǒ̤mî̌shô̌kla nutôpwa̤ hǒ. A ô̌plǒ kû̌ pa mǒ̤pha phiphu dǒ awǐnu tokhlǒ kû̌ mǒkhû̌ tanaphû̌ dǒ a hî̌bǎ tûû̌ lû̌û dǒ Tǐnǎ khôlô nutôpwa̤ hǒ. Htodě a mî̌ kòyò tôpwa̤ dǒ a nǐ̤bǎ Cǒmara alě̤ayô̤̌ dǒ a htûpwa̤ tokhlǒ dě a ǐlò̤ tutṳ̌ bǎ pa tokhlǒnu hǒ.

Rṳ̂̌me̤ 1:16

Dǒ ta̤sǎlě̤we̤kènu akhû̌akhî, he sòwò̤̌tô̤̌, ma̤titèhî̌dě, lǒ̤꤮ bò kòyò dǒ a yṳ̌ǎ ta̤sǎlě̤we̤kè tokhlǒnu, Cǒmara ma̤hǎplǎge bò asî kû̌ a ta̤pô̤ta̤phǎ hǒ. A ma̤hǎplǎge wǐ Yǔdaphû̌ tokhlǒ, htodě a ma̤hǎplǎge pô̤̌ Yǔdaphû̌ mè̤̌tô̤̌ tokhlǒ.

Kôritu awǐlǒ tôbǎ 1:24

Bǎbǎkǎlè kòyò dǒ Cǒmara kaǎ lû̌û dǒ a gǔ yṳ̌ǎ ta̤sǎlě̤we̤kè tokhlǒ ayanu, Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, Khrǐ si dǒ nò̌dò̌htǔlô̤ numî̌ amè̤̌hǒ Cǒmara a ta̤pô̤ta̤phǎ kû̌ a ta̤sî̌ta̤jò̌ hǒ.

Kôritu ginǐ̤bǎ tôbǎ 2:17

Kòyò ma̤ lô̌khô Cǒmara ata̤ma̤ dě a sû̌ǐtòwòǐ bǎ kòyònu a ô̌ dû̌ bǎbǎkǎlè pa kè̌pǒ̤ ma̤gû̌ pô̤̌ asî ma̤nu tô̤̌. Ma̤titèhî̌dě, pô̤̌khô asî gǔ nǐ̤bǎ lô̌khô ru dě asî shôbǐǐlṳ̌ bǎ kòyò kû̌ Cǒmara alě̤ayô̤̌ pwǎ. Bǎbǎkǎlè pa hǒtokhlǒnu, Cǒmara nocû̌ shôbǐǐlṳ̌ pa kû̌ Khrǐ awe̤akè, pa shôbǐǐlṳ̌ bǎ kòyònu Cǒmara kè̌shǐ, pa htûhto ta̤tôcǒ꤮ nô̤̌ kû̌ Khrǐ hǒ dě pa mî̌ pwa̤nophû̌ dǒ a sǎphlǒcǒtè̤ tokhlǒ hǒ.

Kôritu ginǐ̤bǎ tôbǎ 4:2

Ta̤lô̌ǐ lòhôǎ kòyò, ta̤ma̤ ta̤sûû̌ titètè̌꤮ tokhlǒnu bǎbǎ, ta̤ma̤ dǒ a htûhtò̌ ta̤sòwò̤̌ titètè̌꤮ tokhlǒnu bǎbǎ, pa ma̤pe tîkî̌꤮ tô̤̌ hǒ. Bǎ pa shôbǐǐlṳ̌ bǎ kòyò kû̌ Cǒmara alě̤ayô̤̌ akhanu, pa hî̌bǎ lô̌ǐplò̤ǐ kòyò tô̤̌, pa sû̌ǐlòhô panô̌tǒ̤ ayô̤̌ dǒ ashǔshawa̤ tokhlǒ tô̤̌. Dǒ Cǒmara a lô̤mô̤̌, pa hî̌bǎ titètè̌꤮ bǎbǎ, pa ma̤ta̤ titètè̌꤮ bǎbǎnu, atô lǒ̤bò pwǎ. Pô̤̌khô asî pṳ̂̌꤮ tôpwa̤ gǔ sî̌ganǎ̤ lô̌khô kû̌ asî yṳ̌ǎnṳ̌ pa ayanudě, pa hî̌cǒ, pa ma̤cǒ hǒ ta̤ pô̤̌nu hǒ.

Ěphěsu 5:13

Kòyò phî̌htò̌lṳ̌ bò ta̤lǒ̤bò dǒ alîklanu, lǒ̤bò ta̤nu tokhlǒ, asô̌sô̌kû̌ titènu kòyò kè̌shǐ lṳ̌lîtîklî̌ bòhǒ.

Ěphěsu 5:26

Pô̤̌khô a ma̤plò̌shǐ a ta̤dòkû tokhlǒnu, a sikè bǎ asîya, dě a shǔbòkè asî kû̌ shi kû̌mî̌ alě̤ayô̤̌ nuhǒ.

Ěphěsu 6:17

Sî̌ganǎ̤ tě̤tě̤mè̤̌mè̤̌ lô̌khô ta̤ma̤hǎplǎge awe̤akè dǒ Cǒmara ma̤ bǎ hto sî dǒ asô̌sô̌kû̌ sî glû̌htò̌ khû̌glû̌tě̤htò̌ dǒ a gǔ taka tě̤tṳ bǎ sînu. Htokhôtô̤̌ pṳ̂̌měǐ Yôla Plò̌shǐ Běcǎ adòdǔ dǒ Cǒmara alě̤ayô̤̌ nunî̌.

Tîsalònǐ awǐlǒ tôbǎ 2:13

Bǎ sî ganǎ̤de Cǒmara alě̤ayô̤̌ dǒ pa shôbǐǐ bǎ sî akhanu, sî phî̌shěshu yǎ pô̤̌ a ô̌ dǒ kòyò a ô̌ dě a hènṳ̌ mè̤̌tô̤̌, sî phî̌shěshu yǎ pô̤̌ a ô̌ dǒ Cǒmara a ô̌ dě a hènu. Pô̤̌nu akhû̌akhî, pa hî̌bwǐhî̌sîrî Cǒmara pṳ̂̌꤮ taplǎ. Dě ta̤we̤ta̤kè numî̌ Cǒmara a ta̤we̤ta̤kè mè̤̌mî̌ca. Dě dǒ ta̤we̤ta̤kènu akhû̌akhî, Cǒmara nohtûpwa̤ sî pô̤̌ atô lû̌sǎphlǒ nuhǒ.

Tîsalònǐ awǐlǒ tôbǎ 5:23

Cǒmara dǒ a ǐ pa ta̤gûjû̌kabǎ nutôpwa̤ anǎ̤běcǎ gǔ ma̤plò̌shǐ lǒbehtò̌ pû sî nî̌꤮. Htokhôtô̤̌ dǒ pa Běcǎ Yeshǔ Khrǐ gǔ hè sô̌ pěnu, pô̤̌khô kòyò gǔ bè̌jòpe sî ta̤sǔ tô̤̌ nudě, Cǒmara gǔ kè̌pǒ̤ǐ bò pô̤̌ sî nǎ̤glǒ kû̌ sîsǎphlǒ kû̌ sî ta̤ô̌htûpwa̤ pě nî̌꤮.

Hebrǔ 13:7

Gènè̤htò̌sô̌ lô̌khô kòyò dǒ a htû sî ikǒlǒkòdû̌ dě a shôbǐǐ bǎ hto sî kû̌ Cǒmara alě̤ayô̤̌ nutokhlǒ nî̌꤮. Gènè̤kè̌kè̌ lô̌khô asî ata̤ô̌htûpwa̤ dǒ awô̌ nutokhlǒ, dě gû̌kè̌lû̌mò̌mṳ lô̌khô asî ta̤yṳ̌nu tokhlǒ nî̌꤮.

Hebrǔ 6:5

Cǒmara alě̤ayô̤̌nu, awô̌ mî̌ca numî̌ asî sî̌ganǎ̤hè htohǒ. Asî kè̌shǐhèbǎ hto kû̌ Cǒmara a ta̤pô̤ta̤phǎ shû̌sho dǒ a gǔ ô̌lṳ̌htò̌ bǎ kòyò dǒ nô̌kòpě tôhtu nutokhlǒ hǒ.

Jǎgomo̤ 1:18

Dǒ pa ganǎ̤de ta̤sǎlě̤we̤kè ta̤tě̤ta̤mè̤̌ akhû̌akhî, dě Cǒmara dǐhtûhtò̌ pa kû̌ aphû̌ pô̤̌ asǎphlǒ nuhǒ. Pô̤̌khô pa gǔ htûhtò̌ sǒsǎ dǒ asǎwǐ tokhlǒ dǒ ta̤bô̌lò̤ lǒ̤꤮ bò nutokhlǒ akla nudě, a dǐhtûhtò̌ pa kû̌ aphû̌ pwǎ.

Petru awǐlǒ tabǎ 1:23

Ma̤titèhî̌dě Cǒmara alě̤ayô̤̌nu, a htûpwa̤ dě a ô̌gleô̌mě tûjû̌pwa̤ talakhǎ akhû̌akhî, sî ô̌phijǎlò̤ gesô̌ tôplǎ hǒ. Sî ta̤ô̌htûpwa̤ asa numî̌, a hè dǒ sîmǒ̤sîpha dǒ a sijò tokhlǒ a ô̌nu mè̤̌tô̤̌. Mè̤̌mè̤̌tôkhô, sî ta̤ô̌htûpwa̤ asa numî̌, a hè dǒ Cǒmara dǒ a sijò tôkhò̌ tô̤̌ hǒtôpwa̤ a ô̌.

Ta̤dǔlè̌nǎ 1:16

A cǔtômû tôkhô nî̌ a pṳ̂̌měǐ shǎ susô̌tômè. Htodě nò̌she dǒ a htò ginǐ̤khôginǐ̤gî̌ tôbǎ ô̌dǒ agô̌kû hǎhtò̌. A mǐ̤sǎ nî̌ a shěkîtrî̌ sô̌sô̌kû̌ lṳmṳ̌ shěkôshôlò̤ bǎ lṳmṳ̌htǔkhanu.

Ta̤dǔlè̌nǎ 19:15

Nò̌she a htò̌wô̌ dǒ a gǔ ma̤pè̤̌kèbò shigǎ tokhlǒ tôbǎnu a ô̌ dǒ lû̌û gô̌kû hǎhtò̌. Dě a gǔ pǒ asî kû̌ khî̌po̤ tě̤htò̌ pě. Dě Cǒmara dǒ a sî̌ta̤pṳ̂̌mi̤ jò̌ta̤pṳ̂̌cǒ tôpwa̤ gǔ dǔlè̌lṳ̌ a ta̤sǎphlǒdû̌ dě a cî̌htò̌ asî sô̌sô̌kû̌ kòyò wî̤̌hǎhtò̌ sîpî̌shi nu pě.

Ta̤dǔlè̌nǎ 19:21

A kliphû̌ lǒ̤bò dǒ a ô̌kè tokhlǒnu, kòyò ma̤sikè asî kû̌ nò̌she dǒ a hǎhtò̌ dǒ kòyò dò̌ tîsî̌ nutôpwa̤ agô̌kû nutôbǎ, dě lǒ̤bò htû̌ nutokhlǒ hè cô̌ǎ pè̌ǎ kǒphube bò asî yî̌.

Ta̤dǔlè̌nǎ 2:16

Khònò̤̌dě wîkèmò̌ na ta̤sǔta̤plěnu. Na kè̌ wîkè tô̤̌ mî̌ he gǔ hèô̌lè phwè dǒ na ô̌ pě dě he gǔ hèshě kòyò nutokhlǒ kû̌ nò̌she dǒ a hǎhtò̌ bǎ he gô̌kûnu tôbǎ pě.

Ta̤dǔlè̌nǎ 2:23

He gǔ ma̤sikè padô̌ akhôphijǎ tokhlǒ pěpě. Pô̤̌nudě ta̤dòkû pṳ̂̌tômṳ̌ gǔ sî̌ganǎ̤ kû̌ he mî̌ pwa̤ dǒ a sî̌ganǎ̤ kòyò pṳ̂̌꤮ tôpwa̤ a ta̤gènè̤ kû̌ a ta̤sǎyṳsǎbǎ tokhlǒ nupě. Sî tôpwa̤ kû̌ tôpwa̤ ma̤hto bò hî̌tènu, he gǔ dǔlṳ̌ geshěshu sî pô̤̌ sî ma̤hto nutokhlǒ pě.

Ta̤dǔlè̌nǎ 20:4

Htodě he kè̌shǐ khwǐ tòcòhta tokhlǒ. Kòyò hǎnòò̌ô̌ dǒ tòcòhta alô̤ tokhlǒnu, kòyò ǐ asî ta̤siwi̤sòwò̤ dǒ a gǔ cî̌htò̌ kòyò pě. He kè̌shǐ pô̤̌ kòyò dǒ a khòlṳ̌ kû̌ Yeshǔ awe̤akè dě a shôbǐǐlṳ̌ bǎ kòyò Cǒmara alě̤ayô̤̌ tokhlǒ akhû̌akhî, kòyò pè̤̌tṳ̌kè asî gô̌bô tokhlǒ a yôla htûpwa̤ hǒ. Ta̤ěta̤jô̌ bǎbǎ, ta̤ěta̤jô̌ ata̤yô̤nu bǎbǎ, asî cabahtò̌bǎ gû̌ kòyò tô̤̌. Htokhôtô̤̌ ta̤ěta̤jô̌ nutôdo a ta̤ma̤nǎma̤dòǐ dǒ kòyò bǎ ma̤mǎ dǒ mě̤htò̌lô̤ nubǎbǎ, tô̤̌mî̌ dǒ cǔdelô̤ nobǎbǎ, a phî̌shǔbǎ kòyò ta̤ma̤nǎma̤dòǐ tôcǒ tô̤̌. Asî htûpwa̤ getîkhî dě a pǒ ta̤ kû̌ Khrǐ aně tôrǐ pě.